هذا حال لقطري اليوم !!!!!!!!!!!!!

[لطيفة المسيفري]

:hot:

يا حسره يا المهندي على حال لقطريين
والله ما كذبت والله أنهم مظلومين
تحت خط الفقر صرنا عايشين
بدون هويه ومن الجنسية مسحوبين
أطفال بدون ميلاديه من حقوقهم محرومين
عجايز بدون سكن في الشوارع محذوفين
حتى الجرايد ترفض النشر لانهم خايفين
وانت تقول صار دخلهم بالدولار والله كذابين
صار شعارنا حرام الظلم يا مسئولين
ذبحنا الغلاء وفلوس البلد تتوزع يسار ويمين
بدون مأوى ولا بيت صرنا عايشين
صرنا نروح الجمعيه نتفرج ونرد راجعين
الي عنده عيال والارمل والمعاق معدومين
صار أهتمام الحكومه بالملاعب والاسياد تصرف عليها ملايين
واحنا مستخسرين فينا راتب والا بيت والا جنسية وحنا اهل البلد حنا المواطنين
صار المقيم هو المالك وحنا عنده مستأجرين
قصت المحاكم بقضايا الطرد والآخلاء على لقطريين
حتى بطاقته باعها علشان يؤكل أهله ويعالج البزارين
صارت سياراتنا قديمه كأنها سيارة الباكستانين
صار لقطري يدور بين الجمعيات صرنا يا المهندي متسولين
صرنا شحاتين فقارا في بيوتنا محبوسين
الجيب فاضي وراعي الدكان رافض الدين أه يا بلد صرنا من الغارمين
حتى عيالهم لبسهم مستعمل صدقه من المحسنين
وانتوا تفتخروا بالهبات والعطايا توزعونها برا على المسلمين
سبع عشر مسجد في أندونيسا وحنا بدون بيوت صرنا في خيام ساكنين
النسوان بعد الازالة لبيوتهم صاروا في العجزه نازلين
وين يروحون الي كبير سن والي معاق صاروا مبهدلين
والله ضاعت القيم وصرنا من سكان قطر يا معشر المجرمين
أهلنا نسوانا شيبانا من خير قطر محرومين
المجنسين لا هفين البلد وما كلينها حصى وطين
بيوتهم فلل وقصور وسيارات مصفوفه عشرين
أذا مريت يوم وشفت قصر مبني تراه حق يمنين
واذا شفت سياره آخر موديل تراه حق لبناني والا فلسطنين
وكل يوم في لبنان وماليزيا وجز المالديف مسافرين
اكيد على حساب الدوله عندك شك هذه الواسطه والفتامين
علاج مجاني وسفرات وملاهي ولعب وغواني من حقهم عنهم راضين
الي يعالج طبيعي والي يسوي رجيم المهم مستانسين
وأنت يا مسكين يا لي أسمك مواطن أخذ علاج الضغط والسكر لا ومغشوشين
علاج رخيص ودكاتره أكتشفوا أنه شهاداتهم مزوره وطلعوا نجارين
وعيالنا يموتون يخيسون بحجة علاجهم في قطر تعالوا وين رايحين
صرنا مرمطه على ها السنويه ننتظرها من الديوان سنين
الله يا المهندي لو تشوف التسول على أصوله من حريم لقطرين
يترجون موظف الجمعيه تكفى عيش والا لحم ترانا مو ماكلين
والله العظيم الموظفين يضحكون حقد مو مصدقين
يقولون أنتوا اهل قطر وين عيالكم مخلينكم جوعانين والا أنتو كذابين
صارت حياتنا في يد من لا يرحم صرنا مداس لمرضى نفسين
وتقول يا المهندي دخل الفرد بالدولار هذا مب المواطن هذا المقيمين
:hot:

[السمو22]

ما تستحين علي وجهك
قطريه وتفضحين بلدك وحكومتك
ومستانسه للنشر
عموما اتمني من حكومتك تتخذ ضدك وضد كل ما ينشر هذا الغسيل القذر ان كان صحيح
اشد العقوبات حتي تكوني عبره لمن ينشر هذه الاكاذيب الي
ما اتخيل ابومشعل بيبخل علي شعبه الي نسمع عنه كل خير وكرم

واظن انك مو اصيله او اصولك غير قطريه
والا مواطن يقول جذي في وطنه