كان يرضيك

[هتلـــر]

يا صاحبي مهما حصل مقدر أجفاك
حتى ولو طالـــــــ الزمن في تجافيك

عيني تهل الدمع من هول فـرقاك
وخاطري مكســــور والقلب ينعيك

ما عاد لي مجلس عقب كف يمــناك
وإهانتي من بعد ما مــت أنا فيك

بأعلن رحيلي بعد ما أدمح خطاياك
واغفر لك الـــزلة ويا ليــت تخطيك

ما هو تغلي لكن الجـــرح ينصـــاك
ينزف خفوقي والسبب طعن بيديك

يا صاحبي والله لو قلـــت ما أدراك
عن قلب يسهر في اللـــيالي يناجيك

عن قلـــب ينقش في الحنــــايا خفاياك
من يوم عرف نبضك وهو حيل هاويك

إن جيـــت هـــلاّ بك ورحب بلقـــياك
وإن غبت من وجده على البعد يطريك

شـــوقه قطع منه وريده ونـــاداك
يا حسرته يوم بح صــــوته يناديك

عايش على أوهامه مع أحلام ذكراك
ما قال في يومٍ ترى والله ما أبــــيك

وإن قلت لك عيني مع الهم تـــرعاك
ترقب خيــالك بعد تتبع خطــــاويك

تصبح وتمســـي بابتســـامة محياك
وإن غبت عنها هلّت الدمع تبكــيك

يا كيـف هذا القلــــب يحيا بلـــياك
ويا كيف عينـــي بالخيانة تجـــازيك

يا صاحبي إن كان في بعـدي رضــاك
والله لأبعــــد وارتحل كان يرضــيك

وتعيش متهني وتسعـــد بدنـياك
وأنا على ذكـــراك بأحيا وأخــاويك

وأصون عهدي وأحفظ الوعد وأسلاك
وأقول يا قلبي ترى الحــب يكفيــك

هذا الوفــاء لك من حبيبٍ تمـــناك
تكفـــى تعوده قبل موته يفاجــيك