دعوهـ للنقاش....موضوع غريب وقوي....تصور نفسك مكان الشخص المعذب....؟؟تصوري نفسك مكان الإنسانه التائهه...؟؟

[أنين الصمت]

أولاً: قبل لا أدخل في الموضوع وأتكلم فيه أحب أقلكم أنه الموضوع إللي حتكلم فيه حقيقي وساير في

واقعنا وبشكل مرهـ كبير,,


طبعاً لمن حأعرض الموضوع حتقولولي الدين يمنع هادي الأشياء وأنه حرام ومايسير هادا كله أحنا

عارفينه ومأمنين بكلام الله سبحانه وتعالى ولكن الشي هادا ساير عندنا وفي واقعنا ولازم نتكلم فيه,,





موضوعي يقول...


أمس كنت سهرانه مع صحباتي فدخلنا في نقاش وكلام ومواضيع فجات هرجه على وحده أثنين من

صحباتي يعرفوها والباقين مايعرفوها ومن ضمنهم أنا فوحدهـ من صحباتنا بتقول على الحب والزواج

فجابت حكاية هادي الإنسانه وقالت أنه في وحدهـ من صحباتها متزوجه من تقريباً 10 سنين وهادي

الإنسانه مو مرتاحه مع زوجها يعني مو حاسه أنه هو هادا الإنسان إللي هيا تبغاهـ طبعاً حتقولوا

كيف مو مقتنعه فيه وعايشه معاهـ كل هادي المدهـ أقلكم في ظروف أحياناً تجبر الإنسان يعايش وضع

وحياهـ هو مايبغاها ومو مقتنع فيها بس المهم البنت هادي أتعرفت على واحد من معارف أهلها من بعيد

وتعرف عنه أشياء مرهـ كتير يعني جات صدفه وأتعرفت عليه ومرت فترهـ على معرفتهم ولقت فيه أنه

الإنسان إللي هيا تتمناهـ وفيه كل شي هيا تبغاهـ ومرهـ سارت تحبه بجنون وهو كما كمان سار يحبها

ومرت فترهـ وهما مبسوطين مع بعض ووضعهم تمام بس هيا حست أنه هادا الإنسان إللي هيا تحبه

مهموم مضايق تعبان فسألته وبعد إصرار رضي يقولها أنه هو تعبان ونفسيته سيئه جداً لأنه ماهو قادر

يعيش الوضع إللي هما فيه يعني هيا موجودهـ معاهـ بقلبها وبروحها بس بجسدها مع إنسان تاني

يعني بمعنى أصح أنه هو أحق فيها من أي أحد تاني وأنه كل إللي بيسير بينها وبين زوجها حتى أتفه

التفاصيل هو أحق فيه وهيا متأكدهـ أنه هو يحبها وكلامه كله صحيح بس هيا واقعه بين نارين تحب

هادا الشخص بطريقه جنونيه ولكن ماتقدر تكون معاهـ مو لأنها مرتطبه بأطفالها أصلاً هيا ماعندها أطفال

بس أنه هيا عارفه أنه زوجها ماراح يتركها ويطلقها بسهوله لأنها قبل كدهـ حاولت معاهـ لأسباب كثيرهـ

بس هو يرفض الإنفصال عنها...

هيا تحب الشخص التاني حب جنوني وفي نفس الوقت منها قادرهـ تسعدهـ ولا تكون معاهـ ومنها

قادرهـ تسيبه ولا تبتعد عنه ولا هو كمان مو قادر يبعد عنها...





حتقولولي أنها خاينه وماتستاهل شي والكلام هادا كله بس الشيء صار وخلاص يعني وقعت الفأس

في الرأس والإنسان مايدري متى يحب ولا متى يجيله الحب ولا تقولولي تحاول تقتنع في زوجها والكلام

دا لأنه هيا حاولت أكتر من مرهـ ومانفع الموضوع وممكن تقولوا أنه يمثل عليها الحب وأنه بعد ماأخذ

منها إللي يبغاهـ حابب يسيبها بس شاف أنه موضوع زوجها حجه أقلكم حسب إللي سمعته أنه ماحصل

بينهم لقاء إلا مرتين وفي مكان عام يعني حبهم حقيقي...



هو موضوع يدوخ ومشبك...


أسئلتي ليكم....!!!



الشباب:


1- لو كنت أنت مكان الشخص إللي هيا تحبه إيش حتكون ردة فعلك وكيف حتتصرف...؟؟


2- لو كنت أنت مكانه هل حترضى ترتبط بوحدهـ مطلقه وأنفصلت عن زوجها عشان خاطرك ولجل عيونك

ولا حتقول لأ أنا لا يمكن أثق فيها عشان كدهـ حتى لو أطلقت أنا ماأتزوجها...؟؟





البنات:


1- لو كنتي أنتي مكان هادي الإنسانه كيف حتتصرفي هل لأنك تحبي وتبغي يعيش مبسوط ومرتاح

حتبعدي عنه وتسيبيه يشوف حياته بعيد عنك ولا حتكوني أنانيه وتخلي جنبك على الرغم من كل التعب

والعذاب إللي هو فيه...؟؟


2- لو طلب منك أنك تنفصلي عن زوجك وتحاولي بشتى الطرق وأنت عارفه أنه هو يقدر يتزوجك حتى لو

أطلقتي وأنه أهله ماعندهم مانع أنه يزوجوهـ وحدهـ مطلقه مادام هو يحبها وحيرتاح معاها..؟؟




أتمنى أشوف أرائكم وإقتراحاتكم..


لأنه بجد الموضوع مرهـ قوي وأنا جلست أفكر فيه طول الليل وحطيت نفسي مكانها بجد الله يعينها

ويعينه لأنه بصراحه الموضوع مرهـ صعب..


الحمدلله على الراحه..


عذراً على الإطاله وعل الكلام باللغه العاميه بس بجد الموضوع يعور القلب وماني قادرهـ أكتب بالفصحى,,



تقبلوا تحياتي وإحترامي..


مشرفة القسم..

[عندى أمل]

لو انا بمكانها مدام انا مامرتاحة مع زوجى اتركة واعيش مع الى احبة ويحبنى بس هدة سهلة مووو مشكلة المشكلة اقولك انا كمان على قصة دكرتنى فيها وهدة حقيقة مع احد صديقاتى صارت بس مع الأاسف هى عندها اطفال وماتحب زوجها ولأتشعر فى ولأ هو ماامسويها اى اهمية بس مجرد اوامر بالبيت غير هيك مااعندووو شى تانى حتى تقولى من يعاشرنى
كانة بيغتصبنى يعنى مامرتاحة مع ابدا ولو الى تحبة بعيد عنها بس تحبة وترتاح مع اكثر واكثر ومستعد ان يتزوجها ومكفل باطفالها كمان طبعا راح تموت بس حتى تشوفلها طريقة وهى طبعا من نوع جبانة مااتقدر تطلب الطلأق ومن كثر حبة ليها هو فكر كيف يتزوجها من كثر تفكيرووو قال ليها فى يوم من الأايام حبيبتى ماافى قدامنا غير انتضر من تكونى ارملة واتزوجك يعنى معقولة فى حب لهدة الدرجة مااعرف انا اسفة طولت عليكم بس هدة قصة حقيقية وعايشينها لحد هدة اللحضة

تسلمى ويعطيكى الف عافية

[عموري]

انا عن نفسي لو كنت احبها حبا حقيقا لكنت تركتها تعيش حياتها مع زوجها ؟ ما الحل اذا كانت هي متزوجه ؟ ما باليد حيله اذا ما في حل للطلاق يعني اتركها تعيش حياتها مع زوجها واكبت اهاتي وحبي في قلبي ؟

ولوكان عكس ما اقول يمكن الامور تتمادى وتصل الى طريق المشاكل ولاينبغي ان اعرض حياة من احب للمشاكل ... خصوصا اذا كانت امراه متزوجه

اما عن السؤال الثاني

بصراحه تعتمد على كثير من الامور ولوشرحت يمكن اطيل كثير
لكن نتركها غير مره ؟

بالمناسبه انين هذا الموضوع غايه في الاهميه واني اشكرك جدااااااااا

[عندى أمل]

صحيح أخى عمورى بس نحن نقول هيك لأانة ماامرينا بهدة التجربة الصعبة
بس ادا سالت اهل التجربة راح يكون ردهم غير شكل يعنى القصد من الكلأم
فى حل انا برائي ادا هى مامرتاحة مع زوجها تطلق احسن ماتعيش مع طول عمرها وهى تخونة ايش دنب الرجل ومع انة هو السبب حتى الرجل بيخون وهدا شى موجود بس المراةء ماتقدر تخبى تنكشف بسرعة .الرجل كمان بينكشف بس بعد فوات الأوان .

[أنين الصمت]

المشاركة الأصلية كتبت بواسطة عندى أمل

لو انا بمكانها مدام انا مامرتاحة مع زوجى اتركة واعيش مع الى احبة ويحبنى بس هدة سهلة مووو مشكلة المشكلة اقولك انا كمان على قصة دكرتنى فيها وهدة حقيقة مع احد صديقاتى صارت بس مع الأاسف هى عندها اطفال وماتحب زوجها ولأتشعر فى ولأ هو ماامسويها اى اهمية بس مجرد اوامر بالبيت غير هيك مااعندووو شى تانى حتى تقولى من يعاشرنى
كانة بيغتصبنى يعنى مامرتاحة مع ابدا ولو الى تحبة بعيد عنها بس تحبة وترتاح مع اكثر واكثر ومستعد ان يتزوجها ومكفل باطفالها كمان طبعا راح تموت بس حتى تشوفلها طريقة وهى طبعا من نوع جبانة مااتقدر تطلب الطلأق ومن كثر حبة ليها هو فكر كيف يتزوجها من كثر تفكيرووو قال ليها فى يوم من الأايام حبيبتى ماافى قدامنا غير انتضر من تكونى ارملة واتزوجك يعنى معقولة فى حب لهدة الدرجة مااعرف انا اسفة طولت عليكم بس هدة قصة حقيقية وعايشينها لحد هدة اللحضة

تسلمى ويعطيكى الف عافية

عندي أمل,,



يسلمووووووووووووو على مرورك الحلو,,


الله يعطيك العافيه,,


أحترم رأيك ووجهة نظرك في الموضوع,,


أشكرك على تفاعلك الدائم معانا,,


نورتي موضوعي,,


الله لا يحرمنا منك ولا من تواجدك معانا,,


تقبلي تحياتي وإحترامي..