ماسنجر الأحلام....

[The Red Eyes]

السلام عليكم كيف الاعضاء اليوم>>>بخييير وش عندك
كان يا ما كان في قديم الزمان وسالف العصر والاوان
<------ كييييييييييف بس
اليوم يا شباب بأقول لكم عن قصة صارت لي ما ادري الين الحين كانها صدق ولا حلم>>الظاهر انه حلم
يوم من الايام وانا جالس على النت وفاتح الماسنجر اللي مافيه ولا احد :$
داخل المنتدى ولا لي نفس لا أقرى ولا أرد
شوي وتجيني إضافة من (( ماسنجريات ))
انا استغربت صراحه لاني ما اخبر اني اضفت احد بها الاسم
دخل ابو الشباب وهجد ولا حاتساني ولا قال شي وانا عاد ما رحت له <----- مسوي ثقل
بعد ربع ساعه دخل علي و قال:
بالله ما تستحي على وجهك , تسمي هذا ماسنجر ولا فيه ولا واحد داخل
قلت له وش اسوي فارق التوقيت يمكن هو السبب قال لي ههههههههههه فارق التوقيت مين ثلاث ارباعهم مبلكينك والباقين حاذفينك خير شر .
تصدق عاد اني رحمتك وودي أوسع صدرك ولو شوي قاطعته وقلت قاعد تهذر عليّ من الصبح ولا عرفت من انت قال لي انا يا طويل العمر بيتهوفن قلت له هماك ميت قال ايه مليت كل ما عزفت لهم معزوفة سفوني بالزبيرية والنت هنا سريع و يسوي كلش قلت خلني ادور لي واحد اوسع صديرة
زين طيب وش بتسوي لي قال يا ابو الشباب باخليك تحاتسي ناس مهوب معك على الماسنجر ,, بعضهم لاعبين وبعضهم ممثلين و سياسيين وكل اللي تبي وفيه أعضاء بعد بس باقولك شي تراني اذا رديت فاعرف ان محد يقرى ردي الا انت
قلت توكل وهات اللي عندك
راؤول العرب has been added to the conversation.
راؤول العرب says :
من معي ؟
the red eyes says :
أنت اللي من انت
ماسنجريات says:
هذا سعد الحارثي يا غلام
the red eyes says :
غلام جابته امك يا تسلب
راؤول العرب says :
وش تقول
the red eyes says :
معليش يا سعد مو لك ها الكلمة لواحد ثاني كتبتها بالغلط
the red eyes says :
مدري وش اقول ,, انا هلالي بس من المعجبين في لعبك
راؤول العرب says :
غصبن عنك
the red eyes says :
سم ؟!
راؤول العرب says :
قلت غصبن عنك تعجب في لعبي ,, حتى برشلونة طالبيني وعييت عليهم ورحت للأتحاد إعارة عناد بس
the red eyes says :
اييه صح ,, طيب
راؤول العرب says :
يعني ما تصدقني ؟؟
the red eyes says :
الا مصدقك يا رجال اهم شي لا تزعل ,, الا وش مقعدك انت في النصر كل هذا حبن فيه ؟
راؤول العرب says :
خخخخخخخخخخخخخخ لحظه لحظه دخلوا الدلوخ <--- صرف الموضوع
the red eyes says :
منهم؟
راؤول العرب says :
نور و عزيز خخخخخخخخخخخخ يا انهم مصرقعين اذا اجتمعوا
تدري انهم كانوا اخويا في المدرسة ودايم يكونون من الأوائل
the red eyes says :
خخخخخخخخخخخخخخخخخ
the red eyes says :
يالله اجل اتركك معهم وانتبهوا لا تسهرون
راؤول العرب has left the conversation.
ماسنجريات says:
خخخخخخخخخخخخخخخ والله يا غلام يبيلك يوم تشوف ها المهبل وهو يسولفون عن الأسهم
والله انهم من جنبها ,,, أجل عزيز يبي يشتري اسهم في جبن كرافت
the red eyes says :
هههههههههههههههه طيب يالله من غيرهم ؟
ماسنجريات says:
ويحك يا ايها السعلو, اصبر علي لما القى اللي عقبه
ماسنجريات says:
دوك هذا سولف معه شوي لما ألقى لك واحد يسوى
I hate arab people has been added to the conversation.
I hate arab people says :
يس ؟!
the red eyes says :
هلا من معي الحين
I hate arab people says :
محمد اقبال خان سعودي في كندا واسم امك مـ...
the red eyes says :
هيه هيه هيه وش دراك
ماسنجريات says :
خخخخخخخخخخ تباً له ماذا دراَّه
the red eyes says :
خخخخخخخخخخخخ انعن ابو العربي اللي تعرفه
I hate arab people says :
انا جورج بوش رئيس الولايات المتحدة الأمريكية
the red eyes says :
(( وجه يناظر بنص عين ))
I hate arab people says :
الحين انا عندي كويشستان
the red eyes says :
وش تقول انت
ماسنجريات says :
معليش ياابو عيون حمر قوقل ترجمتهم غبية
the red eyes says :
خخخخخخخخخ فشلتنا يا الثور الأربد هذا كبرك وتروح لقوقل
I hate arab people says :
انا الثور الأربد ,, جهزوا الصواريخ أوريك يا منعون الجدف .... وجع متاه داخل ذا
الى الحين ناشبن في حلوقكم has been added to the conversation.
I hate arab people says :
انت الى متى بتنحاش ؟
الى الحين ناشبن في حلوقكم says :
يا مخيس يا ابو اذان تسنها مضارب تنس
the red eyes says :
من انت يبو ؟
I hate arab people says :
انا أبو اذان يا الاهبل يا الشيفة
الى الحين ناشبن في حلوقكم says :
يا المروح يا دلوعة ابوه
ماسنجريات says :
خخخخخخخخخخخ ياهي شابتن بينهم
the red eyes says :
خخخخخخخخخخ ملاحظ انا
I hate arab people says :
ياخي خلنا نمسكك و ريحنا
الى الحين ناشبن في حلوقكم says :
بدري عليك يا بابا ,, الا على الطاري سمعت شريطي الجديد ؟
the red eyes says :
يا ناااس علموني من اللي خاش ماسنجري
I hate arab people says :
ما عرفته ؟
the red eyes says :
لاوني عارفه بأسألك ؟ والله صادقين اللي قالوا عنك دلخ
اجل احد يمسك الكتاب بالمقلوب
I hate arab people says :
هذا بن لادن وهو اللي معدل الصورة بالفوتوشوب
الى الحين ناشبن في حلوقكم says :
ها ها ها <---- ضحكة إسلامية ,,كيف بس لا وبدون ولا فرشة
the red eyes says :
أقول بس يا رفيدزي وينك ؟
I hate arab people says :
من انا؟؟
الى الحين وانا ناشبن في حلوقكم says :
وش يبي فيك يالقرد اكيد يقصدني انا
the red eyes says :
لا لا انت ولا هو ,, يا هوه وينك
ماسنجريات says :
اوه معليش يا فتى كانت معي وحده من الجواري تشحذني تبيني ارجع لها فقلت لها معصي ما بقى الا انتي
الا على الطاري تراها تنفع لك ,, هاه نخطب لك
the red eyes says :
وش تقول انت ,, الحين انت اقشع ها اللي شوي و يتقابصون وبعدها نتفاهم
I hate arab people has left the conversation.
الى الحين وانا ناشبن في حلوقكم has left the conversation.
ماسنجريات says :
خخخخخخخخخخ كيفني وانا مقرشع بوش ,, المرة الجاية الدور على حنش
the red eyes says :

the red eyes says :
أقول يا ابو الشباب انا عيوني كبست مشكور على اللفة ونردها لك في عرسك على الجارية
ماسنجريات says :
وين يبو الشباب ترى طرش بحر اونلاين وقاعد يكلم خويته نانسي ,, ومبلك اليسا
و الممرور يطلب من حنش يشيل الميم الزايدة اللي حطها بالغلط وهذاك ساحب عليه
the red eyes says :
اقول فمان الله

ما يستفاد :-
- مهوب لازم تقرون ما يستفاد لاني ما حطيتها الا علشاني اشوف العالم حاطينها
- ماسنجريات طلع ابوجهل متنكر حتى هو ما عرف عمره
- طرش بحر اعترف بعلاقته بنانسي وهو السبب الرئيسي في اللي صاير في لبنان الحين

[lzeez]

هههههههههههههههههههههههههههههههههههههههههههههههههه ههه
هههههههههههههههههههههههههههههههههههههههههههههههههه هههههههههههههههههه
هههههههههههههههههههههههههههههههههههههههههههههههههه ههههههههههههههههههههههههههههههههههههه


هههههههههههههههههههههههههههههههههههههههههههههههههه هههههههههههههه


يا حبيبي


يا ابوالشباب


انت من فين تجيب القصص دي

..؟؟

امووووت واعرف هههههههههههههههههههههههههههههههههههههههههههههه


يسلموووووووووووووووووو حبيبي

[The Red Eyes]

ههههههههههههههههههههههههه
اجيبها من ينابيع المعرفه الي عندي ههههههههه
شكرا اخوي لزيز على مرورك

[@ ملك الحب @]

مشكور اخوي The Red Eyes

[ملاك 1403]

يسلمو الله يعطيك العافيه