السلام عليكم ورحمة الله وبركاتة
كيف حالكم ان شاء الله بخير<<<< دوووووووم يا رب <<< قولوا امين << يالله اخلص يا دمعه المشتاق وش عندك<<<
يشرفني والله ان اكون جندي مخلص لمطرطعين ومطرطعات هذ ا المنتدى (منتديات طرطعه) وان تتقبلون اخوكم دمعه المشتاق عضو منكم وفيكم
وعلى فكره انا ما سجلت هنا الا لما خبرني احد المطرطعين بهذا المنتدى الحلوووو<<< موتوا قهر ماني قايلكم شو اسمه<<
وعندي موضوع ودي اهبطه عندكم <<< يعني اسدحه عندكم <<< يعني انزله هنيه << على العموم مالكم بالطويله
اما الان الى المووووضوع <<< يقلع ام الاثارة والتشويق
طبعا قبل لاابدا بالموضوع ابملي خشمي حبر علشان اكتب بخط واضح<<< يكتب بخشمة هو ووجهه نبدا سالفتنا بأني دخلت دورة المياة الله اكرمكم والقى صرصورين متلطمين و جالسين يكتبون على جدران الحمام <<< لااحد يسئلني وش قاعدين يكتبون لاني يوم شفتهم خفت منهم وطلعت على طول وشوي الا ويجي عامل البلدية (ابو هنوود) قال : وش عندك داخلن الحمامات ؟؟؟ قلت داخل اشتري ملابس داخلية ...يعني وش عندي داخل للحمام اكيد بنزل ركاب قالي العامل (ابو هنوود): طيب خذ هالقسيمة حقت الاشتراك <<< مسوي العثيم ابو الشباب . المهم واسجل اسمي بالكوبون واحطة باقرب سيفون <<< ادعوا لي بالتوفيق واناظر الساعة 8:30 مساء وامسك طريق الملك عبدالله وكان فاضي مرررة حتى ان فيه عائلة مصرية جالسة على الصبات الي بوسط الطريق وكنت امشي 230 كم /س المهم وقفت عند اشارة برج المملكة واناظر فوق بالسطح واشوف الوليد بن طلال جالس يوازن الاريل حق التلفزيون السعودي شكله يبغى يشوف المسلسل البدوي لا يفوت عليه <<< بدينا وولده خالد طالع من الدريشة يقول يمين يمين بس بس بس صافي المهم يوم شافني الوليد <<< يقلع شكلك شافك وهو بالسطح قالي ورا ماتقلط عندنا جالسين نتابع مبارة السعودية والبرازيل ((تصريفه بنت ...)) قلت طيب كم النتيجة <<< طبعا الى الحين وانا واقف عند الاشارة والوليد بالسطح قالي مدري الى الحين المبارة ما بدت والنتيجة 3 للسعوية والبرازيل صفر قلت طيب يالله الحين بجيكم واضغط ( زر الطيران ) ويوم جيت اطير للاسف مالقيت حجز <<< يامصلك المهم قلت للوليد : احذف لي علي حبل علشان ارقى لك قالي : اصبر شوي ابفك حبل الغسيل المهم ويحذفه علي واتمسك بالحبل ويسحبني طبعا وهو يسحبني كنت اشوف الشقق مع الدرايش بالدور الثامن شفت مع الدريشة واحد جالس يلعب بلوت مع فيل اعمى <<< الي فاقعن راسي ودي اعرف وشلون الفيل اعمى ويعرف يلعب بلوت << المهم تعدينا الدور الثامن ويوم وصلنا الدور العاشر واناظر مع الدريشة واشوف
ذنب برصي جالس يرقص ( يلعن ) واقول للوليد دقيقة وقف لاتشد الحبل بشوف وش السالفة وادخل مع الدريشة بشوف وش السالفة اثرة صار البرصي معه وايت صرف صحي وصار له حادث مع راعي ددسن بصراحة الوايت منعجن عجينة حتى البرصي راعي الوايت مات <<< الله يرحمة . بس قبل مايموت قال لي وهو يحتضر : يا ابو الشباب ترا نصف التانكي حق الوايت ألماس و ذهب و ما امداه يقول ذهب الا وانا صاكن فمه برجلي <<< علشان ما احد يسمع المهم البرصي انكتم مسيكين وقعد يشر بيدينة يقول اصبر اصبر اصبر وأأشر له اقول: وش تبي ؟؟
قالي : تكفى بلغ الشرطة ترا الاستبنة مسروقة <<< قلت خلاص كل تبن واروح اجيب فحم وبلكتين واجيب عود اسنان واشوية واكلة <<< أحلى كباب ( مجرم )
المهم رحت لراعي الددسن واثره هاك البعير الي لابسن جنز والنظارة الشمسية وقاعد يتتن <<< يدخن <<< لابس جنز تراة قلت له : معليش يا اخوي معك تأمين ؟
قال : لا والله بس اصبر دقيقة ويقوم يفتح راسة ويدور ويدور وطلع بطاقات كثيرة طبعا طلعن كل البطاقات الي معه ( بطاقة دعوة لحضور اجتماع شركة المواشي - ورقة مراجعة للمستشفى البيطري <<< فيه ايدز - صورة لناقة فلبينية جربانه <<< لااحد يفهم غلط تراها صورة شغالتهم بيطلع لها بطاقة احوال - بطاقة بنك الجزيرة <<< شكل البعير دراهم ) المهم قلت ماعليك دقيقتين واجيب لك بطاقة تامين المهم يوم جيت ابروح اجيب له البطاقة من البقالة . الا وتجي دورية مرور معه ( همر ) وكان مضلل اسود كاتم ويفتح الدريشه سألني : ياخوي ماتخبر لي دورية للبيع ؟؟ <<< ينكت مسوي الزراق
قلت : وراة شايفني شريطي بوسط معارض النسيم
قال : ههههههههههههههههههههههههههه لا بس حبيت امزح معك
قلت : اخلص بس علي نزل معك الورشة والعمال علشان تصلح سيارتي <<< حرامي سرق الوايت زرفه بنت ...
قال: ان شالله بس ثواني .......
المهم شوي الا ويجي لجوالي (رسالة)طيييط طييييط طيييييط طيييييط وافتح الجوال ويوم جيت ابفتح الرسالة الا ويطلع لي غازي القصيبي يقول : نتمنى منك زيارة غدا من اجل الحصول على وظيفتك , ولاتنسى تسدد فاتورة الغاز
المهم تذكرت انا اني وارث وايت نصفه ألماس وذهب <<< والله وطلع ابوه برصي
قمت ودقيت على جوال غازي وسكرت <<< ماش رصيد 48 هلله <<< تراه يمون على غازي
عاد دق علي وفهمته الوضع واني ورثت وايت..........
قالي: خلاص اجل يا دمعه المشتاق اول ماتفتح محطة بنزين علمني علشان اجيب لك عمال بريطانيين و يابانيين يعبون بنزين
قلت: خلاص شوي وارسلك المحطة ابيك تختار لي عمال يشتغلون زين وتشغلهم بالمحطة اهم شي بس عندي النظام ويكون البنزين بدون سكر <<< علشان السيارات الي فيهم سكر مايرتفع الضغط عليهم <<خخخخخخ
المهم واروح عند العسكري
قلت : هاه عساك صلح سيارتي
قال: الله الله صلحناه بس دقيقة بركب لك بوري طيارة علشان مرة ثانية تظرب بوري اذا شفت اي تقاطع
قلت : وركبي لي براقات بعد عشان اذا قطعة اشاره اشغله<< مسوي بحث ابو الشبااب ولا بوايت بعد...
المهم واخذ الوايت واحطة بمخباتي <<< علشان الوليد مايسألني ويقول من وين جايبه ؟؟!!
المهم واطلع مع الدريشة واسحب الحبل واكمل الصعود الى الاعلى <<<
طبعا نسيت اقولكم ان الوليد كان مستأجر ملحق بسطح المملكة <<< علشان ما احد يقولي وراة ذا يتسذب علينا له ساعة يرقى لشقة الوليد
المهم ويوم وصلت عند الدور 234 واشوف مع الدريشة الا وهاك الصرصوريين الي شفتهم بالحمامات معهم بخاخ وجالسين يكتبون ( ان رشيتونا بالفليت ××× رشيناكم بالدم ) على محل سوبر ماركت يبيع بف باف .
طبعا اول ماشفتهم قلت : ياصرصور .
قال : نعم؟
قلت: قل اربعة
قال الصرصور : أربعة
قلت : سيارة ابوك مقربعة <<< ياملحي لاتميلحت
المهم واستمر بالصعود الى الاعلى ويوم وصلنا السطح وادخل الملحق حق خوينا <<< والله وطلع خوية
واناظر الملعب الا والملعب كله موية حتى ان رونالدو معه دباب بحري وسامي الجابر معه زورق ومحمد الدعيع معه مجدافين يصد بهن الكور
واقوم وادخل يدي بمخباتي واطلع الوايت واطلع اللي حق الشفط وافتح الشاشة حقت التلفزيون وادخل لي الشفط بوسط الملعب واشفط الموية اللي بالملعب كلها المهم يوم سحبت لي الشفط من الملعب , حطيت الوايت بمخباتي
المهم واسأل خالد كم النتيجة ؟
قال: الى الحين السعودية فايزة 5 والبرازيل صفر <<< اكبر نصبة بالموضوع
قلت من الي دخلهم ؟؟
قال: هدفين دخلهم زيدان وهدف دخلة المهاجم صالح السلومي وهدف دخلة عبدالله السدحان وهدف دخلة مدني رحيمي
قلت الله يستر بس لانفوز
المهم وشوي الا ونحط قناة الجزيرة ويطلع حسن كراني (عرفتوا حسن هذا اللي يطلع في الاحوال الجويه على القناه الاولى)..ويقول : نتوقع انفجار بركانين في شمال منطقة الرياض وهطول امطار غزيرة على جنوب منطقة الرياض <<<
المهم اني جعت وامسك الجوال وادق على هرفي واطلب اثنين بيتزا زيادة مايونيز وكثرر بيبسي ونسيت الوليد ما طلبت له ..
وما ادماني اسكر السماعة الا تطلع لي فاتورة المياة من مخباتي <<< مخباتك الظاهر صندوق بريد مكتوب بالفاتورة ( تكفى سدد ونعطيك دينمو كهربائي مجانا )
شوي الا واجلس اناظر منطقة الرياض من فوق سطح المملكة واشوف برج التلفزيون وبرج الرادو ومن جهه الشرق اشوف شاطىء نصف القمر ومن جهه الجنوب اشوف سور الصين العظيم ومن جهه الشمال الجنوبي اشوف عمارة ناشبتن بها طيارة , وراعي العمارة جالس يتهاوش مع سواق الطيارة حتى راعي الطيارة كاتب على القزازة ( ذكريات 11 سبتمر) وحاط علم السعوديه << بيشجع هو ووجهه
المهم مالكم بالطويلة الا وتمر فوقي طيارتين مسرعات متجهين لجنوب المملكة <<< قارمن مهوب ادمي
قلت ياولد وش عندهم ؟؟؟ <<< الله من اللقافة اللي عندي...
يــتــبــع لاحــقا <<<< خخخخخخخخ <<<< ولا تنسونا من ردووودكم الحلوه
«®°·.¸.•°°·.¸¸.•°°·.¸.•°®»تحياااااااتي / دمعه المشتاااق«®°·.¸.•°°·.¸¸.•°°·.¸.•°®»
05-08-2006, 02:54 AM
انــا وبرررج المملكه والوااااااايت <<< من اخوكم دمعه المشتاق
