السلام عليكم ورحمة الله وبركاته
صبحكم الله بالخير قميعاًً .. أزيوكوو ياقدعاان وياقدعاات عاملين ايه
خلوونا نخش في الحشيش اقصد نخش في الموضوع دغري وبدون مُقدماات
في الإستراحه :
يوسف كالعاده حاجر له قطوه بحوش الإستراحه وجالس يحذفهاا بسيفتي شوز " أبوات لو تصفق فيها يهودي اسلم "
" طرااخ طععععععععع ,, الحقهاا هااااااه وصلتك "<< واحد من أخوياي بالاستراحه
هو : لا ماوصلت يالووح تستهبل
أنا : طيب اصبر اصبر خل أنغزهاا بعصى المكنسه اغديها تطلع من تحت المُكيف
هو : ياحقيييرر خلصنا احترقتك رجولي << طبعاً حافين كلنا
أنا : اصبر للحين ماطلعت << نصاب طالعه بس ماسكها مع ذيلها وجالس يدور فيها
الجوال : يدق وحاط نغمه هذي الإغنيه " يكفي عذاب الأمس خلووني أرتااح ** يكفي عذااب الحوش في كل ليله " << تصور معاناة القطو
أنا : ألو ألو
أمي : الو معك الإستخبارات
أنا : " فكيت القطوه وبحركه خطافيه جلست جلسة شغالات " < من الخوف
أمي : جاينا بلاغ عليكم << الوالده تستهبل واجد
أنا : طال عُمرك وش بلاغه <<مايعرف يميز الأصوات
أمي : الحين يوم اني قايلتن لك جب لنا تميس ورز وكرتون لبن ليش تاخذ لك ست ساعات علشان تجيبهم ؟؟ < ساحب
أنا : والله يايمه مادريت < وش اللي مادريت هذي فيها سجن 6 شهور
أمي : مادريت أجل .. قم قم مع وجهك المايل جب لنا أغراضنا قبل اجيك وافتح في وجهك شارع
أنا : أبشري ياساندريلاا
الجوال : طووط طووط طووط
++++++++++++++++++++++++++++++
في البيت:
هذي أغراضكم .. طراااااااااع << يجدعها عادي
أمي : معك ولاعه ؟؟
أنا : ييؤ يؤ يؤ أفا يا أم يوسف وش هالكلام وش ولاعته الله يهداتس بس
أمي : يادبشه بولع الغااز
أنا : أهاااا ايه ايه لا لا مامعي < أعرف امي حركاتها ماتخليها تبيني أعترف اني أدخن
أمي : طيب اقلب وجهك وسكر هالفم هاللي تقل كأنه بوابة مزرعه
++++++++++++++++++++++++++++++
في غرفتي :
جالس ارتب السرير على أساس انو بنام
شوي إلا أسمع صوت الباب ينفتح
ياعالم فكوني منكم بناام خلو
أأأأمممممممممم مممممممممممممممم ممممممممممممممممم
مممممممممممممممممممممممممممممممممممممممم ممممممممممممممممممممممممممم << سكروا فمي بقطعة قماش
تسكرت عيوني وربطوا يدي وبخوا على وجهي منوم
++++++++++++++++++++++++++++++
صحيت اليوم الثاني إلا أنا في بيت مهجور كله قطاوه
مربوطه يديني ورجليني
ياعاااااااالم فكووني يرحم والدينكم وش انا مسوي لكم
هاتوا التلفون إذا تبون فديه مليون مليونين ثلاثه مليون ماعندنا مُشكله الوالده كااش وارثة من أبوهااا دراهم واجد وبالماريه برج إيفل ملك للوالده ومأجرته على فرنسا في السنه 14 الف ريال
شوي إلا جاني قطو شكله وصخ بس حجمه كبير مدري هالقطو شكله كان نمر بس تقاعد
القطو : اهجد مانبي منك دراهم ولا شي .. خلك رجال قبل العب في وجهك كيرم
أنا : " طبعاً بعد ماكنت منصدم " بسم الله الرحمن الررررحيم جني متلبس قطو ؟
القطو : ياخي خبل انت ؟ لووح ؟ حماار ؟
أنا : احترم نفسك تراي للحين ماغلطت عليك
القطو : كل تراب وقم صب لي شاهي
أنا : أبشر طال عُمرك
القطو : اقسم بالله انك مخفه وشلون تبي تصب لي شاهي وانت مربوطه يدينك ورجلينك .. شفت انك حمار
أنا : الله يرحم والدينك وش تبون مني فكوني
القطو : لا ياشيخ .. يعني أجدادنا ماتذكر منهم أحد ولا شي ؟
أنا : يابن الحلال ماذكر احد انا عساي اذكر وش جبت أغراض للوالده بروح اذكر جدك
القطو : ولد عمي ساكن عندكم بالاستراحه ودائماً يدق علي ويقول لي انكم مصرقعين به وبعائلته الكريمه وحتى مرسل لي مقطع بلوتوث وانتم جالسين تنهالون بالضرب على واحد من عياله < اووخس
أنا : والله ياطويل العُمر مهب انا هذا واحد من عيال الاستراحه
القطو : طيب طيب كل تبن
أنا : أبشر << الذل حلاب البقـر
++++++++++++++++++++++++++++++
خذوني من هالبيت المهجور وودوني وانا مسكره عيوني إلى مكان ثاني .. اللي اكتشفت بعدين انه قصر مديرهم
صب القهوه للضيف
لا الله يطول عمرك بس كرمت
أقول اشرب قهوه قبل افقع وجهك
ابشر
شربنا قهوه وخلصنا
شف حنا مهب جايبينك هنا نزهه ولا رحله .. حنا جايبينك نبي نشرحك ونعرف وش يدور في مخ البشر
أنا : وش تشريحه الله يطول بعمرك
هو : خلك رجال وان شاء الله تقوم من العمليه وانت زي الحصان << قبل كنت آدمي بعدين يقول انت حمار والحين حصان ؟
أنا : طيب وش عمليته وش تشريحه وش خرابيطه تكفون مانيب ناقص عمليات بطني كله متشقق منها
هو : ياخي بندرس مخك فقط لا غير
أنا : لا والله فقط لا غير اجل .. يعني هذا شي هيّن مرره
هو : ماعليك انت بس تعاون معنا ويصير خير
أنا : " تعاون وعمليه ؟؟ شكلهم استخبارات هذولا ؟؟ "
هو : طلع اصبعك من خشمك ياوسخ
أنا : ابشششرررررررر
< إذا تعمق في التفكير دخل اصبعه في خشمـه
+++++++++++++++++++++++++++++++
اقلطوا اقلطوا على غداكم وسامحونا على القصوور
الغداء = قواطي تونه + بقايا نفايات + فيران
أكل يابن الحلال أكل ورانا عمليه اخلص
طيب الشكوى لله
++++++++++++++++++++++++++++++
غرفة العمليات
عطني مقص ياوائل " قطو اسمه وائل "
القطو وائل : سم طال عمرك
القطو الجراح : الا وش اخبار الاسهم ياعيال
القطو وليد : والله ياطويل العمر ابد للحين في نزول والظاهر اني خسران اكثر من 150 الف ريال
القطو وائل : تستهبل انت أمااا عااد 150 الف رياال
القطو وليد : اي والله
القطو الجراح :لعنه انت وياه اهجدوا لقينا مركز التفكير في مخه صبر خل ناخذ منه جزء
القطوه وائل : بالله خذ من مخه عيّنه علشان نشوف التكوين الداخلي له ونشوف تفكير هالأوادم
النتجيه بعد تحليل وكشوفات
" الإنسان بطبعه وبتفكيره يعتبر القطو من أدوات التسليه لديـه .. ولا تحلوا التسليه إلا بملاحقة القطاوهـ و رجمهاا بالأحذيه وتصميخهاا بالجدراان الين تقول ربي الله "
+++++++++++++++++++
قمت انا بالسلامـه وعطوني خروج نهائي من المعتقل حقهـم .. رجعوني للبيت كما كنت مغطى العينين مربوط بكلبشاات
بعدهاا حرّمت الاحق القطااوهـ ..
بس مادريت ظنكمـ هذا اللي يسمونه " غسيـل الدمـااغ ؟؟ "
+++++++++++++++++++++++++
أنتهى
30-07-2006, 04:59 AM
سالفتي مع الاستخبارت
