اعتذر من الأخوة الأعضاء على هذا التقطيع في القصه......
يطلع فيصل وهو يقول:خمس دقايق اذا ماجيتي انا ماشي .....
وتلبس فاطمه عبايتها وتلحق اخوها ويطلعون للمستشفى
وفي المستشفى يطق الباب على مها ..
مها:بصوت مبحوح : منوو؟
فاطمه وهي تدخل :انا فاطمه ممكن ادخل؟
مها:هلا فاطمه
فاطمه :الحمد لله على سلامتك ....
مها:..................
فاطمه: انا عارفه انو اللي حصلك مو قليل بس الله موجود يا مها
مها تبكي.......
فاطمه: خلاص يا مها اللي راح راح والحي ابقى من الميت
مها: اهلي يا فاطمه وشلون ما ابجي عليهم وانا مالي غيرهم؟
فاطمه: طيب امسحي دموعك لانه في ضيف يبي يشوفك
مها باستغراب: منو هالضيف؟
فاطمه وهي تقعد على السرير :اخوي فيصل سبق وقلتلك عنه.. هو اللي ساعدك
مها:ايه تذكرته حياه الله انا بعد حبيت اشكره
فاطمه وهي طالعه تنادي اخوها من عند الدكتور اللي كان يسال ويكمل باقي الاجرائات معه..
ومثل منتو عارفين في الكويت الغشوة(الغطوة) شي مو اساسي عشان كده لبست مها شيلتها بس
طق فيصل الباب ودخل .سلم على مها وتحمدلها بالسلامه ماقدر يرفع عينه ويناظرها كان مستحي وهو يشوف وحده مفرعه
مها بنبرة حزن: انت اكيد فيصل اللي ........اللي ......وبكت بكى يقطع القلب
انتبه فيصل ورفع راسه وليته ما رفع شاف قمر يبكي حاول انه يتكلم لكن انبهاره فيها كان اكبر من انه ينطق يقول بقلبه: حشا ماهي انسانه الا ملاك لا اله الا الله .
واخيرا تداركت فاطمه الموقف : اذكري الله يا مها لا تتركين الشيطان يضحك عليكي لا تصيرين ضعيفه.... قول شي يا فيصل؟؟؟
فيصل مثل المنبله: هاه صح لا يا مها لا تصيرين ضعيفه هذا تصرف غلط اهللك ماتو الله يرحمهم هذا المكتوب ادعيلهم بالرحمه ........ز
مها وهي لا تستطيع ان توقف دموعها :بس هذيل اهلي تعرفون يعني شنو اهلي يعني الدنيا كلها وين اروح عقبهم؟ منو يقبلني؟ خوال احنا على خلاف معاهم وما اظن يقبلوني وابوي وحيد اهله ماتو من زمان ماتقولون لي وين اروح انا هنا مثل الغريبه مال احد
فيصل: افا عليكي يا مها واحنا وين رحنا والله لا اصيرلك اكثر من اخ وعون ان شاء الله ..
مها وهي تمسح دموعها:أكثر من أخ؟؟؟؟؟؟ فيصل انا حبيت اشكرك من كل قلبي على انقاذك لي وهذا فعلا كان عمل انساني منك انا اشكرك لانك تستحق الشكر في نظر الناس لكن انا اعاتبك؟؟؟؟؟؟؟؟
"تبكي" .......... ليش ما خليتني اموت معاهم؟؟؟؟
فاطمه وهي تقرب من مها وتضمها:مها حبيبتي بسك عاد يمكن الله لو حكمه في اللي صار وان شاء الله امورك تتحسن وما تدرين عن المكتوب؟
مها :ونعم بالله .........فيصل مابي اكون جريئه ووقحه معك بس ممكن طلب؟
فيصل: افا والله يامها انت تامري ما تطلبي
مها : تسلم بس انا ابي ارجع الكويت
فيصل يرتبك ويحاول يخفي ارتباكه : الله يهديكي بس الزم ما عليكي راحتك وانا اخوك وبعدين يحصل خير
مها : ماتقصر بس انا حاسه بتحسن شوي .... اقول اخ فيصل .. انا سمعت انه هذا المستشفى خاص وتكلفته كبيرة وانا ماودي اثقل عليك .......
فيصل وهو يقوم وهو ماوده يقوم : يابنت الحلال لا تشيلين هم اللحين انا اللي ادفع والا انت ...
آآآه يالبخيله .........
مها: بخيله من قال انا مو بخيله ؟؟؟؟؟؟؟؟؟
فيص:ههههههههههه حطي نفسك مكاني وش بتسويين
مها:مدري..........
فاطمه: مو كانكم نسيتو وحده ضعف اعماركم وراها عيال وبيت ومجابلتكم؟؟؟
حس الاثنين انه فاطمه تجمعهم بالكلام وكانهم يعرفون بعض من زمان بس كااان شعووووووووور غريب..........
فيصل: ماعاش من ينساكي يافطوم بس يالله عاد مشينا ثقلنا على البنت وهي تعبانه
يطلعون من عندها وترجع مها للحزن والمراره والدموع اللي بعدها ما جفت وترجع فاطمه لبيتها وعيالها ........ ويروح فيصل بافكاره يفر شوارع الرياض ويدور براسه هالحوار:
والله انها قمر احلى بنت شفتها بحياتي... هو انا من كثر ما شفت بنات ......... بس من جد حلوة رغم الجروح اللي بوجهها وانها مكسرة بس فيها برائه عجيبه يحليلها والله انها حبيبه.... مسكينه هالبنت........... عجبته مها ببياضها وعيونها الحلوة سود ووساع خشمها الدقيق متوسط الطول فمها المليان....ناعمه وحلوة ...رغم انه ما شاف شعرها بس للعلم كان شعرها اسود طويل ناعم يغطي نص ظهرها وجسمها قبل الحادث كان مليان شوي بدون ترهلات وعقب الحادث والماساه اللي صارت فقدت الكثير من وزنها ... ما يحتاج اقلكم الماساه اللي كانت فيها وعمق الالم اللي تعيشه والجروح اللي تشيلها ...........
تدعي على نفسها وتتمنى لو انها ماتت معاهم وبعدين ترجع وتتحسر .......... اكيد كان الشعور الطاغي........الغربه..........
فيصل شاب في مقتبل العمر 23 سنه اهله عايشين في منطقه تبعد عن الرياض حوالي 250 كلم
وهو لظروف شغله كان ساكن عند اخته بالرياض وزوجها اللي هو ولد عمها وفيصل ساكن عنهم ..
فيصل شاب ماعليه كلام في الجمال وطبعا الرجال بشخصيته وافعاله بس هو فعلا كان جميل :
طويل ضعيف اسمر مو كثير شعره ناعم طويل الى حد ما ....له شوارب ولحيه خفيفه .
فاطمه هذه اخته وعمرها 35 سنه متزوجه ولد عمها نواف اللي يموت فيها وبجدتاره جابتله 6 عيال الله يخليهم ليها وبنت صغيرونه هي اللي مدلعه بالبيت اسمها سميرة وعمرها 3 سنوات
فيصل وهو داخل بيت اخته: السلام عليكم
فاطمه اللي كانت ترقد بنتها بالصاله: وعليكم السلام والرحمه هلا والله بروميو كيف الحل عنتر ... هلا والله بقيس
فيصل: ههههههههههههه قيس وعنتر وروميو وما بقي من العشاق ..
يالله انا اخليك تعبان وبروح ارقد
فاطمه:ما الومك تعبان من التفكير بست الحسن والجمال؟؟؟؟؟؟
فيصل وهو يقعد في الكنبه اللي مقابلتها والظاهر ان الموضوع شده :فطمطم شقصدك يا حلوة؟؟؟؟
فاطمه:والله محد فاهمك كثري ما خبرتك تهتم بالبنات ولا انت راعي سوالف خرابيييط ...لا وصاير لهم حاتم الطائي
فيصل وهو يتنهد:اكيد تقصدين مها
فاطمه: شوف ياخوي انا مو ضد فعل الخير والبنت انا معاك انها مسكينه بس انت سويت اللي عليك وكفايه عاد تحمل نفسك ديون انت منت قدها ياخوي ارحم بحالك الدين يكسر الظهر وانت منت بقده
فيصل:انا رجال ومتحمل اللي يصير لي لي شايله همي؟؟
فاطمه: انا اختك ومن حقي اشيل همك واشوف هالشي يضرك اكثر من انه ينفعك
فيصل يفكر: شتشورين علي يا وخيتي؟ فاطمه: البنت غريبه وصار لها اكثر من شهر ونص محد سال عنها حرام تعيشها بعذاب انا اقول تبلغ السفارة وترد لديرتها وتشوف اللي لها واللي عليها
فيصل: يافاطمه انت ما تفهمين ... اقلك البنت مالها عم ولا خال
فاطمه:وانت منت بولي امرها لا تحمل المسؤليه منت باللي صدم اهلها ولا انت واحد من معارفهمديرتها تكفل فيها
فيصل باسى: اشوفك قاسيه يا فاطمه وهذا مو من طبعك ؟؟؟
فاطمه: الله يسامحك يا خوي هذا وانا اونتلك لا تقول كذا قلبي معاها المسكينه بس انت وش تقدر عليه؟؟
فيصل يتنهد:يعني برايك اروح السفاره بكرة وانهي الموضوع
فاطمه: اي والله ياخوي هي بحاجه تروح وتغير جو وترد ديرتها يمكن تحسن حالتها اقتنع فيصل وقال بقلبه هذا اللي بيحصل ان شاء الله ومن الصبح استاذن من عمله وراح للسفاره وانهى الاجراءات معهم وسلمهم اوراق البنت اللي كانت بحوزته واللي من خلالها عرف كل شي عنها لا وصورهم الحبيب بعد..قال موظف السفارة احنا لازم نتصل اول على اقربائها هناك ومدام حالتها مثل ما تقوول تحسنت تقدر تسافرمن اللحين بس لازم احد منا يرحلها ويشوف وش تحتاج وش ناقصها عقبها يصير خير
طلع من عندهم فيصل وهو مضايق ماوده تروح لكن وش يسوي هذا اللي لازم يصير مهما كان لازم ترجع لديرتهاوناسها ..كان معزم يرحلها المستشفى واخذ معه كولا وشوكولاته وشبس ومن هالشغلات الفنكيه اللي تفرفش
طق الباب وما سمع الاجابه
"انا فيصل ممكن ادخل" هم محد رد عليه استغرب ..قرر يدخل ودخل ..كانت نايمه ...انصدم من زمان ماشافها كانت اخته هي دايما اللي تزورها .... عقله يقله "استح على وجهك واطلع مو عشان البنت ما وراها والا تسوي اللي تبيه خاف ربك اللي هو وليها....
وقلبه يقول"اقعد ما عليك منه هو التعبان بالاخير احد يشوف القمر ذا فباله ويدور النجوم اقعد مو كل يوم بحصلك مزيونه مثلها " وبينما العقل والقلب يتناجرون كانت عيونه هو الشي الوحيد اللي استفاد يقلب عيونه بالملاك النايم :مسكينه وشلون تتحمل كل هالالام ما تستاهل .....وقال في نفسه اطلع اللحين احسلي وبعد شوي اجيها ...حرام البنت نايمه حرام افزعها ...وضع الاكياس على الطاوله ولما جا يطلع .... شد انتباهه صوت ارتطام قوي على الارض :
طراااااااااااااااااااااااااااااااااااااااااااااااا اااااااااااااااااااااااااااااخ
-------------------------------------
نهاية الجزء الأول
ولكن لظروف خارجه عن ارادتي
مساحه الموضوع لا تستحمل اكثر من 10000 حرف.............
المهم هذه التتمه وارجو ان لا يكون الانقطاع أثر على جمال القصه
02-03-2006, 12:12 AM
بشروه اني أبرحل(تكمله الجزء الأول)
