وش تبون ياشباب

[الاقشراني]

السلام عليكم ورحمة الله وبركاتة







(شباب الرياض) انا عندي سؤال دائم يحيرني وارجو الرد بجدية والمصلحة بالاخير تعود بالنفع علينا كلنا




*** دايم نقول مافية وناسة ومافية مكان نروحله اذا إتفقت معكم وقلت صح طيب ؟؟؟



وش تبون بالضبط


لنفرض ان هناك مهرجان سنوي في فترة الصيف في الثمامة مثلاً أو غيرها وش تبون يكون فيه اقترحو الي عنده شيء يعطينا



اهم شيء تكون فعالية قانونية


وخصوصاً اهل السفر ليش يسافرون وش شافو في الخارج وليس موجود في الرياض



المشكلة كل من اسئلة يفهي مايدري وش يقول


وانا متأمل منكم يا اعضاء هذا المنتدى الكريم واعين وتقدرون العمل الي اقوم به وتساعدوني على حل هذي المشكلة



شاكر لكم تعاونكم

[spy man]

ايــــهــا الاقشــراني...

نبــــي اماكــــن ياخـــوي فلــــه مثــلا متنزه للشباب وبه العــاب كهـــربائيه مجمعــات راقــيه <<<كلما جيت قال عوايل ..... عوايــل

وبعــدين ياخــوي اذا عــوايل يعنــي ماراح يكـــون موجود امــن ... ممكن تقول بعض الشباب مايخلي العوايل في حالهم ... ياخــوي يشوتونه برا ...

((( بيني وبينكـ المكان مايكون فله الا اذا كان فيه الوجه الحســـن))) لــكن تجلــس باحترام تشــوف خلــق الله...

نبي نغير الروتين شوي كل يوم مقاهي تفحيــط او جلسـة بالاستاد او المخططات خلاص ياخــــــــــــوي ملينـــــــا ملينــــا ....


نبـــــي سينمــــا .... يولد نبي وناســـه وناســـه >>> موب كل راتب وانا مســـافر ....

ياخوي مضيقين علينـــا ... تخيــل اليـــــوم رايـــح بنــــده ... قال ممنوع عوايل ... العن ام الحاله ....

وتقول وش ناقصنــا ... ياخــوي والله الشــرقيه ارحم من الريــاض عندكـ الخبر .. الراشــد ...منتزهــات ...

الــرياض ..مافيه اي ونـاسه ماعــدا بكــــره الفله تفحيـــط علــى كيفــك ...
(((وندفن واحد او المستشفى ونروح)))

اخيـــرا اخوي الاقشــراني شاكر لكــ هــذا الهم للشباب الذي طالــما حملــه على عاتقكـ
....

تحيـــاتي..
spy man

[*(بنوته كيوت)*]

هههههههههههههههههههههههههههههههههههههههههههههههههه هههههههههههههههههههههههههههههههههههههههههه


والله اني ارحم الشبااااااب ياعمري مافيه اماكن لهم بس طيب وش المشكله اذا جبت عايلتك ودخلت المنتزهات ولا الاسوااااق يعني لازم تجي لحااالك ...

[عذاااابي]

ههههههههههههههههههه مشكور الاقشراني



سباي مان هههههههههههههههههههههه والله انك نهفه خخخخخخخخخخخخخخخ

[أحلى أسيل]

تدري وش يبووووووووووووون يبون كازينوهات وبنات بس هذولا إلي يسافرون طبعا

[@ رمز المحبه @]

أنا ماني من الرياض بس بصراحه الله يعينكم
انا العام رحت الصيف كان عندي مراجعات تصدق جلست يومين ما ادري وين اروح من الطفش الله يعينكم
بس اتصدق شهر واحد بس في السنه خارج المملكه يخليك متونس اخر كلام .:thanks:

[هلاليه برشلونيه]

اقول لايكثر الاولاد اللي يروحون برا يدورون الخراب وغير كذا زي ماقالت اخوتي روحوا مع اهلكم والا ماتبون احد يدري عن بلاويكم <<< تقول لكم لاتصرفون ولا يكثر


واخووي الاقشراني مشكور على موضوعك بس انت طرحت موضوع لناس مايستاهلون
انا مااعمم بس بعد لاتكبرون الموضوع يعني عوائل وعوائل خلاص رح مع اهلك وخذ اخويك وبلا قلة حيا
وبعدين فيه نقطه نسيتها ياللي تقول طوفش عوندكم لا مو طوفش بس فيه ناس يتدلعون
وبعدين اللي يبي الوناسه بيلاقيها لو مع اهله بس انتم مره مره طماعين تبون بنات وفله ومغازل
ولا شويه وتقولون رقص بعد جد قلة حياء


تقبل ودي قبل ردي

[Hannies]

انا اضم صوتي مع البنات


ليه ما تروحون مع اهلكم ؟؟؟؟؟ منها تروح واهلك يلقون مين يسوق !!!!

[الاقشراني]

يعطيكم العافية اخواني وخواتي على الردود بس نبي حل وش الاشياء الي تبونها يعني رالي سيارات مثلن مسابقات العاب مائية وغيره تكفون ابي تكون الاقتراحات على شكل نقاط وتذكرو ان الموضوع للشباب والاماكن الي اتكلم عنها للشباب بس ولايمنع مشاركة خواتي البنات وطرح اقتراحاتهم لنا