مبارك: سيطرة حماس على غزة "انقلاب على الشرعية"

[admin6r63h]

الرئيس المصري حسني مبارك يدين يوم السبت سيطرة حركة المقاومة الاسلامية (حماس) على غزة وقال إنه يعد "انقلابا على الشرعية الفلسطينية".

لتكملة الخبر اضغط هنا... (http://news.bbc.co.uk/go/rss/-/hi/arabic/middle_east_news/newsid_6233000/6233384.stm)

[صمت الجراح]

انا من سكان غزة الهدوء الذي يسود غزة لم يكن منذ فترة طويلة بالعكس الوضع هلأ هادي جدا وبعدين حماس فازت بالانتخابات بنسبة اكبر من اي فصيل اخر مين ينقلب على مين ،ويتحدثون عن الشرعية حماس لها مطلق الشرعية وليس من الشرعية حكومة الطوارئ

[love moon]

مشكوووور طرطعة على الخبر



أنا برضه من سكان غزة صح في هدوء بس أي هدوء بعد اللي صار

الله يستر من الايام الجاية


يعني المفروض يا صمت الجراح نكون مبسوطين بالوضع والنصر الأخير


للأسف انه نصر مسلم على مسلم لأ وفلسطيني على فلسطيني


يا ريتنا شفنا المقاومة اللي صارت والأسلحة والاربجيه والنصر على اسرائيل


كان بفايدة

[صمت الجراح]

صحيح love moon كلامك بس هذا مو نصر فلسطيني على فلسطيني لانه مو الفلسطينية اللى بقتل اخوه الفلسطيني من ائمة المساجد وعلى اللحية و على الصلاة وبعدين مين اللي طرد اليهود من المستوطنات غير المقاومة هاى ما بتعتبرها فايدة انه راحت المستوطنات من غزة و انشاء الله الضفة و القدس لعلمك انا مو حماس بس انا عقلانية بفكر بعقلي و اللي صار كان لازم يصير حتى نقدر نقاوم و ننتصر لانهم كانو معوقات النصر الجاى

[love moon]

مشكووور صمت الجراح على رأيك اللي بحترمه

وانا مش فتحاوية ولا حمساوية انا فلسطينية


قبل ما تمسك حماس الحكومة كانت الها شعبية كبيرة كانت تقاوم وتدافع عن فلسطين والله كنا ننبسط لما نسمع عن أي عمل بطولي تسويه ضد اسرائيل بس هلأ صارت حرب ودفاع على المناصب


يا ريتها ما مسكت الحكومة يمكن كان قدرت تحرر وتدافع عن فلسطين


بس هلأ شو استفدنا اذا انا من الضفة ومش قادرة أوصل أهلي بالضفة


وبعدين خلينا صريحين الأوضاع الأخيرة كانت حرب وشفنا أيام الله العالم فيها



مشكور كمان مرة وبنقول بس الله يرحمنا من الأيام اللي جاية