للجروح أحيان كلمة ما توصلّها الشفاه*",.

[am007ry]

للجروح أحيان كلمة ما توصلّها الشفاه*",.

--------------------------------------------------------------------------------


انتهى حبك و راحت كل كلماتي العذيّه
ما بقى لك في خفوقي غير كلمة( لا ) و ( آه )
كنت فيني مثل نبضي,,مثل مجرى الدم فيّه
عشق( زهرة النسرين )و كل هالعالم فداه
كنت أقول إنّك هديّه و إنك أغلى من هديّه
للأسف قلبك تنكّر للخفوق اللي رعاه
و كنت ما أعدّك بقلبي أنت و العالم سويّه
و كنت ألبّي لا سمعتك ما أذكر إنّي قلت:هاه
لين شفت جروح قلبي من طعون الغدر حيّه
من حبيبٍ كنت أشوفه سور قدّام العداه
السعادة من نصيبك و الحزن مكتوب ليّه
قلبي اللي لأجل حبك يرمي أحزانه وراه
لا تقول إنّي غبيّه الغلا ما فيه غبيّه
الغلا لا زار قلبٍ يأخذ عروقه معاه!!
قلت لي من عام:( و الله فيك ما احتاج لوصيّه)
و أنت ناوي بالخيانة كيف تحتاج لوصاه؟!
الخيانة في عروقك و إلاّ أنا دايم وفيّه
و كلٍ يعامل حبيبه مثل ما ربي حباه
هاك صورة من جروحي لا سلام و لا تحيّه
بس شفها و أنت تدري عن خفوقي ايش بلاه
و الكلام اللي بقلبي لا تحسب إنّه شويّه
للجروح أحيان كلمة ما توصلّها الشفاه
ألف شكراَ,,كنت خاين عاش في قلب أجوديّه
درس من ضمن الدروس اللي تعلمنا الحياه
التوقيع: