ياليتني بنت؟؟؟ من جد ابي اصير بنت؟؟ليه شوفوا ليه؟؟

[القانون يخاف]

السلام عليكم ورحمة الله وبركاته

ياليتني بنت...

هذي العبارة رددتها بيني وبين نفسي كثير ...

طبعا الخوف من اساءة الظن بي ...

ولكن المبررات اللي خلتني اتخذ لارتكاب هذي الجريمة البشعة ...

###################

الولد يحرم عليه دخول الكثير من الاماكن المغلقة مثل النتزهات والحدائق والاسواق وغيره ..

بس الولد لازم يصير معه محرم اللي هو البنت ..( انعكست الاية ) سواء كان المحرم امه او اخته او شغالتهم ...

البنت كل الابواب مشروعة لها بالدخول والخروج على مزاجها ولا ( ابن امه ) يقول ممنوع ...

###################

الولد اذا دخل مكتب حجز طيران او غيره ( ينطق ) عنده بالساعات الييين يجي دوره واخرته الحجز مقفل ...

اما البنت لا ..

من يوم تطل مع الباب وهم منادينها <<<< حتى لو انها داخله بالغلط ...

ويحجزون لها جنيف ذهاب وعودة ..... وطبعا يقدمونها على كل الشنبات اللي بالصالة ... لا وبعد يشتغل الموظف بضمير و

( وامري وتدللي )ويطق لها ابتسامة تقل يسوي دعاية معجون اسنان ...<<< ما يبقى ضرس ما يطلع ...

##################

الولد اذا بغا يقطع الشارع ...

يقعد ساعة ما احد عبره لا واللي يقهر ان السواقين والليموزينات يشطفونه والرخوم منهم اللي يهاوشه يقوله ابعد عن الخط ...

اما البنت ...

اذا حطت رجلها الكريمة على الشارع ...ما تسمع الا مصارخ الكفرات ... وتوقف السيارات وبكل احترام تقل فيه تسع دورايات عند اشارة المرور..

لا ويجيك عاد بعض الناس تطلع الاخلاق ...( تفضلي ...والثاني يطقه ابتسامة ... والثالث يدعي لها بالستر تقل يعرفها )..

################

الولد يقعد عاطل بالبيت ما احد يتعاطف معه ...

والبنت مسخر لها هالعالم تقل شغلها الشاغل يطلع بالمجلات والصحايف والفضائيات لا وش مواضيعه ...

قيادة المراة وعمل والمراة ...

والشباب خلهم ينطقون بالبيت ما يحتاج لهم عمل ...

###############

الولد اذا ارسل شي ( قصيدة مثلا ) لاحد الصحف ولا المجلات على طول سلة المهملات ...

اما البنت ...لو ارسلت قصيدة ولو هي اي كلام كان افردوا لها الصفحات ويحتفون بها ويحطون للقصيدة مقدمة اطول منها ...

##############

الولد اذا حط موضوع باي منتدى

وكتب انه منقووووووووول كان غص من كثر الشرشحة اللي تجيه والتهزيئ والتعنيف والموضوع قديم كل يعرف ينقل عسى ما تكلفت ...

اما البنت لو نزلت موضوع وكتبت انه منقوووووووووووول كان يفيض المتصفحين ما يسر الخاطر من الثناء العاطر ولاتت الردود الطوال على هذا المنوال:

( نقل رائع يدل على ثقافتك الهائلة ...رايت مواضيع منقولة كثيرة ولكن لم ار مثل هذا النقل المميز لا يستطيع احد ان ينقل هذا النقل الا من اتاه الله العلم العميق
والفكر الانيق والاسلوب الرشيق اسلوبك في النقل لا يضاهى ....الخ



**************************************** **************************************** *********************


اما الاشياء اللي عايشتها من تكريم المراة ...

مرة كنت بالمطعم اللي عند المعارض <<< وش اسوي لك ..

وطلبت شاورما وقلت حط لي جبن <<< الله من زين الذوق ...

صاح علي راعي المطعم وقال ما بيصير وما ادري ايش وسوالي سالفة طويلة ..

قعدت اتعشى ... فجأة تدخل مرة وتقول بالله خمسة شاورما واذا سمحت حط لي معاه جبن وازيدك فلوس ...

قال : ولو تكرم عينك المطعم تحت خدمتك انتي امري <<< الله يقلعك يا ابن اللذين ..

******************

اليوم انا قاعد ادور استراحة انا والاهل ولقيت استراحة فاضية وقلت للعامل ابي اشوفها قال لا واحاول به وانا واياه عيا مرة ... جتك عمتي قالت

يا محمد لازم انا اشوف استراحة ضروري ...

يوم درا ان معي مره فز تقول حمار وقام وفتح الاستراحة وفتح اللمبات وكل شي ..<< بالله ما تنقهرون ...


الله يالدنيا حتى العمال ضدنا ...


وحنا طالعين من الاستراحة خطمت على شرطي ( ملاحظة كنت مكتم السيارة بالتظليلة ) وفجأة يلحقني ويوقفني ...

قال معك حريم قلت ايه قال معليش والله اني اسف التظليلة قوية ولا شفت زين وانا بكل بجاحة اقول لا عادي تقول هو الغلطان ...

*****************




اخيرا بعد كل هذا تلومني اذا قلت يا ليتني بنت !!!

ولا تقولون الولادة .. وما الولادة ...عطوني ربع الاهتمام والدلع والدلال من مجتمعنا الحنوووووون وخلوني اجيب توم كل شهر ...


وبعدين ترا حلاوة الحياة عند المرة الحمل والولادة <<< سائل امي قبل شوي ...



لا تحسبوني اكره البنات ولا ابيهم بالعكس ...

انا انسان مع حقوق المراة ( بحدود ) ...
منقوووووووووووووووووووووووووووووول
..................................................
ملاحضه:
هذا أكبر دليل لكرامة المرأه وعزتها للذين يطابون بحقوق المرأة المزعومه عندهم وكأنها تعيش بضلم وأستبداد وجاهلية ...عندما كان يبشر با الأنثى يضل وجه مسودآ وهو كضيم يتوارى من القوم من سؤ ما بشر به

[Tweety....K.S.A]

ههههههههههههههههههههههههههههه والله انك صادق بس حقت الشرطي ابطت كل عساكر المرور وسخين...؟؟

والله لو معي ملك عطوني مخالفه

[القانون يخاف]

ههههههههههههههههههههههههههههههههه ولكمممممم توتي مشكووووور على المروووووور
ايش تعرف عن العساكر انت هم محروووووومين
مشكووووور مره تانيه

[سمسمه]

مااعرف حزنت وضحكت

[القانون يخاف]

مشكوووووره حبيبت البي وان شاء الله كللك فرح

[لولة جاسم محمد]

مشكورررررررررررررررررررررررررررررررررررررررررررررر ررررررررر

[دمعه المشتاق]

هههههههههههههههههههههههههههههههههههههه >>>>>> لاتعلليييييق على ما قلتله اخوي القانون يخاف
ومشكووووووووور على الموضوع ياغااااااالي