المفارق لايطول

[الذهب الذاهب]

السلام عليكم ورحمة الله و بركاته..
هذه هي المشاركه الأولى في منتداكم وأتمنى أن تعجبكم ..

امتنعنا عن فرحنا والمفارق لا يطول..

لا يطول البعد تكفى والجروح افطن لها..

افطن لجرح(ن) تعلق بالخفوق ولا يزول ..

ما يزول ولو تزول جبال حايل كلها..

ارحم اللي شاف منكم رعب.. واهوال.. و ذهول..

و التفت له يوم روحه بالقهر محتلها ..

أثقل ليا شفت غير بس أعانقك مهبول ..

أنت وحدك من تدوس برايتي و تذلها ..

آسر(ن) روحي بسحر اخلاق و لسان معسول ..

جامع(ن) كل الحلا وسوالفك ما املها ..

والله اني ما نسيتك لو تقول اللي تقول ..

لا تغيبك الظنون وتختفي في ظلها ..

و دام ورد الحب يشكي بعد ما غبت الذبول ..

أسقه افراح اللقا و غصون حبك بلها ..

و اشهد ان ظروف وقتي عن لقاكم ما تحول ..

و لو تحول جبال سلمى بيننا لا اشلها ..

و لو انتخت سلمى بإجا ما جيت انا معلن عدول..

راسي(ن) من شان عينك وانت عينك قل لها ..

قل لها يامولعتني يابعد كل الفصول ..

وقل لها الذاهب تعنـــا والمدامع هلها ..

تدري ان الحل عند .. حل ما غيره حلول ..

تجلس بجنبي و اسولف والسوالف فلها ..

الذهب الذاهب

[عموري]

روعــــــه يعطيك الف عافيه على الكلمااات الجميله

[love moon]

تسلم الايادي يا رب كلمات روعة

[محمد عبد الصاحب]

سيدي

ابدعت فلا تركت للابداع مجالا

كلام جميل من انسان حكيم


دمت بود

[حمزاوي]

يعطيك العافيه على الكلام الذوق