الحرص كــــل الحرص

[lzeez]

مساء الخير للجميع ؛؛

هذي قصه سمعتها من جدتي وحدثت في قاعه العزيزيه للافراح خلال موسم زواجات هذا الصيف
وحقيقه حبيت انقلها للقروب بلهجتها العاميه لبيان ان الناس اجناس


قاعه العزيزيه في بريده القصيم
مسوين نظام ان حوش القصر في جهه الحريم يكون للشغالات والبزران

راحت وحده من خلق الله وحطت بزرها مع الشغاله ودخلت العرس
بعد ما دخلت بنص ساعه جت وحده من الحريم وقربت من البزر وبدت تلاعبه وتقول يا حليلك تغيرت علي
وقالت للشغاله عطين الولد لان امه تبيه من داخل وبحسن نيه عطته الولد
علي اساس ان الام فعلا مرسلتها

طبعا طلعت الام حوالي الساعه 12 في الليل عشان تاخذ الولد وتخلي الشغاله تدخل تتعشي

______________________________

ما لقت لا ولد ولا تلد وسالت الشغاله وقالت لها اللي صار وبعد تلطيم الخدود والنياح والصياح
تم ابلاغ الشرطه بالحادثه وعمل محضر في ذلك وبدأت عمليات البحث


بعد ثلاث ايام من الحادثه هذي

دخلت وحده من الحريم محلات الذهب اللي في سوق الملك عبد العزيز في بريده
واختارات طقم ألماس وذهب واستاذنت راعي المحل انها تاخذ الطقمين توريها امها العجوز في السياره
لان الذهب حق عرس
قالها لا ممنوع يطلع اي ذهب الا وهو مدفوع سعره
وقالت له بس هذي عجوز ولا تقدر تنزل قالها نعطيك عربيه وجيبها
قالت طيب دقيقه
وراحت للسياره واخذت الولد اللي سارقته من قصر الافراح
ودخلت المحل وقالت دوك هذا ولدي اعز ما املك بس دقيقتن خله عندك وابوري امي الذهب وراجعه
بائع المحل قال لخويه هذا ولدها وضناها وما فيه اغلي منه
وخلوها تطلع توري امها الذهب

ساعه ....ساعتين ... طولت الحرمه ما رجعت ...!!

اتصلوا في الشرطه وبعد ما حضروا
قالوا لهم هالبزر اللي حطته عندكم مسروق من قصر افراح ولنا ثلاث ايام ندور عليه
بلغوا اهله عشان يجون يستلمونه

جاء الاب والام
ووضح له افراد الشرطه القصه وشلون ان الحرمه حبكت الموقف واستغلت الابن
رفض راعي المحل يسلمهم الابن الا بعد ما يدفعون 25 الف قيمه أطقم الذهب والالماس

قاله الابو لو تبي اربعين الف عطني الولد بس
الي هذه الدرجه وصلت ضمائر بعض الناس ...!!
لا حول ولا قوه الا بالله

منقووووول

[عاشق 50Cent]

لاحول ولا قوة إلا بالله

لهدرجة وصلو الناس

مشكور اخوي على ذا القصة

وبانتظار جديدك

[شموخ النخيل]

ياهلا والله بالاخ لزيز الك وحشه وين هالغيبه افتقدناك اخوي

ياساتر يارب لهالدرجه وصلو بعض الناس قصه غريبه والله في الاحتيال

مشكوررررررررر لزوز على هاي القصه التى اتنبه الناس حتى ياخذو بالهم من اولادهم ويكونون حريصين اكثر واكثر

[الرشيد]

لاحول ولاقوة الا بالله

عشنا وشفنا وراح انعيش وانشوف ونسمع العجايب من هالناس

بس ذكية هالمحتلة مو

مشكور لزوز على هالخبر

[حمزاوي]

لاحول ولا قوة إلا بالله


عشنا وشفنا وراح نعيش ونشوف صح كلامك الرشيد