غدر الخناجر

[أصيل%قطر]

http://www.hmsathob.com/up-pic/uploads/50c851c420.gif (http://www.hmsathob.com/up-pic)

حبيت أنقل لكم حباب قلبي قصيده وأتمنى إنها تحوز على رضاكم .......

غدر الخناجر
http://www.hmsathob.com/up-pic/uploads/48fba8a153.gif (http://www.hmsathob.com/up-pic)

عفاالله عن خطا غدر الخناجر والضلوع ابطال

بسامح واتركك تحت الظلام الحالك لحالـك

دخيلك وفر دموعك ترى هدر الدموع اذلال

وترى ما فيه احد يصبر مثل صبري بغربالـك

انا عيب علي أنقض كلامي والرجال افعـال

واذا قلت اقطع احبالك تراني بقطع حبالـك

عشان اكسب هدب عينك تجرعت العذاب اشكـال

وليتك ترأف بحالي علشان ارأف بحالك

مسوي في حياتي شي ما يذكر ولا ينقال

حشا حتى العدو وهو العدو مايعمل اعمالك

تمسيني على الهم وتصبحني على الغربال

تقلطني فناجيلك وتقصر عني دلالك

تحملت التعب لجلك وانا حملي يهد جبـال

رحلت من العذاب وما وقفت الا على جالك

علامك كل ما جيك متواضع جيتني تختـال؟

معاك اليا متي بصبر وصبري معك يحلالـك؟

مثل مااقبلت لعيونك لزوم تلد لي باقبال

ومثل ماقد حشمتك حس واحشم قلبي اشوى لك

أنا محدن بجابرني أساير معك هالمنوال

ترى لاني تبيع لك ولا ني باصغر عيالك

أنا جيت اعشقك نبض ومشاعر ما اعشقك تمثال

أنا جيت اسكنك واحياك وابقى فيك وابقى لك

أنا جيت بظما عاشق تعب يطرد سراب الـلال

أناجيت استفز رضاك من فرقاك والجا لك

أنا ماهمت بك عاقل أنا كنت اعشقك بخبال

أنا ما كنت احبك حي أنا كنت اعشقك هالـك

تخيل من كثر مااخاف تلقى للزعل مدخال

أخاف اخطي على طيفك وادوس برجلي ظلالـك

تبعتك والعرب تتبع رعود البارق الهمال

وانا شفت المطر يتبعك في حلك وترحالك

كأن اللي خلق حسنك خلقني مع جسدك ظلال

وصرت اقرب جسد يمشي معك باقفاك واقبالـك

أبي قلبك يحس انه فقد بمحبته رجال

ملكته من هدب عين وخسرت رضاه باهمالك

صحيح ان الفراق اقسى ولكن الوصال محال

أنا صعبن علي أرضي غرورك واضعف قبالـك

بعد ماحققت عيني فبعدك للرقاد امال

أعود للسهر؟ يا خـوي فـال الله ولا فالـك

ببدل نظرتك فيني واجي لك كل يوم بحـال

بكون اقرب من ثيابك عليك ولا تهيا لك

بالمك وانثرك واجمعك وارجع وانثرك باهمـال

بخونك وازعلك وارضيك وازعل منك وارضى لـك

أبرسم بالثرى وجهك وابدفن صورتك برمال

أبشكي للعرب فرقاك واضحك عند عذالـك

أبهديك الوصال فراق واهديك الفراق وصال

بسوي مثل ما شوفك تسوي وافعل افعالك

عشان تعرف من فينا الزعول ومن وسيع البال

أبيك تذوق فنجالي وانا بذوق فنجالك

نصيحة واحتفظ فيها قصر معك الزمن أو طـال

أبي تسمع كلامي زين وتحطه على بالك

اذا حبك هبال اطفال لك عندي هبال اطفـال

ولا وابشر بعد بهبال حـب مـا هـو بهبالـك

واذا قصدك تهين اسمي عشان تشمت العذال

ترى لا انته ولا غيرك ولا عشـرة مـن اشكالـك

:ok:حامد زيد:ok:
http://www.hmsathob.com/up-pic/uploads/48fba8a153.gif (http://www.hmsathob.com/up-pic)

http://www.hmsathob.com/up-pic/uploads/aafba6c2b0.gif (http://www.hmsathob.com/up-pic)

:hot:
http://www.w31w.com/up/w31w_H3u2LMb8.rm

وتقبلو تحياتي

أخوكم ...
:ok:

أصيل%قطر

http://www.hmsathob.com/up-pic/uploads/bec6f8f607.gif (http://www.hmsathob.com/up-pic)

[خانتني روحي]

وعيكم السلام ورحمة الله وبركاته

صح لسان الشاعر ومنطوقه:ya:

وتسلم ع هالمجهود أخوي أصلصل الغالي:ok:

جبتها بوقتها وفي محلها:eye:

يستاهلون بعض الناس:huh:

ويعطيك ألف عافيه

:bye:

[خانتني روحي]

:hi:

أصلصل ترى روحك تهديك هالأغنيه ....

(( إسألني أنا ... آمال ماهر ))

http://www.w31w.com/up/w31w_eR3hZOj2T.ram

وللتحميل ... خلك ع الدعسه من هونيك>>>> إدعس هنا وإسرقها ببلاش !! (http://www.w31w.com/up/w31w_eR3hZOj2T.ram)

يعني فكر بعد لا تستعجل !!!!

تكفى ياخوي تكفى عشان خاطري !!!:cry:

:bye:

[تيتووو]

مشكوووور أخوي أصيل ع الشعر الرائع

تقبل مروري
أخوك: ((نبض الجروح))

[أمير صبحا]

مشكزر أخوي أصيل على هذا لقصيدة المتميزة كافي إتها من منطوق الشاعر الكبير ... حامد زيد ....


أتمنى لك مزيد التوفيق و النجاح

[بنت العز2000]

واذا قصدك تهين اسمي عشان تشمت العذال

ترى لا انته ولا غيرك ولا عشـرة مـن اشكالـك


صح لسان من قالها....

وسلمت الشيخ على ذا القصيدة الزينه
اختيار موفق

وتقبل مروري........

[عاشقة قطر]

نصيحة واحتفظ فيها قصر معك الزمن أو طـال

واذا قصدك تهين اسمي عشان تشمت العذال

ترى لا انته ولا غيرك ولا عشـرة مـن اشكالـك


راااااااااااااااااااااائعه تلك القصيدة...........يسلم لسان قايلها

وتسلم يد ناقلها..............

سلمت الشيخ ع هذا النقل الرائع......

تحياتي لك.................وتقبل مروري

[عندى أمل]

يعطيك العافية للقصيدة اخوي
يسلموووووو