قصيدة مؤثرة

[lzeez]

قصيدة مؤثره وصلتني على الايميل وانقلها لكم كامله كما وصلتني :


*يـا ليتنـي خدامـة بيـن اياديـك .. من شان اشوفك كل يوم برضايـا*
(ماعاش من يخليك خادمة يا يمه)
هذي قصيده مؤثرة لأم تشكي حالها بعد ان وداها ولدها (الله يهديه) للمصحه (دار العجزه) او كما يقااال ( دار النسيان) والبيت أعلاه يبكي حتى القلب القاسي
اترككم مع القصيده
وين انت يا حمدان امـك تناديـك .. وراك مـا تسمـع شكايـا وندايـا
يا مسندي قلبي على الدوم يطريـك .. ما غبت عن عيني وطيفك سمايـا
هذي ثلاث سنين والعيـن تبكيـك .. ما شفت زولك زايـر يـا ضنايـا
تذكر حياتي يـوم اشيلـك واداريك . . والاعبـك دايـم وتمشـي ورايـا
ترقد على صوتي وحضني يدفيـك .. ما غيرك احدٍ ساكن فـي حشايـا
واليا مرضت اسهر بقربك واداريك .. ما ذوق طعم النوم صبـح ومسايـا
ياما عطيتك من حنانـي وبعطيـك .. تكبـر وتكبـر بالأمـل يـا منايـا
لكن خساره بعتني اليـوم وشفيـك .. واخلصت للزوجه وانا لي شقايـا
انا ادري انها قاسيـه مـا تخليـك .. قالت عجـوزك مـا ابيهـا معايـا
خليتني وسط المصحه وانا ارجيك .. هذا جزا المعروف وهـذا جزايـا
يـا ليتنـي خدامـة بيـن اياديـك .. من شان اشوفك كل يوم برضايـا
مشكور يا ولدي وتشكر مساعيـك .. وادعـي لـك الله دايـم بالهدايـا
حمدان يا حمـدان امـك توصيـك .. اخاف من تلحق تشـوف الوصايـا
اوصيت دكتور المصحه بيعطيـك .. رسالتـي واحروفهـا مـن بكايـا
وان مت لا تبخل علـي بدعاويـك .. واطلب لي الغفران وهـذا رجايـا
وامطر تراب القبر بدموع عينيـك .. ما عـاد ينفعـك النـدم والنعايـا
(حسبي الله ونعم الوكيــــــــــــــل)
الله يكون فعونها آميــــــــــــــــن
هذي صفحة الشاعر سفير الشوق

[فاقد الحب]

لذيذ ،،

..
.

أرحب بك هاهنا في الصفحات

وأثني عليك بالنقل الرائع

وأقدم لهذه القصيدة قصيدة بعنوان تسبب في وفاة امه ...

...
..
.

يواسيني وانا الميت وحالـي يجبـر الدمعـات

تسيل من الذي فيني ويبكـي وهـو يواسينـي

وانا ابكي واتنهـد وارسـم بالحـزن لوحـات

يجبروني عشان امشي ورجلـي مـا تمشينـي

قتلت رعايتي بيدي قتلـت الحـب والرحمـات

حرمت النفس من حقها وانا ابكيهـا وتبكينـي

وكنه حلـم قدامـي يقيدنـي مـن الصرخـات

ابي اصحى ولكني عجزت القـى ال يصحينـي

فداك القلب يايمه ومهمـا قلـت مـن كلمـات

صغيره في كبر حقك بـس اتمنـى تعذرينـي

نهبت الفرح من بيتي صحيح اني خسيس الذات

صحيح اني ولد طايش وكل ما أسمعـه فينـي

تجول عيونهم فينـي تفصـل منـي قياسـات

وتشيح وجوههم عني وكنـي غيـرت دينـي

يظنوا حزنهم اكبر وهـم اصحـاب هالمأسـاة

وانا اتحدى اذا فيهم ربع مـا يحتـرق فينـي

نقص قدري بعد موتك وغابت نشـوة اللـذات

وصـار الهـم عكـازي اباكيـه ويباكيـنـي

عطيتيني بدون حساب ولا سمعتك تقولي هـات

وانا اشرب حيل من دمك ودمـك مـا يكفينـي

يايمه ارجعي كافي ابجلس معـك لـو لحظـات

واقبل ايدك ورجلك وافرش لك رمـش عينـي

يايمه ما تحملهم يقولوا فـات مـا قـد مـات

تعالي غيري هالقول واطيعـك باقـي سنينـي

واترك عادة التدخين وانفذ مـا تبـي بسكـات

واصلي الفجر في المسجد قبل منتي تصحينـي

يايمه ارجعي تكفيـن وطفـي شمعـة الآهـات

ابيك انتي ولا غيـرك علـى موتـك تعزينـي

وضميني وداويني مثـل مـا كانـت الهقـوات

ما ابي احدن يواسيني ابيـك انتـي تواسينـي

دخيلك بس لا تبكي اذا شفتـي بـي الدمعـات

انـا مقـوى ابكـيـك اذا انـتـي تبكيـنـي


...
..
.

*·~-.¸¸,.-~*المجروح *·~-.¸¸,.-~*

..
.

أتمنى أن تنال إعجابكم

..
.

[lzeez]

صح لسانك حبيبي فاقد



قصيده اكثر من رائعه


وجودك معايا احلى شي ممكن يصيرلي

[فاقد الحب]

لذيذ ،،

..
.

حبيبي أشكرك على الرد المميز

والراقي والمحرج في نفس الوقت

يعطيك الف عافية ..

..
.