انا ترى ذنبي بـ/ الاحساس طفله

[رمشه هدب]

تحميل صور

مـدخــل ..{ ~×

انـــا بنيّه.. !
وطبع النت علمني اشيل فستأإن الدلع ..
والبـس لي شمأإغ ..

..[ ]..

بكره طلبتك لاسير المــــوت بالهون
حاول تهدي شــوي من أنفعالاتكـ

أدري بتقول ياليت اللي حصل ماكان لايكون
وأدري بعد بتفتــــقدني بحياتكـ

أصبر ,, تصبر ..أعزف أمل هالكــون
يمكن تمـــــر ايام وتنسـى وفاتـي

كيفكم كل أـبوكم

عساكم بخير ومتهنين
صارلي ثلاث أيام أفكر بهالموضوع وأخيرا قررت أنزله ..

هنا في هالمدونه أو هالصفحه راح تكون { حياتـي .. فرحي .. خواطري .. أشعاري
يومياتي ..لرسوماتي .. بكل بساطه كل شي يخصني ..

ممكن الكثير يستغربون ويقولون وش دخلنا وليه أنتي تحطين لكـ موضوع .. بقول :
بكيفــــــــــــي << براااااا

اليوم اللي ببدأ فيه أتكلم عن نفسي أكثر ..
عن رمووشه اللي مايعرفها الكثييير ..

أتمنى يكون موضوعـي خفيف عليكم
ملاحظه: لو سمحتو ماأبي أي أحد يرد على الموضوع ..
لان هالمساحه أفضل تكون لي وفضفضتي ..
أي أحد عندهـ أنتقاد على أسلوبي أو كلامي أتقبله بس يكون بالخاص مو هنا بمساحتي

[رمشه هدب]

في البدايه بتكلم عن بدايه رمووشه وولادتها

طبعا أنا حتى في ولادتي في أحداث وفشااايل ملزوومين أهلي نشبت فيهم .
المهم ولادتي كانت في أول يوم في عيد الفطر المباركـ
>>> كأني أسمع أحد يقول حتى بولادتها مسويه زحمه

تبعا ماماتي الله يحفظها ,,قالت ماراح أشتري لبس العيد دامني أكيد بولد قبل العيد ماراح أتهنى بالعيد
ولاراح البس ..
فا أجلت البس لين تطلع من النفاس فيني
وجا العيد بفرحه والكل بلبس العيد من زوجات عمامي ..
قال جدي لامي :: وراك مالبستي للعيد
ماماتي : والله ياخالي أنت خابر خلاص ولادتي قربت وكنت متوقعه أولد قبل فا ماأهتميت للبس
جدو: قومي بوديكـ السوق وأشتري لس شي للعيد
(طبعا بعد مجادلات وحلفان وافقت أمي وراحت أخذت لبس للعيد )
دخلت البيت بتلبس لبسها الجديد وبتتهنا فيه مثل العالم والناس وأول مادخلت
الا أنا في بطن أمي ماقدرت أصبر وأبي أفرح معهم وأرفس ذيكـ الرفسه على جنب أمي

وتصرخ ماماتي المسكينه معلنه أن موعد الولادهـ كلاص وصل .. والنشبه حلت لامحاله
المهم ويسرعون فيها الكل للمستشفى وبباتي بس رايح وجاي على غرفة الولادهـ

تبعا بابا كان ودهـ بولد حاله حال الاباء الاعزاء الي مدري ليه مايعترفون بالبنوتات
( بس والله أبو يحب البنوتات كثير ويقول أنهم يسون قبايل وأن بعض الحريم عن عشر رجال
وباباتي اللحين دوم يقول أنه يحب البنوتات أكثر من العيال لانهم حنونات <<
المهم : طلعت له السستر بأبتسامه وشاقه حلقها من هنا ..... لاآآآآآآآآآخر هنااااكـ

السستر: أنتا زوج مدام ****..
باباتي : يس
السستر : مبروووووووكـ زوجه أنتا جيب ولد
باباتي والفرحه موش سيعااهـ: والله من جد ؟؟ الله يبشركـ بالخير ولكـ البشارهـ
وشوي راحت ورجعت جاات لباباتي وأهو فرحاان وقالت له :
السستر : بابا هذا مدام مال أنتا جيب بنت سووري مو ولد ..!!
باباتي : ؟؟؟؟؟؟؟؟<<< للحين مو مستوعب الصدمه ..
طبعا أول ماأستوعب باباتي السالفه وأن جاته رموشه قام فصخ نعاله وأنتو بكرامه أستعداداً للهجوم على السستر
لهذا الخبر المؤسف والمخزي خخخخخخخ
>> أدري حتى بولادتي مسببه قلق ..
بس والله ماأدري وش اللي رد أبوي ماطقها نسيت ’’ بس أتوقع عمي مسكه لانه كان معه ..
تبعا دخل باباتي على ماماتي وتحمد لها على السلامه وقال لها أنتي سميها <<
وسمووووني ولله الحمد رمووشه ..

اللحين بقدم بطاقتي الشخصيه ..
أسمي : رمشه هدب
دلعي : رمووووشه
عمري : 22 سنه
المهنه : طالبه جامعيه
التخصص : تاريخ
الهوايات : الرسم ,, الشعر والخواطر ,,

بس هذي كل المعلوماات الي أقدر أقدمها عن نفسي والباقي بتعرفونه عني من خلال الالبوم .

[رمشه هدب]

.... [ حديــث الــورد ] ....

تعلمت من الورد ..!!

أن الفرح وأن غاب فتره يبقى شذاهـ ...
فدمعة اليوم تداويها أبتسامة غداً أجمل ..

.. [حديث الورد] ..

بجمالي أهدي الناس السكون والتأمل ..!!
وبرائحتي العبقه أهدي الناس الراحه والطمأنينه ..

يعشق الجميع شكلي ولوني ويستمتعون بهدوئي ولايتعلمون مني أبداً
مشكلتي تكمن بقلوب البشر
يحبونني لمظهري ,, ولعبيري ..[.. ~
ولكن !! لايتعلمون من مضموني ..
أنا الجمال .. خلقت لاصور وأرسم أجمل معاني الحب والرقه ..
أنا هدية المعشوقين والمتـحابين .. أنا دائما أكون برهان الاخلاص والوفاء بأنواعه
أنا وردهـ [ ] أهــدي السعادهـ ..
أعشق الفرح في عيون المحبين // ,,

لكن لاأفكر بنفسي ..
لان سعــادتي برسم الابتسامه بشفاهـ من حولي ..
لان سعادتهم هي مكنون سعادتي وعـبق رحيقي وجماله ..



بقلــمي

[رمشه هدب]

قمت على الساعه 2 الظهر تأخرت بالنومه قمت صليت ونزلت تحت ..
شفت أمي وقلت لها بروح بيت جدي العصر أنا وبنات عمي
أنا : يمه بتروحين معنا ؟؟
أمي : ليه منتي جايه معنا البر ؟
أنا : متى قلتو بتروحين ؟ ومن بيروح ؟
أمي : أنا ووخواتكـ وبنات عمك الاثنين وعمتك وعيالها بس بيكون حريم والبزران من دون الرجال..
أنا : خلاص أجل برووح بس بكلم فجر <(فجر حياتي) بقولها تكنسلت روحتنا لبيت جدي ..

صعدت لغرفتي وفتحت المسن ولقيت فجر على المسن وقلت لها ..وقالت أنها بتروح معنا وكل البنات بيروحون ..
تبعا أنبسطت كثيرر ورحت أهروول غسلت وجهي وكآآن أذن العصر , نزلت وأنا أصلي الكل مشاء الله وصل لعندنا بالبيت وأجتمعوا علشاان نمشي

أخوي أهو الشاب الوحيد بيننا مسكين هههههههههه
جهزنا أغراضنا القهوه والشاهي ولزووم الكشته الصغيرهـ وركبنا السيارهـ
وياليتكم شفتونا وأحنا بالسيارهـ قصم تووووحفه ,.. يعني أشكـ مافي أحد يبي يصورنا على هيكـ وضعيه ..

تبعا كان زحمه مرررررررررررهـ .. والسيارهـ جمس حقت الوالد ..
وتخيلو أربع عوايل بسيارهـ وحدهـ هههههههههههههههه
طبعا مافي سيارهـ ثانيه تودينا لان الكل عندهـ شغل ومحد فااضي لنا يودينا غير أخوي مشاري
كلنا ركبنا السيارهـ وزحمه أوب طبيعيه يعني تلصقنا في بعض بس علشان الجمعه والكل يروح ونستانس
تخيلوو من الزحمه أربعه راكبين قدام .. أخوي يسوق وأنا جنبه بعدين أمي بعدين عمتي ههههههههههههههه
وأنا منزله غطااي على عيووني أقوول والله فشله ..وياارب محد يعرفنا .. وياشماتت العدوين فينا هههههههههه

والله يفشلكم أنتو وبزارينكم .. والف على البنات أشكالهم ورا توووحفه بنات عمي في السيت الثالث متزاحمات وحاطين البزران على حظنهم
والسيت اللي وراي على طوول فيه عمتي وأختي وبنات عمي الباقيات وبعد باقي اللأولاد ..

مشينا على خط الرياض علشان نلاقي لنا مكان زين نقعد فيه وأنا شارطه أذا مافيه طعس كبير مانيب نازله وبسوي أضراب
وطوول الطريق أحاايل أخوي : تكفي مشاري واللي يرحم والديك خلني أسوق بس شووي . بس بمسك الدركسون وأنت أضغط على البنزين
وأذا ماعجبتك سواقتي خلاص خذ مني الدركسوون .. ( وأمعط خدودهـ << يعني بدلعه
وأهو بس يبتسم يقول : لاتحلمين محد مستغني عن عياله وعن روحه ..
أنقهرت من قلب بس سكت .. ماأبي أشمت أحد فيني ..
والبنوتات وراي بس طايحين تصوير بالكاميرا شووي الا بنت عموو (سارهـ) تنااديني .
لفيت : نعم وش تبين ؟؟
سارهـ : رمووشه صوريناا تكفين كلنا ..
أنا : ؟؟؟؟ << كل علامات الاستفهام بخشتي ؟؟ : ليه ؟؟
سارهـ : عادي أنا صورة البنات ورا والحين انتي صورينا خلي الرحله تتثبت للزمن ..

أنا : وأن شاء الله كيف بلف أصوركم وأنا محشوورهـ هنا ؟
سارهـ : حاولي لفي وصورينا يلااااا ؟
أنا : تيب بس يلا وريني كيف تشتغل كمرتس ذي لانها موب زي كمرتي ولا أعرف لها ..
المهم صورتهم بكم وضعيه وأنتهت السالفه ووصلنا بحمدالله للمكان المطلوب ..

أنا أول ماوصلنا نزلت قمت أركض أحس بدوون وعي مني زي المهبووله بس من الونااسه ..

المهم ونتسابق أنا وهالسلاحف بنات عمي على الطعس << داريه بتتصفق على الكلمه
المهم وأول ماوصلنا الاأنا يقالي بسوي أكشن وحركه ووناسه ..
قمت أركض وأدور وأنا نازله وماخذرهـ راحتي لان مافي أحد حولنا الا اللي أطير وأتكرفس وأتشقلب من فوق الطعس << هذا مثل التله مرتفع بالبر وعالي <-- نتفي رمووشي أذا كانو فهمو
وماغير بس أتشقلب وراسي خلاص راح في أمها ماعاد باقي فيه شي أرتج
والحبيبات بنات عمي من حبهم الزايد لي وحداات قاعدين يضحكون والبقيه الخايسه منهم يصورون

وأول ماخلصت الشقلبه وأعلنت أنها رحمتني ماقدرت أوقف ولا حتى أجلس راسي ماغير يقوولب فيني
قلت خلني أروعهم وأسوي كأنه مغمى علي ونااسه يمكن يخاافون .
جتني الشيخه سارهـ مسرعه وتفحط أهي وفجر ,, وميته ضحكـ : رمووووووشه وش فيس هههههههههههههههه
قوومي الله يخلف بس ,, تبعا أنا ماقدرت أمسكـ نفسي وقعدت أضحكـ << ماأعرف أمثل عليهم ..


وشووي الا تشتغل الشريخات والطراطيع .. أخووتي الكبيرهـ مشغلتها << والنعم فيها صوووووح مرهـ عاقله

وتبعا فجر تخااف من الطراطيع مره ههههههههههههههههه
وأخووتي تلاحقها فيها تبي تفرقعها عند وجهها وأهي تهرب وأشكالهم تضحكـ هههههههههههه

وبعدين قمنا نطرب باللي نسمعهم في الاعراس والطقاقات قلنا خلينا نغنيها .. <<لان كشته وبر وماتصلح أناشيد << لاني لا أسمع أغاني ولا أراها << كنها بدت
فا ماتذكرنا ولا عرفنا الا أغنيه وحدهـ بنت عمي سارهـ حافظتها >> وديني ياما حلا طلعت الشباب << مدري عرفتوها ولا لا
المهم كلنا قمنا نقولها بصوت عالي وسوينا حلقه كبيرهـ وبأصوات عاليه وتصفقيق وتصفير وهبال ..

والبنوتات اللي معنا (بنات عمي ) مشاء الله كثير حول عشر بنات كبار كلنا بالكليه ولا بالثانوي وفله وناسه وأم الصرقعه
بعدين قعدنا نلعب فتااااااااااحي ياوردهـ .. سكاري ياوردهـ ,, هنا وردهـ .. لا لا .. هنا وردهـ .. لا لا
..هنا كيس .. مليان دبابيس .... الخ

وشفت شغالتنا من بعيد تمشي لحالها >> والله بصراحه كسرت خاطري أحسها مشتااقه لبنتها وزوجها << له حكايه مالت عليه
قلت للبنات وش رايكم نستهبل وننادي أسمها بالعالي يمكن تنبسط ..؟؟
قالو : اوك
كلنا وبصوت واااااااااحد : رحيمـــــــــــــــــــــــــــــــــــــــــــــــــــــــــــــــ ـــــــــــــــــــــــــه

وأهي ولا لافت ولا عطتنا لاوجه ولاخبر ..
يعني تفشيله من قلب .
وقمنا ننادي مرهـ ثانيه بدون مانستسلم : رحيمـــــــــــــــــــــــــــــــه
لفت علينا وأهي تضحك ميته هههههههههه وتتخبط في مشيتها كأنها سكراانه هههههههههههههههههههه
قالت فجـر : رمووشه قومي خلينا نرجع للجلسه هناك مع عماتي وماماتكـ..
قلت : لا مااأبي << لازم المعارضه
سارهـ : أيه صدق خلنا نروح مشتهيه قهوهـ ولا شاهي أو أي شي يدفيني حدهـ برد .
أنا: استسلمت للأمر الواقع : يلا نروح وأنا معكم ..

يوم قربنا نوصل الا شفت أخوي الي كان بشغله موقف سيارته وجاي أول ماطلع من الدوام وجاب باقي
الي ماقدرو يجون علشان الزحمه والسياره ماتكفي ..
لفيت على البنات : بنات تغطو زين ترا تركي وصل يعني كل وحدهـ تتعدل وبدون أستهبال ههههههههههههههه
>> لاني عارفه أذا أستهبلووو ممكن يشكك بعقلهم ورحمتهم ههههههههه

وسبقتهم ووصلت للقعدهـ ..
طبعا أنا ماأتغطى من أحد كلهم أخواني اللي جايبينا ..
وقعدت مع أمي وأخواني الاثنين في الفرشه اللي على جنب وشابين ضو (حطب) >>{ على فكرهـ أنا مصورهـ كل شي وبنزله بكرهـ

أنشاء الله علشاان تعيشوون جو كأنكم معنا فالرحله ..
وكملنا سوالف وأكل ولعب لين أذن المغرب .. صلينا وبدت مأسااات البزران
سؤالهم ( كيف نتيمم بالتراب ؟؟ ) وأنا أقول لهم وليه ماتوضيتو مثلنا قبل تطلعون من البيت ..
طبعا بدو الحريم يعلمون العيال كيف يتيممون بالتراب وتبهذلو معهم بصراحه
أنا أسمع صراخ بنت عمتي عليهم وأنا أصلي تقول لأخوها : عبود تيمم زين أضرب يدكـ بالتراب ثلاث مرات يالاهبل مو كذا
وصرااخ .. وبالاخير قالت له : بالطقاق موب لازم تتوضا .. صل أذا رجعنا للبيت <<< مسكينه طفشها والله
تقوله يمين يروح يساااار هههههههههه

خلصت وراحو أخواني يتيممون بالتراب مع الباقين .. وفرشو فرشه علشان كل الشباب يصلون
الامام كان أخو فجر (عبدالأله ) والباقين كلهم وراه ..
والبنات يصورونهم لان شكلهم الله يحفظهم ملفت وحلوو وتحسين برووح حلووه لما تشوفين الكل يصلي جماعه
وصووت الامام يقرأ بخشووع مشاء الله والشباب كلهم وراه ومركزين على الصلاه وخصوصا الصغار أشكالهم تهبل
والبرد يهف عليهم وخدودهم حمراااااااااااااااااء من البرد يهبلوون ههههههههه

أول ماخلصوو وظلمت الدنيا أمي قالت : يلا خلاص يكفي والنار بدت تطفى وماعملنا حسابنا ولا جبنا لنا حطب ..
لمينا أغراضنا وكلنا فرحانين بهالرووحه اللي كل مالها وتزيد علاقتنا ببعض ولله الحمد
بس كنا زعلانين من الداخل لاننا كنا مستانسين ولا ودنا نمشي ..
كملنا بالسيارهـ سوالف وأنا أزعجت أخوي : تكفى مشاري خلني أسووق والله نفسي وأعرف كم مرهـ أبوي خلاني أسوق
تكفى تكفى << يقولوون كثر الزن يفك الحام
قلت :على الأقل أسبق تركي لاتخليه يسبقنا << أفكار بزران
قال : لاتحلمين أخليس تسوقين في هالظلام وين بتشوفين ؟؟
أنا : الحمدلله والشكر زي ماتشوف أنت يالبومه بعيونكـ أنا بشوف .الانوار مشغله وأشوف ولا ترا بصكر شريطي اللي بالمسجل
<< لانه يحب شريطي << أسمه (مرحوم لـ عبدالله السكيتي
قال: عادي شيليه بس أهم شي ولا تحلمين أخليس تسوقين << حقدت عليه ههههههههه

لا والله أمزح أخووي هذا أمووت عليه لانه مهما تسوين له أو تهاوشينه يضل مشاء الله يبتسم لكـ
وحتى أذا تخانقت أنا وأهو وكنت أنا اللي غلطانه ,, يجي يتأسف مني ويحب راسي << يحسسني أني عجوز ههههههه

وصلنـــــــــــا بحمدالله البيت .. الكل راح بيته وأنا أتجهت للابتوب وفتحت طرطعه ولقيته مشاء الله
يعني الله لايضرهـ المنتدى أخاف عليه من العين ( فـــــاضي ) يقرقع قرقعه ليش تسذا مدري

بس هالحاله لازم لها معالج نفساني ختيرررررر .<------- على حسابها << جيبها يقرقع

هذي الحاله اوووب طبيعيه ليش تسمحون للسيد زهق والشيخ ملل يتسلطون عليكم ..

[رمشه هدب]

ماتغيــر شي ..لكـن .. صار فاضي هالمكان ,,

يعني أنت شفت قلبي طحت من عيني وعينه ..!!

كان لكـ قلبي مدينه ولاحظ أني قلت : (( كـــــان ))

يعني أنت اللحين واحد (خـارج حــدود المـــدينه )

ليه مستغـرب كلامـي وليه أعطيك الأمان ؟!!

وليه تكذب في كلامك الغدر وينك ووينه ..

ما ألومك كان قلبك ثارت أمواجه وخان ..

الخطا مني لأني صرت في بحرك سفينه ..

والسؤال اللي كتمته ومانطق فيه اللسان ,,

كيف أيدك أطعنتنـي وأنا أحسبها أمينــــــه ..؟؟!!

جرحي مايرضيه قلبـكـ لو يجي كله حنان

لو تبـوس الجرح فيني لو تقبلها إيدينـه ..

يوم أحبـــك قلت كلمه : (يكــرم المرء أو يهـان )

وأنت قلبي ماكرمته وماقدرت أنك تهينــه ..

(عــزتـي ) .. ماهي جديـدهـ أنا شــامخ من زمــاااااان !!!

مما راق لي