شعر جدا رائع

[خبله وربي]

يوم ثارت في جنون من جنون الجاهليه
عاتبتني لين شبت في شرايني لهبها
استفزتني وفزت وازعلت مني عليه
واستضاقت من كلامي يوم زعلني عتبها
والله اني ما بغيت ابدي معها بالخطيه
بس هي الي تحدت خطاها لحظه غضبها
يمكن اني كنت قاسي بالعتب معها شويه
كثر ما كانت تمنى راحتي واعشق تعبها
والله كنت اكابر بالعتب في حسن نيه
بس ابدري هو صحيح انا الوحيد الي عجبها
جرحتني بالكلام وكبرت حيل القضيه
واخسرت بي كل عرق من شرايني كسبها
ولا هي ما كان فيها للموادع مقدريه
والجفا ما كانت تعافه بس ما ادري وش قلبها
ليتني ما قمت اقايس قيمتي عند ابدويه
رجعتلي كل عرق حبها ولا نهبها
علمتني كيف انجح وانتصر وابقى ضحيه
علمتني كيف قلبي لو غلبها ما غلبها
علمتني يوم صدت عنفوان الاجوديه
ما تلوح للمقفي لو سلبها ما سلبها
رابيه بين القبايل والعرب واهل الحميه
عاقله ماتبذل الا نخله تعرف رطبها
ان تهادت ذكرتني في خفوق العامريه
وان تمادت تركب ابليس الرجيم وما ركبها
وان حكت تعطي مكانه للحروف الابجديه
كن كلمتها تلفت للكلام الي عقبها
والحروف اللي تعدت بالشفاه النرجسيه
كانها قصيده بس ربي ما كتبها
وش بوصف من حلاها وش بخلي للبريه
مابها بالحسن من عيب واكشفت الا حجبها
شعرها فيها الخوي الي تبرى من خويه
والشفا ه لو تشرب الماء واختلط فيها شربها
كأن في ضمه شفاهها جمرتين بنار حيه
كل من حس بدفاها واحترق صد وقربها
شفتها مثل الجريمه وابتليتبها
غلطه جيت اتحاشى ظلمها قلت ارتكبها
كل شي شفت فيها فيه نبره جاذبيه
فيها موهبه من فضل ربي واشهد ان الله وهبها
كلها لله لله عاجبتني ها لادميه
من بدايه راسها لاسفل كعبها
منقول

[المنسدح باللفه]

للمرة الثانيه يالخبله صح لسانك ولا تعودين تكررين الموضوع

[عبير الزهور]

يسلموووووو الايادي اخيتي الغالــــــــــــــيه

كلماتك جدا رائعه

وعباراتك جدا قويه

ولفظك جدا له اكثر من معنى

اتمنى لك مزيد من الابداع يالغلا والى الامااااااااااااااااااام

[خبله وربي]

السلام عليكم ورحمه الله وبركاته
تسلملي يامنسدح على مرورك
وشاكره لك المشاركه
بالنسبه لإعاده الموضوع كان بالغلط وانشا الله ما تتكرر
تحياتي

[خبله وربي]

مشكوره اختي عبير الزهور على المشاركه
والله لايحرمنا منك ياغاليه ولا من مرورك الكريم
واتمنى كل مواضيعي تكون في مشاركه منك
دمنتي لنا