وأنت تمر بالجوار حاذر أن تطأ ذاكراتي

[فجر حياتي]

شوفوا شعار هالمطعم..
يقولون انه باستراليا..

قمة التخلف والهمجيه ..

" حسبي الله ونعم الوكيــــــل فيهم "

.

[فجر حياتي]

" ياقمـــر سلم لي على قبر حمود
قله تراني مااهتنيتــ بذا الليالـــــــي "

ذكرى حمودي

ابتديت أذكر بالمدونه ذكرياتي بالمرحله الأبتدائيه والمتوسطه
ووقفت عند الثانويه ..

الصدق اني ماكنت راح أرجع أكمل كتابة ذكرياتي وخاصة بهالمرحله لأنها كانت مرحله صعبه
وحصل لي فيها موقف هزني وغيرني ,
وهالموقف راح أتعب اكثيييير وأنا أتكلم عنه ومستحييل أحد يفهم حجم الحزن ومقدار الألم اللي حسيت فيه ...


في يوم الثلاثاء وبعام 1424هـ
توفى " حمودي" وكان عمره ذاك الوقت خمس سنين ...
كان مجرد سماعي لخبر وفاته صـــــــــدمه ..

والصدمه الأكبر واللي أبدا ماكنت قادره أتحملها هي طريقة موته ..
تخيلوا حمودي حبيبي مات محترق
" محترق "
الكلمه لوحدها ذبحتني هزتني
بعزاه كنت عايشه صدمه
وماكنت مصدقه أبد

كنت أحبه مثله مثل أي طفل ثاني لكني كنت أفضله على إخوانه
آخر ذكرى لي معه كانت قبل 3شهور من وفاته
كان تعبان وحرارته مرتفعه
شلته بين يديني وضميته لي
حطيته على سريره ولحفته
ونزلت تحت
واليوم الثاني ماشفته
لأننا العصر مشينا للشرقيه

ندمت ..
ليتني شفته
ليتني ذاك كنت موجوده يمكن كنت راح أحس بالنار قبل لاتوصله
ليت وليت .. أبدا ماراح تنفعني ليت لأن كل شي مقدر ومكتوب

لحد اللحين كل ماأشوف صورته ماأقدر أمسك نفسي أبد
وأسأل شلون النار جاته
أتأمل يديه ورجلينه وأتعب أكثر

أفكر هو مات مختنق قبل لاتوصله النار وإلا ؟
بيكون أرحم لقلبي لو كان أختنق ..

يارب بالجنه طير يغرد
يارب شفيع لنا
يارب يارب صبرك

" يابعيد وياقــريب
ياشهيد وياحبيــب

بالقبر جسمك ربى
وروحك ربت بأحضانـــي

شلون أنساكــــ "

المطافي لما جاوا
قالوا إنه ماخذ وضعية السجود وبجهة القبله كان " الحمدلله "
.

خذت على نفسي عهد إني ماأنساه
حتى لو عيني ماتشوفه بخليه يسكن قلبي

"

فيني جرحك مايطيب
ياشمسنا الماتغيب

حتى لو حانت وفاتي
وشيعوا جثماني
تظل ذكراكــ"

يااه لو حي كان اللحين بيكون بخامس ابتدائي لكن "قدر الله وماشاء فعل"
.

طبعا هالموقف مثل ماقلت لكم غيرني
فهمت الموت وش معناته
لأني قبل كنت لاهيه وماأشغل نفسي بهالموضوع اكثييير

فهمت وش معنى إنك تفقد أي شخص بالدنيا أنت تحبه وتعزه وتفضله

.
" وشلون عن عيني تغيب
وانت لجروحي طبيب

أنت لجروحي دوا
ومنك الجرح داري

شلون أنســـــاكـ "

تبدل كل شي بالنسبه لي وخاصة شخصيتي
صرت هاديه كثير وعصبيه أكثر كنت أتوقع إني راح أفقد كل اللي أحبهم
كنت إذا رحت المدرسه بس أفكر بأبوي
وصل للدوام وإلا لا
ويبدأ الشيطان يلعب بعقلي
أتخيل شخص من أهلي صايره له شي وأتصور حياتي من بعده ايش ممكن تصير
لكن الحمدلله بعد سنتين قدرت أبني نفسي من جديد وقدرت أتغلب على وساوس الشيطان
عرفت ان كل شي مقدر ومكتوب وكل شي له حكمه "اللهم لاإعتراض "

صحيح كانت المرحله الثانويه حلوه وفيها مواقف ضحكتني غصب واستحاله أنساها
لكن
يبقى هالموقف أهو أبرز موقف بحياتي كلها
.

الله يعظم أجرنا فيه
ويجعله طير من طيور الجنه
شفيع لنا يارب

.

يارب تشفع به لاوقفت فالصور

القاه بالمحشر ينادي تعالي

ْ

[فجر حياتي]

سارة وسالم وهما يتجولان في احد الاسواق

في مشهدٍ غير معتاد، لفت رجل وزوجته انتباه الكثير من السعوديين، وهما يتجولان بمقعديهما الكهربائيين في الأسواق معتمدين على نفسيهما؛ في محاولةٍ منهما للخروج من سجن الإعاقة وإثبات ان اعاقتهم لم تمنعهم من التكيف مع الحياة بشكل طبيعي


هذان الزوجان هما "سارة الدوسري" و"سالم الهاجري" اللذان تزوجا منذ شهرين فقط
وشاءت إرادة الله أن يتم الارتباط بعد أن رأى الهاجري سارة في أحد الأسواق، فأعجبه ما لمسه فيها من إصرار على تحدي الإعاقة، بحسب صحيفة" الوطن" السعودية.

[فجر حياتي]

صباح الخيرات والمسراتــــ ..


اليوم حبيت أجيب لكم كم صوره بسيطه لكليتي ..

هذي توها مبنيــــــه والا اللي كنا فيها بالعام كانت تجيب العله

.



هذا الأعلان من أول يوم داومت فيه واهو موجـــــود لكن ماأحـد ملتزم فيه أبدا
ماأحلانا نمشي بين الاقسام بعباياتنا



هـــذا استوديو البث



هذا الحاجز الزجاجي بين الدكتور وبينا , يقولون الدكاتره انهم مايشوفون الا ظلالنا
لان الزجاج عاكس احنا نشوفهم بس هم مايشوفونا

طبعا مايحتاج أقولكم انهم نصوبين واحيانا يشوفونا

والدليل قامت وحده من البنات ووقفت عند القزاز وسوت حركات مجنونه الا نشوف الدكتور فاقع ضحك

وهذا دكتور بقسم انقلش كان يسأل البنات وجاوبت وحده منهم اجابه غلط
خذا قلم الصبوره وفلعها فيه على جهتها بالضبط خخخخخ

وطبعا بعض الدكاتره يستمتعون بأنهم يستعبطون علينا لاقلنا دكتور تشوف يقول ايوه

وصرااااخ القاعه ونقعد نتخبى تحت الطاولات وحاله
واهو يفقع ضحك

هههه العب عليكم مااشوف غير اظلالكم ولا اقدر اميزكم

اول ماداومت ماكنت أدخل للشبكات ولا أحضر محاضراتها ابد

الين داوم ابوي وطمني قال مانشوف غير اظلال بسيطه
واهم شي ماتقربين عند القزاز أبد

ولازم الانوار كلها تتقفل ولو كان فيه لونور بسيط راح تبينون

واللحين الحمدلله زادوا التظليله , فماصاروا يشوفونا أبد الا ظلال



أمس صار لي موقفين يجيبون العله

الاول : الدكتور طلب نقرأ له أبيات قصيده
من الفلاحه الزايـــــده تطوعت وضحيت بنفســــي وقريت له
وقبل لاأقرأ سألني عن اسمـــــــــي ؟؟

قلت له اسمـــــــــي

قال ..انتي اسمك كدا ؟

قلت : ايه

قال :بقى انتي بتقربي ايه لمهـــــــند ..

ضحكــــــوا كل بنات القاعه بصوت عالي ..
انا خلاااااص بغيت أنفجر عليه

مو كافي علي بنات متوسط العام وقت تطبيقي واللحين ثانوي

جاي هو يكملها علي

لا ولمن جا بيغطي على نفسه قال : معلش بئ أنا والله ماكنتش بتابع مهند
بس بسمع فيه وحبيت أضحكم شويه

اويلاه يبي يضحكهم علي جعله الساحق والماحق والرصاص المتلاحق آه بس بغيت ماعد أكمل قرايه
بس حكم القوي عالضعيف



والموقف الثاني :
طبعا ومثل العاده وصلنا متأخر للكليه وبسرعه رحت للقاعه عشان المحاضره ..

دخلت وبعد مامرت ربع ساعه استأذنت من المشرفه عشان اروح أضبط البف

الا وأنا طالعه والله يقطع ابليس الكعب فضحني قعد يطقطق وأنا أمشي
بالعاده نلبس واطيه عشان لايدرون انا طالعين
.
فقال الدكتور :
هاي وحده طالعه لو داخله
بسرعه صكيت الباب

يوم رجعت وأسأل الذبانه .. عسى ماهاوش ولا قال شي ؟

قالت أول ماطلعتي قال :
هاي طالعه لو داخله
قالوا البنات

لا طالعه

قال : لوين رايحه

قالوا : رحت لدورة المياه

قال : شو دورة المياه هاي لو فاطره فول عالصبح ماقالت بدي دورة المياه

ياربي وياالمصاخه اللحين شدخل الفول

مشكلة هالدكتور ماصل بس يبي يضحك البنات وبس

قعدت أتلفت عالبنات الا ويتبوسمون شماته

قلت ياويل قلبي وشهالفضيحه

ليتني جريئه كان أقول له وش عليك .. أنا أصلا رايحه أضبط بفي

خخخخ تدرون أقل شي ممكن يسويه انه يطردني من المحاضره ويعطيني حرمااااااااان

بس الصدق مو ماصخ ومليغ وماعنده ذوق
فشلني هالخيسون

.



هذا باب القاعه مو كنا بمستشفى الا بيحسسونا بالكآبه
" مو عاجبني شي "



استراحة البثوث حقت الدكاتره " قسم الرجال "







وبس ..


..

[فجر حياتي]

أيّ عِلمٍ هَذا !

الذي لمْ يَستطعْ حتّى الآن ,

أنْ يَضعَ أصواتَ مَنْ نُحبْ فِي أقْراصٍ أوْ زُجاجةِ دَواءْ ؟ ؛

نَتناولها سِرًّا عِندما نُصابُ بِ داء الحَنينْ !

ْ