يـا يـمـه جـيـت ابـسـأل لـيـه انـا حـظـي مـجـافـيـنــي
اشـوف الـنـاس مـلـتـمـه وانــا مــا بـيــن حـسـراتــي
اشـوف افــراح مــن حـولــي اسـلــم مــا تـحـيـيـنــي
انـاديـهــا وانــا خـجــلان الـــزم فـــي تـحـيــاتــي
احـاكـيـهـا يـافـرحـه ويـن؟ حـلـفــت انــك تـزوريـنــي
اشــد بـحـكــي ثــم ارخــي اداعـبـهــا بـهـمـسـاتــي
ولا بــه فـايــده يـمــه بـرغـبـتــهــا تـمـشـيــنــي
تـواعـد ثـم تـخـلـفـنــي او انـهــا تـنـســى اوقـاتــي؟
انـا اذكْـردعـوتـك لـلــه ... طـلـبــك انــه يـخـلـيـنــي
طـلـبـك انــه بـيـرزقـنــي و يـوفـقـنــي في بـدايـاتــي
تـعـلـمــت الـدعــاء مـنــك وصــارت عــادةٍ فـيـنــي
اذا نـامــت عـيــون الـخـلــق اوجــه لربي دعـواتــي
رجـيـت بـصـوت كـلـه خــوف مـتـأمــل بـيـعـطـيـنــي
لاجــل مــا افـرّحــك يـمــه رجـيــت وزدت رجــواتــي
هـقـيـت ان دنـيـتـي تـصــدق بـدعـواتــي وتـوفـيـنــي
صـبــرت بـحــروة امـالــي وحــروة كــل هـقــواتــي
وجــت لـلـخـلــق ذا كـلــه ولـكــن ازرت تـجـيــنــي
وقـلــت اكـيــد هــي خـيــره حـمــدت الله لـحــالاتــي
كــتــمــت الاه لا تــطــلــع ولا ودي تـشـوفــيــنــي
مـا ودي يـتـعـبـك نـوحــي ولا تـشـقـيــك شـهـقـاتــي
تـجـرعــت الالــم يـمــه شـربـتــه بــأول سـنـيـنــي
وجـيـتـك مـا بـغـيـت انــك تـحـســي مــر لـوعـاتــي
اضّـحـك هــم دمـعـاتــي واطـمــن خــوف يـحـويـنــي
واجـر بـصـوتـي الـعـالـي لاجـل عـيـنـيـك ضـحـكـاتــي
واذا صـديــت عــن وجـهــك اسـلــم امــري لـعـيـنــي
تـجـيـنــي مـثــل جــلادٍ يــروق ان شــاف دمـعـاتــي
اجـمـلــهــا بــذكــر الله واقـــول الله بـيـجــزيــنــي
اهـدّي نـفـسـي اطـلـبـهــا تـجـمـلـهــا بـبـسـمـاتــي
ولـكـن لــو نـجــي لـلـجــد تــرى كـذبــي مـأذيـنــي
مـا عـاد اسـتـحـمـل الـعـيـشـه بـتـزيـفـي لـفـرحـاتــي
انــا هـلـكــان يــا يـمــه انــا تـعـبــان ضـمـيـنــي
انــا كــل لـيـلــه اتـوفــى وارد احـيــا لـصـرعـاتــي
ذبـحـنـي الـبـرد يـايـمــه بـغـيـتــك لــو تـدفـيـنــي
طـلـبـتـك انـزعـي بــردٍ سـكــن واسـتـوطــن بـذاتــي
ضـلـوعـي تـزاحـمـت يـمـه بـصــدرٍ مــا يـكـفـيـنــي
مـن الـضـيـقـه مــن هـمـومــي مــن الامــي واهـاتــي
يـلاعـب فـكـري جـنــون و تـلاعـبـنــي شـيـاطـيـنــي
تـوريـنـي ضـعـف حـالــي ... تـذّكـرنــي بـمـعـانـاتــي
تـشـكـكـنـي بـحـبـك لــي واقــول انــك تـحـبـيـنــي
تـعـانـد حـبــك بـقـلـبــي تـكــذب لــي حـكـايـاتــي
تـرى مـا هـزنـي خـوفــي وحـبــك لــي بـيـحـمـيـنــي
تـرى مـا عـمــري اشـكــك والـومــك فــي نـهـايـاتــي
انـا بـس بـاسـالـك يـمـه حـقـيـقـه لـيـه ولـدتـيـنــي؟؟؟
بـنـفـس الـلـحـظـه يـا يـمـه ولـدتـي لـيــه ونـاتــي ؟؟؟
ارد ادعــي انــا ربــي مــن الـعــلــه يـشـافـيــنــي
وكــل خـوفــي عـلــى قـلـبــك اذا مــروك بـرفــاتــي
انـا خـايـف مــن احــلامٍ نـهـايـتـهــا بـتـشـقـيـنــي
ومــن قـســوة مـشـاويــري ومــن اخــر مـسـافـاتــي
وخـايـف والله مــن قـبــري ومــن تـربــه تـغـطـيـنــي
وسـيـره تـنـقـطـع بـعـدي مـا يـبـقـى غـيـر كـلـمـاتـي
ابـيـكـي تـرضـي بـالـقـسـمـه ورضـوانـك بـيـرضـيـنـي
تـرانـي لاجـلــك اتـمـنــى يـحـقــق ربــي رغـبـاتــي
يـا يـمــه لا اشــوف الـهــم بـوجـهــك لا تـبّـكـيـنــي
تـرى مـكـتـوبـه قـبـل اولـد مـتـى ولـويــن خـطـواتــي
واذا مـا جـت عـلـى كـيـفـي ابـيـكـي مـنـهـا تـعـفـيـنـي
ابي تـرحــمـنـي دمـوعـك وتــشــفــع عــنـــدك
ابـيـاتــي
اتمنى نالت اعجابكم....!!!
20-05-2006, 10:27 PM
يمه ...ليه...!!!!!ارجوا المشاركه....
