للسعوديين فقط فقط ....هل نحن...؟؟

[أحلى أسيل]

صبحكم // مساكم الله

بالخير ياحلوين

موضوع مهم الى كل سعودي


بكل فخر احطـ عنوان الموضوع للسعوديين’’

مع ان الموضوع بيقهركم شوي بس لازم نناقشهـ ونشوف وجهاتـ نظرنا فيهـ

سؤال جا في بالي ,,,

هل نحن شعب متخلف ؟؟

بتستغربون من سؤالي ’’

بس سمعنا هالكلمهـ كثير واذا سافرنا برا نسمع هالكلمهـ

حتى جوا الديرهـ كل واحد يقول لثاني // سعودي متخلف//

تتوقعون ليهـ ,,هل لاننا شعب مرفهـ يبغى كل شيء بالقوهـ والغصبـ ؟؟

هل ماعندنا وقتـ نفكر علشان كذا يقولون عنا متخلفين نبغى الغير يسوي لنا حاجاتنا واحنا

نحكم واحيانا تلغى احكامنا بس علشان نشتري راحة بالنا ..؟؟

احيانا اقول معهم حق ’’

لما نشوف الشوارع وكل واحد كانهـ // برالي // يساقط الثاني ,,

واذا كان االدور يمشيء في بنكـ او مطعم او مستشفى يجي واحد من اخر الصف يتقدم

ويوقف وين الاحترام!!!

وانت واقف عند الاشارهـ حمراء تلقى اللي واقف بنص الشارع وينتظر الاشارهـ تفتح !!!!

ولما يسافروون برا يسوون شغب <<مو كلهم بس الشر يعم !!!

اسخف حركااااتـ تطلع من السعوديين من // شربـ وخربيط ثانيهـ// لما يسافرون برا الديرهـ

حتى لاقربـ دولهـ خليجيهـ !!!!

موضوع محيرني ,,

هل نحن شعب متخلف’’؟؟؟

واذا كنا لا وش معنى هالحركاتـ ؟؟

اتمنى النقااش بشكل جدي ,, ومعاودة قراءة ردوود الاعضاء وابداء رئيكـ فيها ,,

[مهستر ولله يستر]

طيب اوكيـه ... انتي الحين تقوولين ان معهم حق انهم يقوولوون شعب متخلف طيب ليش ما سألتي نفسك ليش يسوون كــذا ... نرجع الحين بالنسبــه الي يسااقط الثااني... كلها هوايات شباب شي طبيعي كل وااحد يثبت للثااني اني اقـــوى من سياراتك تمااام ليش طيب ما يسوونون لنا مكاان نمارس فيه المساقط على وقلتك اما بالنسبـه لليتكلمون في الخارج شي طبيعي انهم يقوولوون هذاالكلاااام لأنهم عندهم ماكن منظم يمارسوون شبابهم فيه المساقط والمجاكراات والمقاوماات الحين لو تشووفين جده وتشووفين احنا في الرياض ولله تشووفيــن فـرق بينا وبينهم لــيش لأن الوضع عندهم فــري يعني إيـــزي وحتى هم عندهم التنظيم عندهم الوضع شي شي ما اقدر اوصفه وغير كذا لهم مكان يمارسوون فيه المساقط أما عندنا في الرياض للأســف الشديد ما حوولك احد انا تراني من الرياض للمعلوميه ورحت جده شفت الفــرق الكبير الي بينا وبينهم وحتى في المعاملـه شي ثاني الي عندنا جااين من القــرى ومن البااديه عشــان كــذامعطين صــورة باايخه في المجتمعنا وخــاصـة الرياض ولا ليش العنصــريه بيننا وبين جده ليش لأننا نااس متخلفين بدوو هذا الرد الي داايم نسمعه تمااام الي ابي اقووله وفروو للشباب امكان يمارسوون فيها هوياتهم وأبـد مهب صااير شي بس تتكلموون وتسووون انكم ما تعرفوون وش السبب السبب معرووف وفرو لنا مكان وســلاااام يكفي المراكز معيين تدخلوونا وحتى في الشوارع مزاحمينا يانااس اتقووا لله

على العموم يعطيكي العافيـه يا أخــت اسيـل الموضووع الرائـع واشكرك ولله على طرحك للموضوع
لأن موضووع من جد يستحـق الأهتماام فيه وانا اســف على الأطاله ولســى في قلبي كلاام كثير
ماخلــص واكرر اعتذااري انا اســــــــــــف ....
وشكــــــــــرآ . تقبلي مرووري

[بكيكا]

لاعااااادين بس يمكن فينااا غرور مااادري ليش على الشعوووب الثانيه واذا كان على السفر يبغووون الدراهم اللي معك او معك غيرك لانهم يتوقعون ان السعووودي غني وان مافيه بالسعوديه فقررا لانه يشوووف اللي بالبرامج ومايشووف اللي بالجنووب والشمال يعني بالاصح يشوف نجد والغربيه والشرقيه
ان كان على الاشاااره ناااس مطفوقين ويشووفون نظرة المتخلف على المختلف
يسلموووو على الموضوع

[ghaida]

مشكووووووره عالموضوع الرائع بس بجد دايم تحرقين قلبي
بس بجد معك حق وموضوعك في مكانه
أنا عن نفسي اوفق مهستر بالرأي
بس مو كل اللوم عالدوله اللي ماوفرت
احنا بجد شعب متخلف>>>سوري وبجد معورني قلبي وانا اقولها
يعني في اشياء نسويها غصب لان ماتوفرت لنا اماكن تفريغ طاقات واستغلال مواهب بنكون في هالحاله معذورين بس حراااااااااام تروح اروااااااااح الناس يعني في شي اسمه مطالبة بالحقوق ((الالحاااااااااااااح في المطالبه))
وكل شي عندنا يموووووت من ابداع ومن فن ومن مواهب ماعندتس احد يحتويتس ويحتضنتس
ماحولنا احد
بس في اشياء نسويها تنم عن تخلف شديد
شخبطة عالجدران, الواحد يجلس في مكان ويتركه قذر بعده, الحمامات ((وانتوا بكرامه)) في الاماكن العامه قذره الواحد يدخل بيتوضى يتنجس منها ((اجاركم الله))
ماتطلع عندنا تقنيه الانستخدمها غلللللللللللللللللط نحب الفضايح مع اننا متربين عالدين((للامانه هذا يشمل كل الدول تقريبا)) بس احنا مسلمين
وننلام في هالحاله واللوم عالاهل اللي ماغرسوا في عيالهم هالتعاليم
من واحنا صغار نردد (حب لأخيك ماتحبه لنفسك) (النظافه من الايمان) وغيرها....كثييييير ليه ماتتطبق؟؟
لان الام والاب القدوه ماطبقوا بالاول عشان يطبقون العيال في الاخر

ونجي عالدول الثانيه
يعني في الدول خلنا نقول المتقدمه ايش تفرق عنا؟؟
شوراع نظيفه تفتح النفس
زفلته زي العالم والناس >>> احنا الواحد يتحسف يشتري سياره جديده
اماكنهم العامه نظيفه
الشعب يحترم القوانين
يعني من الجهتين مجهود الدوله + احترام الشعب لقوانينها= دوله متحضره ومتقدمه
((ويد وحده ماتصفق))
احنا يبيلنا اعادة بناء من جديد
وكل واحد يستخدم سلطته في صالح بلده وحب الوطن موكلام قول وفعل
الاب والام المفروض يستخدمون سلطتهم في تربية ابناءهم
يعني اكثر مايقهرني
لما نروح البحر الكورنيش اي منتزه أي مكان عام بجد وعععععععععععععععععععععععععع
انواع القذاره ابد ما كأننا الا في ((مرمى نفايات)) وانتوا بكرامه
هذا يدل على ايش ؟؟؟ اننا شعب اتكالي مش متعاون
يعني لو الاب والام نظفوا المكان بعدهم راح يعودون اطفالهم عالنظافه ولو كل اسره سوت نفس هالكلام بنصير شعب نظيف
مع تنظيف عمال البلديه المكان كله بيصير نظيف
يعني لازم تعااااااااااااااااااااااون من الطرفين (الدوله+الشعب) <<صايره احب المعادلات
وللحديث بقيه بس خليها على ربك
((ان الله لايغير مابقوم حتي يغيروا مابأنفسهم))
((تعاونوا عالبر والتقوى ولا تعاونوا عالاثم والعدوان))
<<<<لازم نحطهم في بالنا
وسوري عالاطااااااااااااله
وشكرا احلى اسيل
ودايم مواضيعك حساسه
كانت معكم اختكم المنقهرررررررررررره
غيدا

[أحلى أسيل]

طيب يامهستر وإذا ماتوفرت لهم هذي الأماكن نظطر نعيش وحنا شعب متخلف ولا تطالبون بس بادب و وراك وراك ليم يسوو أماكن لكم السعوديين شعب ثائر بس بطريقه غير بتخريب وعبث الله يعين

[أحلى أسيل]

يعني معقوله كل إلي يسوونه برا الديرهغرور ولا مساخه وقلة .... عذرا إحنا شعب ينظر إلينا الآخرون على انا شعب توووه طالع من البداوه ويبون يسوون كل شي كل شي لما يكونوا برا الديره الله يهدينا

[أحلى أسيل]

صادقه ياغيدا بس إذا كان الأم والأب هم السبب في إلي إحنا فيه ليه مانبادر إحنا بدل مايسوونه آبائنا وأمهاتنا يعني لازم ننتظر واحد يعلمنا كيفمانلرمي الأشيا ومانخربش على الجدران حبيبتي غيدا الواحد من نفسه يسوي هالأشيا مو ينتظر أحد لكن السعوديين إتكااااليين وبدرجه كبيره ونادريين إلي يعتمدون على أنفسهم ميرسي على الرد الأكثر من رائع

[Hannies]

احنا شعب متخلف مرتين!!!!!!

موناقصنا شيء التعليم ومتوفر ....مراكز الصحه متوفره .......العناد وقلة الذوق والتعالي والتكبر متوفر بكثرة!!!!!!

مدام الواحد منا يجيه العجز انه ينزل للمحل ويطلب اكله والا يعبي بنزين والا غيره فطبيعي يتكبر ويشوف حاله على اللي يخدمونه وهذا لحاله يولد التخلف بيننا!!!!

[أحلى أسيل]

فعلا هانيس الشعب السعودي متخلف عذرا وإتكالي بدرجه أولى

[احساسي الصامت]

الصراحه أناماألوم اللي يقول ان الشعب السعودي متخلف لأنه فعلا كذا
انتي شوفي اللي حولك واحكمي كل واحد يقول انه أحسن من الثاني ان جينا للمناطق وان جينا للألقاب وان جينا للشهره أما التعلم علىالله لاتعليم ولا شي فالحين بس هذا يشجع من وهذا يشجع م والقبيله هذي اش فيها وهذي أحسن من ذي وخذي عاد من هالكلام الكثير
أما الثقافه الحمدلله والشكر

[نسيانك ارحم]

طـــيب لو احنا بعد مو شعب متخلفين لو فينا عيوب الدنيا كلها

اقل شي فيها بيوت الله مـكـه والمدينه وهذي اللي رافعه السعوديه

وثانيا (( الواحد يحمد ربه بأنه سعودي )) اطلعو برا وتشوفون الخررراب يالله سترك بس

ودام التخلف على قولتك بالسعوديه وش نقول عن وعن بدون ذكر اسماء

[مهستر ولله يستر]

طيب يامهستر وإذا ماتوفرت لهم هذي الأماكن نظطر نعيش وحنا شعب متخلف ولا تطالبون بس بادب و وراك وراك ليم يسوو أماكن لكم السعوديين شعب ثائر بس بطريقه غير بتخريب وعبث الله يعين


أختي أســيل خلينا واقييعن شــوي ولله لو ايــش محد بيسيــر زي الصـــراط المستقيـم لو ايش انا اتحداه
ومن نااحيت اننا نطالب بشي لنا طالبــنا وتكلمنا وقلنها وفعلنا وتكلمنا بأعلى صــوت عندنا وللأســف الشديد محد سمع اصواتنا فا كيف تبينا نشمي على الصــراط المستقيم شووفي ايلغاليه لك فعـل رد فعل هذا شي طبيعي ولك قاعده لها شــواذ تمااااام انا ابي افلها ابي استانس ووين الفلـه يا نااس
شبابنا ليش خــرب قووليلي ليه الواحد مايعــرف ووين يرووح إذا طلع من البيت(( وين نرووح )) الســؤال هذا كثير نسأله نفوسنا
تماااام صــار الســؤال هذا اصعب من ســـؤال الكيميـــــــــاء حرام عليكي تماااام لو في مكان نرووح له يمكن نسكت ولا نقـول شي حتى امكان نتردد لها يصيــر فيها بلاغاات الى متى طيب الى متى ..؟ مافي اي جواب وتبيننا نسيــر شعب متفهم واعي انسي الفكـــره شووفي شبابنا الحين مايصــدق
يجمع لـه كم قــرش تمااام يرووح ينـــــــــــــط على طوول البحرين ولا كويت ولا مصـر وغيرها من الأماكن الي
فيها الممنوع مرغوووب بس انا ما اقوول يعني نسيـر مثلها نبي امكاان نروح لها يصيــر فيها تجمع استهبال زي كــذا حتى العيـد الوطني الي نعبر فيــه عن حبنا لوطننا ما خلونا ماسمحوو لنا فيه وش تبينا نسووي
معليش ولله الي تطلبوونه شي مستحيــل جدا ولله نااس اعمــارهم تتراوح بين 15 والــ 16 وحتى 17 كلهم في قهــــــــــــوة شيشــه يعني مو حراام زي هاذولا شووفي وين يكوونون حتى هاذولا مايدروون وين يروحوون صاار الواحد 24 ساعه ناايم


على العموم موضوعك مررره بــطل وشكــرآ وانا اســف على الأطاله

[بنوتة مصر 83]

لا تعليق .. وشكرا على الطرح المهم

[بسبوسه جدة]

موضوعك مرة حلوووووووووووووووووووووووووووووووو

[بسبوسه جدة]

موضوعك مرة حلوووووووووووووووووووووووووووووووو

[أحلى أسيل]

والله صادقه إحساس التفاخر موجود وبكثره لكن ياليتها عالتفاخر وبس لا يصير فيها رقاب وبلاوي الله يسترنا

[أحلى أسيل]

طيب مدام فيها بيوت الله لييييييييش نطلع للدول الثانيه ونسوي فضايح وبلاوي ليييييييييه ماتكفينا بيوت الله الواحد صار يستحي يقول سعودي لأنهم معروفين بالتخلف والبداوه اللهم لك الحمد وأكثر حركه لفتتني غنه إذا جا تصوير تشوفهم يتزاحمون عشان يتصورون مع جوالاتهم الحمدالله والشكر ولاتنسى يوم جا (((والله نسيت إسمه المهم واحد إماراتي مشهور))) للفيصليه كيف البنات المتخلفات كيف حوطوه لا ويصارخون بأعلى صوت ماأقدر أقول إلا متخلفييييييييين

[أحلى أسيل]

يامهستر ماتقدر تسير عالصراط المستقيم حاول وحاول الله أكبر لهذي الدرجه صعب بعدين حرام عليكم أنتوا شباب يعني رجال يعني ذكور تقدرون تطلعون وين ماتبون وش تقول عنا وإحنا قاعدين في البيوت أحمد ربك انك تسوق ماسألت نفسك كيف يتحملون البنيات جلسة البيت والله إنك تقهر حسوا فينا إحنا ماقلنا شي ولا سوينا بلاوي زيكم لاومطلعين حركه طفشتوا من البنات رحتوا عالعيال تراكم زودتوها حبتيين

[أحلى أسيل]

بنوتة مصر الموضوع للسعوديين فقط فقط معليش

[أحلى أسيل]

ثانكس بسبوسة جده عالمرور

[al7anoote]

الشعب السعودي غيييييييييييير طال عمرك ...



وبعدين بقولك شغله انتو لمن تسافرون لدوله ثانيه تشوفون الوجه الحسن لهالدوله يعني لو بس تقعدي شهر ولا شهرين بتقولي فديت السعوديه واهل السعوديه وفديت قلبك يالحانوتي << رومانسي خخخخخخخ






وبعدين السفر والشرب وهالخرااابيط عاادي كل يحط اللي برااسه ,, وعلى بالك هم ماعندهم كذاااا
















تقبلووووو مروري














الحاانوتي

[مهستر ولله يستر]

يامهستر ماتقدر تسير عالصراط المستقيم حاول وحاول الله أكبر لهذي الدرجه صعب بعدين حرام عليكم أنتوا شباب يعني رجال يعني ذكور تقدرون تطلعون وين ماتبون وش تقول عنا وإحنا قاعدين في البيوت أحمد ربك انك تسوق ماسألت نفسك كيف يتحملون البنيات جلسة البيت والله إنك تقهر حسوا فينا إحنا ماقلنا شي ولا سوينا بلاوي زيكم لاومطلعين حركه طفشتوا من البنات رحتوا عالعيال تراكم زودتوها حبتيين



اوكيه ... كــــــــلامك كله على العين وراس اوكيـه انتي طبعــآ أو بمعنى اصــح انتوو طبعآ ما تدرون وش يسيـر فينا في الشوارع من طــق وقلت حيـا من قبـل مين من قبل حكومتنا الرشيـده لا تقوليل امشي
محــترم ماارح يصيــر فيك شي اوكيه شووفي اقسم بالله ولله العظيـم اني امشي زي الناس وماني حق مشاكل ممكن استهبال ايه انا ما انكـر استهبل وزي كــذا تماام بس ما تووصل انهم يمدوون يدهم علينا عـشان ايش عشاان البدله الي لابــسها ياعمي طيــــرررررر بس هم كـذا اقسم بالله واااحد من اخوياي
طابين عليه 4 قسم بالله اني ما العب عليكي تعرفين على ايش على ادعاء كــاذب وش يقوولون له انه سااارق ممركاارد يعني ممــري تمااام اوكيه ماقلنا شي بس على ممــري تسوون فيه كـذا خير انشاءالله ونعم الحكوومه بس وغيـر كــذا انتوو تقوولوون قااعدين في البيت ... انتوو إذا بغيت ترووحون وسبق وقلت لكي قبـل كــذا في ردوودي تماااام انتو إذا طلعتووا تعرفوون وين ترووح اما احنـا وين نرووح والنقطـع الثاانيه
الي هي ان احنا نساافـر طيب مين الي ضيعنا مو هالسفريات الي مالها سنع شووفي الشباب الي في الدوول الثاانيه مفتخرين انهم في دولتهم وموفــرين لهم الي يبوونه اما احنا إذا رحنا أمكااان اقسم بالله انهم يأشــرون علينا يقوولوون اننا ســعوديين ليش من أشكــالنا لأن اشــياء ما شفناها عندنا أنا مرره رحت البـحرين وتعرفت على شباب اهناك بس ولله كلن يمدح في ديرته وهم قد جــوا عندنا وتعرفين وش ســـؤلووني قاالولي انتوو يا شباب ووين ترووحوون قسم بالله ابتسمت انا في وجهه قلت خلها مستوره بس

ووين نرووح كلمه ولا ميلوون مرره اسأل نفسي فيها وووين نرووح أقـول وحتى عندنا في الشارع تفتيـش ومدري ايش وإذا انتي مظلله رحتي في خرايطها يروحون يحجزوون السياره 15 يوم وغير إذا انتي مسـرعه30 يوم انتي والسياره محجووزين ياهوووو وين الدمغرااطيــه ما اقـول الا خلوو الدمغرااطيه لأهل الدمغرااطيه


الي ابي اقووله حتى في الشاارع نعااني من ســؤ تعاملهم معنا الي هم الأمن الشـرطه
لاتحسبين كل من صــار يســوق سياره خلاااص انه ملك كل شي وبيفلها ومدري ايش ولله انها
نكبـه وســـــــــــــــــــلااااااااااااام وانا اســف على الأطالة واكرر شكري لك على الموضووع

[أحلى أسيل]

أوكي يامهستر ولا تزعل ولا تعصب روحوا خربوا وسووا إلي تبون دام ذا يعجبكم وخلونا نبقى في تخلفنا الشرطه متخلفه والشباب متخلفين والبنات متخلفين والسعوديه متخلفه كذا الكلام ولا لا

[أحلى أسيل]

دارين إن في الدول الثانيه أشيا زي الخمر وغيره من اللعب والصياعه ثانكس عالمرور

[مهستر ولله يستر]

أوكي يامهستر ولا تزعل ولا تعصب روحوا خربوا وسووا إلي تبون دام ذا يعجبكم وخلونا نبقى في تخلفنا الشرطه متخلفه والشباب متخلفين والبنات متخلفين والسعوديه متخلفه كذا الكلام ولا لا



بس خـلاص لا تتعبين نفسك مرره ثااانيه

(( رحم الله أمــرآ عــرف قــــــدر نفســه )) خلينا على كــذا احســن سي يوو

[أحلى أسيل]

الله المستعان تهانيه الحاره لوصولك قمة التخلف >>>حتى الحوار مايعرفون يحاورون تماااااااسيح أشرار

[بعير زاحف]

والله متخلفين بالنسبه لغيرنا!!
مع ان المفروض نكون العكس لكوننا مسلمين,,
والتخلف مهب منحصر بالشخصيه السعوديه لكنه عام في جميع مايخص السعودي...........

[أحلى أسيل]

إعتراف جريء يسلموووو يالبعير

[spy man]

اقول احلى اسيل .......... سلامات ......... مسويه قلق...

شكلك ماكله ابيض ...... ومسكت معك على تخلف السعوديه...........

السعوديه احلى شعب غصب عن اللي مايرضى ..... وانا اتحدى اي دوله تجي مثل السعوديه...

شوفي الدول الاخرى انواع البلاوي ,,, جنس,,, شراب,,, الخ كل شي ........

يعني تبينا نصير مثلهم ...... ........ .....اذا على امور الحياه عندهم والله حياتهم مثل البهائم.... ............. ........ ........... ........... .........واذا على التطور الحمدلله احنا في بلاد الحرمين ...

ثانيا ايها الداعيه نبي منك حلول لمشاكل وتخلف الشباب السعودي اللي تقولين عنهاسوف اطرح لك المشاكل وعليك المبادره بحلها........

1)التفحيط والهجوله.

من المشاكل التفحيط ياحبيبتي ابي افحط واهجول .

الحل لهذه المشكله ياداعيتنا اسعي ووفري لي مكان افحط واهجول وانمي موهبتي بكل امان <<<ماهو كل شوي وانا بالتوقيف.

2)مطاردة البنات والسفر الى الخارج وعمل البلاوي .

الحل ياداعيتنا....

تجهيز اماكن للشباب <<< كل مادخلت مجمع قال وين عوائل <<<بنده صارت عوايل وين اروح

تسهيل امور الزواج ومساعدة الشباب .

3) البداوه والطعوس.

البدو ياحبيبتي وقت الشده في اليوم الاغبر تعرفينهم.......

عليك ايها الداعيه توفير كل مايتطلبه ذوي الدخل المحدود وذلك بأن تدخليهم المدارس والجامعات وتأمني لهم المستقبل التعليمي وتوظيفهم <<< بكالوريوس يجلس سنتين يدور وظيفه.

(((وانا اعدك ايها الداعيه الحامله لهم التخلف في الشباب السعودي اذا تم تلبية جميع هذه الامور بأن تري تغير محمود)))

والله لو ماني رايح المستشفى الان لان الضغط 500بينفجر كان علمتك مشاكل كثيره تحليها :hot:

وياداعيتنا الكريمه اذا لم تستطيعي السعي وتوفير كل هذا فالسكوت ابلغ.......

spy man

[أحلى أسيل]

لاااااااااااااازم يعني تفحطون وتذون خلق الله غثيثين والله
لاتظلم عاد والله أكثرالأماكن إنها لكم نوادي وملاعب وكل إلي تبونه لكن مايكفيكم شي الله عليكم
طيب يسوي نفسه بدو في وقتها مو بكل مكان همممم
تروح وترجع بالسلامه

[أم قرون]

اولا من قال ان التفحيط والهجوله هذي موهبه لا وبعد يقولون خلو الدوله تنمي هذا التفحيط فينا
انتم وين عايشين ما قد عمركم سمعت عن ناس ارواحهم راحت بسبب التفحيط ونا مساكين راحت ارواحهم وهم مالهم دخل وكل هذا بسب موهبتك المتخلفه التفحيط والهجوله
وبعدين يا مهستر والله يستر ان كان قصدك وين تروح رح المسجد الله يخليك واعبد ربك تطالب بوضع ساحات للتفحيط والمساجد مفتوحه وش هذا السؤ ال الغبي قال ايش قال وين اروح له ؟
وما اتوقع ان فيه احد ضمن دخول الجنه !
وتقولون بعد ان الوظايف مليانه اعلمك ليه ؟
لانكم يالشعب السعودي بالذات ما ينزل نفسه يشتغل بياع او عامل بناء او استقبال فنادق وغيرها
الا ياشاطر الوظايف فاضيه بس مافيه احد يشغلها خذوه الاجانب ( الهنود - الباكستانيين ) الله لا يلومهم
لاقين ناس متخلفين تاركين وظايفهم ؟!
وعن كلامكم انا ماشفنا الدول الثانيه انا وش علينا من الدول الاخرى الذا طبو في النار طبينا معهم ؟!
انا لازم نعالج هذا التخلف الناتج عن الغباء الشديد
وما يثبت صحة كلامي انكم تطالبون بوضع ساحات للتفحيط معللين ذلك بانها موهبه يجب تنميتها ههه
(( المسلم من سلم المسلمون من لسانه ويده ))
(( ولا تلقوبايديكم الى التهلكه ))
وللمعلوميه ترى الصحابه رضوان الله عليهم ماكان عندهم حتى التلفاز ومع ذلك فهم اسعد الناس وكانت لهم هيبه وعز في اعين الدول الاخر ى

لم يكن لديهم الا كتــــــــــــــــــــــاب الله وسنةالرســــــــــــــــــول صلى الله عليه وسلم
مشكوره اختي احلى اسيل على الموضوع الرائع
اسفه على الاطاله
اختك ام قروووووووووووووووووووووووووون

[@ رمز المحبه @]

الله يهديهم للأمانه الموضوع بالغ في الاهميه بس وين الي يسمع
وليت الحركات هذي ماتجي الى من الشباب حتى الشياب موكلهم لكن على
قولك الشر يعم وخير دليل على ما أقول قبل يومين تقريبا وفي أستراحه لقينا
ثلاث شباب ومعهم شايب كل واحد فيهم معاه معسل (شيشه) وجاهم واحد ينصحهم
وقالوا كيف نبطل والرئيس حقنا مخدر (الشايب) تدرون منهو الرئيس طلع أبوهم ههههههههههه
تقبل مروري 0أخوك/@رمز المحبه@:thanks:

[بوسلطان7]

بدون تعليق

[أحلى أسيل]

يسلمووو ام قروون والله صادقه بس مافيها شي إذا مارسوا التفحيط بأماكن مخصصه وجهة نظرك وأحترمها

[أحلى أسيل]

مشكووور رمز المحبه عالمشاركه

[أحلى أسيل]

بوسلطان شاركنا