يابنت الاجواد

[المنسدح باللفه]

تستاهلين القلب يا بنت الأجواد
شرواك ترخص له قلوب كثيره
أنتي ملاك زان بالحسن وازداد
روعه.. وصرتي جد حاجة مثيره
كلٍ عرف زينك قريبين وأبعاد
زين مع العربان ماشيف غيره
اقلوب تشغف فيك وعقول تنقاد
تنقاد يمك في غرابه وحيره
الله عطاك الزين والله اذا راد
أعطى لمن يبغى مزايا كبيره
يا عنق ريمٍ في الخلا دووم ما اعتاد
قرب العرب دايم وهي مستذيره
ويا عين حرٍ مغتذينه للأهداد
سوداء.. ونظرتها خطيره.. خطيره
نظرتك تسبي عقول شيّاب وأولاد
فيها سحر يسبي العقول الكبيره
ولك مبسمٍ ساطع كما الجمر وقاد
ولون الزهر في خدةٍ مستديره
ولك أشقرٍ مائل على المتن منقاد
لهب نسناس الهواء يستثيره
حزتي جمال الكون صدقٍ بلا عناد
ولا ينلقي زيك بمليون ديره
وتستاهلين القلب يا بنت الاجواد
القلب لك مالك بقلبي خشيره


مفلح بن غالب المريبيط المطيري

[مجـ الخاطـر ـروح]

روعه بصراحه

هذه الكلمات

تسلم عليها والله

وتشكر


تحياتي اخوووي,,

[المنسدح باللفه]

الروعه تواجد هنا يالملاك الابيض

[عبير الزهور]

بجد روووووووووعه

سلمت يداك المبدعـــــــــه اخوي المنسدح باللفه

كلمات جميله

وعبارات رائعه

واسلوب مميز

والقاء قيم

احيك على هذا الابداع وتقبل كل الحب والتقدير

[@ ملك الحب @]

يسلموووووووووو على الكلمات الرقيقه ولاتحرمنا من صفحاتك الرائعه

لك تقديري..