يبه الله لايعاقبني ولكني اتوب

[حبوبة و مربوشة]

والله لولا الخوف من ربي وكرهي للذنوب=كان اقول ان التراب أبعد عليك من النجوم

ياألاهي تطمئن بذكرك أرواح وقلوب=لاألة الا انت نسجدلة ولاغيرك يدوم

وجهك الباقي وعبدك ينتظر منك المكتوب=ماله الاماكتبت وماله إلا المقسوم

يالعظيم ياللي في علمك جنة ونار وغيوب=تنجي أبوي من عذاب النار والقبر الكتوم

يبه الله اللي يعلم يوم اودعك مغصوب=يوم احطك فالقبر مدري اقوم او ماقوم

ماهقيت امشي ولاخطوة ولا الحق غروب=من عرفت ان الفراق اليوم صار امر محسوم

صارت الدنيا تدور ولاعرفت الدرب نوب=مثل الاعمى صرت يبه ماعلي شرهة ولوم

الوكاد اني غديت بصوب والدنيا بصوب=والحياة اللة يجيرك صارت اقسى من اللزوم

كل ماأذكرك يبه يحترق شمع ويذوب=يختنق صدر المفارق كثرماصار محروم

أذكرك وانتا هنا وهناك ياصعب الهروب=وين ما أناضر اشوفك في عيوني كل يوم

أتخيل طلتك ومشيتك في هالدروب=حتى صوتك اسمعه نفس السوالف يارحوم

صار بيتك في عيوني موحش وكله عيوب=من رحلت لاخبرلاعلم ولاعينن تنوم

مابقى للبيت نور ومابقى للجرح ثوب=ولابقى ألاذكرياتن بيني وبينك تدوم

يبه الله لايعاقبني ولكني اتوب=ليت ربي ماخلق فرقا ولاموت وهموم

أدري الجنة تحت رجليك وللة الوجوب=أسئل الله الرضى والفوز يالحي القيوم