قصص عربية , قصص أطفال , قصص غرامية , قصة قصيرة , قصص الأنبياء , قصص واقعية , قصص من نسج الخيال , قصص موروثة , حكايات عربيه , قصص طريفة , قصص السيرة , قصص الأغبياء , والكثير .
دخلت ساره ويتبعها سلمان ونوره
ساره وقبل تدخل غرفتها ..لاتقولين لي اسهري معاي تعبااااانه عندك هالمزيون اسهر معي للصبح وودخلت غرفتها وسكرت الباب
ضحكت نوره بنفسها على هبالها ودخلت ورى سلمان للغرفه
..بتنامين
..ايه تعبانه وفيني نوم ليش بغيت شي
..لا وش ابغي يعني نامي
يستفزها بطريقته ونظراته استدارت عنه وهي تحمل بقلبها الم ماتوقعته يتغير عليها فجئه التفت له ..انت ليش متغير على ؟؟
ماتخيل نوره تواجه ويئس انها تحس فيه لكن كالعاده مثل عدم المبالاه ..انا ماتغيرت هذا انا الي تعرفيني
..لا انت تغيرت على مانت سلمان الي عرفته وتزوجته
وقف وقرب لها ..لاتقولين عرفتيني لانك حطيتي جدار ثلج بيني وبينك ماحاولتي حتى تعرفيني <<<
نوت تطلع من المكان كله لكن استفزه برودها سحبها من يدها بعنف
..اذا كلمتك لاتمشين وتتركيني
..وش تبيني اقولك ؟؟؟
نفض يدها من يده ..تدرين انك بليده وعديمة احساس وتاكدي كنت كل يوم تخطر على بالي الف فكره تعز على نفسي ارتبط بوحده زيك وكل يوم افكر اريحك من هالزواج الي انجبرتي عليه بس ماهو حبكالسبب الوحيد الي خلاني اترجع فيه اسباب ثانيه غيره اولها فهد الي اعتبره اخوي ومابي اخسره ولانك بنت عمي ومارضى عليك الكلام واخرها واهمها ابوي الي وافقتي علي علشانه
بصوت مبحوح ومخنوق هزها الي سمعته كانت مثل الرصاص مهما تكون قسوته ماتصل معه لهالدرجه ..انا ياسلمان انا بليده وعديمة احساس ..وبنظره غاضبه واثقه وصوت قوي ..انا بعد مارضى عليك تعيش مع وحده تشوفها ماتصلحلك لاتجبر نفسك ياولد عمي ولاتحملني عشان احد هذي حياتك وماحد بعيشها غيرك عيشها زي ماتبي انت سو الي تشوفه صح ووعد مني انا الي بشيل المسؤليه ..
ظل واقف ومازالت يده مقبوضه وبنفسه سكتي يانوره ويوم تكلمتي ما خليتي لي شي ارد به عليك بس انا لايمكن اعيش من غيرك دور كلمه يرد عليها لكن الحروف تبخرت ولسانه انشل عن الرد
طلعت لدرج تركض ماتدري كيف وصلت لغرفتها دخلت وسكرت الباب وراها تتنهد بصمت وتتالم بدون صوت وتصرخ بنبره خافته وتتاوه من الالم من الحظ اذا عاند الانسان في كل شي بدت تترخي على الباب البني الكبير
لكن وبدون مقدمات رفعت نفسها ,,انا نوف ماعاد اسمح لشي يكسرني انا ماحبيته عشان ازعل لانه يحب غيري ,,تنهدت ,,بس هذا صار زوجي انا حرمت على نفسي حتى افكر بغيره وهو معطي لنفسه الحق يحبها يعني هذا سبب الحزن الي اشوفه بعيونه هذا الي مخليه مايتقبلني يعني هدى هي الجدار الي بيني وبينه آآآآآآآآآآه وانا الي كنت اظنه نايف يعني تزوجني حتى ينساها طيب واذا مانساها انا وين مكاني ؟؟؟؟ سمعت صوت خطواته المتعبه قريب بسرعه دخلت لغرفة الملابس حتى تهدى شوي
دخل للغرفه لقاها فاضيه ماهتم ولاتسائل وينها
طلعت من الغرفه تحاول تصطنع البرود نظر لها نظره بارده
..مساء الخير>>> ورمى نفسه على الائريكه
..مساء النور<<قدر المستطاع تحاول تخفي الرجفه داخلها
وقفت عند راسه تعاند نفسها تحاول تثبت لنفسها انها قويه وانها قادره تتحداه وتتحدى حبه وتتحدى نفسها وتتحدى حبها تبي تهزم كل هذا وتتربع على عرش القوه
شكلك تعبان !!يهرب من نظراتها الجليديه
..ايه صاحي بدري
..طيب قوم نام >>قام بثقل من الهم الي في قلبه
عطاها ظهره هي واقفه بمكانها وقابضه يدها بدون ماتحس تحس شي داخلها يرجف وبنفسها وين انا بحياتك ياناصر
استدارت بثبات ماتدرى لوين لقت نفسها على كرسي التسريحه اخذت قلم الكحل وصارت تضرب بحافة التسريحه ضربات متباعده
طلع من الغرفه يقصد السرير يشوف وجهها بالمرايه
لولك حظ يانوف ماتزوجتيني ولو لي حظ ماتطلقت هدى بعد زواجي حط يديه على راسه كان مثل الي سمع خبر موت غالي ارخى جسمه على السرير مازال يفكر ومازالت تايهه بنفسها ما حست بالدموع الي غسلت
البــــــــــــــــارات التـــــــــــاسع
ليه عمري مالقى لبرده دفى الادفاكي؟؟؟؟
اذا طلع لك قلب وعرفت تشتاق تعال دورني تلقاني مكاني .......
دخلت الغرفه لها اكثر من ساعتين وهو برى بالصاله يفكر بالي داربينهم متاكد انه جرحها قرب لباب الغرفه يسمع صوت لكن ماسمع خاف يكون صار لها شي رقيقه والكلام الي قاله قاسي لايمكن تتحمله <<انا ليش قلت لها هالاكلام
نوره حساسه يمكن صار لها شي
توكل على الله وفتح الباب بهدوء
منسدحه على السرير سمعت صوت الباب وغمضت عيونها الي جافاها النوم مشى شوي شوي حتى صار على بعد خطوات قليله منها بس ضوء الابجوره ينعكس على وجهها الغضبان حدق فيها باينه عاديه تطمن انفاسها منتظمه ابتسم بنفسه>>> تصبحين على خير>>> تركها ورجع ينام بالصاله
ودي انام ,,يمكن لاصحيت "" القى حزوني ""طايره فوق الغمام""""
نبهها صوت الاذان وهي كماهي ماسكه الكحل بيدها وضاغطه عليه بقوتها
ناصر يتقلب لكن عينه عافت النوم على صوت المؤذن قام لعل الصلاه تريحه
قام من السرير شافها بلبسها وعلى نفس وضعها ..ليش مانمتي
بدون لاترفع راسها..مافيني نوم
..وليش مابدلتي ؟؟ مخنوقه ومقهوره ومكسوره صارت مشاعرها حطام صعب لمه تضايقت من اسئلته
ارتبكت ماتدري بايش ترد ماكانت ناويه تبيه يعرف الي بداخلها او بالاحرى الموقف يتعدى حدود الجمل ..مدريــــ
قرب لها انتبه للنظره الي ارسلتها لها كانت تعبر عن شي ماوصله معها ..نوف وش فيك ؟؟؟
ماردت عليه بس نظرتها غريبه بارده حتى التجمد غاضبه حتى الاحتراق شعور اكبر من الوصف ..نوف نوف نــــــــــوفــــــ
ماكان نداء ه لها لانسان حي صار كأنه يوقض انسان يغرق في سبات عميق او انسان يحتضر رفعت عينها له وبكل هدوء... نعم
..وش فيك ؟؟
..مافيني شي بس تعبانه بروح اصلي يمكن اقدر انام
راحت من قدامه وهو مستغرب من حالها
..................................................
الصباح ماهو بس ناصر ونوف ونوره وسلمان الي ماناموا
هي بعد كانت سهرانه كانت تفكر بالي صار البارح خافت من رجعة هدى للبيت وانها تكون ناويه تفرض نفسها على حياة ناصر
جلست بالمجلس دخل زوجها ..صباح الخير
..صباح النور
..ماتوقعتك تقومين بدري بعد سهرة البارح
..والله ماقدرت انام يابو ناصر
..ليش عسى ماشر؟؟
..لا الحمدلله مافيني الاالعافيه بس خايفه على هالولد
..يام ناصر تراك اقلقتيني قولي وش صار
..البارح صار موقف وخايفه انه يخرب عليه حياته وانا ماصدقت على الله يتزوج ويستقر
..وش صار؟؟
..خلني اتاكد من الي انا شاكه فيه واشوف وش نسوي عشان نحمي حياته
..اجل انا باقوم للدوام الشغل متراكم من غياب ناصر
..مابقى الا ثلاث ايام ويرجع يساعدك
..ان شالله يلاه في امان الله
..في امان الكريم
..............................................
في المكتب يجهز اوراقه ويخلص بعض اشغاله لان وراه سفر وراح يغيب مده عن الشغل وخالد عنده
..ياخي تراك ازعجتني ماعندك شغل غيري
..احبك وماقدر استغني عنك ابي اشبع منك قبل تسافر
..لك ساعتين ماشبعت من مقابل وجهي
..لامايكفي بعدين انت بتغيب عشر ايام <<وهو يرفع يديه ..الله يصبرني بس
..روح عند نواف تسلى فيه لين ارجع تراه من ريحتي
..وععع من زينك ومن زين ريحتك
..هههههههههه انت الي تقول ماتستغني عني
..وانت ياحرم على طول صدقت مسكين رحمتك والله
..اقول خويلد وش رايك توريني عرض مقفاك وتتوكل على الله وتخليني اشوف شغلي
..ومن قالك اني ميت عليك
..خلاص بس هوني ترى خنقتني بثقل دمك
..زين يالله سلام ونشوفك على خير
ابتسم له ..مع السلامه
.............................
في بيت ام عبدالله لطيفه تزور بيت ام زوجها
ام عبدالله ..وين ريان ياعبدالله
عبدالله ..يلعب برى مع عيال عمه
ام عبدالله ..ياعمري مستانس على عيال عمه ماعنده احد بالبيت يلعب معه
ام عبدالله ماكانت تقصد الكلمه الي قالتها اما عبدالله كان وده يشوف ردة فعل لطيفه الي ولااول مرة تبلع كلمه او تسكت ماترد على كلام خالتها
قام عبدالله ..يالله انا طالع شوي وارجع للعشا
بعد ماطلع عبدالله حست ام عبدالله انها غلطت وضايقت ولدها وان لطيفه راح تتهاوش معه يعني تطلع حرتها بعبد الله
ام عبدالله..ماعليه يابنتي انا والله ماقصدت اضايقك بس مدري وشلون طلعت هالكلمه
بابتسامه مليانه شر ..قولي الي تبين تقولينه ماراح ارد عليك الحين بخلي الرد اذا حملت وقهرتك وخربت عليك تخطيطك
ام عبدالله بآسى ..لاتحسبين يالطيفه اني بزعل اذا حملتي انا اتمنى مو لاني احبك لا ني ام واهم شي عندي اشوف ولدي مستانس
لطيفه ..لا انتي تحبين عيالك كلهم الاعبدالله لانه ماهو راضي يتزوج على انا ماني غبيه تضحكين على زي ماضحكتي على عبدالله
ام عبدالله ..انتي مريضه ومرضك ماله علاج لكن ماقول الاحسبي الله ونعم الوكيل
لطيفه ..ماراح ارد عليك بخليك تموتين اروح اكلم صديقتي لين اروح لبيتي وارتاح من مقابل وجهك الي يجيب الهم
واخذت جوالها ناويه تكلم هدى
.................................................. ..........
ما أبكي الفرقا وطول المسافات ابكي القلوب الي تغير غلاها""
يلعب مع اخوانه على الشاطي والبنات جالسين يقهوون
مها من بعيد ..نــــــــــايف تكفى ابي العب معكم
نايف ..اقول ارتاحي ارتاحي يازين وجهك تلعبين بعباتك
مها بمزح ..عادي انزلها
مشى لها يصطنع العصبيه ..انتي والله تسوينها <<وهو يحرك يده جنب راسه ..مجنونه
وصل لهم وقف عندهم <<مها ..ماحد يعرف قيمتي غير نواف حبيبي مو مثل بعض الناس
جود تكلم نايف ..نايف ابي اطلب منك طلب
نزل نفسه لها وبحنان ..طلب واحد بس آمري بالي تبينه كم جود عندي <<<هالبنت لها مكانه خاصه عنده يعتبرها بنته
جود ببراه ..اي بس طلب واحد ابي اروح الملاهي
اشر على عيونه <<نايف ..ابشري من عيوني بكره ان شالله اوديك<< وراح وقف عند سيارته وسند جسمه عليها وصار يتفرج على الناس
شافته مها سارح عارفه وش الي مضايقه وحاسه فيه شافها طلعت على مقدمة السياره وتنظر للبعيد الى مكان مايناظر نايف
..تدري انا بجده والبحر بعد دقايق عنا ولنا زمان ماطلعنا هالطلعه الحلوه
التفت لها وابتسم ..ابوي وبدر دايما مشغولين ومشعل صغير اكيد ماحد راح يجيبكم << خلص جملته وسكت ورجع بنظره للبحر ومها تتمنى انه يتكلم او يعبر اوحتى يسب لطيفه يقول أي شي او يسوي أي شي الاانه يسكت لكن قررت تفتح معه الموضوع
..انت للحين مانسيتها .>>فتح عيونه على وسعها حتى يستوعب الي سمع<< كملت
.. لاتستغرب نواف من كثر ماكان متضايق قال لي على الي سوته لطيفه
..سكري الموضوع يامها ماحب اتكلم فيه
..سكوتك يعذبني يانايف
..والكلام ماينفع بالعكس يتعبنا زياده ويفتح الـــجـــــــــــروح <<من كلمته هذي حست بعمق الالم الي يعانيه<<< يعني انت مجروح يانايف
سكتت التفت لها ..شافها منزله راسها وباين انها تكفف الدموع الي غلبتها
واجهها بكل جسمه ومسك اكتافها وخلاها تقابله ..لاتبكين يامها اخوك قوي ولا يهزه أي شي صدقيني اكثر شي يضايقني ان اشوف دموع وحده منكم حتى لطيفه رغم الي سوته هي اختي وماحب اشوفها متضايقه
مسحت دموعها وناظرت له..آسفه يانايف غصبا عني <<عارفه نايف نقطة ضعفه يشوف دموع وحده من خواته
..بلا دلع امشي نجلس معهم ولا تبين تكسرين خاطري عشان اخليك تلعبين معنا لاتحاولين كلمتي وحده <<ومسك يدها حتى تمشي معه لكن رفعت يده وحبتها ابتسم رغم الالم كلامه مع مها خفف عنه واحساسها بمعانته بدد بعض الجروح مسكوا يدين بعض وتوجهوا لاخوانهم الي
مبسوطين بوجود نايف الي يحسسهم انه ابو لهم
.................................................. .................
نوف ملجئها الدائم غرفتها بعد الي صار لها
ناصر اكثر الوقت منعزل ويفكر بهدى الي طلعت له بعد انقطاعها
نوره خايفه من ردة فعل سلمان على الكلام الي كوته فيه وتعتقد انه يفكر جد بالانفصال
سلمان خايف نوره تلح بطلبها ويكون طلبها جدي مو كلمه بلحظة غضب وكل واحد مبتعد الثاني
ساره ونواف لأجـــــــــــــــــديـــــــــــــــــد
الزيارات مستمره بين لطيفه وهدى ونوال
ــــــــــــــــــــــــــــــــــــــــــــــــــ ـــــــــــــــــــــــــــــــــــ
في غرفتها تكلم ساره
..وش اخبار
..الحمد لله كلنا طيبين بس مدري يانوف سلمان ونوره احس صاير بينهم شي كبير
..لييش وش صاير بينهم!!
.. سلمان دايما برى البيت ونوره بغرفتها ماتحب تطلع حتى لبيت اهلها
..ماسئلتيها ؟؟
.سئلتها تقول مافيني شي بس الظاهر بخلي ابوي يتدخل حالتهم ماينسكت عنها
..ماحد مرتاح نوره وسلمان يحبون بعض وبينهم مشاكل اجل وشلون بتكون حياة الناس الي مابينهم أي مشاعر متبادله
..نوف انتي بعد مانتي مرتاحه صوتك مو طبيعي
..صدقيني ياساره الحمدلله مرتاحه بس لاحد الحين ماني متئقلمه مع التغيير الي صار بحياتي
..انا ماراح الح عليك بس اذا ثقل حملك يانوف تذكري اختك
بكل حب ..انا دايما اتذكرك انتي اختي والبير الي ادفن فيه اسراري
..طيب بروح اشوف هالعله نويره
..سلمي عليها
..يوصل يالله مع السلامه
..مع السلامه
رمت الجوال جنبها سمعت طرقات خفيفه على الباب فتحت الباب كانت ام ناصر
ام ناصر ..مساء الخير
نوف..مساء النور
ام ناصر ..تسمحين لي ادخل
ابعدت عن الباب ..تفضلي ياخاله انتي ماتستئذنين
ام ناصر ..الله يبارك فيك يابنتي
.نوف ..تفضلي ياخاله ارتاحي
ام ناصر وهي تجلس ..شفتك ماتنزلين عندي تحت قلت اطلع لك
خجلت من نفسها حملتهم ذنب ناصر ..آســــفه ياخاله صدقيني انا احب اجلس معك بســـ ..
ام ناصر ..لاتكملين يانوف مانبي ندخل بكلام ماله فايده <<طريقتها بالكلام تدل ان عندها كلام تبي تقوله
كملت ..نوف انتي من يوم صرتي زوجة ناصر وانا اعتبرك بنتي الي ماجبتها وانا قبل ابدا الكلام بسئلك اذا انتي تعتبريني مثل امك
نوف ..طبعا ياخاله الله يشهد علي اني اعتبرك مثل امي
ابتسمت لها ومسكت يدها ..الحين اقدر اقول الي عندي
نوف ..قولي ياخاله الي عندك وانا اسمعك
ام ناصر ..اسمعي يابنتي انا احسك من يوم العزيمه متضايقه ومتاكده انك شايفه او سامعه شي زعلك
برتباك ردت عليها ..لاياخاله صدقيني انتي متوهمه بس انا مفتقده اهلي
ام ناصر ..على راحتك بس بقولك شي يانوف ناصر زوجك لاازم تتمسكين فيه ومابيك من اول موقف يصير بينكم تنهارين خليك قويه وواجهي مشاكلك بقوه الحياه مغامره ادخليها بثقه ترى ناصر يستاهل انك تقاومين علشان حياتك معه <<<مع ان نوف ماتكلمت لكن ام ناصر متاكده انها عرفت علاقة الحب الي بين ناصر وهدى
ــــــــــــــــــــــــــــــــــــــــــــــــــ ــــــــــــــــــــــــــــ ـــــــــــــــ
فكرت بالدنيا بلياك وشلون ..... وفى لحظه التفكير هلت دموعى........
مجتمعين بالصاله المتواضعه
ابو سلمان ..وين نوره
ساره ..معتكفه بغرفتها
يسمع الكلام ولاعلق عليه
ابو سلمان ..روحي ناديها
توقعت ابوها مانتبه لكنه خيب ظنها ولاحتاج انها تكلمه
ساره ..ان شالله >>>وقامت للغرفه تناديها
ابو سلمان ..وش الي بينكم ياسلمان
سلمان بارتبك ..مابينا الاكل خير
ابو سلمان ..الكلام هذا مايمشي لاتضحك على ياسلمان حالكم ماهو عاجبني
انفعل وتكلم بعصبيه ..متى صار حالنا يعجب يبه بنت اخوك ماهي متقبلتني بحياتها والظاهر تزوجتني لانها ماتبي تزعلك
زعل ابو سلمان من طريقته الي تدل انه متحامل عليها لكن تمالك اعصابه ..بنت اخوي الحين زوجتك وانا ماجبرتها عليك ولااجبرتك عليها
انتبه انه غلط برده على ابوه ..آسف يبه بس انا حاولت معاها وللحين ماهي عارفه قيمتها عندي ومع اني عارف موقفها مني بس تزوجتها وعندي امل اني اكون شي بحياتها
ابوسلمان ..انت مانت شي بحياتها ياسلمان انت كل شي وتاكد ياولدي لو ماتهمها ما هي هذي حالتها لانك متغير عليها
سلمان ..طيب ليش ماتتكلم ليش ماتقول !!
ابوسلمان ..بتقول ياولدي بس تحملها
سلمان ..انا بتحملها لاني ماقدر الااتحملها بس يبه اسمح لي بتصرف معها التصرف الي يعجبني
ابوسلمان ..كيفك بس وصيتك لاتقسى عليها نوره ماتتحمل
مارد لانها دخلت عليهم وجلست جنب عمها كانها تحتمي فيه من قسوة سلمان عليها سلمان الي ماتحمل يشوف العتب بعيونها وقام وترك المكان لهم هز ابو سلمان راسه على حالهم
.........................................
رجع مع جود من الملاهي وهو يمسك يدها
مها ..يالخونه ليش ماخذتوني معاكم
نايف ..الطلعه هذي مخصوصه لجود <<والتفت لها ..صح جودي
جود بفرح وهي تهز راسها ..صح
نايف ..وبعدين انتي نايمه للعشا
مها ..كان صحيتوني
جود ..لاوالله ليش انتي ماقمتي
جلس على الكنب ورفعها جنبه ..صح ليش ماقمتي
مها ..خلاص خلاص مابي منكم شي بكره بخلي بدر يوديني وماخذك معي
جود ..اذا جلس بالبيت ان شالله خليه يودديك
نايف ..احلى جودي سكتيها
مها ..سبحان الله لايقين على بعضكم
جود ..اكيد اخوي
فتحت عيونها ..اليوم طالع لك لسان وتراددين بعد
جود ..لان نايف عندي ومايخلي اكد يضربني
مها ..يالغبيه نايف مرده يرجع للرياض وتصيرين لحالك
نايف ..جود الي يزعلك اتصلي علي وانا اوريك فيه<<< تحمست للردعليه بس فجئه خطر على بالها شي ..حتى ابوي ؟
انفجر نايف ومها عليها من الضحك
كانت هذي حياته مع اخوانه يغير وجوده حياتهم ويقدر يدخل عليهم الفرح
...............................................
الصمت يكفي ويشفي صدر راعيـه .....لاصار كل الحكي ماله معاني
العصر دخل غرفته تعبان من شغل النهار وسهر الليل يرجع من الدوام الظهر ينام للمغرب ويطلع من اخوياه لاخر الليل
رمى نفسه على الكنب بثوبه وجزمته ولاحس الانه غافي بعد حوالي ربع ساعه حس بها تنزل جزمته من رجله وتعدل المخده كانت حذره حتى مايحس لكن حرصها مافاد لانه وعى فيها فتح نص عينه توقع كل شي الاانها بعد هالبعد والشي الي تخفيه عنه تكون حنونه ,, شاف نوف نوف الي اهملها بمجرد ماشاف هدى نوف الي صارت ضحيه لحبه غطته وطفت نور الصاله وتوجهت لغرفتها توقعت انه يغرق بنومه ماكانت تدري ان حركتها صحت شي قي قلبه مستعد انه يصحي لكن هوالي ينومه بقى مستلقي لكن ماكان نايم
..............................................
اليوم الثلاثاء بعد ثلاث ايام تشد العطله الصيفيه رحالها هالعطله الي كانت من بدايتها احداث كثيره صارت بحياتهم
زواج سلمان ,الايام الي جرت معها الحزن على نوف وخطبتها وزواجها وصدمتها بزوجها, وخطبة ساره الي ماخطرت على بال احد. نايف والاحداث الي صارت بحياته, فهد والبنت الي طلعت له فجئه واختفت فجئه لاقدر يعرفها ولاقدر يسئل عنها, سلمان ونوره الي يعانون من قسوتهم على نفوسهم,نواف الي صار ظهوره قليل ياترى لمتى وليش؟؟ كل ابطالنا صار بحياتهم نقله منهم الي حب هذا الشي واكثرهم مرغمين عليه ,ام سلمان فقط وقفت الحظات من اربع سنوات وتاهت فيها وتوهت الناس الي يحبونها
الاحداث الاخيره وقف الكل عندها
ناصر ونوف يعانون بصمت
ساره ماقدرت تحدد مشاعرها تجاه نواف
نواف حياته صارت بزواجه وقربه من ساره
نايف انسان قوي ويقدر يواجه صعوبات الحياه
تعاطف سلمان مع نوره ماخلاه يغير تصرفه معاها وخوفها من الي يفكر فيه خلاها تسكت
نوال لطيفه وهدى صارت حياتهم دمار لهم وتدمير لغيرهم
ام ناصر انسانه متفهمه وقويه تحاول الوقوف بالمرصاد للدمار الي يهدد حياة ولدها
السلام عليكم ورحمة الله وبركاته
البارات العــــاشر
سمعتهم لو خفتوا حس الاصوات
فحيح الأفعى صوت مامن مضرّة
ناس ٍ على ظلي تسلّى وتقتـات
ياعلهم ينسـون طعـم المسـرّة
لطيفه ..ماشالله عليك بسرعه
هدى ..اكيد انا خايفه يتعلق فيها وينساني
نوال ..طيب اش قالك يوم شافك قدامه
هدى ..بصراحه اول شي ماقدر يتكلم وانا بعد مدري ليه من شفته نسيت الدنيا صرت اتذكر بس ذكرياتي معاه
لطيفه ..صدق انتي وياه مساكين بعد هالعذاب يوم تطلقتي تزوج الموضوع الأصلى من هنا: منتديات طرطعة http://forum.6r63h.com/t102968/
هدى ..بس انا ماراح اسكت عن حقي راح اتكلم ودافع عن حبي مابي اعيش باقي عمري بعيده عنه ونوف الباب الي دخلت معه تطلع معه
نوال ..هي الي اختارت تاخذ واحد مايحبها ماحد جبرها
...................
رجع بالليل للرياض من رجع سلم على نواف نام بدري طلع نواف للدوام وهو نايم وقام ونواف راجع من الدوام ونايم طلع مع خالد العصر ورجع المغرب ونواف نايم فتح الغرفه مظلمه وبارده ونواف ماهو داري بالدنيا
سحب الغطا عنه وفتح نواف عيونه ..انت ماتشبع من النوم
التف بالبطانيه مره ثانيه وانقلب للجهه الثانيه
رجع شعل النور وطفى المكيف ..نواف قم لمتى وانت نايم
رفع الغطا عن وجههه ....افففففف انت احد مسلطك علي
قرب له ..لاماحد مسلطني بس ليش ماتقوم
..ياخي اشتبي ليش ماجلست بجده
..ماقدر استغني عنك
..خلاص انت اطلع وانا لاحقك بس طف النور وشغل المكيف
..لاوالله عشان ترجع تنام للصبح
..طيب انت وش عليك مني انا مانمت للعصر
..وش كنت تسوي
تنهد بحالميه ..كنت اكلم المدام نسيت نفسي وانا اكلمها
..انت ماتمل من المكالمات
..لا وليش امل اصلا انا اتمنى اشوفها
..وليش ان من مانعك لاتشوفها هذي زوجتك
..هالشايب عمك الله يهديه مانع اني اقابلها
استغرب ابو سلمان مااعتقد انه يمنعه..ليش انت سئلته
..لا ماسئلته بس ساره تقول انه يمكن مايوافق
..لالا ابو سلمان مايمانع بس استئذنه ماراح يقول شي وبعدين مثل مالعبت عليه بكلمتين وخليته يزوجك بنته كلمتين بعد وبيسمحلك تزورها
بدايقتنع بكلامه .. طيب ليش ساره تقول كذا
..يمكن مستحيه وخلت ابوها حجه
..ياخي على انك غبي الاانك تقول درر احيانا ومع شدة ذكائي الاني تفوتني بعض الاشياء
..اقول قم قم لايلعب العقال على ظهرك
قام فوق السرير على حيله.. خلاص قمت قمت بس لاتعصب
وقام وهو حاط بباله انه بالليل يزور ساره لانه اشتاق لها
.................................................. ...........!
هنيك يانجوم تناظرينه وانا مالي على النظره مجالي ..
..في بيت فهد
الى لان يفكر بالبنت الي شافها يوم ملكة نواف
جت امه وجلست معه كانت ملاحظه انه في شي شاغله بس ماحبت تسئله
..اقول فهد
..سمي يمه
..انت ماتفكر تتزوج انت اول تفكر بنوره ونوره الحمدلله تزوجت الله يوفقها
..انا بجد يمه افكر اتزوج بس مالقيت وحده تناسبني
..ياوليدي البنات كثير انت بس اشر
بعد تردد قرر يسئل امه عنها ..يمــ ه بسئلك سؤال
..اسئل ياوليدي وش عندك
..انا يوم ملكت نواف شفت بنت ببيت عمي ماعرفتها بس صورتها دايم ببالي
..بنت !! البنات كانو قليل وش كانت لابسه
اخذ يكرر المشهد براسه ..انا مانتبهت الوان لبسها كثيره بس كان اغلبه اصفر على ماظن
.. اصفر ~ ايه هذي نوف بنت عمك الله يهديك ياوليدي لوانك مطاوعني كان هي الحين زوجتك<<نوف ومها كانوا الوان ملابسهم متقاربه عشان كذا ام فهد اعتقدت انها نوف >>>
..لايمه حتى لو كانت نوف ماراح اتحسف لاني ماتزوجتها نوف اختي يمه ولايمكن اعتبرها الااخت
..انا بعد بملكة نواف شفت بنت اعجبتني تمنيتها لك
..من هي يمه ؟؟
..مها """
..من هي مها ؟؟
..هذي بنت عمك راشد اخت نايف
..خلي الموضوع بعدين يمه <<وقام
..ايه انت من ندخل بهاالموضوع تنحاش الله يهديك
..سلام ياأم فهد انا طالع
..مع السلامه ياوليدي
..................................................
.. ســــــــــــــــــــــــــاره ســـــــــــــــاره
..نعم نعم وش تبي ترانا بنفس البيت وانت حسك واصل لاخر الشارع
..بلاك صمخا ناديتك بشويش ماسمعتي قلت اجرب الي يصلح معاك
..زين وش كنت تبي ؟؟
..ايه ابوي بالمجلس يبيك
..ابوي !!غريبه ابوي معزوم ماراح للحين
..مدري يمكن غير رايه
..لايكون فيه شي
..لا مافيه الاالعافيه روحي كلميه وتعرفين اش يبي
راحت وهي حاسه ان السالفه فيها شي مو طبيعي وصلت للمجلس كان الباب مسكر نص تسكيره وعلى طول دخلت لنص المجلس للمكان الي ابوها متعود يجلس فيه ..ابوي ماهو هنا اكيد سلوم الخايس يكذب على انا اوريه >>لفت طالعه من المجلس لكن شافت الي ماتوقعت تشوفه
فتحت عيونها بالرجال الي يناظر لها ومبتسم وقبل لا تتكلم ..انا قلت له لايقولك
نزلت راسها حتى تلقي نظره على اللبس الي تلبسه كانت لابسه بيجامة بيت عاديه لونها وردي وشعرها ملموم باهمال خطر على بالها تهرب من عيونه الي اكلتها تحركت بسرعه لكنه كان اسرع منها ومسك يدها بقوه انحرجت من لبسها ومن شكلها ..نواف اتركني الحين ابوي يجي يشوفك هنا ويزعل
..لاتخافين انا كلمته قبل ماجي بس الظاهر ياساره انتي الي ماتبين تشوفيني
سكتت ولا ردت عليه بس ضحكت على نفسها ولاحظ ابتسامتها الي يحبها ..ليش تضحكين
..ليش ماقلت انك تبي تجي ؟؟
..عشان ماتلاقين حجه وتتهربين زي كل مره
..آسفه بس ان شالله لاحقين على بعض
..بس انا ماقدر اصبر ومادام عمي ماعارض كل يوم تلاقيني بوجهك
..حياك الله.. وقامت
..وين ؟؟؟؟؟
...بروح اجيب القهوه
..تعالي تعالي مابي شي بس باسولف معك
..لا مايصير اول مره تزورني وماتشرب شي
ضحك عليها ..بس بسرعه لاتطولين
هزت راسها وطلعت
رجعت بعد مابدلت ملابسها وجابت معها القهوه وظل نواف عندها حوالي ساعتين بعد ماجا ابو سلمان وماعاد ياخذ راحته واستئذن وودعها وطلع
.......................
الضيقه اللي تقلبني و أقلبها ...يالله عساها طواري ليل وتعد
تنتظر ناصر يرجع وتكلمه بالي عندها بعد مده من الانتظار دخل وزي كل يوم مرهق وشايل الدنيا على راسه
..السلام عليكم
..وعليكم السلام
وقبل لايطلع على الدرج ..ناصر
بتعب ..نعم يمه آمريني
..تعال باكلمك بموضوع
..يمه الله يخليك انا تعبان واوعدك اريح شوي وانزل وقولي الي تبين
..بس انا بكلمك الحين وماراح اخذ من وقتك
رجع للصاله وجلس ..وهذا انا جلست خير
..خير ياوليدي بس بسئلك انت شفت هدى يوم العزيمه
ارتبك من سؤال امه وحاول ينكر ..لا وين اشوفها
..لا ياناصر انت شفتها وكلمتها
حس ان مافيه فايده من الانكار وتوقع امه سمعتهم ..انت سمعتينا ؟؟
تنهدت ..موانا الي شفتكم وسمعتكم
..اجل من !!!
..زوجتك هي الي شافت وسمعت كل شي
وقف على حيله ..نــــــــــــــــوف !!
هزت راسها بثقه ..ايه نوف
صمــــــــــــــــــت اكتسح المكان
..هي قالت لك ؟؟
..ياليتها تكلمت حتى يخف الذنب ولاحس انك ظالم
بتعجب ..انا ظالم انتي تقولين كذا
..انك تعذبها معك وتحس انك تحب غيرها وانك تزوجتها عشان تنسى هذا هو الظلم ولاله اسم ثاني
..طيب اذا ماقلت لك وشلون عرفتي
..يوم اتصلت على وقلت انك بتدخل تعمدت اقولك فيه ناس وتعمدت ماقول ان خالتك وهدى موجودين حتى ماتصر تدخل تسلم عليهم
لكن الظاهر مافات هدى وسمعتني وراحت تابي تقابلك نوف نزلت والظاهر الااكيد سمعت لانها طلعت لغرفتها وواضح انها متضايقه وعرفت ان صار بينكم كلام لان هدى رجعت و كانت تبكي
..بس نوف ماتكلمت ولا قالت
..لانها انسانه واعيه ماحبت تتكلم بوقتها حتى لاتخرب كل شي بساعة زعل ويشهد على الله اني سئلتها وانكرت ان فيه شي مزعلها انت الله رزقك بجوهره لاتفرط فيها
جلس على الكرسي ..عارف يمه بس ماني قادر انسى هدى الي تطلقت على شاني
بصوت عالي ..هدى ماتطلقت علشانك يمكن حبتك بس ماهو هذا السبب الي خلاها تتطلق زوجها سكير وكان يعاملها بقسوه ويعذبها تاكد ياناصر لو هي لاقيه الراحه عند زوجها مافرطت فيه وانا مالومها لوحافظت على حياتها انا الحين قلت الي عندي و تقدر تروح ترتاح اذا كنت تقدر
يفكر بكلام امه وبحالة نوف ذيك الليله وشلون قدرت تصبر وهي تسمعني وتشوفني مع غيرها
صعد على عتبات الدرج وهو يفكر بنوف الي بعد شوي بيدخل عليها>> صدق اني طلعت صغير قدامها
كانت انسانه قويه اقوى من الغضب والغيره
...............................................
.. من اليوم ورايح اقدر ازورها متى مابي عمي عطاني الاذن وقالي تعال باي وقت
..ايه وانت الحين بتقابلهم لين يطردك
..يطردنيـــ لاعمي مايسويها
..والله عاد انا حذرتك وانت حر
..الاماقلت لي الاثاث جهز
..يعني باقي اشياء بسيطه ويخلص ان شالله
..مدري يانايف ودي ابدا ببنا بيتي بس اخاف تتكركب الامور مع تجهيزات الزواج
..لا خل البنا بعد ماتزوج وتفرغ له
..الظاهر اني بنتظر
............................................
الصمت يكفي ويشفي صدر راعيـه
لاصار كل الحكي ماله معاني
وصل للغرفه كانت هاديه وبارده دخل باب الجناح وينتابه شعور غريب ماكانت بالصاله تقدم ودخل مع باب الغرفه وتوقعها نايمه كل يوم وقت مايرجع تكون نايمه الظاهر تتهرب مني لكن خاب ظنه لقاها جالسه على الكنب ولامه كل جسمها عليها وحاطه يدها قدام عيونها وتتامل باظافرها وهذي عاده اذا توترت تسويهاكانت ماترمش وساهيه بشي ماهو معروف
وقف ورى الكنبه ..مساء الخير
دارت راسها له وصارت ترمش بسرعه وكانها تريح عيونها ..مساء النور
قابلها ..ليش جالسه لحالك
..وش تبيني اسوي ؟؟
..كان جلستي مع امي
..الحين بنزل عندها >>وقامت
..يعني طول النهار جالسه لحالك ويوم جيت بتنزلين
..انت الحين تنام وتقوم المغرب وتطلع ماترجع لاخر الليل
استصغر نفسه قدامها ..خلاص انزلي
..بس قبل لاتنام ترى بروح للسوق
..ليش ؟؟
..يعني بشتري اغراض للجامعه
..ومن بيوديك !!
..السواق وخالتي بتروح معي انا قلت لها
استغرب يعني ماخطر على بالها تقولي اوديها ..على راحتك
دخل يبدل ويرتاح وهي نزلت تحت عند ام ناصر
......................................
سارحات كل وحده بحياتها وبمستقبلها وباالايام الجايه ياترى وش راح تجيب معها نوره جالسه وساره منسدحه على رجلها ونوره تلعب بشعرها كان صوت التلفزيون عالي والجو كئيب وممل
..اف طفش ياليت نوف تجي
..نوف خلاص لقت ناصر ماعاد تبينا
..انا كلمتها تقول بتطلع للسوق
..طيب ليش انا وياك مانطلع نغير جو احس اني باختنق
..قولي لسلمان يطلعنا
..لا انتي قولي له
..نوره هذا زوجك انا لو ابي نواف يطلعني بيجي ركض بس انا علشانك
وهي تشد شعر ساره ..سلمان ماقوله وانتي اتصلي على نواف خليه يوديك وانا بقعد هنا
..قطعتي شعري>> وهي تجلس.. خلاص لاتقولين له
دخل عليهم ابو سلمان ..وش فيكم كان ميت لكم احد
انطلقت ساره عنده ..يبه والله ملينا من البيت نبي نطلع
..خلو سلمان يطلعكم
..حبيبتك نوره ماهي راضيه تكلمه
..ليش يانوره ماتقولين له
..سلمان طالع ماراح يرجع حتى يودينا
..انا باتصل عليه واخليه يطلعكم
..اي يبه تكفى >>طلع جواله ساره كانت مستانسه على عكس نوره الي ماودها تطلع معه تفضل انها تبعد عنه تخاف تسمع منه كلمه اوتشوف بعينه نظره تجرحها لكن ماتقدر تعارض لان السالفه فيها عمها
ابو سلمان ..يقول تجهزو ربع ساعه ويجي
راحت كل وحده منهم تستعد للطلعه
...........................
عينه تناديني وعيني تناديهوبالصمت كلن استمربنداته
بعد صلاة العشا وفي بيت ناصر
جالسه مع خالتها والقهوه قدامهم نزل ناصر وجلس عندهم قامت نوف وحطت الحلا قدامه ومدت الفنجان له وهو يراقب حركتها وسكناتها وهي تتحاشى النظر له
..نوف لو سمحتي جيبي جوالي باطلع
بدون كلام طلعت للغرفه تجيب الجوال
ناصر ..انتم بتطلعون للسوق
ام ناصر ..اي بس تجهز نوف بنطلع
ناصر ..زين يمه باقولك شي
ام ناصر ..خيـــــــــــــــــــــر!!
.............................
مثل ماقال بعد ربع ساعه وقف عند باب البيت واتصل على ساره حتى يطلعون طلعت ساره وتتبعها نوره بخطوه متردده كانت ساره بتفتح الباب الخلفي ..ساره اركبي قدام
..لالا ماركب جنب سلوم بعد الي سواه انتي زوجته اركبي جنبه
صرخ عليهم ..بسرعه ساعه تركبون
بسرعه فتحن ابواب السياره الي ورا وركبن
سلمان ..خير سواق انا عندكن وحده تركب قدام >>>ساره قرصت نوره لكن ولاكنها تحس
سلمان ..نوره اركبي قدام
..لا خل ساره
..اركبي لاانزل اجرك جر
حزت بخاطرها الكلمه ونزلت وركبت معاه وكان قربه هم<<بغضب حرك السياره وانطلق لوحد ه من المنتزهات
...................................
في بيت لطيفه وفي واحد من اجتماعاتهن
هدى ..لطيفه وين الحمام
لطيفه وهي تاشر بيدها ..من الجهه هذي
هدى ..فيه احد
لطيفه ..لا مافيه احد خذي راحتك البيت بيتك
توجهت لمكان ماقالت لطيفه دخلت الحمام <<وانتم بكرامه >> وطلعت ظبطت شعرها جرها الفضول تلقي نظره على البيت
طلعت لصاله ثانيه بالبيت ومنها طلعت للمر صغير بنهايه مغاسل وقريب منه مجلس الظاهر انه مجلس رجال
دخلت ومشت حتى وصلت لاخره ودارت فيه وهي طالعه وعند الباب صدمت بشي قدامها توقعت انها لطيفه تستعجلها لكن كان الي قدامها رجال ماعرفته ولاهوعرفها قعد مده يتاملها وبعد ماحفظ ملامحها..آسفه ماكنت ادري ان فيه احد <<<<ورجع بسرعه لمكان ماجا
رجعت لجلستها بعد ماهدت روعتها ولا قالت عن الي صار معها
...................................
بعد ماطلع ناصر
لابسه عبايتها ووبتنزل سمعت جوالها كانت خالتها
..هلا خالتي
..وينك يابنيتي انا استناك بالسياره
..آسفه يلاه الحين نازله
رمت الجول بالشنطه وراحت تركض للصاله وطلعت للحديقه برى فتحت الباب الخارجي طلعت لكن السياره ماهي موجوده رجعت للحديقه متوجه للمواقف توقعت ان السواق ماطلع السياره كان الضو ضعيف شوي ولانتبهت للسيارات الموجوده الي ركزت عليه سيارةالسواق بس ماكانت موجوده >>غريبه خالتي تقول انها برى مافيه احد
وفي عز تفكيرها جاها من وراها صوت هادي مثل المكان الي كانت واقفه فيه ..علـــى مـــن تـــدوريـــــن ؟؟ماركزت بالصوت بس شهقت شهقه قويه التفت لمصدر الصوت ماكان وجهه واضح من الضو الي عاكس عليه كان طويل من الخوف رجعت ورا بدون انتباه وشبكت رجلها بحديده مرميه بين السيارات طاحت لكـــــــــــ ن قبل يرتمي جسمها على الاراض مسكها مع خصرها ورفعها صابتها قشعريرها وهي مغمضه عيونها كان مسكته سوط يلسع جسمها حاولت تفلت نفسها منه وتصرخ ..اتركني اتركني الله يخليك>> كانت تبكي وترتجف من الخوف ومن صراخاها ماسمعت أي صوت ثاني
تحس كان النفس انقطع عندها وبدت ترتخي لكن بدت تركز على الصوت تحاول تتذكر صاحبه ..نوف نوف >> شال الغطا عن وجهها
سكتت عرفت منهو صاحب الصوت وبتعب من الصياح وشعور انها بتغيب عن الوعي ..انت؟؟<< وغمضت عيونها كانها امنت
على نفسها وراح الخوف عنها ..نوف نوفـــــــ
فتحت عيونها ..مره ثانيه تحس ضباب يحجب الرويا عنها سمعته ..اسم الله عليك نوف تسمعيني
كانت فعلا تسمعه بس بدون ماتفتح عيونها ابتسمت تبي تطمنه عليها شالها بين يديها ينتابه رغبه انه يحظنها ويحسسها بالامان فتح السياره وركبها ورجع لداخل البيت يركض جاب مويه ورش عليها حتى بدت تصحصح
..صرتي زينه
متعاطفه معه لانه خاف يبتلي فيها ..لا تخـــ ـاف مافيني شي
..انا اسف لاني خوفتك
..تتكلم وهي مرجعه راسها ورا ..لاعادي بس انت ماطلعت ؟؟
ابتسم لها بحب ومسك يدها وضغط عليها ..لاماطلعت
..طيب وين خالتي قالت لي انها تستناني بالسياره
..خالتك راحت تزور وحده من معارفها
عدلت جلستها ووجهت وجهها له ..غريبه هي قالت بتروح معي حتى كلمتني قبل شوي وقالت لي انزل
..كلمتك وهي طالعه مع السواق بالسياره
...خلاص بس تجي بسئلها ومسكت الباب بتنزل
..وين رايحه ؟؟
..باروح اريح احس اني تعبانه
..مابتروحين للسوق
..السواق راح خلها يوم ثاني
مسك كتفها ..انا الي بوديك
رجعت ..لا ماله داعي
..طيب اذا تعبانه مولازام السوق أي مكان هادي
..سكرت الباب ..خلاص بروح للسوق واخذ الاغراض الضروريه ونرجع للبيت
..بس انا مصر انا نطلع لمكان هادي
سندت جسمها على المرتبه ..على راحتك ماراح اعارضك
ابتسم ومشى بسيارته
............................
..في المنتزه وعلى واحد من الكراسي جالسه تتامل الناس الكبير والصغير ناس فرحانه اصواتهم لعبهم مكان يملاه الضجيج والصخب والاضواء وكل شي يدخل المتعه للنفس وتتفرج على ساره وهي تلعب ماخلت لعبه ماركبتها طلعت كل الطاقات الي داخلها وقفت اللعبه
شافت ساره ماشيه لها ..نوره انتي جايه عشان تجلسين قومي نلعب بهذيك اللعبه
..لا تخوف ماقدر العبها
..اقول بس امشي خل ننبسط موكل يوم سلوم يتنازل ويطلعنا وجرتها معها وركبو اللعبه وسلمان جالس اشتغلت وقامت
تقلب يمين ويسار وترفعهم وتنزلهم ساره طلعت الهبال كله صراخ تصفيق تصفير اما نوره ماسكه الحديده وكانها بتموت صارت معدتها تقلب وراسها يفر ماصدقت على الله تنتهي اللعبه وتنزل نزلت وهي تترنح ماتشوف قدامها ..ساره امسكيني احس اني بطيح
مسكتها ساره ومشت معها وجلستها على اقرب كرسي وسلمان براقب لكن ماتحرك الموضوع الأصلى من هنا: منتديات طرطعة http://forum.6r63h.com/showthread.php?t=102968
تركهم فتره حتى تروح عنها الدوخه وقرب لهم ..يلاه نمشي الوقت تاخر
ساره ..يالله البيبي هذي داخت من اللعبه
ماتكلم >>ومشوا مع بعض للسياره حست انها خلاص ماهي قادره تتحكم بنفسها وان روحها بتطلع ماقدرت تتكلم بس مسكت اقرب شي لها كان يمشي والاخلاق قافله ولاهو معبر شي ماحس الا بالي يمسك يده نزل نظره شافها تضغط على يده كانها تستنجد به من الالم لكن ماقدر يتكلم لكن انتبهت ساره ..نوره شفيك
مشت بسرعه لاقرب زباله ورجعت كل الي اكلته وساره واقفه بجنبها وسلمان يتقرج جلست مده وجلست ساره عندها وحطت يدها على كتفها ..ان شالله ارتاحتي
هزت راسها ..الحمدلله دوختني اللعبه
سلمان ..امشوا للبوابه وانا بسبقكم واقرب السياره
ناظرت له وقامت وساره تسانده >>هذا الي قدرت عليه
قرب السياره وركبوا ورجعوا للبيت
.......................
في السوق يمشي وهي تتبطى بخطوتها حتى ماتكون قريبه له وهو يستناها لين تصير جنبه وهذي حالتهم خذت الاشياء الضروريه
وعند اخر محل كانت ناويه تطلع من السوق كله بعد ماتخلص منه دخلت وناصر يستناها برى لان المحل زحمه
لكن سمعت صوت تعرفه زين شافته وعرفتها من لثامها الي تتفنن بلبسه كانت واقفه وتحاسب وبتطلع بدون تفكير نزلت البلوزه الي بيدها وطلعت للباب اخذت الثانيه اكياسها مجرد ماشافتها طلعت على طول وبسرعه جت عند ناصر ومسكت يده اندهش منها غريبه لكن ماتكلم
..خلصتي
..لا مالقيت شي اعجبني خلاص الي اخذته يكفي يلاه
مشى وهو ماسك يدها اول مره يسويها
وهي تتفرج عليهم والغيره تنهش فيها مكانت تدرى ان نوف تعمدت تحرقها وتذوقها شي من الي ذاقته
..حقير حقيـــــــــــــــــر ياناصر وشلون قدرت تنساني بهالسرعه لكن والله والله ماخليك تتهنى بحياتك !!!!!
وبسرعه طلعت جوالها واتصلت ــــــ
.................................................. ...
وصلوا للبيت دخل سلمان للغرفه وساره ونوره بالصاله مع ابو سلمان
يبه بنت اخوك هذي بتذبحني لعبت لعبه وحده وداخت
..اللعبه تموت من الخوف وتدوخ احس معدتي قلبت وراسي افتر بس انتي ماتحسين
..نوره من هي صغيره تخاف من الالعاب العنيفه عكسك انتي ماتخافين من شي ولد الله يكفينا الشر
..يبه انت معي ولا معها
..اكيد معها هي الي بتقعد عندي اما انتي بكره بتروحين لبيت ثاني
..هين ياحمودي انا ساره تهمك هالمفهيه اكثر مني
..موتي ياسويره من القهر
..تدرين فيني غل عليك بس محترمه وجود ابوي بعدين اخاف الاخ الي داخل يطلع يطين عيشتي بس مردي بنفرد فيك يانويره واطلع الاول والتالي ـــــــ
هههههههههههههههههههههههههههههه
.....................................
الجــــــــــــــــ الثاني عشر ــــزء
لا حـدّنـي وقـتـي عـلـى شــي مابـيـه
اعـز نفـسـي و مـنـّة الـنـاس بـتـراب
قامت نوف للمطبخ بعد ماجلست هدى بالصاله وجابت القهوه وقهوت هدى والي كانها تشرب سم من يد نوف لكن مظطره
..ماعليه خربت عليكم جوكم بس اخوي بيطلع وقلنا نجي معه قبل يطلع نزل امي بالمسجد وانا جيت هنا
..حياك الله مانتي غريبه
..مشكوره حبيبتي
..عن اذنك بروح اصلي
..اذنك معك وانا بعد بصلي بالمجلس الثاني
طلعت للغرفه وتركت هدى بالبيت تسرح وتمرح ماتثق فيها ولانست الي صار لكن عمر الحرص والتتبع ماينفع ولارح تحرص وتترك الاهم منها مده بسيطه وصل ناصر تنحنح حتى ينبهها لكن حس ان مافيه صوت دخل للصاله مالقى احد دخل للمجلس الثاني لقاها جالسه على الكنب ولاانتبهت له حست فيه وقامت قرر يرجع ..ماكنت ادرى ان فيه احد
واستدار ..صرت تتهرب مني وانت الي كنت تتمنى تشوفني او حتى تلمحني
بدون مايلتفت لها ..هذا ماضي وانا اعتبره مات
..لا مامات انت تبيه يموت صدقت نفسك انك تنساني و تعيش مع غيري
..انا فعلاحياتي مشت مع غيرك ومشت احسن من ماكنت متخيل
..لاتتسرع وتحبها لان قلبها ماهو ملكك
لف لها بغضب ..وش تقصدين ؟؟
..الكلام ماله داعي
كرهها تمنى انه يخنقها ..احترمي نفسك
..محترمه نفسي بس زوجتك الي مستانس عليها تحب ولد عمها نايف وبينهم علاقه
كان راح يتكلم لكن رفعت يدها بوجهه ..حاولت لكن اخته مارضت ويوم يئست منه لعبت على اخوه وزوجته اختها
مسك يدها وهزها بقوه ..انتي كذابه وحده مثلك حقيره ولايمكن اصدقها نوف اشرف منك ولاتتخيلين اني برجع لك اذا قلتي هالكلام
بهدوء ..انت اصلا ماعاد تهمني ولو تخطبني ماراح ارضى فيك لانك غبي وبسرعه ينضحك عليك والي قلته متاكده منه مثل ماشوفك قدامي
زوجتك يامحترم تحب واحد غيرك << صوت عالي من الكف الي عطاها وكل جسمها اهتز منه
..حقير ولاتهمني وراح تتاكد قريب انك مغشوش بها
..دزها بقوته وطلع للصاله وقف عند الدرج لكن تراجع ووطلع للباب كانت امه وخالته داخلات البيت
..وشونك ياناصر >>حقرها ولارد وراح يركض لسيارته ركبها ومشى
استغربت امه من حالته اكيد لان زوجته شافت هدى صارت بينهم مشكله هذا الي توقعته ماتدري ان الموقف اكبر من كل هذا وانها وصلت للقذف وللشرف ونوف ياغافل لك الله
..............................
أنا من داوى حزن البشر ونسى نفسه........
.وأنا من بكى حيل دون ماينسمع حسه....
البيت فاضي نوره راحت لبيت اهلها ونوف ببيتها وسلمان مسافر ابوها نايم وامها حالها مايعلمه الاالله تدور بالبيت مافي شي تسويه ملل قاتل جلست على عتب الباب الداخلي وركت ظهرها على الباب وسرحت الضيقه الي داخلها ترجمتها دمعه نزلت على خدها قامت مشت لداخل وفتحت على امها الباب لقتها مستلقيه على ظهرها ومغمضه عيونها قربت لها تشوفها مع انها مريضه نظرت الحنان بعيونها مازالت تميزها ناظرت ليدها هذي اليد الي يامامسحت على ووساتني وشالتني وحطتني تدحرجت على خدها دمعه وهي تشوف حال امها مسكت يدها بهدوء وحبتها وضغتطها فتحت عيونها وناظرت لساره وشافت دموعها تنهدت وغمضت دموعها وصار الدمع الحار مايتوقف على وجهها السمح وبصمت بكت معها بدون كلام كان كلام العيون يكفي وابلغ من النطق
................................................
محتاج لك ماهي مثل كل مره
هالمره أكبر من سهر ليل واحساس
..مايصير يانوره انتي تعبانه لازام تروحين للمستشفى
..فهد الله يخليك اتركني على راحتى انا زينه واذا بغيت اروح بقولك
..ليه يابنيتي حرام تسوين بنفسك كذا مانتي خسرانه شي لو تطمنيني عليك
ببكى ..يمه قلت لكم مافيني شي انتم ماتفهمون وراحت تركض
..انا خايفه عليها البنت ذبلانه
..يمكن بينها وبين سلمان مشاكل
..كل الناس يصير بينهم مشاكل مايسوون مثلها هالبنت بتذبحني
..يمه الله يهداك لاتخافين هي تعرف مصلحتها انتي بس لاتضايقين نسفك وخليها على راحتها
..الله يجيبك ياسلمان يمكن يقدر عليها
.....................................
وين أبمشي وأنت في كل الدروب ! !
وليه اعاتب والقصايد تشرحك ؟ ؟
السكوت أفضل وسيله للهروب . .
لا غدى عندي كلام ٍ يجرحك
بعد دوره في الشوارع خلاص تعب من التفكير وقف فجئه لدرجة انه طلع صوت للسياره
خلاص ياناصر وشلون تصدق هدى وانت عارف انها تبي تخرب حياتك
بس كانت متاكده من كلامها
لا لا نوف اكبر من كذا مستحيل تكون من هالنوعيه
كانت اول ماتزوجنا دايما تفكر يمكن صحيح تحب غيرك
من ترديد هالكلمه بباله نفض راسه وغرس يده بشعره
اعوذ بالله من الشيطان الرجيم بحاول اضبط اعصابي لين اتاكد من الصدق او الكذب
اخذ قرار انه يكون مثل نوف اقوى من الغيره الي ممكن تخرب عليه وحاول يقنع نفسه ان هدى بتنتقم منه
........................................
مشغول باله يتصل على جوالها من يومين ومسكر واتصل عل تلفون البيت الشغاله تقول نايمه خايف عليها حالتها ماتسر كانت تعبانه بالمره <<الله ياسلمان كنت تشوفها وانت عندها ماسئلتها <<لام نفسه<< تعرفها لايمكن تتكلم لاحول ولاقوة الا بالله انا وش يصبرني خمس ايام بعد
..................................
الى الان مقابله امها كل ماشافتها تجدد المواجع ترجع بها الذاكره ليوم موت متعب الى الان صوت امها وصراخها ماراح عن بالها ودموع ابوها حالة سلمان ونوف كل هالتفاصيل تعيشها بنفس اللحظه
مد يده وحطها على كتفها ..ادعي لها يابنتي
رفعت راسها شافت الحنان بعيونه ..انا محتاجتها يبه
..كلنا محتاجينها بس الله يعينها
قامت ورمت نفسها بحظنه وبكت من جديد وهو يمسح على راسها حضنه دافي وآمن ..الله يخليك لي يبه
رحم ضعفها ووحدتها البيت فضى عليها صارت وحيده وهذااقسى شعور يحسه الانسان
.........................
احتجتلك واللي خلقني لك احتجت احتجتلك بس للاسف مالقيتك
العصر
صوت التلفون بالصاله لكن فاضيه مافيها احد وهي في المطبخ تكلم الشغاله
..روحي شوفي التلفون
راحت وشالت السماعه ..الو
..وين مدام نوره
..مدام نوره نايمه
استغفر الله العظيم وشلون اكلمها
..طيب نادي ام فهد
..حاضر راحت لام فهد الي كانت مشغوله بتحضير الفطور
..مدام تلفون
..من الي متصل
..مدري رجال
تركت الي بيدها وراحت للصاله
..هلا
..السلام عليكم
..عليكم السلام هلا والله
..هلابك وشلونك ياخاله
..الحمدلله ياوليدي طيبه
..لوسمحتي ياخاله اقدر اكلم نوره
..والله ياوليدي نوره نايمه
..فيها شي كل ما ماتصلت تقول الشغاله نايمه وجوالها مقفول
..لالاتخاف مافيها الاالعافيه
ماصدقها حس ان ماتبي تقول ..مدري احس انك ماتبين تقولين
..والله يسلمان نوره تعبانه لاتاكل ولاتشرب وكل وقتها مقضيته نوم
..ليش ماوديتوها للمستشفى
..ماهي راضيه حتى فهد الي ماترفض له طلب ماقدر عليها صرت اعد الايام حتى ترجع يمكن تقنعها
..ان شالله ماراح اطول ثلاث ايام بالكثير بس تكفين ياخاله انتبهي له
..لاتوصيني عليها بعيوني
..في امان الله
..في امان الله
نزلت على نهاية المكالمه ذبلانه ووجهها اصفر وجسمها ناحل مافيها شي يدل على الحياه
..من كنتي تكلمين
فرحت انها شافتها نازله ..هذا سلمان
..غريبه وش عنده
..يتطمن عليك
..ههههههه يتطمن على سلمان خلاص ماعدت اهمه
..ليش يانوره تقولين كذا الرجال يحبك ويبيك
..يمه خلاص ماقال متى يجي
..يقول ثلاث ايام
..زين انا رايحه انام
ورجعت تسحب معها اوجاعها
................................................
مسكت المصحف وقعدت تقرا بصوت عذب
دخل شوي شوي بعد ماتعوذ من الشيطان <<يمكن احسن شي سواه انه طلع من البيت ولاتهور وتصرف تصرف لاتحمد عقباه
هي مندمجه بقريتها وهو يتاملها <<معقوله كل هالبراه والنقا تكون مثل ماقالت هدى مستحيل مستحـــــــــــيل هدى تبي بس تدمرني لكن ماراح اسمح لها
خلصت القرايه ونزلت المصحف شافته واقف ووجهه متغير قامت له ..ناصر وين كنت تاخرت
..نزلت للمعارض ادور سياره
..زين وان شالله لقيت السياره الي عجبتك
..لا بنزل بكره بعد ان شالله
مسكت يده ..طيب اجلس شكلك تعبان
جلس بدون مايتكلم كان ينفض الافكار من راسه كل ماتذكر كلام هدى ..تبي اجيب لك اكل
..لا لا بنام
..براحتك <<
.................................
. تعبان ) !! أدري فيگ واللـه أدري ..
لگن تگلم / قول .. شاللي متعّبگ ؟؟
ماعاد به شي ٍ على الضحگ يغري !!
ولا عاد أحس إني أنا أقرب حبايبگ
في بيت فهد الساعه 12ليلا
دق جرس البيت
..غريبه من بجينا الحين >>ونادت الشغاله تفتح الباب دقايق ورجعت وسئلتها
..من الي عند الباب
..هذا بابا سلمان
قامت بسره استانست برجعته واستغربة من سرعته ..طيب روحي دخليه بسرعه <<راحت مده ودخلت وهو يتبعها
..السلام عليكم
..وعلليكم السلام غريبه ياسلمان العصر كلتني بالشرقيه
..هههههه الشرقيه جدعت عصا ثلاث ساعات وانا بالرياض
..زين ياوليدي الحمدلله على سلامتك
..الله يسلمك ياخاله >>وهو يتلفت بالصاله ..وين نوره
..نوره نايمه بروح اقومها
رفع يده ..لالا ياخاله اذا سمحتي انا باطلع لها
..اي ياولدي البيت بيتك ماقدامك احد والطريق تدله
طلع على مهله ماصدق انه رجع لها وانه بعد دقايق بتكون تحت نظره
وبدون لايستئذن فتح الباب كل الانوار مشغله كانها كانت خايفه من الظلام
كانت نايمه على بطنها وشعرها مغطي على وجهها كله قرب لها شوي شوي وجلس على طرف السرير مسك كتفها وقلبها على ظهرها رفع شعرها بيده خاف من شكلها الي يشوفها يعتقد انها مريضه من زمان
بصوت هادي ..نوره
فتحت عيونها بتعب شافته قدامها اخذت تتامله ورجعت غمضت عيونها
اعاد نداه لها هالمره صحت وايقنت انه حقيقه وليس حلم
جلست بسرعه ..سلمــــــــــــان
..وش فيك خايفه >>كانت ترمش بسرعه وتتلفت بارجا الغرفه حتى تتاكد من المكان
..متى جيت امي تقول انك بتجي بعد ثلاث ايام
..توني واصل ..ميل رقبته وقرب يدقق بملامحها ..وش الي سوى فيك كذا ؟؟
ماردت عليه ..ردي على يانوره
بعبره مخنوقه ..مافيني شي
اناعرفك يانوره قولي لي وش فيك وش الي متعبك
تهجد صوتها ..انت ليش رحت وخليتني كنت ابيك عندي
كلامها مثل السكاكين الي تنغرس بصدره ..وهذا انا خليت الي وراي ورجعت لك
بدت دموعها تنزل بغزاره ..انا كنت تعبانه وانت خليتني ورحت
مسك يدها ..انتي يانوره ماكنتي تتكلمين
..بس انت تعرفني حتى لوتكلمت
افحمته بكلمتها فعلاكان يعرفها ..طيب انتي الحين وش تحسين فيه
بكت مثل الطفله الخايفه الي فاقده احساس الامان ..انا خايفه ياسلمان خايفه يكون فيني مرض خطير
..لاتخافين ان شالله مافيك الالعافيه
تكلمت وصوتها يرتجف ..لاعاد تخليني
كانت قاسيه بكلامها عليه مايتخيل نفسه قدر يسوي فيها الي سواه
..ماراح اخليك بس الحين قومي البسي حتى اوديك للمستشفى
..لا مابي اروح
..ليــــــــــــش
..اخاف من المستشفيات
..لاتخافين انا معك بس يالله قومي >>قام من عندها وارح للشماعه وسحب عبايتها ولبسها وطلع ماعارضته مشت معه
كانت تتمنى تشوفه سلمان الي تعرفه سلمان الي خسرته ببعدها عنه وهويتمنى يشوفها نوره الي يحبها تبادله نفس الحب ولاتنغلق على مشاعرها
................................
سهره مغلقه لثلاثي الشر في بيت نوال
لطيفه كانت تتكلم عن زوجها
..عاند الدنيا كلها ورفض يتزوج على
تكلمت هدى ..طيب ليش يبون يزوجونه
..لانهم يعتقدون اني ماجيب عيال
نوال ..اذا كان زوجك معك ماعليك من احد
..بس هو يحرص على رضا امه واخاف هاالعجوز تجبره يتزوج
نوال ..عبدالله محبوب عند اهله واخوانه وبصراحه يالطيفه هم مايحبونك انتبهي منهم
..وش اسوي ماقدر امنعه اذا تكلمت باامه واخوانه يزعل
.هدى بعد صمت طويل تستفسر ..طيب هو معاملته معك كيف
..هو اذا ماجبت سيرة اهله معاملته حلوه
..خلاص لاتجيبين سيرتهم
..لازام احاول اهز صورتهم بعينه عشان يقلل زياراته لهم
استغربت من رجال بمواصفات عبدالله يتحمل وحده زيك ماتحب احد حتى اخوانها تحاول تضرهم ..خساره عندك رجال مثله
.................................................. ................
ليت كل دار تضمك ليتها صدري
ليت كل عين تشوفك ليتها عيني
.
عاجز عن التفكير عاجز عن النوم عاجز عن مواجهتته والاشاره لها باصبع الاتهمام ماستطاع الاانه ياكل نفسه نفسه موقف لايحسد عليه مايبي يظلمها ولايبي يظلم نفسه كانت هذي حالته من سمع الي سمع بعد ماصارت كل شي بحياتي اضيعها بلحظة غضب لازام اتروى كان
هذا الصراع الي بينه وبين نفسه كل ماقرر مواجهتها
متاكده انه متوتر من شي المده الي راحت يتوددلها لكن اليوم انقلب حاله بدون سابق انذار يتهرب من عيونها نظراته تحمل شي غريب ماقدرت تفسره <<باترك الكلام للايام هي الي راح تعلمني بسرك ياناصر
الجـــــــــ الثالث عشر ـــزء
اذاضاقت عليك الاراض تعزوى بس وعلمني
وربي لاقلب العالم على شانك واعدلها
فــــــ المشتشفـــــى ـــي
مقابلها وهي نايمه على السرير
كان خايف عليها حالتها ماتسر طلبت منها بعض التحاليل وينتظرون النتيجه بفارغ الصبر
دخلت الممرض بيدها المغذي واخذت تركبه بيدها سئلت ..وش هذا
الممرضه ..هذا مغذي
سئلها سلمان ..طلعت نتايج التحاليل
الممرضه ..النتيجه عند الدكتوره المريضه الي عندها طلعت تقدر تروح تشوف بنفسك
..خلاص يانوره ارتاحي وانا بروح اشوف الدكتوره وارجع لك
راح من عندها قلق من الي راح يسمعه دق الباب دخل بعد ماسمحت له الدكتوره
..السلام عليكم
..وعليكم السلام انت زوج نوره
..اي نعم <<اشرت له يجلس
وهويجلس ..خير يادكتوره بشري
..والله ياخ زوجتك تعاني من فقر دم حاد
ارتخى وارتاح ان هذا السبب ماهو شي ثاني كملت الدكتوره ..واضح انت تغذيتها سيئه وهذا ماهو زين لها وللجنين <<وقف عند الكلمه الاخيره ..جنين !!يعني نوره حامل
كانت الدكتوره تعتقد انه يدري ..يعني انت ماتدري
هز كتفه ..وش دراني
ضحكت الدكتوره على كلمته..والله الي باين عندي انها بنص الشهر الثاني
لام نفسه على قسوته عليها يعني كنت اتحمل صدها ويوم صارت حامل بولدي تخليت عنها
..بس يادكتوره احس نفسيتها تعبانه ودائما مكتئبه
..لاتخاف الحمل يسوي اكثر من كذا الحين بكتب لها فتامينات ولازام تاخذها لانها محتاجه لها
اخذ الورقه وقام ..ان شالله مشكوره يادكتوره
..العفو
وهو بممر المستشفى يمشي لها فرحته فرحتين سعيد انها حامل وانه بيصير ابو واسعد ان ماطلع فيها شي يخوف
مازالت على نفس وضعها قرب لها وصار يتاملها فرحان وزعلان من نفسه
ابتسم وهو يشوفها نايمه بامان >>الحمد لك يارب
حست بانفاسه قريبه فتحت عيونه وبسرعه وبتعب ..هاه وش قالت الدكتوره ؟؟
جلس على الكرسي ومسك يدها ..مافيك الا العافيه بس ارتاحي
رده ما برد قلبهاحست انه يخفي شي ورا كلامه ..يعني وش فيني وش قالت الدكتوره
قرب وجهه لوجهها ..تقول نوره الحلوه بتصير امــــ ...
لاشعوريا حطت يدها على بطنها ..صدق ياسلمان صدق بصير ام وعندي عيال
ضحك على براتها ..احلى ام واحلى عيال
..سلمان بروح ابشر امي وعمي وفهد ونوف وساره كلهم باقول لهم كلهم بيفرحون <<كانت تتكلم وهي تبكي ماتخيلت انها تستانس هالكثر بحملها لدرجة انها عبرت عن فرحتها قدام سلمان يمكن لان هالخبر مثل الغيث على الاراض اليابسه كلهم راح يفرحون بعد فتره ممحله من السعاده
..بنقول لهم بس ترى يانوره الدكتوره تقول لازام تاكلين زين عشان مايصير له شي
رصت يدها على بطنها ..راح اكل حتى يكبر واحس فيه يكبر داخلي
قمة السعاده لانها شافها بهالحاله دبت فيها الروح بعد ماكانت كارهه الحياه
اخذها بعد ماخلص المغذي ورجعوا للبيت
........................................
نوف وناصر,,,, ناصر يحاول قدر المستطاع مايحسسها بشي ولالاحظ عليها شي ياكد كلام هدى ونوف متاكده ان واره شي شروده الدائم ياكد لها ان واراه سر
سلمان ونوره خبرحملها جدد الروح بعلاقتهم ربما تكون من حسن الى احسن
نواف وساره بدت تجهيزات زواجهم
فهد صرف نظر عن فكرة الزواج
...................................
قبل اذان المغرب
كانت ساره وابوها على السفره
..وشلون نوف من زمان ماشفتها
الحمدلله تمام بس مشغوله صيام دراسه ماتفضى
..الله يقويها وسلمان ماتصل
..كلمته امس يقول يبي له ثلاث ايام
ماكمل كلامه الاصوت صوت يصدر من جناح سلمان بسرعه انفتح الباب وطلع سلمان يشع وجهه نور واضح انه مرتاح على عكس يوم سافر كان شايل الدنيا على راسه ..السلام عليكم
ابو سلمان ..وعليكم السلام متى جيت
.. سلمان ..مافيه الحمدلله على السلامه
ساره ..سلوم انت ماتترك الكذب عنك تقول بتجي بعد ثلاث ايام وجاي اليوم مصدق عمرك مسوي اكشن انت ووجهك
ابو سلمان ..ساره عيب احترمي اخوك واحترميني الحمدلله على سلامتك ياوليدي
قرب لابوه وحب راسه ..الله يسلمك
ساره ..انا وش قلت يبه غير الحقيقه ولدك هذا مايكبر
ابو سلمان ....ســـااااااااااره>> ارتاعت من صوت ابوها وسكتت
سلمان ..ناس ماتجي الا بالعين الحمرا
ابو سلمان ..خلك منها وش عندك راجع بدري
سلمان ..يعني يبه ارجع للشرقيه
ساره وكنها نست الي جاها قبل شوي ..الاخ اليوم طايح بخفة الدم
ناظرلها ابوها بمعنى خلاص والتفت لسلمان ..ماقلت لي ليش جاي
ضحك سلمان على ساره على التهزيئ الي حصلته ..ابد اتصلت على بيت عمي وقالت لي خالتي ام فهد نوره تعبانه وجيت
ابوسلمان بخوف ..خير وش فيها
سلمان بابتسامه ..كل خير
طمرت ساره وجلست جنبه وقبل لايكمل ..لاتقول نوره حامل ؟؟؟
سلمان ببتسامه ..اي بس وش دراك
ابو سلمان ..الف مبروك
سلمان..الله يبارك فيك
ساره .والله اني كنت متوقعه مبروك يابو محمد
سلمان ..الله يبارك فيك يام راشد <راشد ابو نايف >
.................................................. ................................
ضاق بي الكون وتولعت بهوى ناري ولقيت بقلبك اكثر مماتمنيت
في عوده الى ناصر جالس علىطاولةالاكل مع ابوه وامه ونوف نوف كانت تروح وترجع وتشيل من الصحون
ابو ناصر ..يابنتي لاتعبين نفسك الشغالات يشيلون كل شي
..الله يقويك يابنتي بس شوي على عمرك انتي بعد صايمه وتدرسين
..هانت ياعمي باقي بس نهاية هالاسبوع وتجي اجازة العيد
انتبهو له حاط يده على خده ويفكر ويقلب الاكل بالملعقه
...نــــــــــــاصر !!
رفع راسه بسرعه انتبه لنفسه نوف كانت الصحون بيدها وماحست انها واقفه تتفرج على المشهد وتشوف نهايته ..سم يبه
..سم الله عدوك وين رحت
..معك طال عمرك امرني
..مايامر عليك ظالم وش سويت بسيارتك
..اجلت الموضوع لبعد العيد
..على خير يالله الصلاه يابوي
وهو يقوم ..ان شالله يبه <<<قام وانتبه لها ولوقفتها كانت تتوقع انه يقول لابوه شي لكن تاكدت ان الكل مثلها ماعندهم علم وان الخبر بس بقلب ناصر ..ليش واقفه ؟؟
..لابس كنت باقولك اني عازمتك بعد العشا على كابتشينو
ضحك على تصريفتها ..عزيمتك مقبوله
استانست من رده ..انتظرك لاتطول
..ان شالله
بتحاول انها تعرف سره الي قالب حاله بس بتفتح قلبك ياناصر؟؟
.......................................
نايف ونواف
..تدري ابوي بيجي باجازة العيد
..ابوي لحاله
..لا بتجي لاصقة عنزروت معه
..ههههههههههه حسبي الله على ابليسك وش فيك على اختك
..هالبنت دمها ثقـــــــــــيل
..المهم ترى زواجك مابقى عنه الاشهر تاكد من كل شي مولازام ابوي يجي يلقى شي ناقص وبعدين يزعل
..لا ان شالله مافي شي ناقص وابوي بيرضى
..والبيت خلص حتى الاثاث بس باقي عليك تسكنه
سكت شوي كانه يفكر بشي ..اقول نايف انت راضي عن حياتك كذا
رفع حواجبه ..وش فيها حياتي الحمدلله مرتاح ولاناقصني شي
..وشلون ماهو ناقصك وانت الي كبرك عندهم عيال
نفخ ملل من هالسيره حس انه بدى يكرههها ..لاحول ولاقوة الابالله انت تروح وترجع لنفس الموضوع
..تدري انا فرحان بزواجي لين تخطر على بالي احس ان الفرحه مالها طعم
رتب على كتفه ..لاياخوي افرح هذا حقك وانا ان شالله القى الي تسعدني
..ان شالله بس اوعدني انك تفكر جد بالموضوع
..اوعدك يابو راشد
...........................................
ويـن تلقى مثل شخصي شخص وَ طبآعي طبآع و وين تلقى مثل قلبي قلب أو مثلي خليل آلبشر وآجد نعم . . بس فرق آلآنطبآع يجعلك يـمي تـمـيـل وَ يــمّ غـيــري مآ تـمـيــل
وصلوا للمكان الي يحب ناصر يرتاده
كان الباب من جهة نوف نزلت تستناه يسكر السياره خلص وحط المفتاح بجيبه قبل يوصلها مدت يدها له حتى يحط يده بها فهم مقصدها ابتسم وسوى مثل ماتبي ودخلو مع بعض
نوف ..خل نجلس هنا
..وش معنى
بضحكه تحاول تغير نفسيته وكانها قربت توصل لمبتغاها هذا زوجها وهذي مهمتها ودورها ..انت ماتتكلم انا الي عازمتك يعني نجلس بالمكان الي اختاره
وهو يضحك مشى معها ..خلاص امرك >>جلسوا بالكراسي تكلمت ..يالله عاد اطلب وادفع الحساب
..هههههههههه هذا نصب !!
..انت المره الجايه انصب على انا راضيه
قام وطلب له ولها ورجع جلس مبسوط بطلعته خففت عنه شوي حس بالرضا عن نفسه لانها ماتهور وناقشها وحرم نفسه من هالشعور كانت ماراح تسامحني طول العمر وهو يفكر
..يالله الحين تكلم
استغرب منها ..اتكلم وش اقول
بجديه وصوت ثابت ..وش الي مضايقك
..ماني متضايق!! ليه انتي تحس كذا؟؟
..لا ماحس انا متاكده وكنت اتمنى انك تعتبرني جزء منك وتفتح قلبك لكن للاسف انك اجبرتني اسئلك
..انا كنت متكدر من حاجه تخص الشغل والحمدلله انحلت
ردت وهي تجر الكلام .. زين باحاول اصدق بس باقولك ترى مافيه شي يسوى نحرق انفسنا على شانه وترى حالتك كانت مشغله حتى امك وابوك ياناصر حقهم عليك انك تدور راحتهم ماتتعبهم معك تاكد انهم يحسون فيك
يردد كلامها بباله <<<كبيره يانوف بتفكيرك وباخلاقك بكل شي
..بس هم الي منشغلين علشاني؟؟
بندفاع وبدون جخل ..حتى انا كنت حاسه فيك وحالتك ماهي عاجبتني احس اني مع جسم من غير عقل ولاروح
سكت شوي ومد يده لها ..نوف انا احبك
ابتسمت له وحطت يدها على يده ..وانا بعد احبك
حس بنشوه كبيره نوف بكلامها ورقتها وحنانه قدرت تطلعه من جو الاكتئاب والضيقه احتوته وطار كلام هدى مع ذككرياتها واستقرت بدالها نوف وايامها الجايه """هالجوله كسبتها نوف بجداره لكن راح تستسلم هدى الي حطت الانتقام نصب عينيها
..ماشالله تبارك الله اليوم الوجه ينور لو ادري من زمان جايب لك سلمان
استحت منه ..فــــهههههد
..ههههههه ماقلت شي
..اتركها الحمدلله ماصدقت على الله تحسن حالتها ياعمري ياسلمان ترك شغله ورجع على شانها
مبسوطه يوم تذكر انه رجع على شانها >>ماراح اخسره مره ثانيه
..انت ماتدري يافهد انك بتصير خال عن قريب
...صــــــددددددق يمه الف مبروك يانواره
..الله يبارك فيك الله <<<..ماتخيل نوره تصير ام
دق جواله ..هذا سلمان اكيد الحين بيعسكر عندنا
ضحكت ام فهد على ولدها وهو يفتح جواله ..هلا والله حيالله ابو محمد,,زين زين لاتاكلني طالع طالع
وهو يقوم ..هذا زوجك عند الباب غاب دقايق ورجع ..تفضل ياطويل العمر
ناظرت نوره لامها باستغراب هذا ماهو اسلوبه اكيد يكلم احد ثاني سمعوا الصوت على طول تغطت ام فهد ونوره قامت بفرحه ..ياولد
..اقلط يابو سلمان ..السلام عليكم
..عليكم السلام <<وهي تقرب له.. هلا ياعمي <<سلمت عليه
وشلون صحتك يابنيتي
..بخير جعلك بخير
..قلت ماجت انا اروح لها
..تسلم ياعمي والله لوادري كان جيتك وماخليتك تتعنى
تكلم سلمان اخيرا ..قلت له انا اجيبها عيا يقول خلها ترتاح
..اذا ماجيت لنواره من اجي له هذي الغاليه بنت الغالي
حبت يده وراسه ..الله يخليك لنا ياعمي
..مبروك يابنيتي
..الله يبارك فيك
..الحمدلله الي بلغني هاليوم
فهد ..الله يطول بعمرك
التفت له ..انت بعد ماني مطول ساكت عنك بزوجك وافرح بشوفة عيالك
فرصه جت لام فهد ..عندك اياه يابو سلمان انت حسبت ابوه ولك الامر عليه وعليه لك الطاعه
..كني اشوف السالفه قلبت على
..ماقلبت ياولدي بس انت مانت صغير وانا اتحرى اليوم الي تجيني تطلبني اخطبلك
..عن قريب ياعمي
استمرو بالسوالف لمده طويله
لمه حلوه تحمل جو اسري والفه خلقها ابو سلمان بزيارته لنوره
..................................
هذا المسا للحب وللشوق وللمواعيد
هذا المسا في القلب شمع واغاني وعيد
هذا المسا لك انت مهما تكون بعيد
هذا المسا للحب وللشوق وللمواعيد
هذا المسا في القلب شمع واغاني وعيد
وينك حبيبي قبل الشفق مايغيب
تدري حبيبي كل الصبر تعذيب
مدري سحابه شال ولاشعاعه جيد
هب الهوى آمال وهب الهوى تنهيد
..بعدماطلعوا من الكوفي كان الاثنين مبسوطين ويحمل كل منهم للثاني مشاعر حلوه وطاهره
..اقول ناصر
التفت لها ..عيونه سمي
..بغيت اطلب منك طلب
..تامرين بس اشري
..تسلم بس مشتاقه لاهلي وكلمت ساره حسيتها متضايقه لوسمحتي ودي امرهم
..ماعندي مانع بس انتي وراك دوام بكره لازام تنامين
..ساعه بس اجلس مع ساره وارجع خذني
..امرك كم نوف عندي
وهي ترفع اصبعها ..وحده
اطلق الاثنين ضحكه عاليه تعبر عن وناستهم غير طريقه لبيت اهلها
......................................
آلقهر لآ من جيت تفرحْ مآ تلآقي مطرحك
في عالم من ضيق صدر اهله تدور لـ نسم
رافعه رجولها على الكنب وتقلب بالقنوات
وتتكلم مع نفسها ..الله يسامحك يبه ليتك مخلي سلمان يجيب نوره صحيح بارده بس العوض ولا القطيعه
دق الجرس توقعت انه ابوها وسلمان ظلت على ماهي عليه حست بالي يغطي عيونها ..سلوم بلا حركات غبيه <<تلمست اليد الي مغطيه عيونها ..لاوالله سلوم يده مثل يد الديناصور اكيد نوره
رفعت يديها ...ههههههههههه ليه ماسكه يد الديناصور
..يييييياي نويفه يالمعفنه ليش ماقلتي انك بتجين
..كنا طالعين انا وناصر قلت امر اشوفكم
ابتسمت وغمزت بعينها ..احلى صايرين نطلع مع بعض والوجه ماشالله طالعه من الوناسه
..شكلك ناويه تنظليني
..تف تف تف ماحسد لاتخافين
..ساره حسبي الله على ابليسك وصختيني
..حتى مانظلك
دخل ابو سلمان مع ابوه لقاهم جالسين
ابو سلمان ..وانا اقول البيت منور اثاري نوفي زايرتنا
سلمت عليه ..منور بوجودك يبه
ساره ..يعني كان مظلم بوجدوي
سلمان.. ياشين قطة الوجه بكره لاتوكلتي على الله وفارقتنينا بتصيرين مثلها
ساره ..دام كذا هانت مابقى شي
ابو سلمان وهو يقوم ..يالله انا بروح عشان اقدر اقوم للقيام
نوف ..راح رمضان بسرعه الليله واحد وعشرين
دخل ابوهم >>نوف ..وين نوره ماشفتها
سلمان ..ببيت عمي
..ليش عسى ماشر
..ليش انا ماقلت لك
..لا ماقلتي لي
تكلمت وهي تمط الكلام ..نوره المفهيه بتصي ام وسلوم """الللللحلو <<خافت تقول كلمه ثانيه ..بيصير ابو
قبل لاترد نوف تكلم سلمان ..لاوازيدك من الشعربيت سويره الهبله بتصير عمه
نطت نوف بدون شعور ..ييييياي صدق اخيرا بيصير عندنا بيبي نلعب فيه
..شوي وشوي راس ماله ولد نوره وسلوم يعني مايسوى كل هالفرحه
..ماعليك منها الف مبروك بس ليتها هنا اشوفها
..الله يبارك فيك اعذريني ماقدر اجيبها عند هالعنيفه اخاف تسوي فيها شي اعرفها تجيها حالات
..ســــلللللللوم احترم نفسك
..هههههههههههههههه
...................................
غصبً علي قلبي يحبك ويغليك
غصب علي عيني سعدها بشوفك
الزمن يركض وييسحبنا معه نعيش الايام حلوه وايام مره رضيناولاابينا بتمشي وتسحب من اعمارنا من ايامنا وليالينا وترسم لنا ذكريات نمشي ونتركها ورانا وتخطط لنا مستقبل نمشي وعيوننا عليه
بعد مارجعت من السوق مع اختها بدت تجهيزات زواجها
دخلت غرفتها مهدود حيلها على طول نزلت عباتها ورتبت الاغرض الي شرتها للعيد وتسبحت تمددت على السرير
دخل عليها الغرفه ابتسمت لدخلتها الي تحبها وهي على وضعها رفعت بس ظهرها جلس جنبها ومعه كيس صغير الموضوع الأصلى من هنا: منتديات طرطعة http://forum.6r63h.com/showthread.php?t=102968
..كل عام وانتي بخير
..وانت بخير
..ليش متمده بالعاده بقمةنشاطك
..بهذلتني سويره بـ هالاسواق
..هذي اختك ولازام توقفين معها
..واقفه معها موبكيفي كل يوم ساحبتني لمجمع
..لاتتذمرين يانوف ترى الاخوان نعمه مايحس بقيمتها الا المحروم منها
..الحمدلله الله يخلي لي اخواني << وابتسمت <<ويخليك لي
..طيب علشان دعوتك الحلوه غمضي عيونك
..ليش مع اني عارفه
..ههههههههه دام انك عارفه ليش تسئلين
..استهبل
..طيب يالله غمضي عيونك<<غمضت وحست بيديه تلتف على رقبتها
..الحين فتحي
افتحت عيونها وقعدت تتامل الي لبسها كان عباره عن سلسال من الذهب الابيض يحمل حرف الــ nبفصوص ناعمه كان بريقه يلفت الانتباه
..وووووووا مشكورر حبيبي <<ابتسمت >>بس هذا اول حرف من اسمي ولا اول حرف من اسمك
..لالا هذا اول حرف من اسمي العيد الجاي بشتري لك اول حرف من اسمك
................................................
اشرقت الشمس عن يوم جديد ورغم ان الكثير مانام وهذا شي صار مثل العاده ال اتخذها الناس بالعيد
تجهزت ولبست فتحت شباك غرفتها وسحبت كمية هوا كان شعرها الناعم يتحرك مع النسمات الي غزت المكان وادخلت عليه بروده تركت ناصر يكمل لبسه ونزلت لخالتها وعايدتها وصارت تستعد لاستقبال الضيوف بما ان ابو ناصر اكبر اخوانه بيته يكون المكان الي يجتمعون فيه صارت تروح وترجع بالبيت تشرف على الشغل قدرت تخلق جو حلو كسرت الهدوء الي يسكنه صار مليان حياه دخلت عليه البهجه
امتلى البيت بريحة البخوروالعطور والقهوه تحسسك بطعم ولون وريحة العيد اصبح عيد بالوان زاهيه دخلت للمطبخ ورجعت بصينية القهوه والشغاله تتبعها بالحلا نزل ناصر مستعجل قرب لامه وحب راسها
..عيدك مبارك ياوليدي الله يبلغني يوم اشوف عيالك
ان شالله يمه>> التفت لنوف الي واقفه والمبخر بيدها ..ماتبين اوديك لاهلك
..لا ماقدر اخلى خالتي تحتاس بالزحمه بروح بعدين
..الله يرضى عليك <<مشت له والبخور بيدها حتى تبخره نزل شماغه وتبخر وطلع بسرعه
امتلى البيت بالمعايدين وهي تدور بالبيت افتقدت هدى الي توقعت انها تكون اول من يجي وكانت تستعد لمواجهتها
.................................................. ....
..ياخي انت كل يوم راز وجك وجاي
..انا جاي اخذ زوجتي انت وش ملقفك
..انت بس خذها وفكنا بدال مانت كل مزعجنا تبي تشوفها
..زين زين بس استعجلها بروح عمي ابونايف ونايف الحين بيجون وابوي لحاله
..انا بعد بلحقك بسلم على عمي
..الحين تطردني من بيتك وترح لبيتنا
..اقول انا اقوم انادي لك زوجتك
.............................................في زماني ماشوف غير طعنات والظروفاللي كان في يوم جنبي ابتعد عني بخوف
العصر
وقفت سيارته عند باب بيت ابو سلمان معه ابوه ومها نزل من سيارته وشاف سياره ثانيه وقفت عند نفس البيت عرف الي يسوقها وعرف الي كانت معه هذا ناصر وهذي نوف ماحس بنفسه ان رجليه وقفت بمكانها ناصر انتبه لحركته ولصمت لنوف الي تباطئت خطوتها
اسرع نايف بعد مانببه ابوه
نوف ..ماراح تنزل؟؟
..لا بسلم عليهم اذا جيت اخذك >>وحرك السياره بسرعه
دخلت مع مها وسلمت عليها وكملوا طريقهم لداخل البيت لساره الي تتنتظرهم بفارغ الصبر
اكتمل العدد بعد ماجت نوره
..الخايس نواف مارضى يوصلني يقول بروح لحالي اذا خفت الزحمه
..احترمي نفسك عيب تتكلمين على اخوك الكبير
..استغفر الله يعني يوم مابي احترم ماحترم الانوافوه
فتحت عيونها وعظت شفتها ..مهيو هذا اخوك
..انتي قلتي اخوي يعني مالك دخل
نوف ..اسمعي من يتكلم انتي شتسوين بسلمان مطلعه عيونه
..انتي مالك دخل قولي خير ولاسكتي
نوره ..دايما كلمة الحق تزعل
..اشوف كن كل الخوات اتحدن على
..مها انتي الي بديتي زعلانه عشان تكلمنا عن زوج المستقبل
..ايه مارضى عليه
..وينك يانوافوه تسمع وتشوف زوجتك >>سكتت وبجديه <<..متى اشوف زوجة نايف تدافع عنه
حست نوف بغصه ماتدري وش سببها مع انه من تزوجت اعتبرته ذكرى اليمه <<لكن دايما مشاعرنا تكون اقوى منا
..الله يرزقه ببنت الحلال >>ناظرت لها ساره عارفه زين بالي في قلبها
.................................................. ...........
ناس همهم يسعدوونك......
...وناس.همهم كيف تقدر تبكيك
..غريبه ظنيتك تروحين لبيت خالتك تشوفين حبيب القلب
..لا اليوم مارحت بيتهم زحمه قلت بكره مع ان امي كانت بتروح اليوم لكن بالغصب اقنعتها
..وانتي وش عليك من الزحمه
..ابي اتفرغ له وبكره بضرب ضربتي وادفعه ثمن الكف الي جاني بسببها واحرق قلوبهم واتفرج عليهم
..وش بتسوين ؟؟
..خلي الكلام لين اسوي الي في بالي واقوللك وصدقيني كلمتى راح تكون هي الاخيره
وش كانت تفكر فيه ؟؟ وهل هالمره تصيب رميتها ؟؟ونوف وش موقفها ؟
رجع اخذها بعد ماتفرق الجميع في وقت مبكر من الليل لان الناس سهرانه وتعبانه
من رجعو للبيت نامو امنين ينتظرون بكره وش يخبي لهم
.................................................. ...............
بعد ماخفت زحمة الناس اتصل على نايف يجي يجلس مع مها وهو يروح لساره
..وانت ليش ماتجلس عندها
مسك ياقة ثوب وابتسم ..انا رجال متزوج بروح اسير على زوجتي سوالف انت ماتعرفها
..لا والله وانت تروح تستانس وانا اجلس لك بالبيت
..افا وانا اخوك بكره ان شالله اردها لك
حرك يده بياس وتنهد ..امرنا لله وش نسوي لازام ندلعك
..تسلم والله انا عارف اني ماهون عليك بس تكفى تعال بسرعه
..جاي جاي انت تجهز لين اجي
تجهز نواف وطلع من عندهم بعد مارجع نايف للبيت
..............................................
عند نواف وساره
..ماقلتي لي وش اخبارك مع الدراسه
..بصراحه اداوم يوم واغيب ثلاث مالي خلق عليها
..المفروض السنه هذي بالذات تشدين حيلك صعب تتراجعين فيها
..مدري بس مافيه شي يحمس للدراسه اول يوم كنت اشوف نوف تذاكر اتحمس احيانا واذاكر لكن الحين اصعب شي علي امسك كتاب واذاكر
..يعني بتسوين زيي وتدقرين في الثانويه
..الظاهركذا العين ماتعلى على الحاجب
..ياسلام وحده فاشله تزوجت واحد فاشل وشلون بيطلعون عياله
..مايبي لها كلام اكيد فاشلين
.................................
ياحزين القلب هونها وتــهون
ــــــــــ خــل باكـر يــفرجهـ رب كريم
سرح بمنظرها اليوم وشون كانت قدامي ولافكرت فيها ويوم فكرت فيها تزوجت ابتسم صدق الحظ يسوي كل شي
شوفة نوف حركت شي داخله ومع ان نايف انسان يحترم الناس ويحترم نفسه بس برغم هذا احساس داخله ماقدر يسيطر عليه
..وش عندك مبتسم
رفع نظره لها ..انا !!
..ايه انت من تفكر فيه ؟؟
..ولاشي افكر بزواج نواف
..الله يوفقه نايف ودي اطلع اشوف الرياض من زمان عنها
..اليوم اعذريني بس من بكره ان شالله كل يوم بوديك لمكان لين تحفظينها حفظ
..اوكـــي اتفقنا تصبح على خير
..وانتي من اهله
............................
عصر ثاني يوم
كانت زيارتها مبكره نوعا ما كانها مستعجله
نزلو ا مع بعض متعودين على اجتماعهم العصر ماكانوا يدرون بالي قدمهم قرب ناصر لخالته وسلم عليها وحقر هدى لكن هي ماتركته بحاله ..وشونك ياناصر
ناظر لها باحتقار ..الحمد لله انا طالع تامروني على شي
..سلامتك
طلع من عندهم وركب سيارته ناوي مايرجع للبيت لين تروح
..........................................
طلعوا من البيت من قبل المغرب مقررين مايرجعون الا وقت متاخر حتى تفرغ مها كل طاقتها
يمشون بواحد من المحلات الكبيره كانوا قريبين من بعض ويتكلمون بصوت واطي وكان احيانا يقرب لها عشان يسمعها
بالصدفه كان يشوفهم ومستغرب من هذي الي معه يعني مكتوب لي اشوفك امس واليوم كانك تخاف اني انسى وظل يرقبهم لين قربوا لمحل مخصص للعوايل مسكت يده وجرته ودخلته معها
كان يشوف ومستغرب هالانسان الي يشوفه يعتقد انه محترم مايدري ان هذي فعايله بقى يفكر لين جاه صديقه الي كان مواعده وقاموا يطلبون لهم شيي يشربونه
.....................................
لا تظن انساك وانت قطعة(ن) مني
عمرك سمعت عن قلب عاف دقاته
نوره بدت روحها تنتعش لوانها تعبانه بسببب الحمل كانت بالصاله تتفرج على التلفزيون وساره كانت تكلم نواف ماحست بنفسها انها غفت عينها ونامت هذي حالتها اكثر وقتها نوم طلع سلمان من غرفته شافها على وضعها اقترب لها يتاكد اذا كانت نايمه ولا لا جته ساره وهو واقف مقابلها التفت لها وبصوت مثل الهمس
..مدري ليه صايره ماتحب تنام بالغرفه
..مدري بس انا اسمع ان بعض الحريم ببداية الحمل يكرهون مكان وانسان معين
..اكلت شي ؟؟
..يعني شوي بس عشان الدواء
..زين الحمدلله انها بدت تاكل لو شوي
ابتسمت له ساره وهي تشوف الخوف عليها بعيونه ..انت تحبهايا سلمان
..هذي زوجتي وواجبها على اني اهتم فيها
تنهدت ولفت يديها على صدرها ..الي بعيونك ماهو مجرد اداء واجب الي بعيونك حب ياسلمان
الكلام الي اسمعه ايقظ مشاعره..انتي ماتعرفين غلاها عندي شي ماينوصف ياساره
مسحت يده ..صدقني نوره تستاهل هالحب ولاهو خساره فيها انسانه رقيقه من داخلها نقيه وتحبك
..بس ماتتكلم ما تشكي ماتعبر ماتعرف تسوي شي الانها تسكت على الي داخلها صدقيي صرت اخاف عليها من سكوتها
..المهم انك عارف حبها لك و هي معتمده على معرفتك وخبرتك فيها
..بس ان شاالله تعدي هالفتره على خير وتسترد صحتها
..ان شالله وتفرح فيها وبولدك
رفع راسه للسما.. يارب
قربت لها ساره وصارت تضغط على كتفها..نويره قومي خستي وانتي نايمه
فتحت عيونها شافت سلمان واقف واستحت من شكلها ومكانها الغلط تكلم سلمان بغيظ على ساره وحتى يخفف من احراجها ..انتي ماتعرفين تتعاملين بلطف شوي شوي روعتيها التفت لنوره..ماعليك منها نامي بالمكان الي يريحك والوقت الي يعجبك
تغير لون وجهها احمر من الخجل من سلمان والقهر على ساره ..اسفه
ضحكت ساره عليها ..نوره انتي ماتخفين من الحيا انتي ماتدرين انه بيصير ابو عيالك
غرقت عيونها وثارت على ساره الي تتسلى فيها ..انتي مالك شغل فيني
..هههههههه والله شكلك وانتي صاحيه من النوم ومعصبه توووووحفه
قامت بسرعه من المكان لكن مسكها سلمان ..تعالي وين رايحه شوي شوي
وقفت عند رغبتة ومسك يدها ..خلاص بروح لغرفتي
..والله معك حق وانا بعد بروح معك فيه ناس تحوم الكبد
ضحكت نوره عليه ..استانست ضحكتها على اخ بس لو ماهي حامل كان عرفت اربيها
..نوره حببتي ندخل غرفتنا احسن
..اقول رووووح انت وياها كني ميته على القعده معكم
...................................
فضت الصاله من الموجودين بقت بس هي ضرب معها الحظ وتركت نوف جوالها ماتوقعت ان الامور تكون سهله و بسرعه غيرت شريحتها بشريحه ثانيه ودقت على رقم حافظته زين من جوال نوف جاها الاتصال وسوت رفض توجهت بسرعه للرسايل وهي تتلفت تخاف احد يشوفها وارسلت رساله من جوال نوف ..اسفه حبيبي الفتره هذي ماقدر اكلمك لانه محكوره وياليت ماتتصل لين انا اكلمك حبيبتك وصلت الرساله لجوال نوف فتحتها وسكرت الجوال وابتسمت على انجازها الخارق ..الحين الي بقى هين نستلى ماورنا شي
رجعت الجوال لمكانه ورجعت لمكانها ماكنها سوت شي وتتمنى ناصر يرجع وهي موجوده حتى تكمل خطتها بالوقت المناسب
.................................................. ...
بعد مارجع مع مها وهم بالسياره جاه اتصال
..انت وينك
..انا توني راجع للبيت وش عندك
..ابد بس قلت نطلع اذا ماعندك شي
..لا لا ماعندي شي بس مابي اطلع مره ثانيه وماقدر اخلي اختي لحالها انت تعال لي البيت
..خلاص انا جايك بس جهز القهوه ولا يمكن ماعندكم
..ههههه لا عندنا نواف مسوي رب اسره وجايب اغراض للبيت
..انا ادفع نص عمري واعرف على من طالع مطفوق
والله ياخوي مدري
..اوكي انا جايك مع السلامه
..انتظرك مع السلامه
..من هذا الي يبي يجي عندك ؟؟
..انتي ليش ملقوفه
..نايف سؤال مافيها شي
..مالك دخل ياالله وصلنا الحين انزلي وصلحي قهوه بيجي عندي رجال
من تحت ضرسها ..زين بس اطلع الاغراض وارجع اصلحها
......................................
اتصلت ام هدى على ولدها عشان يجي ياخذهم وسط اعتراض هدى لكن اصرت تتصل عليه
اتصل ناصر على نوف يسئلها اذا فيه احد قالت له مافيه احد لانه ماراح يرجع الاوهم اكيد طالعين لان ولدها قالها دقايق وجاي
توترت هدى وقعدت على اعصابها ياترى من الي بيسق حظ نوف بجية اخوي ولاحظي بجية ناصر لكن للاسف الحظ الي مرافقها
رجع ناصر وهم بالمجلس الجانبي صعد فوق شافته يطلع ونوف تتبعه كانت راح تبدا لكن سبق اخوها واتصل على جوالها حتى يطلعون
انقهرت منه لبست وطلعت برى قبل امها الي كانت تتكلم مع اختها حست ان الامل بدا يرجع لها بسرعه وقفت عند المسبح ومن جديد نلت شريحتها وارسلت الرساله الي كانت حافظتها في الجهاز اختصار للوقت بسرعه وبنفس السرعه رجعت شريحتها لجهازها وراحت تركض وهي طايره من الفرح
.......................................
فوق وعند ناصر نوف دخلت تبدل ملابسها وهو يقلب بالقنوات بملل
سمع نغمة رساله جت على جوال نوف الي على الطاوله قدامه استغرب من الي يبي يرسل رساله هالوقت سحب نفس وصار على طرف الكنب ومد يده واخذ الجوال وفتحه وفتح الرساله
مسا الخيرحبي
الحين انتبهت لرسالتك
تضايقت لكن منها لكن ماقدر الا انفذ الي قلتي
على امل ماتطول هالحاله ويرجع كل شي زي اول
تصبحين على خير
مجنونك
فتح عيونه على كبرها قرا الرساله مره ثانيه اكيد هذي لعبه
مايدري ليه اخطرت على باله هدى وشك للحظه انها ممكن يكون لها يد وخطر كلامها على باله
ركز شوي فيها مايبي يستعجل فهم من الرساله انه مرسله له اول رجع للرساله المرسله انذهل من الرساله الي مرسلتها ولنفس الرقم
ونفس الشي قراها مره ثانيه وثالثه مالقى تفسير للي يشوفه الاان كلام هدى صحيح
طلع للسجل لقى مكالمه لنفس الرقم وبوقت الرساله تقريبا
ماعاد فيه مجال للشك يمكن نست تمسح المكالمات
اخذ الجوال ومشى بسرعه لغرفة الملابس وشياطين الاراض بين عيونه دخل وهي تسكرازارير البجامه الي لبستها
وبدون لاينطق مسك عضدها بقوه لدرجت حسته فتت عظامها
وبخوف واستغراب منه وهي تمشي او بالاحرى تنسحب ..ناصر وش فيك
ماتكلم لكن ظل يسحبها لين وصل عند الطاوله واخذ الجوال وصار يفتحه وهي تراقبه ولاتدرى وش صار مامداها تحلل تصرفاتها لانه فتح الجوال وفتح الرساله وحطها قدام وجهها ..وش هذا؟؟
ببراه ..هذا جوالي
صرخ باعلى صوته ..عارف جوالك اسئلك عن الي مكتوب بالرساله
ضيقت عيونها وبدت تقرا الرساله وماهي مستوعبه الموقف فتحت عيونها فجئه وشهقت وحطت يدها على فمها ..والله مادري يمكن غلطان
تركها ..يمكن الرساله الي جت جوالك بالغلط بس الرساله الي الي ارسلتيها والمكالمه الصادره والوارده بالغلط بعد
..صدقني انا مارسلت شي
فتح السجل مره ثانيه ومسك شعرها ..شوفي يامحترمه مكالمتك ورسالتك
حطت يدها على خدها الي حست انه استدار من كفه اخر شي تتوقعه يمد يده عليها وهالمره على صوتها ..تضربني ياناصر انا ابوي بعمره مامد يده علي
رجع غرز يده بشعرها حتى صارت تسمع طقتته ..لو مد يده عليك كان تربيتي وماطلعتي صايعه وتسوين علاقات>> قال كلامه ودزها بكل قوته انطلقت من يده مثل القذيفه ولاقدرت تتحكم بنفسها لين ضربت بالجدار الي وراها وكان ضربة ظهرها وراسها فيه صوت دوي
استقرت بمكانها وحست ظهرها تكسر والارض دارت بها ماعادت قادره حتى على اصدار الصوت حاولت تتمت باي شي لكن محاولاتها فشلت
وهو هوا بثقله على الكنب وصار يتنفس بسرعه مثل الي كان يركض مده طويله
..................................
..مدري ليه احس اني متضايقه
..شي عادي انتي قريب بتتركين البيت الي تربيتي فيه اكيد شعور يخوف
..لا صدري ضايق وحس الدنيا قافله بوجهي
..اسم الله عليك تعوذي من الشيطان وقومي صلي بترتاحين
..ان شالله بس وين سلمان
..سلمان اتصل عليه نواف وقال له يجي عندهم مجتمعين فهد ونايف وراح لهم
بدت تحس بالالم بظهرها ماهانت عليها نفسها جالسه عنده بدون حول ولاقوه وهو مستانس انه سوى فيها الي سواه
استجمعت قوتها وقررت تقوم لكن عظامها ماساعدتها تقوم ورجعت جلست شوي حتى يخف وجعها حطت يديها على الارض صارت تحبي بعجزمثل الطفل وهو يشوف وضعها وحالتها استمرت تقاوم اوجاعها وتحبي لين وصلت للجوال المفكك على الاراض وببطئ حاولت تركبه ونجحت بصعوبه
..وش بتسوين ؟؟
بصوت قوي ماتدري وشلون طلع ..بدق على سلمان يجي ياخذني >>ضغطت الاتصال
قام من مكانه وجلس مقابلها ..انقلعي ولاتنسين تقولين له يشوف المكالمات الي هنا >>وهو ياشر على جوالها ..والااهم لاتنسين تورينها ابوك الي عمره مامد يده عليك وخليه يتاكد انه عرف يربي بنته وخلاها ترفع راسه>>> وهي مثنيه رجوله تحت مثل الي جالس للصلاه قطعت الاتصال ورومت ايديها بحضنها بخيبة امل وهو طلع وصفق الباب وراه ظلت على وضعها يديها بحضنها وحذفت الجوال وضربته بالمكان الي رمها ناصر فيه لين صار مية قطعه
وبكت بصوت عالي بضعف سمحت لدموعها تنزل بحريه ..ياربي وش اسوي ابوي مريض والله لو يدري بيروح فيها وانا ماعندي شي ادافع فيه عن نفسي
..انا هنا من اكثر من اسبوع مالقيتي نص ساعه تجين تشوفيني زوجك طلع احسن منك جا وسلم
قربت لها مها وسلمت عليها ولو ان قلبها مليان عليها وراحت اخذت ريان من نايف وجلست وهو بحظنها
..قلتلك يبه مشغوله ولا انتم تدورون على زله
..تدرين يابنتي ان المفروض اختك تكون معك اكثر الوقت اما انتي عندها ولاهي عندك
..انا مامنعتها لاتجي بس هي ماتحب تجي لبيتي
..لانك مشغوله مع الناس الي تحبين تجلسين معهم >>كان يقصد نوال وهو يرفض علاقتها فيها
مستمعين ولاحد منهم تكلم وخايفين الكلام يحتد بينهم خصوصا انها ماهي متحمله كلمه من ابوها
..الظاهر ان جيتي غلط من الاساس عارفه ان مالي بينكم مكان بس سويت الي على
قامت وسحبت ولدها من يده وهي طالعه من المكان وهو ساكتين لين طلعت من المكان وتركتهم
صدرها لايتسع لاي كلمة عتاب او نصيحه اكره شي عليها احد ينتقد تصرفاتها وكانت تدور الاعذار حتى ماتزور احد من اهلها
.................................................. .....................
..هههههههه ماتخيلت ان الامور تمشي بسهوله لدرجه اني مافكرت بالخطه بالظبط بس طلعت مني تمام
..انتي متاكده انه قرا الررساله
..اتوقع لاني ارسلتها يوم طلع اكيد بيشوفها او على الاقل ينتبه اذا ارتبكت
..ماكنت اتوقع انك داهيه
وصف نوال لها نغز قلبها نغزه قويه ..انا ماكنت اتوقع اني بيوم من الايام اركض ورا واحد تركني وتزوج غيري حتى لوكانت روحي فيه
بس كل يوم تتغير قناعتنا >>تغير صوتها ..صدقيني انا ماني بالصوره الي تفكرينها مادري وشلون قدرت اسوي كذا واتهم وحده بريئه بشي ماهو فيها
نوال خافت من كلامها وان ضميرها يصحى والسالفه مرتبطه فيها وقررت تحرك الشر داخلها ..انتي ماغلطتي هو جرحك واهانك وانتي بتدافعين عن كرامتك يعني هو يتهنى ويعيش حياته وانتي تتعذبين
...اي انا تطلقت وقلت ارجع له وهو تخلى عني انا اخذت جزء بسيط من حقي
..انتي رديتي له الكف بخنجر
..هههههههه اجل قولي للطيفه بتستانس بالخبر
..لا مانبي نقوله لين نشوف وش صار
...................................
اتصلت ساره على نوف وكان جوالها مسكر زاد قلقها كانت تبي تكلمها تضيع بعض الضيقه الي تحس فيها
رجعت للصاله ولكن كالعاده فاضيه ذكرتها بوحدتها القت نظره على امها زي ماهي مستكينه ونايمه
رجعت لغرفتها يمكن تقدر تلقى شي يسليها جلست على سرير نوف فتحت الدرج الصغير الي جنبه وقعدت تفتش اغراض قديمه لنوف محتفظه فيها طلعت دفتر قديم دايما مع نوف تفرغ فيه الي يملا صدرها كلام كثير واشعار تحفظها وتحب ترددها وتهميشات تكتبها هذا الدفتر يحمل اشياء كثيره من حياة نوف ريحتها فيه انفاسها تصدر من بين حروفه العذبه قلبت بصفحاته كل صفح تعتبرها يوم عاشته نوف
فتحته وقلبت اورقه استوقتها خاطره تاكدت من اسلوبها انها من كتابات نوف
رجع بعد الفجر وطلع مع عتبات الدرج شوي شوي خايف احد يحس برجعته
وصل عند الباب سحب نفس وفتح الباب دخل الصاله ماهي موجوده اول مره يكره يشوفها مع انه ماتزوجها عن حب لكن عمره ماكرها زي اليوم قرر يتشجع ويدخل لغرفته يبي يبدل ملابسه يمكن يقدر ينام شايل شماغه بيده وشايل الالم بقلبه
فتح الباب كانت مغطيه كل جسمها وكاتمه شهقاتها متاكد انها ماهي نايمه للحظه رق قلبه لها لكن قرر مايكلمها ويجدد الالم انتبه لقطع
الجوال على الاراض نزل لها واخذ الشريحه ودخل بدل وطلع للصاله ونام
.............................................
فكرت بالدنيا بلياك وشلون .....
وفى لحظه التفكير هلت دموعى........
يوم جديد اعلنت عن بدايته الشمس الي تسللت اشعتها على المباني الهاديه بماانهم باجازة العيد الاجواء هاديه والسكون يخيم على البيت البسيط
صحت نوره من نومها تحس ان فيها شي من النشاط من زمان ماتحركت ولاسوت شي بغرفتها قامت من سريرها وهي تزين شعرها بيدها وقفت عينها على سلمان شافته نايم وماحس الفتره الي راحت تعب معاها وقلق عليها خطر على بالها شي
بسرعه غسلت وظبطت نفسها وتعطرت وطلعت من غرفتها بسرعه للمطبخ ماكان احد صاحي الاالشغاله صلحت فطور بسيط تشعر بالجوع زينته بالصينيه وصارت تتفرج عليه حست بالرضا عنه شالت الصينيه وطلعت لغرفنها نزلته على الطاوله الصغيره
راحت لسلمان وقفت شوي متردده وماعندها جراءه تسوي الي ببالها بالاخير ا قتربت منه وانحت عليه حطت يدها على كتفه بنعومه وبصوتها الناعم ..سلمان سلمان الموضوع الأصلى من هنا: منتديات طرطعة http://forum.6r63h.com/showthread.php?t=102968
تمغط بمكانه وصار يحك شعره بقوه وعيونه مغمضه فتح عيونه شوي وهو مازل يسوي نفس الحركه غمض مره ثانيه وفتح بسرعه وقف جسمه عن كل شي صار يناظر بسرعه مثل المفزوع بسرعه رفع الغطا وقام لها ..نوره وش فيك ؟؟ تحسين بشي
احتقرت نفسها دايما يفكر فيني خليته يحس اني مافرب له الا اذا احتجت شي تكلمت بخجل.. مافيني شي بــ بـس جوعانه
استغرب منها غريبه هذا ماهو اسلوبها ابتسم من قلبه عليها وكلمها مثل الطفله ..جوعانه!! طيب ليش ماقلتي للشغاله تصلحلك فطور
ردت له الابتسامه ..لا انا صلحت لنفسي
..طيب ليش ماتفطرين
نزلت راسها للارض ..ابيك انت تفطر معي
على بساطة كلمتها وبساطة اسلوبها وبساطة طلبها الاانه فرح من قلبه ..ليش ؟؟
..علشان تفتح نفسي
..غالي والطلب رخيص بس دقايق اغسل واطلع لك
..انا جبته هنا
..هنا!!سكت شوي ..هنا هنا انا شالله بالحوش
..انتظرك <<مشى من عندها واخذت نفس عميق كانها سوت انجاز
.................................................
الموت لامن بكيت وجيت .. محتاجك !
وطرقت بابك .. ولابه ناس .. تفتح لي
ناصر ونوف ماناموا كل واحد يفكر بموقف الثاني قامت نوف بوهن من مكانها حتى تغسل وتبدل ملابسها مازال ظهرها يعورها
لكن تحاملت على نفسها وقامت دخلت الحمام <<وانتم بكرامه >> مسكت حواف المغسله بيديها وقعدت تتفرج على نفسها بالمرايه المشهد يتكرر قدامها تسمع صوته ماتدري انها قامت تكلم نفسها ..معقوله ناصر يشك فيني ويضربني وانا اقعد عنده مستحيل انا مارضاها على نفسي انا لازام اقول لابوي وسلمان بس بوي فيه القلب واخاف عليه>> الم فظيع ببطنها وظهرها اوقف تفكيرها وبصوت مرتجف وعالي ...آآآآآآآآآآآآآآآآآآآآآه
تمسكت بالمغسله ونزلت للارض صرخه ثانيه صدرت منها على حالها احساس فظيع ظلم اهانه الم نفسي وجسدي ...آآآآآآآآآآآآآآآآآآه >>لفت يديها على بطنها قامت بصعوبه وفتحت الباب وطلعت جلست على الارض وقامت تسحب نفسها سحب تحس روحها بتطلع من الالم هالموقف يبي عزيمه لكن نوف ضاعت عزيمتها واندثرت بين كف ناصر ومرض ابوها وصلت للتلفون وضغطت على الارقام
ام ناصر كانت بالصاله تتقهوى مع زوجها وتسولف ماتدري بالي يصير فوق دخل عليهم ناصر من برى وجلس معهم ولاهو معهم
..وين كنت ؟؟
..كنت برى ليه
..مافي شي نوف وينها غريبه مانزلت
وبينه وبين نفسه والله انك مسكينه يمه ..فوق في غرفتها
دق جوال ام ناصر ..هذا رقم البيت >>وفتحته
تسمع انفاس متقطعه ..الـــ ح حـ قيني ياخــ الــ هـ
..نوف وش فيك
..باموت باموت
.. اسم الله عليك انا جايه
ابوناصر ..وش فيك
وهي ماشيه من عندهم ..نوف تعبانه يالله تتكلم
بدون تفكير طمر من مكانه سبق امه الي كانت تتعثر بجلابيتها خلاها وراه وراح يركض فتح الباب عليها لقالها جالسه بزاويه الغرفه وضامه رجولها لبطنها ونظرت له بحقد عليه وعلى نفسها وعلى ضعفها قدامه ماتكلم لين وصلت امه وهي تلتقط النفس ..وش فيك يمه
بصوت يكادلايسمع ..تــــعـــ ــبــا نه
التفت لناصر ..ليش واقف تعال نشيلها نوديها للمستشفي
تحرك لها لكن قبل يوصلها رفعت كفها وفرقت اصابعها ..لــلا بعد عني لاتلمسني >>برد وتجمد بمكانه
..ليش يابنتي خليه يشيلك انا ماقدر اشيلك
كرهت احساس الضعف ..انا بقوم بس مايلمسني او خليني اموت بمكاني آآآآآآآآآآآآآآآآآآآآه اطلع بـــــــــــــــرى
..خلاص ياناصر اطلع وناد الشغالات حتى نشيلها
ماقدر يتكلم بس رجع ورى وطلع من عندهم
قال للشغالات وجلس بالصاله بعد مده تبعها بنظره وهم يشيلونها مثل الجنازه وهي تتاوه بين ايديهم
توتر من صوتها وصراخها شعور غريب هل هو خوف عليها او كره لها مافسر هالشعور كان يلهث وهو جالس راحو برى وهو بمكانه رجعت له امه انتبه لها ..يالله ياناصر قم نوديها للمستشفى
..خلي السواق يوديها انا تعبان
الف علامة استفهام صارت قدامها لكن الوقت ماهو وقت كلام التفت لوحده من الشغالات ..بسرعه قولي للسواق يطلع السياره
اطلعو من البيت وبدت اصواتهم تختفي رجع ظهره على الكنب وزفر من قلبه ..تحسبني بموت ان ماشلتها ولا تفكر انها تذلني
قام من مكانه وفتح باب الصاله وبعدها الباب الخارجي وراح لمكان مايفكر فيها او يشوفها مايشوف صورتها قدامه لكن وين ياناصر ؟؟موسهل الانسان يبتر قطعه منه
..............................................
آه لو انك ترمي الدنـيــا وراك
وارمي الدنيا وراظهري واجيك
كان تدري ان الغلا كله غلاك
وكـان تدري وشكثر قلبي يبيـك
نايف يتناسى مايشعر به بالفعل زواج نواف قدر يبدد بعض المراره
مها بعد ترتيب بيت اخوها تحف زينات كماليات اغراض للمطبخ كانت هذي مهمتها انجزاتها وطارت لمكان ما كانت لها رجعه بس ياترى هل يكون برجعتها تغيير ملموس بحياتها
نواف مثل أي عريس يعد الدقايق والساعات ويستنى يجتمع مع البنت الي صارت كل حياته
ساره مشاعر متضاربه الى الان نواف زوج تعزه بس الاحساس الي اسمه حب ماتعترفت عليه
نوره وسلمان من هنا كانت بدايه حلوه بحياتهم صحيح كان التقدم بطيئ كان راح يخنق حبهم لكن رحمة الله سبقت ضياع الالفه بينهم
ام سلمان ربما لها عوده لتعييش مع الاحياء وتترك العزله مع الاموات
فهد سكت لكن بقرارة نفسه ماراح ابدا لكن اذا ابتدا عمي او امي ماراح اعارض
نـــــاصر ونـــوف ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
...........................
..والله بديت اقلق عليها من البارح جوالها مسكر
..ان شالله مافيها الالعافيه
..مدري ليه حاسه ان فيها شي
..تعوذي من الشيطان ولاتخوفيني تراني على طريف وقومي نتجهز حتى نروح للسوق
..اعوذ بالله من الشيطان الرجيم بستنى لين ارجع من السوق اذا ماقدرت اكلمها باتصل على تلفون البيت او جوال خالتها
قامت نوره وساره يتجهزن لروحة السوق لانها وقفت عن اكمال اغراضها لان الاسواق تسكر ثلاث ايام العيد
..........................................
شي طبيــعي نـختــلف ونتــفـارق
اللي غريــب انـا بيــــوم اجتــمعنا
تطيح شمس وغصن الايـام وارق
وتموت كلمة شوق وتعـيش معنى
ماتسعف الغرقان صيحات غارق
عاجز .. وعاجز كيف بس اجتمعنا؟
رجع للبيت المغرب كان يتصل على امه ماترد واتصل على البيت قالت له الشغاله انهم مارجعو من المستشفى فتح الباب الخارجي بمفتاحه
قبل يدخل اغراه المسبح والانوار المتكسره على الماء راح وقف شوي عنده وبعدين جلس على الاراض رجع يديه ورا وسند جسمه عليهن
ورفع راسه يشوف الهلال كان الجو اثيري لكن كان مخنوق غرز يده بالعشب الي عند اطراف المسبح حس يده التقطت شي مع الزرع استدار
بجسمه للمكان خلخلها من بين الزرع كانت شريحه شالها بيده توقع انها لوحده من الشغالات او للسواق قام من مكانه قرر يتصل على امه
يمكن ترد يبي يعرف وش صار عليها وهو داخل البيت سمع الصوت عرف انها نست تلفونها من العجله مرمي الكنب بالصاله
سكر جواله>> ييييوه ناسيه جوالها >> من باب الفضول فتح جهاز امه وركب الشريحه واتصل منها على جواله هو شاف الرقم على الشاشه
وقفت كل حواسه كل خلايا جسمه تفاعلت معه شئ لايمكن وصفه هذا الرقم الي يتصل على نوف حافظه لانها طول يتامله حفظه اكثر من
اسمه كان يتصل عليه مغلق وسئل عنه عرف انه بدون اسم جلس على الكنب وضحت الرؤيه عنده وتجلت الرؤيا قدام عيونه صار يفرك
جبهته من التوتر ..وشلون ماخطر هالشي على بالي يالله وشلون قدرت اظلمها وشلون قلبي طاوعني اهينها وشلون يدي قدرت ترتفع وتمتد
عليها انا وش سوت <<الحين صار يفكر وش سوى سبحان الله الحقيقه جت على رجليها >>حادثه صارت في الواقع وكل يوم تصير >>>
تجمد مثل الصنم لاحركه لاصوت حتى ماعاد يرمش مافي شي يدل انه حي الا الانفاس الحاره الصادره من صدره
..الحين مالك عذر انت مانت صغير هذا نواف ماشالله عليه اصغر منك بيتزوج
..يمه انتي تقيسن على نواف هذا واحد مطيور شوفي نايف اكبرمني ماتزوج
..والله ماهو مطيور الاهالولد ماشالله عليه رجال الله بحفظه ويوفقه
..اليوم نواف صار سلطان زمانه ماعلينا خلاص اوعدك بعد زواج نواف نتكلم بالموضوع
..اي احسن بعد حتى تتفرغ البنت
..وش دخل هذا بهذا
..انا من زمان قايله لك اتمنى اخطب لك بنت عمك راشد واذا تطيع شوري ماتاخذ غيرها
أيــــــــــي خلاص يمه مثل ماتبين ماعندي مانع
..............................................
على وضعه ماتغير
تذكر نوف وصراخها معقوله انا السبب بحالتها <<صار يرجع حسابته >>
اتصل على جوال السواق
..انت وينك ؟؟
..انا راجع بالطريق
..طيب مدام معك >>قال هالاسم عشوائي ترك له حرية انه يعطيه أي وحده
جاه صوت امه ..نعم
نبرتها جديده عليه ..يمه انتم وينكم
..هذا حنا عند الباب
..طيب خلاص انتظركم
بعد دقايق دخلت امه والشغاله الي راحت معها ينتظرها تتبعهم لكن تسكر الباب وهي ماجت نغزه قلبه خصوصا ان وجه امه اسود وواضح انها متضايقه ركض لها وقلبه يدق حط يده على كتفها وعيونه تحمل كل معاني الرجا انها ماتقول شي مايحب يسمعه ..يمه وين نوف
شالت يده عن كتفها وعطته ظهرها ..نوف بالمستشفى
وقف بمكانه.. بالمستشفى ليش وش فيها
ناظرت له بزعل ..ليش انت مهتم فيها
..يمه ليش تقولين كذا نوف زوجتي اكيد تهمني
..لوكانت تهمك كان جيت وصلتنا او على القليل جيت تتطمن عليها
..هذا ماهو وقته قولي لي وش فيها
حطت عينها بعينه وهي عتبانه عليه ..انت ليش تضربها وترميها
نزل راسه بخجل ..هي قالت لك
..انت تدري وش سويت فيها
من صوت امه خاف ..وش سويت
رفعت راسها له وعيونها تدمع امه دموعها عزيزه عليها ماتجود فيها الالشي كبير ..يمه الله يخليك قولي
..نوف اجهضت
افترت الارض به ماهو لانها اجهضت لكن لانه هو السبب >>اكيد انا كسرت قلبها اكيد حرمتها من شي تتمناه أي بنت يفكر ويفكر وماوصل لنهايه ..ليه هي كانت حامل
بكت بحريه ..كانت حامل ياناصر انت كسرت قلبها وقلبي حرمتني من شوفة عيالك الشي الي ادعي الله انه يفرح قلبي به ويعوضك بعيالك عن الاخوان الي انحرمت منهم
..طيب هي باي مستشفى
..لاتروح لها البنت تعبانه والي سويته فيها يعطيها الحق انها تتصرف تصرف يجرحك اتركها ترتاح يمكن تقدر تتقبلك بعد اهانتك لها
..جلس ونزل راسه وحط يديه بحظنه ويقلب الشريحه بيده وتكلم كانه يكلم نفسه ..تدرين انها اول مره تتكلم عن شي يصير بينا كانت تحافظ على خصوصيتنا وتحترمها نعمه ودستها برجلي والي يتبطر على النعمه ربي يحاسبه
رق قلبها عليه وحست باحساسه ..انت عرفت شي
..انا كنت عارف بس غالطت نفسي قلبي افتاني بس انا استفتيت الشيطان دبرت السالفه ماتدري انها لازام تنكشف>> رفع الشريحه لها ..اذا جت هدى عطايها اياها وقولي لها خطتك نجحت>>هز راسه بأسى.. حطمت حياتي الله لايسامحها
..لاتدعي عليها ياناصر قل الله يهديها هذي لحمك ودمك
ثار وبعصبيه ..الله لايهديها الهدايه شي ماتستحقه>>> ومشى يردح برجله على الارض كانه يعاقب نفسه اختفى على العتبات العريضه وامه تراقبه وقلبها يتقطع عليه وعلى البنت المرميه بالمستشفى
لاحول له ولاقوه شعور بالضياع حيره افكار كاد راسه يتفجر منها للحظه عجز عن الجلوس بمكان واحد >>معقوله جالس هنا خايف من المواجهه وهي مرميه بالمستشفى ليش ماخفت من الي سويته فيها انا لازام اروح لها هذا ابسط شي اسويه
نزل مثل المجنون وامه وابوه تحت
بدون مقدمات ..يمه نوف باي مستشفى
..انا قلت لك البنت نفسيتها تعبانه وماظن تقدر تشوفك
..بس انا لازام اروح لها
..قولي له خليه يروح لها يمكن يقدر يرتاح
..بس اخاف يصير بينهم شي كبير
..صدقيني يمه باتحمل أي شي تقوله او تسويه
..لاحول ولاقوة الابالله
..انا رايح بكل الاحوال بس اختصري على الوقت والجهد وقولي لي هي باي مستشفى
..خلاص بس بروح معك
..لا تروحين معه خليهم يتحاسبون براحتهم
..............................................
..وان شالله الحين زينه
..اي الحمدلله بس خفنا عليها
..ماشفتهم يبه سوو مناحه عند راسها
نوره ببراه وبهدوء ..انا مابكيت
جلجت ضحكة ساره بالمكان ..والله ضحكتيني انتي الي مابكيتي اجل من الي بكا سلمان
كشرت بوجهها ..لا انتي
..خلاص يابنات اعقلوا
سكتوا البنات لانهم حسوا انه توتر كان يفكر بنوف الي انحرمت من امها
تركهم وراح للغرفه
..........................
أقسم برب اللي خلقني وسواك ..
" إني أشيل بداخلي "
... " روح تغليك
بين الاسياب المظلمه دخل بالتحايل ماقدر يستنى للصبح حب بس يتطمن عليها
سئل وعرف مكان غرفتها فتح بابها بهدوء بينما كانت داخله عواصف تهزه بقوه
على طول طاحت عينه على السرير ماعليه احد بس صوت المويه طالع من الحمام <<وانتم بكرامه>>
استنى شوي لاحظ يد الباب تحركت طلعت منزله راسهاا وجهها متغير لامه شعرها باهمال طلعت ولفت بتسكر باب الحمام
سكرته وهي منزله راسها للارااض رفعت راسها وشافت آخر شي تتوقع تشوفه واقف مثل الصنم استدارت حول نفسها مالقت مكان تبعد عن عيونه الي اقتحمت خلوتها حست روحها ضايعه توقعت انه جا يكمل الي سواه ماتدري انه يحاول يكفر عن ذنبه
حاول يقترب منها بس خاف من ردة فعلها تحركت هي ومشت للسرير وطلعت عليه مشى وراها
..انت ليش جاي ماكفتك الاهانات الي سويتها
..وشلونك الحين
غمضت عيونها وهزت راسها ..الحمدلله عايشه
جلس على الكرسي الي جنبها ..نوف سامحيني
استغربت من التغيير الي طرا عليه ..اسامحك على ايش؟؟
خجل من نفسه كملت.. على الاهانه ولاعلى الظلم ولاعلى الضرب>> فتحت عيونها بقوه حتى مانتزل دموعها..والا على الحمل الي راح
..تكفين لاتعذبيني الي فيني كافيني
..لاتعذب يمكن خيره مايصير عندك ولد امه خاينه
قمة الاحتقار لنفسه ولتهوره ..صدقيني مايهمني أي شي غيرك
ابتسمت ..لاه كلام جديد وش الي غير رايك
..عرفت الحقيقه>>ماهتمت ولاعبرت كلامه
..اسمع ياناصرمعرفتك بعد الي شفته منك ماتهمني والاتعني لي أي شي وكنت اتمنى انك وفرت على نفسك المشوار ووفرت على الكلام .
..وشلون يعني ؟؟
..الكلام واضح ومفسر نفسه
..لا ماهو واضح فسري لي
.. اعتقد الي بينا انتهى وماله داعي نغالط نفوسنا
بنبرة رجا ..لايانوف هذا ماهو كلام تضيعين الي بينا بلحظه
..حنا بدينا غلط ياناصر انا مكاني ماهو ببيتك >>نزلت راسها ..ولا بقلبك ضحكت على نفسي يوم ظنيت انا اقدر اطلع سكانه واسكن انا فيه
..قلبي وحياتي مافيها الاانتي يانوف وتاكـ،
علت صوتها وقاطعته .. انا كنت عارفه ومسويه اني ماني عارفه شي شفت وسمعت شي أي وحده بمكاني ماتحمله بلعتها وسكت لكن السالفه تعدت كل هذا ووصلت للشرف
ضاق من كلامها باين انها متحامله عليه صرخ حس انه يبي يوعيها من سكرتها ..قلت لك انا عرفت الحقيقه
وبنفس النبره ..وانا قلت لك ماعاد تهمني معرفتك
حس انه ضايقها وهي تعبانه ..خلاص انتي الحين ارتاحي ونتكلم بعدين
هدت حدتها ..الكلام انتهى
مسك يدها ..انا طالع تبين شي
لفت راسها وهي منسدحه ..لا مابي شي
..تصبحين على خير
طلع ولاسمع منها رد عرف من خلال كلامه معها انها واصله قمة الزعل بس عذرها
بمجرد ما سكر الباب حتى قعدت وضغطت بطنها وبكت ...ذبحتني ياناصر ياليتني ماحبيتك ياليتني ماعرفتك ان عشت معك ضيعت كرامتي وان تركتك ضيعت عمري
..اسمعي ياختي انتي تعرفين غلاتك عندي وغلات عيالك بس كل شي عند ناصر يوقف
..فهميني وش صاير
..الي صاير تعرفه بنتك
..ليه وش سوت
..سوت الي مايرضي الله ولاخلقه هدى دمرت حياة ناصر <<قالت لها عن كل شي
..مستحيل هدى ماتسويها
..هذا الي صار وانا فضلت اني اقولك وتوقفينها عند حدها لان ناصر ماراح يسكت واخاف يوصل السالفه لابوها واخوانها وانتي عارفه وش راح يصير
..لاتكفين انا بكلمها بس لايدرون اخوانها والله يذبحونها ويشربون من دمها
..وتراها ماتهون على بس مثل ماقلت لك السالفه اذا وصلت حياة ناصر انا مستعده لكل شي وذكريها ان ذنب هـ البنت برقبتها و يكفي انها سمعت وشافت وسكتت
انتهى الكلام وكل شي قالته كانت تعنيه تدخلت وهي تعرف انه احتمال يزعل اختها لكن تكوي الجرح وهو جديد احسن ماينزف ويغرقهم نزفه تلم الموضوع وتقصر الشر الي ممكن تجره حركة هدى وتخسر ولدها وتخسر اختها بوقت واحد>>>>
اليوم نوف سمح لها الدكتور بالخروج وكانت ناويه تتصل على سلمان يطلعها من المستشفى جهزت اغراضها ومسكت التلفون لكن دخول ام سلمان وقفها توقعت انها جت مع السواق فكرت تطلب منها توصلها هي والسواق لبيت اهلها جلست عندها ام ناصر وطلعت الاكل الي جابته معها وصفته كله قدامها
..الله يهداك ياخاله من الي بياكل كل هذا
..من الي بياكله اكيد انتي
..انا اكلت من اكل المستشفى
..الله يكرم النعمه اكلهم ماينوكل
..مع اني شبعانه بس باكل علشانك >>واخذت بيدها من الاكل
سئلتها ..ماقالوا لك متى بتطلعين
..الدكتور قالي خلاص اليوم اقدر اطلع
..زين الحمدلله اجل ناخذك معنا
بلعت ريقها ماتحب تزعل خالتها لكن لازام تتكلم ..اسمحي لي ياخاله انتي على عيني وراسي بس انا بروح لبيت ابوي
...تسلم عيونك بس انا ماقدر ارجع للبيت بعد الي صار كرامتي ماتسمح لي
.............ماهو على كيفك >>>ارتد صوته عليها من جدران الغرفه بسرعه ثبتت نظرها عليه ويبس حلقها تعرف ان الكلمه الي قالتها صعبه بس الرجعه له بعد التشكيك فيها اصعب وهو يمشي يمها ..انتي بترجعين معنا للبيت الموضوع الأصلى من هنا: منتديات طرطعة http://forum.6r63h.com/showthread.php?t=102968
هذا متى جا ومنين طلع ماتدري انه هو الي جاب امه ونزلها قريب للبوابه علشان الاغراض الي معها وراح يوقف السياره
تعض على شفايفها وتخفي ارتباكها وتوترها ..انا ماقدر ارجع لك
..ليش ؟؟؟؟؟ ..انا قلت لك البارح ماله داعي اعيد
..يابنتي مايصير المره من اول مشكله تترك بيتها وتروح الزعل يصير بين أي رجال وزوجته
يدري انه ضغط عليه ومسكه من اليد الي توجعه بس هذا الحل المناسب حب راسه ..جعلك سالم يبه انا دورت بيت وتقريبا لقيت بس نخلص من زواج ساره نجهز بس ترى يبه انت وفهد بس الي تدرون حتى نوره ماقلت لها عارف خواتي بتضيقن مابي اشغلهن لين يقرب سفرنا
..على خير لاتوصي حريص
اتفقوا انهم يتركون الرياض الى اجل غير مسمى الى ان يقدر سلمان ينتقل مايدرون تطول غيبتهم وتقصر هذا شي في علم الغيب
وصلت للبيت وطلعت لغرفتها والشغاله تتبعها باغراضها كانت تبي ترتبهم لكن طلبت منها تطلع وتتركها لحالها نزلت عبايتها على الاريكه وقعدت تدور بمسرح الجريمه وقفت مكان مارماها وشافت شظايا الجوال ماعدها استعداد للدخول معه في أي نقاش دخلت تتسبح لعلها تبرد النار الي تشعربها طلعت لابسه الروب مشت للباب وقفلت بالمفتاح وخلت له بس صالة الجناح ودخلت ترتب اغراضها لانها معزمه تدوام رغم كل شئ
..................................
..............................................
الجــــــــــــــــ السادس عشر ــــزء
تدلهتشوف تعيش محكوم مرتاب
تحيا تموت: تموت تحيا" معانيك
..انا بعرف وشلون قدرت تقنع عمي بالنقل
..انا اعرف ابوي وشلون يفكر وقدرت اقنعه
..بصراحه ماني مستوعب الفكره
..ولاانا بس مجبر ماعندي الاهالحل
..يالله ان شالله تقدر ترجع بسرعه
..ان شالله
وهويحرك السكر بالملعقه ..انت تدري ياسلمان اني نويت اخطب
..ماشالله مبروك ومنهي سعيدة الحظ
..امي عاجبتها مها بنت عمي راشد
..وانت وش رايك
..انا تارك الخيارلامي
..الله يوفقك
..............................................
انت لي مثل الهوى اللي مايشاف ,,,, بس مال النفس من دونه حياتي
طلع للغرفه وهو يدري انها الى الان ماقدرت تتقبله هز باب الغرفه مقفل طرق طرقات بسيطه على الباب لكن مافتحت له احترم رغبتها خلاها براحتها المهم انها قريبه من عينه نزل ثوبه وانسدح على الكنبه بملابسه الداخليه ونام
............................................
اليوم تستا ئنف الدراسه بعد اجازة العيد الكل طلع لشغله ودراسته
نايف بالمكتب الشغل تراكم عليه الايام الجايه وراه شغل كثير شغله بدا يتسع وزاج اخوه قريب
في مكتبه منهمك بشغله ماحس بدخول خالد عليه ..السلام عليكم
..وعليكم السلام هلاوالله الحمدلله على سلامتك
..الله يسلمك
..هاه متى رجعت
..رجعت امس كان ودي مارجع جلست الاهل ماتنمل بس الداوام
..هي راحت بتبعد عن مواجهتك وانا حاولت معها بس ماقدر اغصبها
..يالله كان عندي امل اني انسيها وتسامحني
..اصبر عليها فتره يمكن الجرح يطيب ونقدر نقنعها
..ماظن انها راحت وهي تفكر بالرجعه بس انا ماراح اخليها
.................................................. ............
إن قلت هانت إمتلا صدري جرااااح
وإن قلت ابصبر زاد همي زيادهـ
عزيت عيني بالذي منها رااااااح
وعجزت اعزي دمعتي في بعادهـ
دخلت بيت اهلها مجروحه مثل ماطلعت مجروحه بس الالم تغير نوعه قابلتها ساره بالصاله ومن غير وصف تعرفون سلام ساره
لاحظت شي بعيونها
..انتي زعلانه من شي
غرقت عيونها ..مابي اتكلم بشي بروح لغرفة امي
ومشت وسط ذهول ساره دخلت للغرفه الهاديه حبت راسها شافتها فتحت عيونها وتناظر الى اللا شئ
قربت منها ورفعت الغطا عنها ودخلت معها وحطت راسها على صدرها تبي تحس بالامان والحنان
.................................................. .................
..... ليت الزمان اللي مضى ليله يعود
أبي أصحح غلطتي فيهـ و امحيهـ ....
الايام تدور والاحداث تتوالى
لم يجد في حياة ابطالنا مايذكر
ابو نايف وصل مع عيلته عشان يحضرون الزواج
نايف جهز البيت لحضور اهله ونواف مشغول بنفسه كلــ شي تمام
ساره انهت تجهيزها
نوف مازالت محتفظه بسبب المشكله بينها وبين ناصر
ناصر قرر يتركها مده يمكن تلين ويحن قلبها
&&
&&
اليوم المنتظر زواج نـــــــــــــــــــــــــــواف وســـــــــــــــــــــاره
القاعه تهتز من الاصوات والناس والحركه الغير طبيعيه
اخذت ام بدر دور الام
واخذت لطيفه دور الغريبه كانها تحمل الدنيا على اكتافها حاقده على الناس كارهه الفرح والجمعه الجو تعتبره كئيب اخذت لها مكان قريب من الممر حبت تكون مطلعه على الي رايح والي جاي جتها نوال وبدا مسلسل الحش
مها كانت تدور وسط القصر مثل الفراشه وام فهد تراقبها ويزيد تاكيدها ان اختيارها صحيح كانت قمة الذوق والاناقه انسانه طاهرتها مرسومه بملامحها
نوف مع الناس ولاهي معهم فستان خمري غايه بالذوق وقصت شعرها الجديده الي فضلتها لانها اريح لها بالجامعه قصتها تدريجات كثيره الى الكتف اعطت شعرها كثافه وعمرها صغر بس لمحت الحزن تبرق بعيونها
نوره الي بدت تظهر بطنها لابسه فستان بسيط بالوان فاتحه كانت بالحمل شي خيال خصوصا بعد مارتاحت نفسيا
العروس ساره بارزه فيها كل معالم الانوثه والجمال مثل الؤلؤه جالسه بعد ماخلصت منها الكوافيره تنتظر دخول نواف لان تنظيمهم على انهم يدخلون مع بعض فستان راقي يلمع وهي وسطه مثل الحوريه
في قاعة الرجال
نواف كان جالس وسط ابوه وابو سلمان ويراقب حركات الشباب الي واضح انه يعلقون عليه
فهد ونايف وخالد وبدر وسلمان
مجتمعين وكان نكتتهم
فهد ..هههههههه شف وجهه وسط الشياب ينرحم والله
خالد ..لاتناظر له الظاهر لاحظ عليك والله مايخليها لك
طلعوا البنات من عند ساره بعد ماهدتها نوف ونوره صارت تسمي وتقرا قلبها طبول تقرع تحس انحبس عندها النفس حست الغرفه امتلت بوجوده وهيبته ترتقب دخوله بخوف وحياء ومشاعره ليس لها تفسير
دخل نواف وعيونه عليها لحظه تمناها واتخيل لنها تحقق الفرح كلمه صغره لشعورها وهو يشوف البنت الي ملكت قلبه من اول ماشافها وبكل جرائه تناقض عمره ..مبروك حبيبتي>> وحب خدها
تنتفض ماحد يصدق انها ساره الجريئه الي لسانها يسبق عقلها ..الله يبارك >>رعشه غزت جسمها
وهويوقف بجنبها ..ماشالله وش هالزين قمر
توترت من جرائته ولاتكلمت اختصارا للوقت طلبت منهم المصوره انها مهمتها وبوقت قياسي
صورو قبل ينزلون كان نواف جرئ بحركاته وهي كانت فرحتها لاتوصف انها خلصت في قلبها شي من الفرحه وفيه الكثير من الالم فتح باب الغرفه واستعد للنزول بعد ماتفق مع مها والبنات ينتظرونه عند نهاية العتبات
من يقول الزين ما يكمل حلاه =
كل شــيء في حـبـيبي اكتمل
الله الـلي كملهواللـه عطاه =
مــابقي للزين في خلـي محل
العيون احلى من عيون المهاه =
شافهـا قلبي وصفق واحتفل
نظرته من فتنته شعله حياه =
والجفون من الحيـافيها كسل
ساهم رمشـه على الخد وسناه =
كن لمـعـه وجنتـه ورد وطل
والشفايا كنهـا جمر الغضاه =
تحرس الـريق المحـلى بالعسل
والشعر ليل تقلحمره مساه =
اجـعـد حول علـى صدره همل
مايج من فوق متنه ما طواه =
لـونشــلال مع المغرب نزل
انطلـق جيده يمـارى في بهاه =
فـوق مـياس تعزل واعتدل
بالرشاقه فيه من ظبى الفلاه =
لى مشى كنه على الريح انتقل
ريـحته مـن كلزهر منتقاه =
والـزيـاده للخـزامى والنفل
صافي مثل المطر فوق الصفاه =
بـاسم مثـل البشاير بالامل
جـامع مـن كل زيـن منتهاه =
مستحيل الوصف فيخلى سهل
كايد مـاهو يلين لمن بغاه =
يرتفع عن كل سقطات الزلل
اعتلت الاصوات شئ يدخل الفرحه على القلب طق رقص ليله من الليالي الي تبقى بالذاكره
نزلو مع بعض كانو مثل بدرين ماسك يدها والزغاريد والتصفير ترج المكان
وبختصار وصلو للمنصه وجلسوا وهذه مراسم معروفه سلام تبريك ودعا بالتوفيق وعيون تراقب مرورهم وسط القاعه اخذها بيدها وانطلق معها لبداية حياه جديده
وبختصار اكثر زواج رائع مثل الي قبله
أذنبت في قلبي . وهو تو مولود ....
.... ويتمته بجرم الوفاء دون ماابكيهـ
:
:
تحس المكان صار كبير وبارد وموحش جلست على وحده من الطاولات حطت رجل على رجل وقعدت تهز برجلها
..ممكن اجلس عندك
وقفت عن حركتها فجئه ونزلت رجلها ماتحب الجروح تتفتح لانها ماهي ناقصه ..حياك الله ياخاله تفضلي
ابتسمت لها بحنان ..اكيد مفتقده اختك
ماقدرت على الكلام لان بهالوقت حروفها تسبقها الدموع اكتفت بهز راسها
ظهر ثاني يوم قامت وتسبحت وصلت وامسكت جوالها واتصلت على نوره
..شاخباركم شاخبار نوف
..الحمدلله تمام
..اسمعي حنا بنسافر بكره وبعد االمغرب بجي اسلم عليكم
..لا لاتجين هنا كلنا بنروح لبيت عمي ابو نايف
..غريبه ليش
..عمي قال لنا وقال لنا نبلغك
..وليش ان شالله ماقلتي لي
..انتي ليش غبيه احد يدق الظهر ترى حنا للحين الظهر
..طيب طيب ماقلتي لي ليش بتروحون هناك
..بقولك بس لاتقولين لنواف عمي اليوم رايح يخطب مها لفهد
فرحت من قلبها فهد بمكانة اخوها ومها لها معزه عندها ..صدق والله وناسه اجل انا بستعد القاكم هناك
سكرت تلفونها ولقت نواف وراها انحرجت منه ..وش الي الخبر الي مخليك تستانسين
طلع نايف مع ابوه وهم مستغربين من السر الي ممكن يكون بينهم
..خير يبه وش عندك
..اسمع ياوليدي عمك ابو سلمان خطب مها لفهد وانا ما عطيته رد لين اشاورك اذا كان الولد زين شاورت البنت
..انت شتقول يبه فهد ماشالله عليه ماعليه كلام
..اجل باذن الله انا بشاور البنت واردعليهم
..على خير
..الحين يالله وصلنا للمطار
.............................................
..نوره
التفت له بهدؤ يشبه طبعها ..هلا
تردد قبل يبدا بالموضوع ..انا استاجرت بيت بالشررقيه وان شالله هالكم يوم بننتقل
تغير لون وجهها من الي سمعت ..استاجرت متى وليش ماقلت لنا
حب يحسم الموضوع معها وياخذ رايها ..اذا ماتبين تروحين على راحتك بس انا ماقدر اخلي امي وابوي
غرقت عيونها وابتسمت ..انا قلت لك انا معك وين ماتروح >>تقول كلامها وهي تكفف دموعها
قام ومسك يدها وحبها ..مشكوره حبيبتي كلامك خفف عني همي كله
..تدري باشتاق للرياض وامي وفهد >>لاول مره تعبر عن شي داخلها وهو يسمعها بحب
..علشان خاطرك باسوي المستحيل عشان ارجع
كملت كلامها ..حتى ساره باشتاق لها ولهواشها
بان الضيق بعيونه من الي قالته قعدت تناظر له ماعنده كلام يقوله بصوت عالي وهي تبكي ..بس ماحد يغنيني عنك >وشهقت اخذها وضمها لصدره وقعد يمسح شعرها بدون كلام
تضغط على نفسها علشانه ماعندها استعداد تخسره
.......................................
..انا بروح معكم
..مايصير يانوف انتي على ذمة رجال حرام تمشين بدون شوره وبعدين وراك جامعه
..ناصر انا بتفق معه مايمنع ان بيني وبينه مشاكل اني اكلمه واتفاهم معه والجامعه انا بعتذر ليناقدر انقل هناك
..بس انتي تلخبطين حياتك
..سلمان الله يخليك اتركني بكيفي هذي حياتي
..اخوك خايف عليك ومايبيك تضيعين دراستك وزجك
..قولوا انكم متضايقين من وجودي
ناظر لها بحنان يحس انها متوتره هذا ماهواسلوب نوف ولا طريقة تفكيرها ..ماعش الي يتضايق منك وانا اخوك البيت لك بس مثل ماقال ابوي زوجك لازام يدري
..خلاص قولوا له وانا الي بواجهه واتفاهم معه
..براحتك مانقدر نجبرك انتي ابخص بمصلحتك
.................................................. ..
..شف ياعبدالله انا ماعادعندي صبر
..الله يهداك يمه الدكتور قالت لنا انها بدت تتجاوب للعلاج وان شالله يصير حمل
..اسمع انا بعطيك ست شهور ان ماحملت لطيفه وانت ماتزوجت لانت ولدي ولاعارفك انا مدري وش الي مخليك تصبر عليها
..خلاص خلاص يمه الي تبينه بيصير بس لاتزعلين نفسك
ام عبدالله ماعاد تصبر ولدها ضيع حيا ته مع وحده ماتستحق الصبر والعمر الي يمضي معها
كان قرارها حازم هالمره
......................................
سيل من الدموع الحبيسه ورى جفونها ذكره اوجع قلبها راحمته لكن راحمه نفسها ..الله يسلمه
في الجهه الثانيه ..ووريني نوف من زمان ودي اشوفها
التفت للمكان الي شافت نوف فيه واشرت بيدها ..شفت الي لابسه فستان خمري وجالسه معها حرمه كبيره شوي بالعمر
بققت عيونها ..هذي نوف>>> ضيقت عيونها تدقق فيها
..بصراحه ماشالله حـــــلوه
..اي حلوه انتي بعد بس من المكياج ولاهي عاديه
..يمكن >>مع انها ماتئيدها ابدا ..بس من الحرمه الي معها شكلها تكلمها بشي مهم
..هذي ام زوجها تعرفين تركت لهم البيت والظاهر تقنعها انها ترجع
..لو الخبله هدى تبقى وراها لين تطيرها
..هدى مدري منين جايتها صحوة الضمير تقول ماعاد اطاوعكم
..ماحنا محتاجينها هي صارت كرت محروق حنا الي بنخدم انفسنا بانفسنا
&&
عند باب القصر بو نايف ونايف يودعون ضيوفهم
جاه ابو سلمان ..يالله تصبحون على خير
..وانت بخير
..اقول يابو نايف انت مطول بالرياض
..والله ماظن وراي اشغال ومدارس العيال يعني يومين ثلاث بالكثير
..زين بكره العصر ان شالله العصر بزورك ابيك بشغله
..حياك الله البيت بيتك
احداث دارت بسرعة البرق بسرعة الايام السعيده واللحظات الحلوه انتهى الزواج وتفرق المعازيم وبقى معاريسنا يعيشون ليلتهم بوواحد من الفنادق الكبيره
دخلت وبدلت ملابسها طلبوا العشاء وتعشوا بهدوء
نواف ..ليش خايفه ترى انا اليف >>كان يحاول يخفف توترها
..ماني خايفه بس كل شي جديد علي
..عادي ياعمري بكره تتعودين وتصيرين ماتستغنين عن نواف
..ان شالله بس انت ليش ماقلت لي انا بنسافر
..يعني انتي ماتبين السفر
..لا موعن مابي بس علشان الدراسه
ضحك عليها ..الحين من اجتهادك انتي تعلميني فيك فاشله من كنتي
حمقت منه ..نواف
قدر يمتص توترها وخوفها وقضوا ليله حلوه
.................................
امشي مع الناس وعيونك تحاصرني و. بوجيهم ألمحكواصافح كفوفك
ياسيدي يافضا عمري ياأسرني ........ محتاجه القاك واجلس معكواشوفك
..هاه شقتيها يمه
وهي تنزل عبايتها وتعطيها الشغاله هزت راسها ..شفتها
بصوت يملاه الشوق ..وش اخبارها
..والله متغيره ماهي نوف الاوليه جسمها ضعيف ومبين انها مهتمه
..طيب كلمتيها
..ماعندها استعداد تسمع أي شي حاولت اكلمها بس انهت الموضوع
تنهد ولف بجسمه بعد ماكان منحرف لها بكل جسمه وسرح بعالمها انتبهت امه له وتذكرت ظروف زواجه وحبه الاول ابتسمت له..والله انها بنت رجال الي جابت راسك
ابتسم لطيفها ولذكرياتها وغمض عيونه وبدا يسبح بخياله معها
بقيـّت لي بغــيآب روحــك..مســاكين.../...عـيني وقلـــبي والأمــــل وألأمــــاني..
كــن الثـواني في غيآبك سكـــــاكـين.../...ليتـك تـذوق شوي طعــم الثــوانــــي
وصل خبر لناصر الي جن جنونه من موقفها حس بخيبةامل لكن مارضى انه يستسلم ويوقف عند هالحد
وهي بالجامعه ماتدري وش ينتظرها
قبل موعد خروجها بحوالي ساعه الاربع دق جوالها الجديد الي كان بديل لجوالها الي تكسر ورقم فضلت تغيره عرفت رقم ام ناصر وردت بهدؤ
..السلام عليكم
ماحتاجت وقت حتى تعرف صوته غمضت عيونها كنوع من الملل من تكرار الموضوع ..آآآآآآه وعليكم السلام
..لهالدرجه كارهه صوتي
..ناصر الله يخليك ماعد عندي كلام اقوله موضوع انتهينا منه
..يالله اطلعي انا برى واذا عانتدي ترى اسوي الي ببالي >>سكر الجوال وقف ينتظرها
خافت من اسلوبه ناصر مايهدد ومن اسلوبه حست انه يقصد الي يقوله استسلمت ولبست عباتها وطلعت كان لابس بنطلون جنز وتيشيرت ابيض وكاب ونظاره ومبعد السياره متعمد
تتلفت بين السيارات تدور سيارته لكن ماشفتها هو عرفها بالعبايه وابتسم وهو يشوفها تدور عليه دق جوالها ..انا الي واقف عند الجدار ويأشر لها بيده ماعرفته لان جسمه ناحف شوي الابعد ماركزت فيه ..خلاص شفتك
مشت له وهو ظل واقف لين وصلت عنده فرحته ما توصف لانه شافها وصلت عنده ..وين السياره
مسك يدها ومشى معها ..ناصر الناس تشوفنا
..خليهم يشوفنا والي له شي عندي يجي ياخذه
سكتت ومشت معه تحس بالامان وهي تمشي معه لكن الجرح الي سببه لها اعمق من أي شي وصل السياره وترك يدها وفتح الباب
دخلت للبيت تركض وقفت بنص البيت دارت عيونها المليانه دموع بالبيت رمت الظرف وجرتها رجلها الى حيث ترقد امها
دخلتها وسكرت الباب وراها ثنت رجولها قدام السرير وبكت بصوت عالي ..بروح واخليه انا احبه يمه نسيت كل شي علشانه بس جرحني
كل شي اقدر اتحمله الاانه يتهمني بشرفي >>ارتد الصوت لها وبدت على وجهها انفعالات وكانها حست ان الكلمه كبيره
كملت وهي تسمعها ولاول مره تحس انها واعيه للكلام الي تسمعه
..بس انا بدوس على قلبي برجلي واحط كرامتي على راسي انا ابيه يطلقني >> حطت راسها على السرير سمعت تمتمه رفعت راسها وتلفت بالغرفه
اعتقدت انها يتهئ لها نزلت راسها مره ثانيه وبكت لكن
فــــــــــجــــــــــــئــــه
حست يد تلمس شعرها وتعبث فيه بحنان فتحت عيونها على وسعها وسكتت ومثل ماهي مارفعت راسها كانها خايفه
بس الشي الي ماخطر على بالها
..نـــــ نــــووف
الجــ السابع عشر ــزء
الصمت ابلغ بعض الأحيان يمّه ..
.......................... يمكن يعبر صمت..قلبي.. عن البوح
دخلت للبيت تركض وقفت بنص البيت دارت عيونها المليانه دموع بالبيت رمت الظرف وجرتها رجلها الى حيث ترقد امها
دخلتها وسكرت الباب وراها ثنت رجولها قدام السرير وبكت بصوت عالي ..بروح واخليه انا احبه يمه نسيت كل شي علشانه بس جرحني
كل شي اقدر اتحمله الاانه يتهمني بشرفي >>ارتد الصوت لها وبدت على وجهها انفعالات وكانها حست ان الكلمه كبيره
كملت وهي تسمعها ولاول مره تحس انها واعيه للكلام الي تسمعه
..بس انا بدوس على قلبي برجلي واحط كرامتي على راسي انا ابيه يطلقني >> حطت راسها على السرير سمعت تمتمه رفعت راسها وتلفت بالغرفه
اعتقدت انها يتهئ لها نزلت راسها مره ثانيه وبكت لكن
فــــــــــجــــــــــــئــــه
حست يد تلمس شعرها وتعبث بحنان فتحت عيونها على وسعها وسكتت ومثل ماهي مارفعت راسها كانها خايفه
بس الشي الي ماخطر على بالها
..نــــــ نــ وو فـــ
رفعت راسها تتاكد من الي سمعته كل علامات الدهشه والخوف والفرح على وجهها
فعلا هذي امي شافتها مبتسمه وتبكي ..يـــمه تكفين اقولي انك انتي الي تكلمتي اقولي اني بعلم>> حطت راسها بصدرها وهي تمسح على شعرها
قامت من حظنها مثل الي ضيع عقله وقفت بنص البيت الصغير وصدى صوتها يهز جدرانه الدافيه
ماتكلمت بس تاشر لغرفة وسلمان يتبع بنظره المكان الي تاشر عليه قعدت يدها تتحرك بدون هدى مسك يدها وصرخ يبي يوعيها ..نوف قولي وش فيك
وقفت بنظرها عليه كانت حالته تبكي حزن وفرح بوقت واحد تصديق وعدم تصديق احساس غريب ..امي
خاف على امه ماخطر بباله ابدا الي صار ..وش فيها امي تكلمي
عجزت عن الكلام او خافت تقول تطلع كذبه اووهم ماقدر يصبر لين تتكلم راح يركض وقف عند الباب وهي منزله راسها وتحرك اصابعها كنها تسبح مايدري ليه حس ان فيها شي متغير وبصوت مرتجف ..يــــــــــــمه>>> ويده مازالت ماسكه الباب رفعت راسها بسرعه اطربها صوته صوتهم واحد واشباهم وحده ماقدرت الاتبكي تبادلوا النظرات برهه تلفت بالمكان يدور نوف كان عندها شي تبي تقوله
دخلت بسرعه نوف ونوره وجه لها السؤال بعيونه ردت ..نادتني قالت نوف والله نادتني>> سكتوا كلهم كانهم ماصدقو كملت ..والله ياسلمان امي قالت اسمي >>مشى شوي شوي وجلس على طرف السرير بحذر ..يمه بتقولين شي >>لكن ساكته ماردت ..يمه الله يخليك خليني بس اسمع صوتك ولو كلمه وحده >>مانتظرها ترد خذلت رجولته دمعه نزلت على خده وكانه حب يخفيها حط راسه على رجلها
وا خــــــــــــــــــــــــــــــيرا
..انـ ـت رجــــ ال والرجال مـ ايبكي >>بدون مايفكر كان ينتظر هاللحظه رمى نفسه على صدرها وضمها بقوته وهي بوهن حطت يدها على شعره وحطت راسه على خشمها وقعدت تشمه >>اعتلت شهقات نوره ونوف الي رمت نفسها بالاراض
جا اليوم الي ترجع ام سلمان وتعيش مع عيالها وتخفف عنهم الامهم واوجاعهم وتمارس دورها كاأم رجعت من عالم الضياع الي كانت تبحر فيه
لكن وين ساره تعيش هاللحظه هي اكثر وحده افتقدتها لانها اصغر وحده وكان لها نصيب الاسد من الحنان
..فكرت واستخرت وسئلت نايف مدري احس اني مرتاحه له مع اني ماعرفه
فتحت يديها وحضنتها..مبروك الله يوفقك
وافقت مها على فهد وهي مقتنعه او مرتاحه ومقلقها بعدها عن اهلها بس الي معزيها قرب اخوانها
..............................................
سكر الجوال وهو مبتسم وفرحان
..خير وش عندك شاق الضحكه وفرحان
..مها انخطبت ووافقت
فرحت من قلبها تدري بالخطبه بس ماقالت له ..صدق وافقت على فهد ؟؟
استغرب انها كانت تدري ..انتي كنتي تدرين ؟؟
..اي ادري ان ابوي خطبها له
..ليش ماقلتي لي
..احسبك تدري
..لا مادري ماعلينا الله يوفقهم احنا يومين وراجعين تعالي نستغل الوقت الي باقي لنا ونطلع نستانس
كانت ايام تبقى في ذاكرتهم للابد لحظات حلوه اسرقوها من عمر الزمان لايمكن انه يجود عليهم ويعيدها
نواف فرحته لاتوصف ساره ربما السبب الي خلاها توافق عليه يحسسها بشي ناحيته لكن قدرت بذكائها تسيطر على مشاعرها وتظهر له الحب
.................................................. ....
رجع ابو سلمان للبيت شاف اصوات وضجيج بالغرفه مشى لهم بسرعه وشاهد المنظر الي تمنى يشوفه من اكثر من اربع سنوات فرحته لاتوصف صحيح الي ضاع من اعمارهم ماهو بسيط لكن الحمدلله على كل حال عرف منهم انها بدت تتكلم سلم عليها وردت له باابتسامه لان الكلام صعب عليها شوي
...الحمدلله على سلامتك
هزت راسها وابتسمت دارت بنظرها عليهم كانها فقدت احد لاحظوا عليها كلهم قربت لها نوف ومسكت يدها ..يمه تبين شي
هزت راسها بالنفي واشرت بيدها علامات استفهام مافهموا عليها سئلها سلمان ..تدورين شي
تكلمت بصعوبه ..وويــــ ـــ ن ســ سـ اره؟؟؟
ابو سلمان خنقته العبره من منظرها وحنانها وتذكر بعد ساره اكيد بتفرح اذا عرفت ..ساره تزوجت يام سلمان
بانت علامات الفرح على وجهها الشاحب وعرف من نظرها انها تستفسر اكثر >>نوف ..يمه ساره تزوجت من اسبوع اخذت نواف ولد عمي راشد
رفعت يدها للسما كانها تدعي لها بالتوفيق
سلمان ..انا بروح اتصل عليها واقول لها
ابو سلمان ..لا تقولها الحين بتشغل نواف ولاتستانس خلهم كلها يومين ويرجعون وتجي وتشوف كل شي بعيونها
اقتنع بوجه نظر ابوه كان معاه حق اذا درت ساره ماراح تقدر على الانتظار ..ان شالله يبه
.................................................. ...
إن قلت هانت إمتلا صدري جرااااح
وإن قلت ابصبر زاد همي زيادهـ
عزيت عيني بالذي منها رااااااح
وعجزت اعزي دمعتي في بعادهـ
رجع للبيت بعدمانزلها ماكلم احد طلع على طول للغرفه كل مكان فيه ينطق ويعبر عنها اغراضها الي اتركت اكثرها يمكن ماتبي شي يذكرها به
خاب امله بعد مقابلتها ماطلع معها بنتيجه ولااروى ظماه حتى نظره ماعطته فرصه ينظرلها دار بالغرفه يحس حتى الجدران مفتقدتها ما توقع يجي عليه يوم تسكن بقلبه وحده غير هدى الي اصبحت مع رماد الذكريات
قرب للتسريحه يشوف عطورها واغراضها لفت انتباهه شي يلمع على التسريحه رفعه كانت التعليقه الي اهدداها اياها بالعيد تنهد وحطها بيده وسكر يده ...تعاندين يانوف بس انا اعند منك وانا وانتي والزمن طويل
كان هذا الي بيسويه لكن يقدر يتحدى عنادها ولا تتغلب هي عليه
..توكل على الله وتجهز بنروح يومين ونرجع انت عارف مابقى شي وننتقل وسلمان مستعجل
..باذن الله بظرف ثلاث ايام نكون هناك
هذا اتفاق فهد مع عمه على ملكه سريعه بسبب ضيق الوقت فهد كان ناوي ياجلها لكن عمه اصر انه يستعجل وزي مايقول خير البر عاجله
......................................
حطت رجلها على ارض المطار واخذت نفس عميق
..يابعد حيي يالرياض والله اشتقت لها لحرها ولبردها
..اف كل هالشوق للرياض
..فوق ماتتصور اقول نواف
..هلا سمي
..انت قلت لاحد يجي ولانروح بتكسي
..اي قلت لنايف واصر يجي مع اني مابيه يترك شغله ويجي
الى الان تكره سيرة بس ماتبي تزعل نواف ..اي ووليش يجي مادام عنده شغل
..هذاهو جا يالله امشي >>عرفته ماتغير كثير بس بين النضوج بملامحه كان وجهه ينطق بالرجوله من غير مايتكلم
التقى باخوه وسلموا على بعض سلام حار ورفع عينه لها ..وشلونك ياساره
ردت من غير نفس ..الحمدلله تمام
.يالله توكلنا على الله
كانوا يمشون جنب بعض ويسولفون ويضحكون لين وصلوا السياره
..وين تبون اوصلكم بيتكم ولا بيت ابو سلمان
..ساره بتنزل عند اهلها وانا بروح للبيت
حرك السياره ومشوا وهي ساكته وتنظرله بحقد وتفكر>> لو نوف متزوجته الحين حياتها غير يمكن ماقدرت تنساه حتى حياتها بسبته تلخبطت >>ماهو كفو نوف كفو وحده مثل لطيفه, ماوقفت عن التفكير لين وصلت لبيت ابوها وقبل لاتنزل وقف قدام الباب باص صغير واضح انه توصيل طالبات نزلت وحده منه ونايف يراقبها يشوفها مسكت يد ساره ودخلت البيت ..ياهو وين رحت
..هاه معك معك
..البنت راحت بحالها
..يعني هذي نوف
..الظاهر انها هي لان واضح الباص توصيل طالبات وزوجة سلمان ماتدرس
..غريبه ليش ماتنزل بيت زوجها
..وانت وش عليك منها
..بس اسئل
..الي فهمته ان بينهم مشاكل بس وش السبب مدري
..مشاكل انا سمعت انه رجال زين وسمعته طيبه
..ياخي اش فيك انت قلنا لك البنت تزوجت مايحق لك تفكر فيها
..الله يوفقها
انشغل واستغرب معقوله بينهم خلاف
.................................................. .........
دخلو مع بعض وبدت الاحضان مشتاقات لبعض ساره ماكانت تدري باالنقل وبامها الي صارت تتكلم وصلو لمنتصف البيت
..عندي لك خبرين الاول ماراح يعجبك والثاني راح يطيرك من الفرح
..وش هالمستجدات الي صارات بغيابي
..انا ببدا بالخبر الي مااهو زين
..الله يكفينا شر اخبارك قولي
..سلمان استاجر بيت وبننتقل للشرقيه
..ابتسمت اول ماسمعت الخبر كانها مافكرت زين ونست انها ماراح تروح معهم
..وشلـــــــــون تروحون وانا من تتركوني له
..هذا قرار سلمان وابوي طاوعه
صار وجهها احمر وزعلت من قلبها ..وانا ماحد فكر فنيني وشلون تتركوني وتروحون من خلوني له
..اهدي ياساره المكان ماهو بعيد وتقدرين تجين باي وقت
عصبت منها حست انها تضحك عليها وتعاملها مثل الاطفال ..انا ماني غبيه تضحكين على الكلام سهل ومقدور عليه انتم بس تروحون تنسوني
..حبيتي انا ماضحك عليك بس صدقيني سلمان مظطر
..لا ماهو مضطر طول عمره بعيد ماحلا له النقل الايوم تزوجت >>تذكرت شي ومسحت دموعها بظهر يدها ..انتي بتروحين
ضحكت تحاول تهديها شوي ..اكيد بروح ولاتبيني اقعد هنا لحالي
..وزوجك ودراستك
ابتسمت بآسى ..زوجي كل شي بيني وبينه انتهى ودراستي اعتذرت ومن هنا لبداية الترم الثاني فرج
..ماراح تقولين لي ليش كل هذا
تنهدت بحراره ..راح اقولك بس بعدماقولك الخبر الثاني
..مااعتقد ان فيه شي يونس بعد الي سمعته
..اذا مانسيتي كل هموم الدنيا بعد ماتعرفينه ماني نوف
عقدت حواجبها وش ممكن يكون هالخبر ..طيب قولي اسمعك
..لا هذا ماينقال باللسان هذا ينشاف بالعين
استغربت اكثر اسحبتها نوف ..قومي معي وشوفي بعيونك
..وين بتاخذيني ؟؟
..امشي من غير كلام >>وصلت للغرفه المقصوده صار قلبها يرقع بقوه وش راح يواجهها خافت تذكرت ان نوف قالت خبر يفرح وتزيد ضربات قلبها فتحت الباب وساره تمشي بشويش قبل تقابل الباب مباشره وكل جزء من جسمها منفعل معها
كانت ام سلمان مغمضه ماكانت نايمه نادتها نوف بصوت واطي وساره فاتحه فمها وتتنقل بعيونها مابين امها ونوف ..يمه
لبت لصوتها وافتحت عيونها بهدوء والتفت لجهتها دققت بنظرها عليها وارتسم الشوق بعيونها قدر ماتستطيع ميلت جسمها لها ومدت يديها صار كل شي قدام عيونها توقعت أي شي الاانها ترجع وتلقى امها تنتظرها أي خبر مايسوى أي شي عندها باللحظه رجولها ماعاد تشيلها تضرب ببعضها انشلت عن الحركه بصعوبه اجتثت رجولها من الاراض وصرخت بصوت عالي ..يــــــــــــــــــــــــــ مـــ هـ >>ركضت وطاحت بحضنها وطبعا سوت مثل اخوانها بكت من الفرحه ام سلمان اشتاقت لها ولقافتها وروحها الحلوه ظمتها بقوه لعلها تروي عطش السنيان وتدفي برود الليالي الي قضتها بعيده عنهم استكانت ساره للمسات يديها ارتاحت وهي بين احضانها الدافيه مثل الطفل الي ضيع امه بين الاغراب ولقاها بعد مافقد الامل ومع انها ماسمعت صوتها بس اكتفت بضمتها ولمست ايديها الموضوع الأصلى من هنا: منتديات طرطعة http://forum.6r63h.com/showthread.php?t=102968
..........................................
في بيت ابو نايف كانت الملكه مختصره الى ابعد حد لان الوقت مايسمح ابدا لاي مراسم
نوره منعها سلمان من السفر معهم لانه خاف عليها من الطياره وام سلمان بما ان مافيه احد راح يروح ما استحبت انها تروح وكلهم رجال بس وصت فهد على الصور
تمت الملكه بهدؤ وباجواء اسريه ضيقه جدا جدا فهد ماكان متشفق لاي شي
مافكر حتى يشوفها بس لانه معه شبكه لها اشترتها نوره وامه وعلشان الصور قرر يدخل ماكان كاره بس ماكان متحمس
مها كانت ناعمه بكل شي بلبسها بمكياجها حتى احسيسها عاديه جدا مافي رهبه اوخوف اوحرص انها تشوفه
طلب منها بدر انها تنزل بعد مادخل فهد في المجلس وقعد ينتظرها
دخلت عليه وهو يتلفت بارجاء المجلس كانه يستكشف وبصوت هادي خالي من أي احساس ..السلام عليكم
بمجرد ماطاحت عينها عليه حست ان كل شي صدق كانها مكذبه
فهد اول ماشافها تذكر انه وجه ماهواول مره يشوفه نسى انه القت السلام وقف بمكانه..وعليكم السلام
قرب لها وصافحها وحب جبهتها وهو معلق انظاره عليها استحت منه احرجها بنظراته نزلت راسها تهرب من عيونه الي التهمتها شقت وجهه ابتسامه يوم تذكر وين شافها الحين عرفها بس لازام يتاكد
..مبروك >>ردت عليه وهي منزله راسها ..الله يبارك فيك
بردت من لمست يده فكها صار يطق ببعضه وعيونها تروغ بسرعه ارتاعت من حركته ..وشلونك <<وهو يضحك
حسته ماهو طبيعي تكلمت وصوتها يتقطع من الخوف ..الحمدلله
على وضعه شد يده عليها بعد ماحس انه تحاول تتخلص من مسكته لكن ماقدرت تخلص ذقنها من يديه ..عارفه اني حبيت وحده بس لاني شفتها مره وحده وماقدرت اشيلها من راسي
ماخافت انصعقت من الي سمعته والخوف صار حقدوبينها وبين نفسها>> هذا جاي عشان يهيني مستحيل هذا واحد بعقله هذا اكيد مجنون ولا شارب شي معقوله نايف يغشني بواحد زي هذا بغضب فلتت نفسه من يده كمل وهي تقتحمه بعيونها يدري انها ماراح تسئله بس فضل يكمل ..بتسئليني وتقولين وين شفتها باقولك يوم ملكة اخوك نواف
بان على وجهها انها تفكر من الي حضر ملكة نواف لكن الى الان ساكته وتسمعه وهو يجر الكلام ..كانت لابسه فستان اصفر وشعرها اسود >>ويمثل بيده ..لاهي قصيره ولاهي طويله لاهي سمينه ولاهي نحيفه >>كل هذا وهي صاكه اسنانها رفع ذقنها مره ثانيه يوم ابعدت عيونها عنه وبدا يجر الكلام من جديد ..نزلت صينية القهوه عن باب الرجال ورجعت بسرعه عرفتيها >>شوي شوي لانت ملامحها وارتخت وهو خاف يكون جاب العيد مالت شفتها بابتسامه بطيئه لين ملت ثغرها واخيرا نطقت ..انـ نـا>>تاكد انها هي وارتاح انها مالخبط لان امه قالت له نوف
نزل يده عنها ورفعها مره ثانيه واشر باصبعه عليها ..انتيـ عليك نوررر >>من قلبها انبسطت لانها فهمته غلط وتنمنت انها بحلم مزعج تنتظر تقوم منه
قعدت ساكته من ملكة نواف وهو يفكر فيني وانا مدري عن شي ..ليش ساكته
تجاوزت الخجل والربكه وبدت تسترجع ذهنها واسئلته ..وشلون عرفت انه انا ؟؟؟
ابتسم ..تصدقيني اذا قلت ماعرفت انها انتي لين شفتك الحين ومع اني لمحتك لمحه بس حفظت ملامحك
فرحت من قلبها كلامه بدا قاسي لكن بالتدريج صار احلى من العسل عليها عرفت سر الراحه له خلص كل الكلام بعد الي قاله
استئذنت ام بدر للمصوره انها تدخل وتبدا شغلها الحين تجلت فرحتهم وحسوا انهم اسعد اثنين اكتشاف متاخر لكن كان له نكهه حلوه
انتهت مقابلتهم ودعها وحمد ربه انها صارت زوجته وهي احساسها لايمكن وصفه ملت صدرها الفرحه ودعته بعد ماخذ رقم جوالها وعدها يكون بينهم اتصال
.................................................. ........
آصعب عذأإأإأإأب الشـــــــــووووقلاصــااار
صــــــاااااامت
مثل الطفل يفهم ولايعرف
البــــوح
رجع لشقته وهو يفكر وش السبب الي يخليها ترجع لاهلها وتترك بيتها ويتسال >>ليش يفكر فيها مع انه ماشافها ولاصار بينهم مواقف تذكر
ليش مافكرت فيها قبل تتزوج هل هو اعجاب ولا حب ولا وش اسمه بالضبط حتى يوم تزوجت تمنى لها التوفيق شي غريب يحسه تجهها يمكن بسبب كذبة لطيفه عليه لولاها كانت الحين زوجته ماعرف يسمي الي يحس فيه ماقدر يوقف عن التفكير فيها مايتمنى انها تتطلق
هرب من التفكير لشغله يمكن يقدر يشيل الافكار من راسه
.................................................. ..
.في غيبتك تعبت أردد على شفاي !
إنت الوحيد اللي أحسه فهم لي
تكفى الى من جيت كلي من اقصاي
إفرد يدينك يالغلا و أبتسم لي !!
بعد مارجع سلمان اهدته ساره موشح سب وشتائم استقبلها برحابة صدر لانه عارف شعورها وبتصير بعيده ماتهون عليه لكن مجبر
حاول يهديها ويخفف عنها ووعدها ان المده ماراح تطول بس الالم مازال بصدرها ذاقت الغربه قبل ماتجربها واستطمعت مرارة البعد لكن خلاص
مابيدها حيله
مترادفات على السرير وامهم وسطهم تستمتع بقربهم كان بينهم كلام حميم ساره ماسكه يديها بين ايديها وتكلمها ..ماتوقعت ابد اني ارجع والقاك تحسنتي >>ماردت عليها بس ابتسمت لها
..اف خلاص طالعه >>اخذت شال من الصوف قريب منها لان الجو فيه شي من البروده
..وان شالله بتطلعين كذا
ناظرت لنفسها كانت لابسه قميص بيت سماوي ثقيل وشبشب سماوي ولبست عليه شال اسود يعني لبس متواضع جدا ماهتمت حتى بنظرته لها ..ليش وش في لبسي
عرف انها ماراح تغير رايها ..خلاص بس روحي
مشت بخطوات متردده تحاول تستجمع الكلام الي راح تقوله وتضبط اعصابها لكن ماامهلتها المسافه القصيره وصلت المجلس ودفعت الباب بهدوا
جالس ينتظرها على جمر ومثلها يحاول يدور كلام ينقال لها سمع صرير الباب ووجه نظره صوبه يتاملها بعد ماسلمت وقفت بعيده عنه حست ببرد او قشعريره لمت الشال وكتفت يديها على نفسها رد السلام وتاهت نظرته فيها لاحظ التغيير عليها سئلها على طول ..ليش قاصه شعرك ؟؟
نست انها من بعد ماقصت شعرها ماشافها لاارديا مسكت طرف شعرها تحسسه بس تذكرت وردت ..اعتقد هذي حريه شخصيه
ابتسم.. بس تصدقين حلو..
خجلت منه ونزلت راسها ..مافكرتي
رفعت راسها بهدؤ ..فكرت بايش
..بحياتنا
..فكرت وقررت وقراري قلته لك
..لمتى وانتي تعاندين
..انت الي بديت بالغلط وانا متاكده لو جاي مني ماكنت سامحتني
..بسامحك لاني احبك وماقدر على فراقك ولايمكن استغني عنك
..بس انا قدر استغني عنك
ببرود ردعليها ..كذابه
لفت عنه وعطته ظاهرها ..واجهيني لاتهربين الهروب ماهو حل
وراح قابلها من الجهه الثانيه ..انا ماهرب
..نوف انا صدق شكيت فيك واعترف اني غلطان
..انا ماني موضع شبهه
..عارف انك اكبر من كذا بس الي جاني خلاني انسى نفسي وانتي لازام تقدرين
سدت كل الطرق راوده شعور ان الي بينهم انتهى خلاص ماقى كلام يقوله حس بضيقه
..فكري صعب علي قرارك
وقف بعد ماجلس ..انا الحين ماشي
فتحت عيونها حتى ماتنزل دموعها يوم حست انه بيروح كانت معطيته جنبها وتلعب بطرف الشال
استرقت النظر وهو يمشي يمها ..عطيني يدك >>ناظرت له باستغراب
بس توقعت بيصافحها عطته يديها سحبها وحطها عند فمه وغمض عيونه وحبها بشوق بعدت وجهها عنه حتى مايشوف دموعها
..اشوفك على خير
تركها كانه طار بسرعه اختفى عن نظرها تحسه حلم وعت على نفسها تدور بالمجلس تدوره ركزت على المكان الي كان واقف فيه ماشافته شافت بمكانه كيس مشت له و بيدها الي ترتجف رفعته فتشت تبي تعرف وش فيه مثل ماتوقعت ظرف باين فيه فلوس وفيه علبه فتحتها دمعت عيونها وهي تشوف الحرف الي اهداها اياه بالعيد بحركه اليه اخذته وعلقته بصدرها الي امتلى دموع والعلبه بيدها وبجنبها كرت صغير
رفعته قدامها وقعدت تقراه
يالغايب الحاضر معي وسط الافكار
يالمرتوي منّي .. وأخايل سرابك
نوره كانت جالسه مع امها يتفرجون على الصور وفرحانين لانهم كانوا يشوفونه فرحان
.. اقول فهيدان اشوف الضحكه شاقه الوجه ماكنك الي رحت من عندتا كنك واحد ثاني
..لاوالله ماحد جبرني انا الي رحت بكيفي
..صح ماحد جبرك بس ياخي فيك شي غير قل قل وش السر
..نوره اتركي اخوك ماعليك منها الله يهنيك واشوفك مبسوط دايم
ابتسم وهو يتذكر يوم سئل امه عنها وقالت انها نوف لف رجل على رجل ومسك رجله بيده ..اقول ام فهد
نزلت الصور على الطاوله ..تذكرين البنت الي قلت لك اني شفتها بملكة نواف
قعدت تتذكر ..اي هذي نوف وش طراها على بالك
..الله يهداك يمه انتي قلتي انها نوف
..اي ياولدي نوف مافي غيرها
..هي انت أي بنت واي نوف فهمني السالفه
..هذا وانا اخوك شفت بنت ذاك اليوم نزلت القهوه وقلت لامي وقلت لها لابسه اصفر
..اي هذاي مها انا قلت لها تطلعها بس وشلون شفتها
اشر بيده على نوره وهو ساكت بمعنى فهمتي ..
..وش يدريني ياولدي كلهم نفس الالوان
..هههههههههه وانت ياحرام من ذاك الوقت مشغول فيها
..لاوبعد تقول نوف تزوجت خلني اخطب لك مها
ضحكوا كلهم عليها وماقدرت ماتضحك على نفسها والبس الي صار معها وبقلبها تحمد ربها انه ماتعذب
رجعت تتامل الصور ..بس ماشالله عليها قمر
.................................................. ........................
ر مكمن يلوم العين لو هلت دموع
ومن يلوم القلب لو صفق وصاح
لي حبيب راح ماطرى الرجوع
ليتني ودعت زوله يوم راح
اه من قلب كفخ بين الضلوع
مثل كفخ الطير مكسور الجناح
كانت ببيت اهلها من يومين حزينه تحس انها مكسوره ضعيفه لاحول لها. اليوم رايحيين جايين ينقلون اغراضهم للسياره اكتفو بالضروريات استاجرو بيت على قد عايلتهم الصغيره وافرشوه باثاث بسيط الى ان يستقرون كانت تراقبهم وهم مشغولين وقلبها يعتصر على فراقهم سلمان الاخو والصديق ونوره تحبها وتعتبرها اختها نوف اختها روحين في جسد واحد شريكتها في الافراح والاحزان ابوها الرجال الوقوروالصدر الحنون امها الدفئ الي افتقدته سنين رجع لها فجئه وانسرق منها فجئه كل هذا طواه البعد وفرق بينها وبينه
حست انه انتهى كل شي وقفوا يستعدون للانطلاق للمطار هوت على امها بكرسيها المتحرك وحبت راسها وعينها ويدها ماقدرت حتى تتكلم رفعها ابوها ولمه بحضنه ..ماراح تطول غيبتنا >>بعد الكلام خذلها سلمت على اخوها ونوره التفت على نوف وضمتها تحسها بتترك قطعه منها
مشوا وهي تتبعهم الين وصلت لمدخل البيت وكل مده يلتفت واحد منهم لين اطلعوا مع الباب وهي تراقب خيالهم يختفي عن نظرها
طلعوا ونواف واقف بسيارته عند الباب نزل وودع ابو سلمان وسلمان ..نشوفكم على خير
..وصيتك ساره يانواف
..لاتخاف ياعمي بعيوني ان شالله
..ادخل لها لاتخليها >>ومشى وتركه ركبوا سيارة فهد الي راح يوصلهم للمطار وقف لين اختفوا
تنهد ودخل كانت بنفس الوضع ونفس المكان الي شافها فيه اول مره يشوف جسمها يهتز اول مره شافها ماكان له الحق يقرب منها لكن اليوم قرب لها وجلس جنبها رع راسه بيده وبحنان مسح دموعها..دموعك غاليه>>حضنته وبكت على صدره لين طلعت شي من الي داخلها فتح يدها واخذ المفتاح منها وقام وقفل مدخل البيت ورجع لها قومها وطلع ركبت وهي تشوف البيت انطفت انواره صار كانه مهجور من سنين
كم صبرت وليال الصبر مستغربـه
لين قلت حلاة الصبر لو هـو جميـل..
الزمن صعب والنسيان يـا مصعبـه
والدفاتر نشيّلها الهمـوم..وتشيـل..!
...........راحت ووتركت ناصر للالم من فراقها والغربه من بعدها مشى معهم من البيت لين وصلوا المطار وحتى اقلعت الطائره وحلقت للبعيد بدون حتى ماتدري عنه
رجع للبيت شايل هموم الاراض على كتفه تمنى من حركتها يكرهها تمنى في اخر لحظه ترجع لكن كان يتخيل احلام يقظه يهرب فيها من الواقع
خيبته نوف خلاص وصلت اعلى درجات الغضب
رمى نفسه على السرير كان منهك من لحظه الوداع ماقدر يتخيل الحياه بدونها
..........................
يا عين هلي صافي الدمع هليه
وإذا نتهى صافيه هاتي سريبه
بعد ماطلعوا من البيت مشى فيها لاي مكان ممكن ينسيها الضيق يمشون وهي مسنده ظهرها على المرتبه ودموعها بللت النقاب
..خلاص حبيبتي شوفي عيونك وشلون صاروا من البكا
..ماني قادره كل ماتذكر ان مابقى لي احد هنا تسود الدنيا بعيوني
..انا موجود وانا شالله اعوضك عن غيابهم
..انت ماتقصر
..خلاص حاولي تنسين وبكره تتعودن وان شالله باقرب فرصه بنزورهم
..مشكور مشكور بس تكفى نواف تحملني
..من عيوني بس اهدي شوي والحمدلله تقدرين باي وقت تتطمنين عليهم
..............................................
وصلوا لبيتهم الجديد بدوا بتجهيز المكان الي المفروض انه بيتهم الجديد ساره مكانها خالي ولها وحشه
نوف"" ودعت ناصروحبها وذكرياتها الحلوه والمره وساره والبيت الي احتضن كل سنينها صارت مثل الورده المقلوعه من مكانها
سلمان"" كان يحس انه سبب الحزن الي يشوفه بعيونهم وانهم داروه وطاوعوه وهم كارهين
نوره"" تركت وراها امها واخوها افتقدت لمتهم وحنانهم عليها
ابوسلمان""بيته جيرانه البلد الي شب فيها وشاب
ام سلمان ""مكانها وبيتها واستقرارها البيت الي اخذت فيه عزا متعب
كل واحد منهم داخله حنين وشوق مشوا مجبرين واتركوا اشياء حلوه
مرت الايام ثقيله بطيئه لكن مرت" مر على سفرهم حوالي شهرين من يوم ماسافروا كانت اتصالاتها مستمره ماقدرت تتاقلم كملت دراستها ماهو اجتهاد لكن لانها تحاول تشغل نفسها باي شي وتكسر الفراغ
في شقة نايف كان نواف عنده طالع من المطبخ بيده علبة عصير
رفع راسه عن الاوراق الي قدامه والتفت لاخوه ..انت مانت غريب انت راعي بيت
..لاوالله عذر اقبح من ذنب اترك هالي بيدك وكلمني
لم الاوراق على جنب ونزل القلم عليها ..وهذي الي الاوراق تركناها امر بغيت شي
..سلامتك بس بسولف معك مشتاق لك
ضحك عليه ..لو انك مشتاق لي كنت تزورني من تزوجت ماعاد اشوف وجهك
بمزح ..انا الحين عندي مسؤليات ماني فاضي لك
..اجل جاي عندي وش تبي
..والله اغير جو
تكلم بجديه ..طيب اجلس نتعشى مع بعض
..خل اكلم المدام اقولها اني بتاخر
حب ينرفزه ..زين روح روح استئذن منها لاتزعل عليك ولاتدخلك للبيت وترجع تنام عندي
حذف عليه علبة المنايل ..استئذن منها عندك مانع
اخذ جواله وقام للغرفه ونايف يناظرله اتصل وبعد ثلاث دقات بصوت مبحوح
..مساء الخير حبيبتي
بتعب ..مساء النور
..كنتي نايمه !!صوتك متغير
..لا ماكنت نايمه بس الظاهر ملتهبه اللوز عندي انت وينك
..انا عند نايف كنت باتعشى معه بس دامك تعبانه لازام ارجع للبيت
..لا مافيه داعي باخذ أي شي
..طيب اذا حسيتي بشي كلميني
..ان شالله
........................................
..الحين صرنا ماننفع وماعاد تجينا
..امي مشدده على الحراصه من بعد سالفة ولد اختها
..ماعليك بكره بتنسى
..وانا ودي انسى بس ماني قارده نوف تلاحقني حتى بالحلم
..انتي مكبره السالفه خلاص انكشف كل شي وراح وانتي مانسيتي
جلست على الكنب ..خايفه من حوبتها
علا صوتها بغضب ..انتي وش سويتي لها
بنفس طريقتها ..خربت بيتها وتقولين وش سويتي لها
تاشر بدييها تبي تقنعها اوتغير رايها ..ياهدى لوكان يحبها مافرط فيها ولو كانت تحبه ماتركته من اول مشكله
ارتجف صوتها وهي تتذكر نظراته لنوف ..يحبها يانوال يحبها نسيتي انه ضربني علشانها اسئلي عن حالته وشلون صارت من بعد ماراحت
رفعت راسها وبثقه ..بينساها مثل مانساك
..ماظن ينساهها لانها صارت قطعه منه
..اجل ماراح يستسلم راح ترجع
برجاء ..تتوقعين !!
هزت راسها بنفي ورفعت حواجبها ..لا متاكده
.................................................. ....
رجع نواف للبيت بعد ماطلع من عند نايف لقاها تحت غطاها وترجف رفع الغطا عنها بسرعه
..ااااح نواف بردانه رجع الغطا
ويحط يده على جبهتها .. حرارتك مرتفعه قومي بسرعه
..لا نواف ماحب المستشفى الحين بصير زينه
سحبها ولا اهتم لكلامها ..اقول قومي بسرعه
مشت معه غصبا عنها لانها كان يجرها جر
.................................................. ....
منسدح على السرير ويتقلب ويكلمها ..تصدقين احيانا اقول اعجل الزواج
..احنا اتفقنا مافيه زواج لين اخلص الجامعه
..ليش انتي كم باقي لك وتخلصين
..سنتين
..وتبيني استناك سنتين اصير شايب
..عادي حتى انا بصير عجوز
..مهاوي مايصير انا ماقدر اصبر
خجلت منه ..وانا ماقدر لين اكمل دراستي
..خلاص اتزوج مسيار لين تخلصين ونتزوج
بدون ماتدري انفلت لسانها ..والله اموتك
ضحك عليها ..يعني تغارين على
..فهــــــــــــــــــــــــــــــد
..هههههههههههههههههههه خلاص نعجل الزواج
..احلـــــــــــــمممممم
.. .................................................. .......
في المستوصف
..وش تقول انت كذاب بعدين انا ماطلبت منك تحليل
..يابنتي التحليل لاني ماقدر اعطيك أي دواء لين اتاكد وهذا قدرك
منفعله وتصارخ بصوت عالي ..كذاب كذاب مستحيل انا بروح لمستشفى ثاني واعيد التحليل
مسك نواف يدها وقام معها ..آسفين ياكتور يالله نروح للبيت
قامت معه ..لاني مابي اروح للبيت بروح اعيد التحليل
..مثل ماتبين بس يالله فضحتينا
مثل ما جابها للمستوصف غصب طلعها غصب وصلها للسياره وراح اخذ الادويه من الصيدليه وركب جنبها
هبت بوجهه ..انت ليش وافقت على التحليل قلت لك مابي
..الكلام ماراح يغير شي لازام ترضين
..مستحيل مستحيل
..وشوالمستحيل ياساره ماتقدرين تغيرين شي الي صار صار
صرخت بوجهه ..اقـــــــــــــــــــــــــدر
وسع عيونه وصك اسنانه بغل عليها ..وشلون وش بتسوين ؟؟
................................................
قريب من موجات البحر الغاضبه المتكسره على صلابة الصخور
كان يجلس على بساط صغير ومقابلته ام سلمان بكرسيها بعد سفره طويله مع افكارها ..اشتقت لساره
افاق من افكاره ..هذا وهي كل يوم تكلمك
..السمع ماهو مثل النظر اتمنى اشوفها واملي عيوني منها هذي اخر العنقود
التفت للخيال الصغير الي يتقدمهم على بعد خطوات من جهة الشاطى حاطه ذقنها على ركبتها وتحذف حصى في غياهب البحر ...ساره ماعليها خوف انا الي مشغلتني نوف
..اه نوف الله يعينها
مازال معلق عيونها فيها ..بس لو اعرف وش السبب الي تركت زوجها منه
..لاتتوقع لانها بنتك الي بنظرك عاقله وتعرف تربيتها انها ماتغلط نوف بشر يابو سلمان ممكن تخطي وحتى لوكان زوجها غلط المفروض ماتنهي كل شي بكلمه
توقع انها ترمي لشي من ورا كلامها ..وش تبين توصلين له
التفت لها وبكل ثقه ..اذا جا ناصر اجبرها ترجع معه
انذهل من كلامها مافي ام توقف ضد بنتها لكن ام سلمان شذت عن القاعده ..اجبرها في ام تحب بنتها تقول هالكلام
..لاني احبها اقولك اجبرها مولانه غلط معناه انه انسان مو زين
..انتي تعرفين سبب المشكله الي بينهم
ارتبكت ..هاه لاماعرف بس ناصر انت تعرفه
..يصير خير اذا جا ناصر نشوف
..متاكده انه بيجي
صَعبه أعيِش أيَام عُمرٍي بَليآك
وٍإنت الحيآة بدوُن شُوفكَ كآبه
تعَآل خِذني لآخر حِدوُد دِنيآك
مَليت أقآسي مِن زِمآني عَذآبه !!
حَآولت لَكِن مآتحَملت فَرقآك
بُعدك عَذآب وفِي حضُورٍك مهآبه !!
وبعيد شوي عن نقاشهم ماسك يدها ويمشون ويتبطئ بمشيه لانها صارت ثقيله
..يالله نرجع انتي تعبتي
..لا سلمان الجو يجنن خلني امشي شوي
..ياحياتي انا خايف عليك
..خلاص مثل ماتبي
حط يده على كتفها ومشى معها ..زعلتي
بصدق وبنبره حانيه وهي تاشر بيدها ..لوازعل على اهل الارض كلهم مازعل عليك
شد يده عليها ..كنت اتمنى اشوفك تسولفين معي بدون قيود بحريه مثل ماتكلمين نفسك بس انتي كنتي مبتعده عني
تذكرت اول ايام زواجهم والفتره الي نفته من حياتها ونفاها ..تدري ليش >>شافته يستناها تكمل ..لاني غبيه مافي انسان بعقله يلقى قلب يخلص له ويفرط فيه انت قدرت تصير لي زوج وابو وام واخو وصديق انا مدري وشلون قدرت اقسى عليك وعلى نفسي
يستمع للي قالته كانها يسمع اغنيه بلحن جميل وكلمات عذبه بلحظه حلق معها بسما مشاعر صافيه وبريئه يدري انها ماكانت تكرهه بس كان يبي منها رت فعل ..عارف انك ماكنتي تكرهيني بس انا طماع كنت ابي اشوف نفس المشاعر الي اضمرها لك بعيونك وبتصرفاتك
صارت تتمايل من المشي وبدت تلهث ..المهم انا الحين مع بعض الله لايعيد ذيك الايام
..امين والحين ياالله نرجع المده المسموح بها انتهت
مشت معه واتجهو لمكانهم بعدماجتهم نوف وجلست معهم لين غياب الشمس لموا عفشهم ورجعوا
..اذا سويتي الي ببالك مايصير لك طيب
..وانت شعليك انت التعبان ولا انا
حاول يهدي الوضع ..ساره حبيبتي مايصير الي تسوينه حرام هذا اعتراض
بكت مثل الطفل ..انت ليش مانت حاس فيني
..لان مافي شي يستدعي كل هذا
ماردت علييه لانه بنظرها ماهو حاس فيها اخذت جوالها وراحت عنه لغرفتها فتحت واتصلت على نوف
رجعت للبيت وتسبحت وطلعت على صوت جوالها شافت الرقم وابتسمت ..هلاسارونه
..هلافيك
استغربت من برود كلامها عادتها صوتها يفجر طبلة الاذن وبهدوء ..ساره اشفيك
نوف قالت هالكلمه وساره اجهشت تبكي..ساره وش صاير انتي متزاعله مع نواف
بصعوبه طلعت الكلمه ..لـ لا
..اجل ليش تبكين
..متضايقه يانوف متضايقه
توقعت انها متضايقه بسبب بعدهم ماتدري انه في سبب ثاني ..ليش وش الي مضايقك
..مشتاقه لكم ودي اشوف امي
حبت تخفف عنها ..ليش انتي بزر حرمه وش كبرك وتبين امك عيب عليك
تسمع بس شهقاتها بدون لاتنطق ولاحرف ..حبيبتي انت تعبانه
انطلقت هاالكلمه منها بدون ماتعرف وش عاقبتها ..مصيبه يانوف مصيبه
خافت عليها ومن الي راح تقوله بلحظات مرت ببالها الف فكره وفكره ..خوفتيني وش صار
شهقات متتابعه تصدر منها ونوف جامده على الجهه الثانيه تتنظرها تتكلم ..انا انا حامل
جلست على الاراض بعد ماكنت واقفه رجولها ماعا تشيلها حقدت عليها وعلى غبائها ..انتي مجنونه مانتي بعقلك حسبي الله على ابليس خوفتيني خفت لايكون فيك والافي نواف شي
..يعني انتي تشوفينه عادي اني احمل وانا ماكملت ثلاث شهور من تزوجت
..هذا قسمة رب العالمين ياساره مايجوز نعترض عليها
..انا قلت لنواف بنزله بس زعل
..حرام عليك ياساره ليش تنزلينه هذا رزق غيرك يتمناه
..بس انا مابيه ماني مستعده
..ليش ماتبينه أي وحده متزوجه الحمل شي واراد بالنسبه لها
بدت تسمع ونوف تحاول تهديها ..قولي الحمدلله بدال ماتعترضين وخلي زوجك يفرح حرام تحرمينه من الفرحه بغبائك
..نوف انا تعبانه بنام
سكرت منها تعبت من البكا والصراخ ماتدري ليه خايف من الحمل وقلبها ماهو مرتاح
التفت لقت نواف وراها ..هاه ان شالله نوف قدرت تريحك
..نواف اتركني بحالي الي فيني كافيني
..اكيد ماتحبيني علشان كذا ماتبين ولد مني
..انا احبك بس خايفه
..ليش خايفه مانتي اول ولا اخر وحده تحمل وبعدين ياساره اذا حاولتي تنزليه ترى ماسامحك طول العمر
نزلت راسها وقعدت تتخيل وتكلمت ببراءه ..بكره بس يكبر بطني نوره تعايرني لاني كنت اضحك عليها
انفجر من الضحك على سطحية افكارها ..هههههههههههههههههههه احسن حتى ماتتشمتين مره ثانيه
..نواف لاتضحك على ماني مضحكه
كتم ضحكته ..ماراح اضحك بس خوذي دواك حنجرتك سكرت من الاحتقان والصياح >>ومد لها كيس الدوا
اخذته بعنف ورفعته ورمته على الاراض حتى صار قطع وتناثر ..مابي دوا ابي اموت وارتاح من هالحياه
..لاتاخذين الدوا بس نامي يمكن ترتاحين >>وطلع سكر الباب وهو يضحك عليها معقوله وصلت لهالدرجه
.................................................. ......
..لبيت اهلك ماروح انت ماتفهم
..ليش ماتروحين
..وليش اروح مايحبوني ولا احبهم
..مدري ليه كل اخواني علاقتهم زينه مع اهلي الاانا علاقتي متوتره بسبتك
مطت شفايفها وببرود اعصاب ..وش مزعلك خلهم قلعتهم
مسكها من كتفها بحنق ..اذا ماتبين تروحين براحتك بس ولدي باخذه معي
..لاماتاخذه ولدي يظل معي اصلا هم يكرهونه لانه ولدي
..تقولين كلامك لانك مريضه وماني مستعد علشانك احرمه يتقرب من اهله مثل مانحرم من الاخوان
..تعايرني ياعبدالله
..انتي الي طلعتيني من طوري ماتبين تنازلين علشان احد تحسبين نفسك غير الناس
..انا وولدي بنقعد بالبيت ولاتوديني لبيت اخواني
..لا ماوديك علشان تنكدين عليهم
..مالك شغل بيني وبين اخواني
..من غير كلام قومي لبسي ريان باخذه معي
..قل للشغاله تلبسه
تركها وراح مايبي المشكله تكبر وهي خلقه كبيره وهي ولااهتمت اخذت جوالها وبدت سهرتها مع نوال
...............................................
في داخلي شباكـ يشكي غيابكـ
أيده على خده يناديكـ وينكـ ..؟؟
يروح ويجي للعمل بدون أي هدف روتين ممل حياه بدون طعم رجع من شغله ونام شوي قام قبل المغرب صلى العصر وجلس بغرفته الي صار يفضل الجلوس فيها
سحب اللابتوب وفتحه قلب فيه ماشه أي شي رجع سكره ناظر لجواله الي كان جنبه وايضا فتحه وقف عن رقمها تمنى يتصل عليها وترد لكن دايما النتيجه وحده مع انه عارف النتيجه مسبقا حط رقمها وضغط اتصال
تـــدري
وش الـلـي يــقـتـل الـح ـــب بسـكـــات
لاصــرت فــي بـــوحــك تـــحـــس بـمــــذلـــــه
كانت جالسه تكتب وتحوس بدفاتر قديمه لها ماصحت الاعلى صوت جوالها مافي احد يتصل هالوقت الاساره بدون ماتنتبه رفعت التلفون وثبتته بكتفها لان يديها مشغولات ..هلا
ماصدق انها ردت بسرعه رد قبل لاتقفل ..نوف صار صوته يتردد باذنها
عرفت صوته ونزلت الي بيدها ومسكت التلفون ..انت !!
..ليه كنتي متوقعه احد ثاني يكلمك من جووالي
..مانتبهت للرقم
..علشان كذا رديتي ياليتك كل ماتصلت ماتنتبهين >>ابتسمت بنفسها لهالدرجه وصلت امانيه
..وش عندك بغيت شي
بحالميه وبشوق وصق ..اشتقت لك ودي بس لو اسمع صوتك
باسلوب بارد ينافي الي داخلها ..تشتاق لك العافيه غيره وش تبي
..انتي تدرين وش ابي تكفين نوف لاتسكرين بس كلميني شوي قولي أي شي بس خليني اسمع صوتك
..ناصر اذا عندك شي مهم قوله ماعندك رجاء سكر لاني مشغوله وماني فاضيه
..مافي اهم من الي بينا يانوف الي بينا حياه ببتضيعينها بعنادك
..بس انا عشت معك ايام قاسيه لايمكن انساها ولاتقولي احبك لاني ماراح اصدق الحب اكبر من الشكوك والدسايس
..صدقيني انا كلمة حب صغيره قدام الي احسه ناحيتك
..كلام تقوله سهل ورخيص ومثل ماحبيت قبلي وحبيتني تحب غيرنا
..عطيني فرصه وانا مستعد انسيك كل الي صار
..آسفه انا صبرت بمافيه الكافيه وماقدر اتحمل صدمه ثانيه
.. وانا ماراح ايئس لين تغيرين رايك
كلامه موجع لانها تحس انه يتئلم ويعاني مثلها قررت توقفه ..تبي شي قبل اسكر
..سلامتك سمعت صوتك وهذا الي ابيه
..مع السلامه
..مع السلامه
رمت الجوال بضيق لانها تحس انها كسرت قلبه بس الي جاها فوق طاقتها مسحت دموعها و مشت لغرفة امها وفتحت الباب بشويش خافت تزعجها ..صاحيه يمه
..اي يمه تعالي
جت وجلست جنبها ..وش عندك جايتني
..بغيت اقولك شي وابيك تتصرفين
..خير قولي
..ساره يمه
رفعت ظهرها بخوف ..وش فيها ساره
..لاتخافين يمه مافيها شي بس متضايقه
..نوف الله يهداك تكلمي قولي وش فيها اختك
نزلت راسها ..يمه ساره حامل
فرحها الخبر ..حامل وهذا شي يضايق
..عاد قولي لبنتك تقول ماني مستعده للحمل
..ياحيل الله وش هالكلام وهذا بعد يبي استعداد
..تقول تبي تنزله
..وشو مجنونه هذي ليش تنزله
..ساره متضايقه وتحس بالوحده وفي شي مضايقها
..حست عندها شي ..وانتي وش رايك
..ابيك تكلمين نواف يجيبها او تستئذنين لها منه يجيبها سلمان
اعجبها اقتراحها وخصوصا انها مشتاقه لها ..والله راي زين بكلم نواف وقوله وان شالله ماهو معارض بس المشكله دراستها
..يعني ماتعرفين ساره فاشله من خلقها الله
تذكرت كيف كانت تعاني معها لانها ماتحب تروح للمدرسه ضحكت على ذكراها ..هههههههههههه لاتكلمين على اختك ترى مارضى عليها
..وانا ماقلت الاالحقيقه بليده وماتحب الدراسه >>سكتت لان امها ركزت نظرها عليها حاولت تبعد وجهها عنها..انتي كنتي تبكين
انحرجت من امها الي لاحظت حطت عينها بعينها ..كلمني من شوي
مسحت على شعرها ..ليش يايمه تسوين بنفسك كذا اذا الرجال يبيك ارجعي له
..حتى لوشك فيني الي يشك مره يشك عشر
..هذا ماهو كلام ليش ماتقولين ان الانسان يتعلم من غلطاته
سكتت تستمع لكلام امها ..حتى انتي تبينه يانوف ليش تصعبين الامور واظن العقاب الي جاه كفاه
..ماتخيل ان اعيش معه بعد الي صار
..هذا كلام سابق اوانه اذا جا ناصر نتفاهم الحين قومي جيبي جوالك ودقي على نواف
.................................
مجتمعين الشباب ببيت نايف فهد ونواف ونايف
..اقول فهيدان كنك صاير تقط وجهك ودايم مرتز عندنا
..تصدق عاد صاير احبك مااطيق بعدك مدري ليش
..عاد ياخي انت يوم بغيت تزوج مالقيت تناسب الانواف تدري حاقد عليك من يوم زواجه
..يمون ابو نسب الحين العلاقات صارت قويه هو اخذ بنت عمي وانا اخذت اخته
..صدق مالكم خاتمه يعني طلعت منها
..اعذرنا ياخوي بنات العيله خلصوا وبنتي ماتصلح لك لانك عمها وبنت فهد ماتصلح لك لانك خالها
..عادي بنت سلمان تصلح
.. لا بنت اختي ماتاخذ شايب
..شايب بعينك من زينك بناتكم انا باخذ من برى العيله عشان احسن النسل بدال وجيهكم يالضفادع
قام فهد ..لا انا اقوم بدال ماسمع شي ثاني تصبحون على خير
..تسوي خير والله سلم على المدام
..يوصل >>وطلع من عندهم فهد قبل يستانفون الكلام دق جوال نواف ..الرقم غريب
..طيب رد
فتح الخط ..الو
..السلام عليكم
..وعليكم السلام من معي
..انا نوف !!
..هلاوالله نوف كيف حالك
كان يسمع اسمها ويقلبه يرف احساس غريب من يجي طاريها ينتابه
..الحمد لله الوالده تبي تكلمك
..عطيني اياها
اخذت الجوال وكلمته ..السلام عليكم
..وعليكم السلام هلاوالله وشلونك ياخاله
..بخير جعلك بخير ياوليدي بمون عليك ياوليدي واطلب منك طلب
..امري ياخاله انا حاضر
..تسلم ابيك تجيب ساره واذا ماتقدر يجي سلمان ياخذها
..ليش عسى ماشر
..ماشر بس لاني مشتاقه لها و مابيها تظل لحالها اخاف تسوي بنفسها شي بنتي واعرفها متهوره
..والله ياخاله تعبت معها بس قاعده وتبكي كان صاير عليها مصيبه
..خلاص جيبها لين تعدي هالمرحله
..ابشري انا تهمني راحتها ان شالله الاربعا انا اجيبها
..تسلم جعل عمرك طويل
..الله يسلمك
..يالله مع السلامه
..في امان الله
حط الجوال بجيبه ..من الي يكلمك
..هذي خالتي ام سلمان
ابتسم يوم سمع اسمها لها معزه عنده ..وش اخبرها الحين
..الحمد لله تحسنت
..هالمره قلبها كبير مانسى وش كثر حنت علي يوم احتجتها عاملتني كني ولدها
..انا بصراحه معرفتي لها ماهي مره
..وش عندها ؟؟
..اتصلت تبيني اودي ساره لهم لين تعدي هالفتره
..ليش وش فيه ؟؟
ضحك ..مافيها الاالعافيه بس لانها حامل وهي ماتبي
..لاه مبروك >وقف الكلام احرج ولاسئله حسها خصوصيه واستغرب السبب الي يخليها ماتبي الحمل اشغلته
..الله يبارك فيك
من طاري نوف اضطرب حسها لوهله قريبه من تعوذمن الشيطان وقام بعد ماودع نواف هرب لشغله من التفكير وتقليب هواجس كثيره داخله ممكن تزيد تعلقه فيها
.................................................. ..
البـــــــــــــــ التاسع عشر ــــــــــــــارت
تكفــــين لامن نويتي فتح باب السفر .
صدي لك شـــــــوي عني ثم راعيني
..انتي بس خليها تجي وراح اعلمك وشلون اورطها
..اي تكفين احسها صايره ثقيلة طينه ماعادت مثل اول تنفذ الي نبي منها
..خليها على بشوف لها طريقه تصحا لنفسها وتعرف من تتعامل معه
..وش بتسوين لها ؟؟؟
..مافكرت للحين بس بدور طريقه اتخلص منها واحسم موضوع نوف يعني عصفورين بحجر واحد الفكره مبدئيا ببالي
..وانا استنى هاليوم عقبال ماطير ساره
..بصراحه نواف صعب نتعامل معه وخصوصا انها حامل
..وهذا الي قاهرني ربطته بهالحمل ان شالله يصير لها مثل ماصار لاختها وينزل
..الحمل مايربط اذا رخصت عنده
..وشلون وهو مثل الطفل الي متمسك بلعبته
..............................................
ماحولي أحدٍ يعـرف الحـال ويخصّـه
كل الملامـحغريبـهمابهـا غالـي
أحـسكـن القـراده بّـي مختصّـه
وكل الخلايـق بعينـي دالـه وسالـي
دخل عليها البيت وهي جالسه على التلفزيون ورافعه رجولها على الكنب بملل
قرب لها قبل تنتبه له ..مساء الخير على الحلوين
عدلت نفسها شوي ..مساء النور " ليش تاخرت
..كنت عند نايف
كانت راح تتكلم لكن فضلت تسكت الكلام بنايف منطقه محظوره ..طيب تعشيت
..الحمدلله تعشيت معه
..زين >>ورجعت تناظر للتلفزيون >>كانت تتابع بنظرها وقلبها ماهو معها
نزل جسمه وحط يديه على الكنب ..عند لك مفاجئه
لفت له ببرود ..وش هالمفاجئه
..جهزي اغراضك بعد بكره بوديك للشرقيه
وقفت على حيلها وبعدم تصديق ..صدق والله
هز راسه وابتسم ..صدق
..مشكور مشكور
..العفو حبيبتي >>سكت شوي وهو يتاملها ..تصدقين نسيت شكلك وانتي تضحكين
جلست ونزلت راسها وهي عارفه وش يقصد ...ليش ؟؟
..انتي عارفه ليش تدرين أي واحد يفرح انه بيصير عنده ولد الا انا ماخليتني حتى افرح تدرين امك كلمتني كانت مبسوطه وخايفه انك تسوين فيه شي ونوف وحتى نايف استانس كل الي يحبونا افرحوا لنا واحنا ماقدرنا نكون سعيدين ليش ياساره ليش
تحس رجفه بداخل صدرها من كلامه كان على حق بكل كلمه قالها ..صدقني مدري ليش ماني عارفه خايفه من شي بس مدري
..خلاص لاتتكلمين ابي اشوفك مستانسه
قامت من مكانها وجلست جنبه ..صدقني انا ماكرهك ولاكرهت هالحمل لاني مابي شي يربطنا ببعض اكثر انا في شي داخلي ماني عارفه افسره
بكت ونزلت راسها على يديها ..خلاص كفايه دموع ياساره كل شي بعلم الغيب ولازام مانخلي احسيسنا تحرمنا من حياتنا نعيش اليوم وبكره له رب يتكفل فيه الموضوع الأصلى من هنا: منتديات طرطعة http://forum.6r63h.com/showthread.php?t=102968
ابتسمت لكلامه ..ادري انك زعلان مني ومتحملني وحتى انا احيانا احقد على نفسي لاني مسببه لك كل الالم بســ
حط يده على فمها وسكت وصار يناظر لها ....................
في الشرقيه وفي بيت ابو سلمان مجتمعين على العشا جالس بجنب امه وياخذ من الاكل ويوكلها
..بس ياوليدي شبعت
..بس هاللقمه يمه الدكتور يقول لازام تاكلين علشان العلاج
..الله يخليك لي واشوف عيالك وافرح بهم
..هانت مابقى شي وتولد نوره ويجي الي يكبرنا ويقولك ياجده
..متى على الله اشوفه بعيوني
..الله يطول باعماركم ويخليكم لنا
تكلمت نوف الي كانت تناظر لهم ومستانسه على جمعتهم ..ماتدرون ساره بتجي بكره
استغرب ابو سلمان ..تجي وهي وراها دراسه تترك زوجها وتجي
..ساره تعبانه يابو سلمان وطلبت من نواف يجيبها لين تطيب والدراسه ان شالله لاحقه عليها
..اتمنى بس تجي واخذ حقي الاولي والتالي منها
..اوف ماحسبك حقوده
..ماحقدت الاعليها ماتعرف الاتحطمني وتضحك على الحين جا اليوم الي اضحك عليها
ضحكت عليها ام سلمان وعلى انفعالها ..سويره مرجوجه ماتخلي طبعها اذا مالقت احد تعيبه تدور عيوب بنفسها
..هههههههه والله انها ملح البيت
..افا ياعمي صارت ساره ملح البيت وانا وين رحت
..انتي نور البيت بس يابنيتي مابي امدحك قدام سلمان اخاف يغار مني
..كذا يابوسلمان تغزل بزوجتي وانا جالس
..وش اسوي ياوليدي ماشالله عليها مزيونه
..يبه ترى تزعل امي
..كل شي عاد ولا ام سلمان هذي الاصل
.................................................. ...............
مهما تباعدنا وطالت المسافه
يبقى لك بداخل القلب شوق
اسولف لحالى واقول والله حسافه
كيف طال المدى عن كامل الذوق
حمل قلبى فوق طاقته وزاده كلافه
وحبه يسرى مع الدم بوسط العروق
وهي عادة الايام تمضي على اسعدنا سريعه وعلى اتعسنا بطيئه تدور الساعات لتقضي الايام وتقضي الايام لتنهي الشهور وتنتهي الشهور لتكتمل السنين وابطالنا يصارعون الامها وكل من يحمل بقلبه مايكفيه
نواف وصل ساره لاهلها ورجع علشان دوامه
نوف حياه فاضيه ولكن ملى بعض الفراغ وجود ساره
ناصر حياة عمل فقط
مها وفهد علاقه ولااحلى
نوره وسلمان المده الي تفصلهم عن شوفة ولدهم صارت بسيطه بعد مافكرت تروح للرياض تولد عند اهلها تراجعت وقررت تولد ببيت عمها
نايف مازال انسان يحمل بقلبه ولااحد يدري في ايش يفكر
بعد حوالي عشر ايام
دخلت عليه امه بالغرفه بعد مادقت ولاسمعت رده
نايم على الكنب والتلفزيون شغال الغرفه مكركبه لانه يرفض الشغالات يدخلونها من راحت نوف ماحد دخلها هزت راسها بحسره عليه
هزت كتفه بهون ..ناصر
فتح عيونه بسرعه ..نعم
جلست مقابلته ..ليه ياوليدي نايم على الكنب النومه عليها ماهي مريحه
جلس وبكسل ..كنت اتفرج على التلفزيون وغفت عيني بدون ماحس
..طيب بغيت اكلمك بموضوع يخص شغلك
..عن شغلي !وش تعرفين عن شغلي
..ابوك يقول انك مهمل شغلك وانك تغلط دايم
حك شعره بخجل ..مدري مخي ماهو معي ماني قادر اركز
تكلمت بحده ..مخك وينه انت مانت ناوي تريحني ياناصر راح اظل طول عمري احاتيك
..وش تبيني اسوي اذا كنت ماني مرتاح حياتي صارت بدون معنى
..وانت عاجبتك حالتك >>سكت ومارد كان مستحي من نفسه كانت مشاعرها تقوده ومهما حاول يثنيه تتغلب عليه وتثنيه
..لازام تنهي الموضوع ياناصر
..وشلون يعني
..طلقها البنت ماتبيك خلاص ماينجبر قلب على قلب
>>هذي الكلمه الي تستفزه ومايقدر يصير هادي بس مايسمعها ثار بدون مايحس بنفسه ..طلاق ماطلقها لو تجتمع الناس كلها ماراح اطلقها مستعد اتركها ببيت ابوها سنه سنتين عشر بس تظل على ذمتي
عصبت منه وقهرها تفكيره ..وش الفايده اذا كانت على ذمتك وانت ببلد وهي ببلد
..الفايده انها زوجتي ومتى ماشتقت لها اروح اشوفها والا ماتبوني اشوفها
..ماهو حنا الي مانبيك تشوفها ولاهو حنا الي نبيك تتركها هي الي تبي
..ماهو بكيفها بروح وبشوفها غصبا عنها الموضوع الأصلى من هنا: منتديات طرطعة http://forum.6r63h.com/showthread.php?t=102968
..والله تفكيرك غريب ماتبيك وانت تبيها ومانت قادر حتى ترجعها لبيتها لاتعاند العناد مامنه فايده مصيرها تطول عليك المده وتمل
..خلاص اتركوني لين امل ولين ذاك الوقت انا بتصرف
..بس كذا عمرك وعمرها بتضيع
..انتم اتركوني اسوي الي ابي انا تزوجتها علشانكم بس الحين ماراح اتركها >>تردد قبل يكمل كلامه ..يمه انا ماقدر اعيش بدونها
..حاول تنسها يمكن تقدر
ابتسم بالم ..آآآآه يمه انتي كنتي الوحيده الي تفهمين على وتحسين فيني تتوقعين اني ماحاولت حاولت بس نوف ملكت كل شي فيني وانا ماطمع باكثر من ااني اسمع صوتها هذا يكفيني لين الله يهديها
..تدري حتى انا اشتقت لها
..اجل لاتلوميني يمه
..انا مالومك يمه بس ابيك تهتم بنفسك انا الحين بروح اكلمها واسئل عن ام سلمان
قام ومسك يدها ..كلميها هنا وحطي السبيكر
ابتسمت له ..خلاص >> طلعت جوالها واتصلت وشغلت السماعه الخارجيه وهو يستنى على جمر انها تفتح الخط ردت بعد دقتين وبصوتها الناعم ..هلا
..هلا بك وشلونك يابنيتي
..الحمدلله بخير انتي شلونك وشلون عمي وو نــاصر >>سؤالها مثل قطرة المطر النديه نزلت على روحه العطشانه ناظر لامه وابتسم بشوق
..الحمدلله طيبين ماناقصنا الاوجودك
..تسلمين ياخاله
..انا والله زعلانه عليك يانوف
..زعلانه على ليش ؟؟
..اجل امك تطيب واعرف من الناس كنت اظن اني اول من يدري
..اسمحي لي ياخاله بس والله انشغلت بالنقل واجراءت الجامعه ونسيت
..ماعليه مسموحه وشلون ساره سمعت انها عندكم
..طيبه الحمدلله دريتي انها حامل
..الف مبروك وعقبالك ان شالله >>الي قالته مع انها متعمدته ماجرحت نوف بس جرحت حتى ناصر الي كان يسمع بشوق لانه تذكر الي صار لها وبعد ما كان رافع راسه ويستمع بحرص نزله يوم حس انها ماعرفت ترد كملت ام ناصر ..اشوفك سكتي!!
اهتز صوتها وكلهم لاحظو ..وش تبين اقول؟؟؟
بتوبيخ وبحزم ..قولي ان شالله
بكت وبعد شهقه ..ان شالله >>سمع نبرة صوتها ماقدر يجلس كانت رغم تشويش الجوال نبرتها واضحه انها تعاني وانها مجروحه
قام من الغرفه ونزل وتركها ماقدر يسمع اكثر عمرها مابكت قدامي مع اني دايم احسها تبكي من وراي
بعد حوال اسبوعين
وعند نهاية يوم هادي وعادي لااحداث تذكر مرت خلال ساعاته
وبغرفة نوف
..انا بعرف وش قصتك انتي كارهه زوجك ؟؟
..لا انا ماكرهه بس والله مدري يانوف انا للحين احس اني اعزه معزة اخ
.هههههههههه والله ضحكتيني اخ وانتي حامل منه
ضربتها على كتفها ..لاتستهزئين فيني والله الي اقوله صدق
وقفت عن الضحك ومسحت موعها ..انتي مانتي مقتنعه فيه
..هو بصراحه مافيه شي يعبه ويحبني ويداريني بس انـــ <<<وقف كلامها خبط الباب قامو بسرعه يركضون وراء بعضهم ويتدافعون بسبب صغر حجم الغرفه كان سلمان واقف وراه تكلمت نوف بروعه ..سلمان !!وش عندك
..نوره تعبانه مدري وش فيها
..يمكن بتولد
..والله مدري تعالو شوفوها مدري وش اسوي لها
..وشلون وش تسوي ودها للمستشفى
..طيب تعالوا معي
التفت لساره وراها كانت حاطه يدها على فمها والخوف باين عليها وتراقبهم سحبتها نوف بيدها ..امشي ياساره نشوفها
نفضت يدها منها بسرعه وصرخت ..لا لا انتي روحي انا مابي اروح
..خلاص يانوف امشي ساعديني نوصلها للسياره
..ماراح نقول لامي وابوي؟؟؟
..خليهم نايمين ماراح يسوون شي
مشت معه وساره واقفه وتنتفض خايفه على نوره وتخاف اكثر انها راح تكون مكانها بيوم من الايام
اخذوا نوره بسرعه وطلعوا للمستشفى
مرت الساعات ونوره تنتظر فرج ربها وسلمان ونوف بالمستشفى يعدون الدقايق وساره بالبيت تستناهم يبشرونها
طال انتظارها ماحبت تقوم امها وابوها
طلع الصبح وهي بالغرفه لين اشرقت الشمس وتوقعت انه قام حبت تكلمه يمكن يريحها اتصلت عليه كان بالسياره طالع للدوام
سمع جواله توقع انه نايف لانه دايم يصحيه لدوامه شاف اسمها على الشاشه ..هلا والله حبيبتي
..صباح الخير
..صباح الفل غريبه متصله بدري بالعاده اتصالاتك تكون بالليل وش عندك قايمه بدري
..انا من نمت بالاساس
..افا ليش حبيبتي وش الي مسهرك
..قلقانه
..وش مقلقلك
..نوره اخذها سلمان للمستشفى من البارح ولاادري عنها
..ليش وش فيها
..الظاهر انها ودلاه
ضحك عليها ماهي على شكلها خوافه ..هههههههه علشان كذا خايفه الله يسهل عليها ادعي لها
..يارب والله خايفه عليها
..لاتخافين ان شالله تقوم بالسلامه
..سمعت ان الولاده صعبه
..ساره حبيبتي لاتفكرين لو كل وحده تولد تموت مابقى مابقى حريم
انتبهت ان جوالها عليه مكالمه ثانيه ..خلاص نواف جاني خط ثاني يمكن سلمان
..اوكي طمنيني
..ان شالله يالله مع السلامه
..مع السلامه
شافت المكالمه فعلا كانت من سلمان
..ايوه سلمان طمني
..ابشرك الحمدلله ولدت
..قل والله طيب وش جابت
..والله جابت بنت
..الف مبروك
..الله يبارك فيك
خطرت على بالها نوره ..وشلون نوره؟؟
..ماشفتها بس الدكتور يقول انها طيبه
..الحمد لك يارب
..انتي بلغي امي وابوي
..خلاص
خلصت المكالمه وراحت لغرفة امها لقت ابوها ناوي يطلع وامها جالسه على سريرها
..ابي منك بشاره يابو سلمان
..بشاره !!ابشري بس وش عندك
..وانتي يمه
..ابشري بس قولي اكيد نوره ولدت
..والله خطيره يمه وشلون عرفتي
..عارفه والله مبين عليها من امس المهم قولي وش جابت ؟؟؟؟
..........................................
استئذن من شغله بدري وطلع للبيت لان امه لها موعد وهوطالع كان يكلم مها
..انت وينك الحين
..انا توني مستئذن وراجع للبيت
..ليش راجع بدري ترى مايعجبني الرجال الي يهمل شغله
..ولايهمك ماقدر اتهاون فيه وراي ام فهد ماترتاح لين تطلعني وتسكر الباب وراي
..هههههه الله يخليها لك
..مشكوره حبيبتي وانتي بالجامعه ؟
..اي بعد شوي عندي محاضره وبعدها بادق على بدر ياخذني
..اخ بس لواني قريب منك كان مااخلي احد يجي ياخذك غيري
..اي علشان ابوي يعلمك السنع
..ليش ابوك يعارض
..ابوي شديد بــ هالاشياء
..وانا اقول نواف طالع على من
..ههههههه أي نواف مااخذ من ابوي الاهالصفه
..عاد عمي ماشالله عليه كله مزايا واهم ميزه انك بنتك
احمرت خدودوها ..تاخرت عن محاضرتي
..ما انتبهتي انك متاخره الاالحين
سكر جواله وقبل يدخل جواله سمع نغمة رساله رفعها وقراها كانت من سلمان وصله خبر ودلاة اخته فرحته كانت اكبر من التعبير عنها ركض لامه وبلغها اختلطت فرحتها بالدموع وخصوصا انها كانت تتمنى انها تكون عندها بهالظروف
........................................
لابان برهان الغلا من يساويك
نجمك طلع ونجوم غيرك تهاوت
لوشفت احد مثلي يعزك ويغليك
اصرخ وقل ان الاصابع تساوت
كانت بين النوم واليقظه طلعت من غرفة الولاده بعد مده من مصارعت الالام
حست به واقف جنبها ويمسح العرق من على جبينها شافته فتحت عيونها
..الحمدلله على سلامتك
..الله يسلمك
جلس على الكرسي ..وشلونك الحين
..الحمدلله طيبه
التفت على يمين السرير وعلى يساره ماشافت شي
..سلمان وين البنت
ضحك لها ..في الحضانه
..هي فيها شي ؟؟
..مافيها الاالعافيه بس علشان ترتاحين
..انت شفتها
..شفتها
..حلوه ؟؟
..اكيد حلوه مادامك امها بس صغيروووونه
برجا ولهفه ..تكفى سلمان قل لهم يجيبونها ودي اشوفها
مسك يدها وبيدها الثانيه مسح شعرها ..حبيبتي نوره انتي تعبانه اكيد بتزعجك
..بس بشوفها وبعدين خل ياخذونها
..شكلها بتصير اغلى مني ترى عاد اغار
بللت شفتها اليابسه ..هي غاليه لانها بنتك
وقبل يرد رفع جوالها الي كان يدق ضحك لها ..هذا فهد الحين بيغثنا
بحماس وصوت عالي..السلام عليكم
..وعليكم السلام
..مبروك وعقبالي
..الله يبارك فيك
..حلوه بنت اختي اكيد حلوه طالعه على خالها
..اقول لاتصير واثق اصلا لوانها طالعه عليك كنت على طول متبري منها
..طيب صورها وارسل صورتها
..لاوالله تبيني انشر صورت بنتي لاحبيبي هذي فيها قبايل
..والله ماخذ ببنتك مقلب بس عطني نوره باكلمها امي واقفه عندي ازعجتني تبي تتطمن عليها
..باعطيك اياها علشان خالتي
حط الجوال عند اذنها ..هلا فهد
..هلا حبيبتي وشلونك
..الحمدلله بخير
...الحمد لله على سلامتك ومبروك البنوته
..الله يسلمك ويبارك فيك والفال لك
..ايه صيري احسن من الخبل زوجك مايعرف يجامل
..لاعاد سلمان مارضى عليه
..افا حتى انتي زين خوذي امي بتكلمك الموضوع الأصلى من هنا: منتديات طرطعة http://forum.6r63h.com/showthread.php?t=102968
من سمعت سيرة امها غرقت عيونها ..هلا يمه
..وشلونك يمه ان شالله زينه وشلون بنتك
..الحمدلله زينه بس تكفين يمه تعالي
..ليه يايمه لاتكونين تعبانه
..لا مافيني شي بس ابيك قريبه مني تعالي يمه انا محتاجتك
..سلمان عندك
..اي يمه عندي
..طيب عطيني اياه بكلمه
اشرت له ورفع الجوال عند اذنه ..امريني ياخاله
..مايامرعليك عدو بس تكفى طمني عليها صوتها ماعجبني
..تطمني ياخاله الحمدلله صحتها زينه بس تتدلع عليك
..ان شالله بحاول اجي بس لاتقول لها اخاف ماقدر على الجيه وينكسر قلبها
..على خير لاتحاتين
..تراها وداعتك لواني ادري انكم ماراح تقصرون
..لاتوصين بنحطها بعيونا
..تسلم ياوليدي
قفل الجوال ..ليش تخوفينها وانت الحمدلله زينه
..ودي اشوفها مشتاقه لها ولفهد
..ان شالله بس تشدين حيلك بوديك لهم
..وين نوف من طلعت من غرفة الودلاه ماشفتها
..نوف طلعت مع السواق تعبت لانها مانامت تقول بتمرك العصر
.. وانت روح ارتاح من البارح واقف على حيلك
..خليني جالس معك لين تجي وحده من البنات
..لا سلمان انا ماعلي علشان خاطري روح للبيت وتعال معهم العصر
..مسكتيني من اليد الي توجعني خلاص بروح واذا احتجتي شي اتصلي على اوعلى نوف اوساره
..ان شالله
طلع من عندها وراح للحضانه وصور بنته وارسلها لفهد وبعدها طلع من المستشفى للبيت
.................................................. ........
بعد يومين مرت على بيت ابوسلمان كانو مجتمعين ينتظرون نوره الي راح تطلع من المستشفى
دخلت عليهم بالمجلس الصغير الي جنب الصاله كانت شايله بنتها
تسابقت ونوف وساره وكل وحده تتمنى تشيلها اول لكن نوف كانت اسرع بسبب خف جسمها واخذتها وقعدت تحبها
سلمت نوره عليهم وام سلمان عينها على البنت ..عطينها يانوف
شالها سلمان وجلس جنب امه وحطها بحضنها كانت صغيره وبيضا تاملتها ام سلمان ورفعت يدها الصغيره وحطتها على شفايفها
..وش رايك ببنتي يمه
..الله يخليها لك ويخليك لها يايمه
حب راسها ..ويخليك على روسنا>> نزل راسه وحط يده على راسها ..تشبهني صح ؟؟
هزت راسها بمعنى التأييد ولمعت دمعه بعيونها انتبه سلمان تكلمت وعيونها مازالت على الطفله الصغيره اللي بيدها ..بس تشبه عمها اكثر !!
كانت فعلا تشببه وهذا الي اثر بام سلمان كلهم عجزوا عن الكلام او الرد عليها تدراكت ساره الموضوع وراحت عند امها ..عطيني اياها يمه بشوفها
رفعتها لها بحذر ..سمي عليها
سمت وحطتها بحضنها طلع سلمان وابوه ومابقى الانوره والبنات كانت حاطتها بين يديها وترفعها بشويش خافت نوره عليها ..شوي شوي عليها لاتطيح
..وش يخلصك من سلمان هو لولا الحيا مايخليك تشيلينها
..كني بشاوره "" اقول نوره
..قولي ولاتكثرين
..صحيح الولاده تخوف
..ليش انتي خايفه
..اكيد دايما اسمع ان الولاده صعبه
..لاصعبه ولاشي مافي اسهل منها
..اجل ليش كنتي تبكين وترتجفين
...هههههههه تتدلع انتي ليش تسئلين اذا ولدتي بتجربين وتقولين لها
ظلو جالسين ويسولفون دخول هالطفله بحياتهم عطاها طعم ولون كانت حياه نظيمه مافيها جديد الا الجروح
بعد كم يوم قدر فهد يفضي نفسه ويروح يزور اخته طبعا امه كانت معه كانت زياره قصيره لكن فرحتها نوره سمت بنتها <ميلاف >
ساره تحسنت نفسيتها لوانها تحس بغصه قعدت حوالي شهر ورجعت للرياض
نوف تحاول تنسى وتطوي صفحة ناصر
ناصر يحس بالضياع والوحده
نايف لاجــــــــــــــــــديـــــــــــــد
هدى تانيب الضمير يرافقها بسبب الي سوته بنوف
عبدالله حط فكرة الزواج براسه لكن قررينتظر حتى تنتهي المهله الي عطته امه
مر شهر شهرين ثلاث والحياه مستمره لاتقف عند الحزن او الفرح وان طالت وان قصرت هي لامحاله ماضيه
...........................................
عازمتهم ببيتها لان امها رافضه كثر طلعاتها طلعت من عندها
قامت بعد مادخلتهن بمجلس جانبي في بيتها تجيب القهوه
تركت جوالها عل طاوله صغيره بجنب لطيفه انتبهت له نوال
..الي بجنبك هذا جوالها
..اي ليش
..عطيني اياه بسرعه
..وش تبين فيه ؟؟
صكت اسنانها بغضب عليها ..هاتيه قبل تجي
اخذت الجوال من يد لطيفه وبسرعه فتحت الرسايل واكتبت رساله وهي عارفه ان رقم ناصر موجود بجوالها وارسلتها لناصر ومسحتها منه حركه شبيه بحركة هدى الي كانت سبب الخلاف بين نوف وناصر لكن الاختلاف ان الرساله الاولى كانت مقتصده لتدمير نوف لكن هذي هدفها نوف وهدى مع بعض رجعت الجوال لمكانه وابتسمت بمكر قهوتهم وهي ماتدري انهم ناويين يقهوونها السم
.................................................
ان تذكرتك تحير الكلمه بأطراف لساني
وان سهيتك اشتياقي تعبث بصدرييدينه
كان بمكتبه الي ببيته لاهي بوارقه كان يحاول يعدل بعض اغلاطه على الاقل يريح امه وابوه من بعض التفكير سمع نغمة جواله فتح الرساله وقراها
<انت قاعد هنا وزوجتك تنتظر الطلاق على احر من الجمر لان حبيبها مستعجل لاتصير عذول وتحرمهم من بعض>
تعتقد انه اذا قراها راح يطلق نوف وتتدمر هدى اذا عرفوا اخوانها
قرا الرساله وعرف الهدف منها لكن استفزته واضطرب منها قام يركض وقف بالصاله ونادى امه الي كانت بالمطبخ ...يمــه يمـــه
طلعت من المطبخ عرفت من نظرته ان وراه شي ..نعم يمه
مد لها الجوال ..هذي ماهي ناويه تتركني بحالي
بعد ماقرت الرساله ..يمكن ماهي هدى الي ارسلتها
ابتسم بسخريه ..يمه الله يهداك الرساله من جوالها هذا رقمها
..والله مدري وش اقول
.. قولي لها كلامها مايهمني بس تحتفظ بكرامتها احسن لها
مشى ناوي يطلع من الباب ..وين بتروح
لف لها ومسك يد الباب ..بروح احسم الموضوع لاتستنيني الليله سلام
طلع ولاسمع استفهامها ركب سيارة
بعد حوالي ساعه كان خارج الرياض
البــــــــــــــــ العشرين ــــــــــــارت
أحب كل الناس الا اني احيااااان
ودي اهاجر من عيون الخليقه
مــــاودي ألمح جنبي أياة إنسان
يمكن الاقي للسعاده طريقه
أصك بااااب وتنفتح عشر بيبان
وازرع عطا وتموت فيني حديقه
.............................................
طلعوا من بيت هدى وقبل ليتفرقون بالسيارات
وبابتسامة مكر وانتصار ..وش رايك فيني ؟؟
..انتي عارفه رايي فيك ماحد يبرد قلبي غيرك
..بس مافيه شي من غير مقابل
..مانسيت صدقيني بس انتي بديتي بالطبخه وانا بزيدها بهارات
..وشلون ؟؟؟سمعت صوت هرن سيارة اخوها ..خلاص بينا اتصال
..وهم يبتعدون عن بعض ..اوكي
تفرقوا ولطيفه تنوي نيه بس ترجع لبيتها
.............................................
قلقانه عليه وخايف يتهور ويسوي شي ماهو بمصلحته طلع ولارد عليها وقافل جواله
حاولت تتصل نفس الشي رمت الجوال مع دخلت ابو ناصر وقفت له ..السلام عليكم
..عليكم السلام جيت وجابك الله
..خير بعد وش عندك
..ناصر طلع من البيت معصب وانا خايفه عليه
..من الي مزعله ؟؟
انحرجت من الي راح تقوله بس مضطره ..جته رساله على جواله عن زوجته وانها تستنى الطلاق علشان تتزوج
..وطبعا الرساله من بنت اختك
..ايــ ياخوف قلبي يتهور ويتصرف غلط
..الكلام هذا يستفز أي واحد حتى لوكان مايحبها هذي ماراح تبطل حركاتها وتتركه يرتاح بحياته
..خلنا من هالكلام الحين تصرف شوف لك دبره
..تبيني اروح ابلغ اقول من شاف ولد صغير عمره حول الثلاثين
..ياربي احر ماعندي ابرد ماعندك
جلس على الكنب ونزل الشنطه الي كانت بيده على الطاوله وحاول يهديها ..لاتحاتين ناصر رجال ويعرف يدبر نفسه اصبري شوي تلقينه راجع ولا اتصلي عليه
..يعني انا بستناك لين تقول جواله قافله
..خلاص تعوذي من الشيطان وروحي نامي ومايصير الالخير ان شالله
..ان شالله يارب ساعده وريح باله
تنهد حاس بالنار الي داخلها لكن مايقدر الاانه يتركه يدير حياته بكيفه ..يارب
كانت دعوات صادقه وطالعه من قلوبهم
...................................
فتحت باب بيتها ووقبل لاتنزل عبايتها اتصلت على ساره
الي كانت مستلقيه على سريرها وسارحه بدنيا ثانيه كانت حاطه يدها على بطنها الصغيره
سمعت صوت تلفون البيت انتبهت له وقامت بهون رفعت السماعه
..الو
..مساء الخير
لوت فمها علامه لعدم رغبتها فيها ..مساء النور
..وش اخبارك وشلون نواف
..الحمد لله عايشين امري أي خدمه
..ول كل هذا ماتبين تسمعين صوتي
..لا عادي بس ماعودتيني تتصلين علينا
..والله انا ماتصلت الا لاني ادور مصلحتكم
باسلوب استهزاء واستفزاز ..ايــــــــــ ووش المصلحه الي خلتك تتنازلين وتتصلين
..ماراح ازعل منك انتي مهما كنتي بنت عمي
..لطيفه رجاء ماله داعي نضحك على بعض اختصري وقولي الي عندك
..الي عندي يخص نوف وزوجها
استغربت وش عرفها بزوج نوف ..وانتي وش عرفك بزوج نوف انتي نوف يالله تعرفينها
..ماله داعي هالتلميحات بس مثل ماتبين راح اختصر زوج نوف خطب بنت خالته وقريب بيتزوجها وانا قلت ابلغها تنتبه لنفسها
اغتلت من قلبها بس مابغت تبين لها واصطنعت عدم الاهتمتام ..يعني انتي متصله تبشريني الله يهني سعيد بسعيده نوف هي الي ماتبيه طالبه الطلاق
تنفرزت من برودها ..اقول بيتزوج تقولين عادي عالعموم انا علشان خاطر القرابه والدم الي بينا حبيت اسوي باصلي وابلغك وانتم احرار
ماعاد تطيق تسمع صوتها ..جزاك الله خير بلغتينا في شي ثاني
ضحكت بينها وبين نفسها لانها بدت تبين انفعالاتها من الخبر ومثلت انها مغلوبه على امرها ..الله يسامحك انا تهمني نوف خصوصا عن قريب بتصير خالة ولدنا
عفست وجهها بقرف ..زين زين تسلمين على هالخبر الحلو يالله مع السلامه >>وسكرت ولطيفه من الجهه الثانيه تضحك عليها وتتشفى فيها
نزلت السماعه وهي تفصخ عبايتها وترمي نفسها على الكنب ..نوف خلصنا منها باقي هالعله سويره وراها وراها وانا لطيفه
.............................................
على اثر ماصابني من نوبة احبـاط وضجـر
كني بقول الله وأكبـر مابقـى شـي اخسـره
كانت طموحاتي تعديبي علـى سطـح القمـر
واليوم ماعادات تجاوز بي حـواف المسطـره
مسك الخط وقطع جفاف الرياض الي رطوبة الشرقيه كان يحس بشجن وشوق وغبن دخل المدينه وهو مايدري وين البيت بالظبط والوقت متاخر قرر ينام بواحد من الفنادق القريبه للصباح و يتصل على سلمان وياخذ وصف البيت حجز بقندق غرفه وهو ينتظر الصباح على احر من الجمر
.........................
ياكم من حبك معك كنت هايم..
وأدعيك باشواقي واعمر لك أحلام .
ولا لقاك. وانكسر منك ألم..
وارجي واعيد افراح عمري بالاحلام
انصدمت من الخبر معقوله ناصر يتزوج نقلت لها الخبر ساره لانها ماقدرت تسكت كل ماتذكرت ان ناصر راح يطلق نوف ويتزوج
ببكى ..انتي من قالك ؟؟
..قالت لي لطيفه مسويه راعية واجب ومتصله تعلمني
بنبره فيها امل ..يمكن تكذب الكذب ماهو جديد عليها
..يمكن بس وش عرفها عن ناصر وبنت خالته
كانت تكلم نفسها انتي الي اجبرتيه هو حاول بس انا الي رفضت ويرجع الجرح ينزف بس يقول انه يحبني ولوكان يحبني كان تحملني على القل حذرني ..وين رحتي
انتبهت لها ..معك معك
..لاوالله مانتي معي وش بتسوين
..وش بسوي يعني؟؟ بقوله لاتتزوج انا برجع لك !!خلاص رفعت الاقلام وجفت الصحف
..لاتصيرين انهزاميه حاولي يمكن تقدرين توقفين هالزواج
..انا الي رفضت ارجع له تبين الحين يوم نوى يرجع لها ارجع لها كبيره على هالحركه ياساره
..والله قهر تتركينه يروح من يدك وانتي تتفرجين
زجرتها بصوت عالي ..خلاص ياساره اتركيني بهمي بكيفه يطلقني والله يسهل عليه
..الي يسمع كلامك مايقول انك تحبينه
صرخت مره ثانيه ..ماحبه ماحبه الي يبيعني ماشتريه
تكلمت على امل انها توعيها ..الا تحبينه لاتتغالطين نفسك
..خلاص بنساه انا الي اخترت وانا اتحمل المسؤليه
..انتي حره يالله سلام
انتهت المكالمه بينهم ساره ماهان عليها لانها عارفه نوف راح تاكل نفسها بنفسها ونوف تحاول تهدي نفسها وصلتها الكذبه قبل لايوصل نايف مع انه انطلق قبلها لكن كانت اسرع منه وكانت شوكه اغزست بقلبها الي ماعاد قادر انه يتحمل
........................................
والله ياخاله ماارسلت شي صدقيني
..انا قلت هالكلام لناصر وراح اقولك رده قالي الرساله من جوالها من الي راح يرسلها غيرها
..بس انا مارسلت شي ولدك صار ذكرى قاسيه انا عارفه انه ماراح يبيع نوف باي ثمن وتاكدي كرامتي تهمني
..لو تمهك ماسويتي الي سويتيه
..انتي ليش ماتبين تصدقين والله مارسلت شي
..هدى انا قريت الرساله وماظن بغلط برقمك
..لاحول ولاقوة الابالله
..اسمعي هذا اخر تحذير المره الي راحت كلمت امك وهالمره كلمتك وان صار لناصر شي والله والله لاكلمك ابوك واخوانك
وسكرت منها كانت ردت فعل متوقعه من ام ناصر فكرت كثير تكلم ابوها لكن ترتجعت بنت اخت وماتبي تفضحها بس بعد ناصر ولدها
اما هدى بعد تفكير طويل تاكدت ان نوال ولطيفه لهم دخل بالموضوع قامت تعيد حساباتها ...سبحان الله الجزاء من جنس العمل بنفس اسلوبها تعاقبت لكن عاقبها كان ابسط بكثير من الي سببته لنوف
والليل طال وطـاول الويـل مشتـاق
مثل الجمر تمضـي عليـه الدقايـق
ليل ووداع ودمـع وآهـات وعنـاق
واحلام ماتت فـي انتحـار الوثايـق
مادري هو الغالي نوى الهجر بفراق
والا وقـف بينـي وبينـه عـوايـق
مرت اليله بطيئه عليه كان ينتظر الصبح على احر من الجمر مايدري كيف يبدا ووين راح ينتهى هل يتغلب على عنادها ويفوز فيها او تتغلب عليه وتسحب قلبه وتخليه جسد بدون قلب
وقف على البحر بعد شروق الشمس مشى مده ماحس وش كثرها بس حس بحرارة الشمس كانت الساعه
حوالي 9ونص صباحا قررريتصل على سلمان ياخذ وصف البيت
اتصل وبعد ماسلم عليه
..سلمان لوسمحت ابي وصف بيتكم
..انت ناوي تزورنا
..انا من البارح هنا وحبيت اكلم نوف
..اها خلاص بعطيك الوصف وانت راعي بيت مانت غريب
..انت وينك ؟؟؟
انا بالشغل واظن الوالد ماهو موجود
..اسمح لي بس ودي اشوف نوف
..وش تقول يارجال البيت بيتك ومن حقك تشوف زوجتك
..يسلم البيت واهله
..الله يسلمك >>وعطاه مكان البيت ورجع للفندق بدل ملابسه وطلع ناوي يبدا الي جا علشانه
...........................................
في شركته الصغيره جالس عنده فهد وخالد
..نواف من تزوج صرت ماعاد اشوفه
..تستاهل كل(ن) لاهي بحياته بس انت تدور الي يونسك
..وش عندك حاقد على
..امرك ثور مانت حاس بعمرك الي يضيع
..هههههههه لاتكلم على نسيبي ترى ازعل
..ناظر بقهر من بروده ..بالله عليك بدال ماتكلمه دافن نفسه بالشغل ولاهو داري
..قل انك منقهر من نجاحي
..اقول مالت عليك وعلى نجاحك الي ما جاب لك الا العذاب
..والله من صدق حاقد عليه
..ياخي والله رافع ضغطي بارد يقهر
..لاحول ولاقوة الابالله وانت كل ماشفتني شغلت هالشريط الممل
..لاعاد صدق يانايف خالد على حق انت مانت صغير
..خذ جاك الثاني انتم مو تزوجتوا خلاص انا بكيفي ولو سمحتوا كل واحد يتوكل على شغله انا واحد ماني فاضي عندي شغل
................................................
وش عاد لو نحياااا بلا قلب وعروق
ياما بشر ماتوا وهم باقي أحياء
لازلت بـ العليـــا لو الصدر مخنوق
متساميه لو كان بالنفس إعياء
كانت البنت الصغيره تبكي بكا عالي وهي عندها بنفس المكان وكانها ما تسمعها تفكر بقرار ناصر الجديد هل يقدر ينساني يمكن كانت فتره حبني ورجع حن للحب الاول طلعت ام سلمان من غرفتها وهي تدفع عربتها ووقفت استغربت من المنظر البنت الصغيره تصيح وهي ولاهي بالدنيا
..نوف !!!!!
تلفت حولها بسرعه وشافت امها واقفه ..نعم يمه
..وين رحتي بنت اخوك تبكي وانت تتفرجين عليها
قامت وشالتها وصارت تهزها بهدوء بدون كلام ..وين نوره ؟؟
..هاه أي راحت تجيب لها الرضاعه
..وانتي وش فيك
..انا!!مافيني شي
..اي واضح
دخلت عليهم نوره وهي تشيل بنتها ونوف ودها تغير الموضوع ..وينك البنت ذبحها الجوع
..كنت اكلم سلمان >>وجلست ترضع بنتها
..امممممم نوف
التفتو لها متاكدين ان عندها شي مهم ..خير
..ااسلمان يقول ان ناصر جاي بعد شوي ولازام تطلعين له
ماردت عليها وقعدت تكرر كلامها ببالها وجلست ..ناصر!! وان شالله يبيني استقبله
هالمره تكلمت امها ..اكيد بتطلعين له
..اسمحي لي يمه ماراح اطلع
..لابتطلعين
..لايمه مابي اشوفه
..ولمتى ان شالله روحي يالله تجهزي علشان ماتعطلينه الرجال متعني وجاي من سفر
..ان شالله جاي من اخر الدنيا مابي اشوف وجهه
..وليش ان شالله
..خلاص ماعاد بيني وبنينه شي ناصر قرريتزوج
وسعت عيونها ..من قالك
فتحت فمها ناويه تقول شي لكن نغزها قلبها يوم سمعت جرس الباب اكيد هو ماحد راح يجي هالوقت الاهو
بسرعه ام ناصر ارسلت الشغاله تفتح الباب وتدخله بالمجلس سوت مثل ماقالت لها ورجعت ..مدام في رجال يبغى مدام نوف
..خلاص روحي سوي قهوه ووديها للمجلس
راحت من عندهم والتفت لها امها وهي تهز رجلها ..يالله يانوف روحي له
..يمه
..قلت لك روحي له ماراح تخسرين شي >> بغت تجيها باللين ..علشان خاطري يمه
رق قلبها لرجا امها وقامت ..علشانك يمه بروح له بس ماراح ارجع معه
..انتي الحين روحي وشوفي وش عنده
طلعت من عندهم وعلىطول توجهت امها لتلفون البيت وطلبت من نوره تتصل على عمها
.........................................
ساره جالسه بالمطبخ تفطر لحالها دخل عليها نواف شوي شوي يوم حس انها ساهيه
قرب لها ..سأأأأره
فزت من صوته ..بسم الله الرحمن الرحيم يمه خوفتني
..هههههههههه وش قاعده تسوين
..شوفت عينك قاعده افطر
.اناماشوفك تفطرين اشوفك سرحانه
..اف قهر
..وش الي قاهرك
..ناصر زوج نوف بيتزوج
..يتزوج ونوف
.. طالبه الطلاق
..وانتي من قالك
..اختك المحترمه
..ومها وش دراها
..ماهي مها لطيفه
..لطيفه ؟؟؟؟؟؟؟؟؟؟..وين شفتيها
..ماشفتها هي اتصلت البارح وقالت لي وانا قلت لنوف
..وليش قلتي لها يمكن ماهو صحيح الخبر
..يعني لطيفه ممكن تكذب
تلخبط حس انه زل بكلامه ..لا بس يمكن الي نقل لها الخبر يكذب
..مدري المهم عندي نوف
..اذا هي ماتبيه خلاص بكيفه
تاففت وسكت ونواف طلع من عنها وهو يفكر باخته
.................................................. ...........
لاتسألوني عن سبايب سكاتـي
ولا تتعبون النفس بالقيل والقال..
:
وبين الدروس وبين هـم يباتـي
وعزلة مشاعر همها يسبي الحال ..
عجزت اميز سيتـي وحسناتـي
تساوت ذنوبي مع حسن الأفعال..
.
مشت بخوف للمجلس مثل كل مره تخشى من قلبها يضعف اوعينها تهزمها بدمعه بس هالمره كان شعور مختلط خوف وقهر والم وشوق ناويه تقطع حبل الموده الي بقلبه
وهو يجلس بنهاية المجلس ينتظرها تجي دخلت عليه ماتحرك من مكانه يحاول يضبط نفسه ويناقض الي داخله اشتاق لها لنقاءها وللنظرة الزعل الي يعرفها زين وهي جامده بدون حركه تطالعه بنظره مالها معنى ..ماراح تسلمين
غمضت تغميضه طويله ولاردت ..اكلمك انا
زمت شفايفها وبصوت تقطعه بحه بسيطه.. وانا اسمعك ..
ليش ماتردين ؟؟
حركت فمها وهزت كتفها قام بهون وتكتف وقابلها ونزل راسه لها رفع ذقنها ..ارفعي راسك >>نظره سريعه ولفت للجهه الثانيه
..ابيك اليوم ترجعين معي
..ماني راجعه
..بترجعين
رفعت راسها ولفت عنه ..انت وش تبي مني
..سؤال وجيه وش ابي زوجتي وباخذك
ابتسمت باستهتار ..هه يمكن تبيني احضر عرسك
ضيق عيونه ..عرسي !!وهويأشر على نفسه.. انا ؟؟
..اجل انا
..نوف تكلمي زين من قالك
مطت شفتها..مومهم من قالي المهم اني عرفت
..وانتي صدقتي
..مو انت طول عمرك تحبها وتزوجتني علشان تنساها خلاص الحين خلالك الجو ماعاد فيه سبب يخليك تبعد عنها
رفع يديه ومسك اكتافها ..لا تتكلمين معي كذا تعدلي يانوف احسن لك انا جيت بالطيب مانفع معك والظاهر باستعمل معك اسلوب ثاني
غمضت عيونها وصكت اسنانها ..طــــــــــــلقني ................
هز كتفها بقوه ..انتي ماتفهمين طلاق ماطلقك
صرخت بصوت عالي وترتجف ثارت مثل البركان الهادي ...طلقني وش تبي مني انا اكرهك اكرهك
هزها بقوه اكثر حتى انفلت شعرها من الكلبس الي كانت جامعته فيه ..اصحي يانوف اصحي ماراح ارجع الاانتي معي طيب غصب يترجعين معي
نفضت نفسها وحررتها من مسكته ..ماتقدر تجبرني
..قلت لك من اول اقدر انا خليتك تفكرين وتراجعين نفسك وترجعين بخاطرك >> بنبرته تاكيد وثقه ..لكن انتي الي اجبرتيني
ماعندها رد تقوله تتمنى يعتذر يترجاها تتمنى ترضي غرورها يمكن تحاول تستفزه تبي تسمع كلام يبري جرحها لكن ناصر هالمره التعب والضباب الي يشوفه قدام عيونه ضلل على قلبه واعماه عن الطريق الصحيح تركتها ورجعت لداخل البيت تركض للاسف مالقت عندها دوا لجروحها الالكي
خذله اسلوبه بسبب الي سمع ماكان يحب انها تكون سالفه لاعدائها ومايحب بعدها وكلامه زاد الطين بله وهي االاسف ماقدرت
دخلت عند امها تنتفض توقعت كل شي الانها ترجع بهالحاله
قربت لها ..وش صاربينكم <<للحظه تخيلت انه طلقها
بعد عدت شهقات ..يبيني ارجع معه
..بس هذي ماهي حالة وحده زوجها يبي يرجعها
..يمه الله يخليك انا ماحبه عافته نفسي ماعاد اطيقه
..انتي سالتيه عن زواجه
..سئلته مارد على رد واضح
..يعني كذبه
..مدري مايهمني قولوله مابيه
مسكت عجلات كرسيها واستدارت ودخلت غرفتها
...................................
..انتي بتذبحيني قلتلك انسيه
..ياناس والله الرساله ماهو انا الي ارسلتها
..لاتكذبين انتي من خويتي نوال وانتي تتصرفين تصرفات غريبه
..والله عاد تبون تصدقون صدقوا ماتبون انتم احرار
اشرت لها باصبعها ..اسمعي انا اول كنت باخذ رايك اذا انخطبتي لكن هالمره اول واحد يدق الباب بزوجه
..ماصارت يعني تحملوني ذنب ماسويته
..هذا الي جاك وهالخمه الي انتي ماخويتهن انسيهن
وطلعت وصفقت الباب وراها
رجعت وجلست على سريرها ..هذا اقل عقاب على الي سويته بنوف والله شي يضحك نفس الي يد الي حركتني لمضرتها تحركت وضرتني
..............................................
في اقل من ثلث ساعه كان سلمان وابوه موجودين وبعد ماطلبهم ناصر ماتردد يقول لهم كل شي مظطر علشان يرجعها يعترف بغلطته
..والحين وش المطلوب مني
.. ياعمي الله يطول عمرك انت ابوها ولك امر عليها انا حاولت لكن عجزتني
..يعني تبيني ارجعها لك غصب عنها
..جميل ماراح انساه لك طول عمري
..وتذلها وتتهما بشرفها لا ياناصر نوف ماهي رخيصه
خاب امله وهو الي كان معتمد على الله ثم عليه ..انا شفت بعيوني شي أي رجال يغار على محارمه يثور منه>>التفت لسلمان الي كان ساكت بحضور ابوه
..انت ياسلمان لوشفت رساله توصل لزوجتك حتى لو كنت تق فيها وش راح تكون ردة فعلك
نزل سلمان راسه وقعد يحرك الفنجان بيدده ..اسمع ياعمي انا غلطتي معترف فيها واعتذرت لها ومستعد اعتذر لها مره ثانيه وثالثه وارضيها بالطريقه الي تعجبها بس طلاق حل مايرضيني واظن انه مايرضيك بعد
تنحنح ..اذا كان يريحها يرضيني اهم شي راحتها
..راحتها وراحتى انا نرجع لبعض
..بس انا ابيها ترجع راضيه
..يمكن ماراح ترجع راضيه بس عطني الفرصه الي طلبتها منها وبخلت فيها على يابو سلمان انت رجال فاهم وعارف ان الحياه ماهي كلها سعاده ولا فيه انسان مايغلط وانا لو ابيها ماواجهتك بس انا ابيك تساعدني هالمره
اقتنع ودخل الكلام براسه وحس بنبرته الصدق ..مدري وش اقولك
..قل تم انا شاريها لولا كذا كان تركتها بحالها وهي تشوف نصيبها وانااشوف نصيبي
..انت متى بترجع للرياض
..مدري بس بنتظرها لين تجي معي
..خلاص يصير خير اليوم انت ترتاح وبكره اوعدك بالي يرضيك
فرحه ملت صدره ماصدق انه خلاص بترجع حتى لو غصب عنها الايام بتلينها ..الله يطول بعمرك يابو سلمان
..وان جتني زعلانه ترى يكون لي تصرف ثاني لاتحسبها رخيصه نوف اغلي علي من روحي
..الله يخليك لها ولنا وان شالله اكون قد هالمسؤليه >>وهوناوي يوقف ..انا اترخص
مسكه سلمان ..وين اجلس تغدى معنا
..اسمحلي تعبان من امس قايم بروح للفندق ارتاح شوي وبكره من الصباح بكون هنا اخذ نوف ونتوكل على الله
..على خير
طلع من عندهم على انه تعبان ومرهق لكن شاك انه يقدر ينام والليله راح تكون اطول من البارح
..لهالدرجه هنت عليك يبه تعطيه كلمه وتوافق اني اروح معه بدون حتى ماتاخذ رايي
..اجل تدمرين حياتك وانا اتفرج عليك
..بس انت ماتدري وش سوى
هز راسه بثقه ..ادري
تراجعت وراى خطوه ..تدري
..ناصر قال لي كل شي واعتقد ماواجه غلطته الالانه حريص على حياتكم
..يبه تكفى لاتخليني اروح معه
..انا قلت للرجال يابنيتي وعطيته وعد انا عمري ما غصبتكم على شي بس هالمره بقولك زعلي ورضاي متوقف على رجعتك مع زوجك وانتي ماترضين تنكسر كلمتي الا اذا كنتي وحده غير نوف الي اعرفها
التفت لسلمان الي شايل بنته حست انه راضي عن الكلام خاب رجاها فيه مابقى قدامها الا امها
قربت وجلست قدامها ..يمه قولي لابوي تكلمي
مسحت على شعرها ..نوف يايمه انا ماعندى شي اقوله بعد الي قاله ابوك وراضيه ومقتنعه فيه
سمعته من وراها يتكلم ..انا خيرتك يانوف وغصب خلاص ماراح اغصبك بس تذكري انك كسرتي كلمة ابوك >>ومشى يبي يطلع من الباب
ركضت وراه ومسكت يده ..خلاص يبه بس لاتزعل على
لمها لصدره ..الله يوفقك ويسعدك >>مسك يديها وابعدها شوي ..وان غلط عليك مره ثانيه انا خصيمه ماهو انتي
تركته ودخلت لغرفتها وهو متامل ان ناصر يصلح غلطته حس بنفسه ان كسر قلبها لكن يبي يتدخل ويصلح بينهم لانه يحس ان ناصر جاد بكل شي قاله ويبي يعطيه فرصه
.................................................. ....
..هاه طمنيني
بهدوء وملل من البكاء خلاص تحس أي شي تعبر فيه عن شعورها نقذ ..خلاص بكره برجع للرياض
فرحت بالي سمعته ..والله صدق يييييياي يعني في احد منكم بيصير قريب عندي
طفشت من كل شي ..اوه ساره والله انك فاضيه احر ماعندي ابرد ماعندك هذا الي همك
..اكيد هدي بتنقهر لانك رجعتي ولطيفه بعد الله وناسه
حركتها راسها بملل ..اقول سويره ترى فريتي راسي سكري بنام
..اوكي بس ترى انتي تجين بكره بعد بكره رازه خلقتي عندك
عصبت ..اوهوه وش دراك يمكن اموت بالطريق وماوصل يعني لاتتهورين
..هي اسم عليك لاتفاولين على نفسك
..طيب اسمع نواف يناديك روحي له واتركيني انام
ضحكت على تصريفتها مع انها زعلانه تطلع منها تصرفات عفويه ..ههههههه يالنصابه اصلا نواف مهو بالبيت
..وينه عنك يفكني منك
..وينه يعني عند عديم الاحساس نايف انا مدري وش يلقى عنده
زفرت من قلبها ماهي ناقصه هموم وتقليب مواجع ..اقول يالله يالله مع السلامه >>وسكرت منها ساره ماتزعل منها بالعكس كانت سعيده انها بتجي
.................................................
. أحب كل الناس إلا إني أحيااااان
ودي أهاجر من عيون الخليقه
مــــاودي ألمح جنبي أياة إنسان
يمكن الآقي للسعاده طريقـــه
أصك بااااب وتنفتح عشر بيبان
وازرع عطا وتموت فيني حديقه
بعد سهره حلوه كانوا فهد وخالدموجودين بشقة نايف لانها المكان الي ياخذون راحتهم فيه طلعوا بقى نواف عنده مانتبه له انه سرحان لين كلمه ولارد
..وانت وش رايك تضف وجهك زوجتك تستناك
حس انه ماهو معه على صوته ..نـــواف
نفض راسه وارمش بسرعه ..نعم
..ويين لي ساعه اكلمك وش تفكر فيه
رجع ظهره ورخى يديه على ركبته ..افكر بلطيفه
استغرب من رده لطيفه مالها سيره من زمان ..لطيفه!!وش الي خلاك تفكر فيها
..والله مدري من تزوجت ماتصلت علي وحتى تلفون البيت ماتعرفه البارح متصله على البيت وانا برى
..ياخي يمكن ندمانه وتبي تصلح علاقتها معكم وش الغريب يعني
ابتسم على حسن نيته ..يعني ماتعرف اختك لايمكن تتغير
يعتقد انه ماهو هذا بس الي يبي يقوله .. طيب ليش متخوف من اتصالاها
..ماني متخوف بس حاس وراها لعبه بتلعبها اتصلت على ساره تقول ان زوج نوف بيتزوج
اهتز من الكلمه وشده الي سمعه .. وهو صدق يبي تزوج
..مدري بس هي وش عرفها به اعتقد انها كذبه
فهم وش يقصد ..يعني انت شاك انها تبي تخرب عليها
..هاه هذا الي ابي اقوله
..طيب وش مصلحتها
..نفس السبب الي خلاها تكذب عليك وتقول ان فهد خطبها
..والله اختك التعامل معها صعب لو بنكلمها بتعاند وتتمادى
..مدري وش نهاية هالتخطيط
..الله يهديها ويعينها على نفسها ماهي مستفيده الا اثام الناس وكرههم
فتره بسيط من الصمت بعد ماركز بتعابير وجه اخوه
..انت للحين تفكر فيها
عقد حوجبه وجاوب ..وش تستفيد اذا عرفت
..ياخي انت يااما ترد على السؤال بسؤال او تجاوب اجابات مبهمه
ملى صدره هوا وزفره ..مع اني ماحب اتكلم بهالمواضيع بس باجاوبك يمكن بفتره من الفترات حسيتها ممكن تكون الانسانه الي ادور عليها فكرت ادخل البيت من بابه يعني زواج تقليدي لكن يوم انخطبت انجرحت لاني في شي داخلى صار يتحرك لها لمت نفسي لاني مانتبهت لها ولمتها اكثر لاني صدقت لطيفه حسيت نفسي ساذج ممكن ينضحك على>> التفت لنواف الي قدم جسمه على الكنب وحط يديه على بعض ويسمع باهتمام وكمل
..ومن المرات المعدوده الي الي شفتها حسيت بشي كنت ماحب حتى افكر به بيني وبين نفسي واستغفر ربي لاني فكرت بوحده متزوجه وبنت اجواد مثل بنات ابو سلمان >>هنا سكت
ظن انه وصل لمرحله ماراح يكمل اول مره يوصل لهنا بالكلام دايما يعتم على احاسيسه لكن قرر يسئله ..كمل يانايف قول وش هالشي
نفس حركة نواف ونزل راسه وصار يناظر تحته ..كنت اشوف بعيونها شي لي انا لمحت فيها نظره تلمع بشي غريب فكرت وش هالشي مدري يمكن انا غلطان بس حسيته اااحـ ب
هنا خلاص قال شي عمره ماقاله انذهل نواف كانه اول مره يعرفه كان يعتقد انه الرجل القاسي الصلب زي الجبل الي داخله مثل الي خارجه لكن اتضح انه بركان داخله نار تحتاج دفع قوي علشان تطلع للخارج
ليله عدت من اعمارهم انطبعت مثل البصمه بحياتهم
انتهت بنايف والكلام الي قاله
ونواف الي اكتشف جهه كانت مظلمه من حياة اخوه
ناصر الي مرت ليلتة طويل لانه ليلة انتظار
نوف الي ماتدري ليش تصرفت بشي يناقض طبعها العنق الي ظهر عليها الرفض لانسان تحبه
ساره كانت تنتظر الصبح بشغف وهي متشوقه تشوف اختها
تمشي بطئ دقائقها دهر وثوانيها ايام لكن ...مرت
جلست بغرفتها الى الصباح ماتحركت لين دخلت عليها نوره بطلب من عمها قعدت تلم اغراضها مع الشغاله وهي متكيه على مخدتها واصبعها بيد بنت اخوها الصغيره
..الحين حنا نجهزاغراضك وانتي حاطه رجل على رجل
بغضب ماهومن طبعها..ماحد طلب منك اتركيها انا برتبها
نزلت راسها بسرعه للشنطه الي قدامها حست ان الزعل الي بخاطرها طلع بوجه نوره وهي مالها ذنب قربت لها وهي تشغل نفسها بترتيب الشنطه الموجوده على السرير رفعتها مع كتفها لين واجهتها ..انا آسفه
قدرت تسيطر على نفسها وتكلمت ..انا مازعلت لانك تكلمتي كذا انا زعلت لانك بتروحين وتخليني >>خمتها بسرعه وعانقتها عناق حار كيف قدرت تصرف الموضوع وتقلبه لكن هذي هي نوره ارق من النسمه
ابتعدوا عن بعض ..امانتك يا نوره كل يوم حبي ميلاف عني
ابتسمت ..ياغالي والطلب رخيص لوتبين احبها عن اهل الرياض كلهم ما اقول لا شغله سهله
..هههههههه الله يخليها لك يارب
..ويسعدك ويرزقك ببنت حلوه زيها
اتصل على سلمان لانه توقع انها ماترد مرهق وليله ثانيه من عمره ماقدرت عينه تنام بلغه انه يستناها برى البيت سلمان ماعلق ولاحب يتدخل مع انه استغرب من تصرفه اتصل هو على نوف وقالها تطلع له
سلمت على امها كانت بارده ماتعبر عن أي شي ودعت نوره ابوها ماكان موجود فضل يطلع من البيت قبل تطلع مايقدر يتحمل التعابير الي بوجهها
سمع صوت الباب الحديد طلعت وهي تجر شنطه والشغاله شايله الثانيه قرب جنبها واخذ الشنطه منها وحطها بالسياره وهي ماتحركت فتح الباب بدون مايتكلم واقفه مقابل السياره استدارت بجسمها للبيت وتاملته كانها تودعه وتسلم على جدرانه الحانيه واهله الغالين وقف ينتظر النظره الطويله تنتهي وقبل لتلتفت له دخلت يدها تحت نقابها ومسحت دموعها والتفت له بهدؤ وتحركت مجبره وركبت السياره
ركب جنبها وانطلق
اخذ طريق الاياب ولكن ماذا بعد ذلك اخذ الجسد صاحب الروح الجريحه والقلب المهمشم
تحمل له من المشاعر ولكن شئ غريب واحساس لايوصف
ويحمل بين حناياه الروح المستعاده صاحبة الامل الجديد والواعده بحياه جديده
لها يومين ماهي مع الناس قلبها سافر معه ترددت انها تتصل على نوف ماهي متاكده من وجههة الي توجها
ماعطاها رد يبرد قلبها ويريح باله عافت النوم والاكل مثل مثل أي ام تخاف على ولدها ويبقى صغير بعينها ولايحسن التصرف مهما كبر وامتدت سنينه
البيت ضاق بروحها كانت تهوجس بحالته وهو قدام عيونه كيف بتكون حالتها وهو تركها بدون مايرد على اسئلتها
كانت تستنجد بابوه لكن رجال يقدر يشيل حمله بس هي مالقت من يحمل عنها شي من همها
تعبت وهي تدور جلست على عتبت البيت ورفعت نظرها للسماء
..يــــارب رجع لي وليدي وريح باله
..ان شالله انا ماظلمناها
..لاتحاتين ياخاله ان شالله بيرجع كل شي لوضعه
..والله يانوره خايفه اني اقنعت ابوها يجبرها على الرجعه اخاف اشيل ذنبها
..الله يهداك ياخاله انتي مارميتها بنار انتي رجعتيها لزوجها
..الله يعيني على التفكير فيها وعلى فراقها
وهي تقوم للكنب الي تلعب عليها بنتها وتشيلها ..ان شالله ترتاحين من التفكير فيها يوم تشوفينها مبسوطه وبعدين كن ميلاف ماهي ماليه عينك ولا ماهي بنتك
مدت يدها وابتسمت ..وشلون ماهي بنتي هذي بنت الغالي الله يبلغكم فيها
..ان شالله بحياتك ياخاله
..الله يرضى عليك يابنيتي والله ريحتيني بكلامك مدري وش بسوي يوم تزوجوا البنات لولا وجودك
..وانتي بعد معوضتني عن بعد امي
قعدت نوره مع ام سلمان يقضون الوقت مع بعض كل وحده تعوض احتياجها بالثانيه نوره تلقى فيها حنان امها وام سلمان تلقى فيها بر بناتها
.................................................. .................................................. .........................................
كنا بعيونك ياهوى البال غالين
واليوم ماكني لك فيوم غالـي
كنا معك في عاسر الامر واللين
حتى لو ان امر المعاسير طالي
قطع نصف المسافه تقريبا وهي ماتكلمت حس بشد بظهره مسك السكان وشد يديه عليه وصلب ظهره والتفت لها من مشوا مارفعت راسها الظاهر انها كانت تبكي ماسمع لها صوت ولاشاف عيونها لف راسه لها
..لهالدرجه يانوف مانتي قادره تطالعيني او تكلميني
منزله راسها وتسمع صوته الي باين التعب فيه ولاردت ..ردي على
وهي منزله راسها ..ماعندي كلام اقوله
..انتي زعلانه لانك جيتي معي
................؟؟؟؟
..ردي علي !!
..يعني اذا قلت لك زعلانه بيهمك انت ماهتميت لرفضي ومشيت الي براسك
..لاني عارف انك مثلي ماراح ترتاحين وانتي بعيده عني
..والله انك واثق >>التفت له بلحظه غضب خطر على بالها كل شي من بداية حياتها معاه الى ان جبرها ابوها ترجع له اندفعت وتكلمت ..انا مثل ما حبييت كرهتك
خبى عنها تاثير هالكلمه عليه ماتوقع انها تجرحه وحاول يعتبرها رد لكرامتها ..يعني انتي تكرهيني ؟؟
مالت بكل جسمها له وتكلمت بصوت يرتجف كانها تحاول تذوقها شي من الي ذاقته ..كلمة كره قليله على الي احس به ناحيتك
التفت بعد كلمتها لقدامه كان كلمتها كف حار وجهته له وتكلم وهو مايناظر لها وبصوت ثابت .. انتي واعيه للي قلتيه ؟؟
كتفت يديها ..واعيه انت انسان قلبك يتحمل يحب الف وحده غيري
ماسمعت منه رد بس حست بالسرعه الي زادت داعس كانت سرعة جنونيه يمكن يبرد النار الي شبتها نوف بين ضلوعه كيف خلته يحتقر نفسه مع هذا ماخطر على باله يتراجع عن استعادتها
......................................
جاه اتصال وفتح الباب ودخل يلبس ملابسه
طلعت من المطبخ للحديقه معها كاس عصير لقته جالس على كرسي صغير بحديقة البيت ومعطيها ظهره ابتسمت بغت تسوي به مقلب مثل مايسوي فيها
قربت شوي شوي ووقفت وراه وبسرعه نزلت جذعها رغم صعوبة الحركه بسبب بطنها الي صار بارز غمضت عيونها ناويه تجيب اعلى نبره تطلع معها حطت فمها عند اذنه ..وووووشششششش قاعد تســــــوي ورفعت نفسها بسرعه
ارتاع من الصوت الي فجر اذنه وقام بسرعه والتفت وشافها واقفه وتضحك عقد حواجبه يوم شافها بثوب حوامل بدون اكمام وكاس العصير بيدها
من شافت وجهه تغيرت معالم وجهها ورمت الكاس عند رجوله وتراجعت ورى شوي التفت واستدارت بسرعه ورحت تركض مع ان الركض صعب عليها كانت تحاول تتماسك علشان ماتطيح وهو بدون انتباه ظل يتبعها لانه وضح انها ثقيله تذكر انه مايجوز يشوفها صد للجهه الثانيه دخلت مع الباب الخارجي للمطبخ علشان نواف مايشوفها وقفت وحطت يد على صدرها ويد على وجهها .تنتفض من الخوف والحيا ..ياربي وش سويت صدق اني حماره اكيد بيقول لنواف >>شربت كاس مويه وطلعت للصاله ونواف نازل ابتسم لها وهو يهرول على الدرج ..وين كنتي قاعد ادورك؟؟
ابتسمت ابتسامه صفرا تخفي ارتباكها ..كــكــ نت بالمطبخ اشرب مــويه
..بالعافيه
..الله يعافيك وين رايح
نزل نفسه يعدل جزمته..نايف يستناني برى بنروح نشوف المهندس علشان تخطيط البيت انا طالع تبين شي
..ااالا سلامتك >>حاولت تسبق تقول شي تصرف الموقف الي حطت نفسها فيه لانه ماقلت شي تقوله
..الله يسلمك لاتسنيني بتغدى مع نايف
هزت راسه ..اوكي
طلع من عندها
فتح الباب وطلع وهو منزل راسه و يسكر ازارير البلوزه الي كان لابسها ونايف انتبه للكاس الي طاح من يدها ورماه بسرعه بمكان منزوي بالحديقه قبل ينتبه نواف
وصل عنده..تاخرت عليك
..لا ماتاخرت بس يالله
طلعوا مع بعض فتحت الباب الداخلي بشويش يوم حست ان اصوتهم اختفت وبدت توسع فتحت لين انفتح كله تذكرت الموقف وضربت على خدها .. ..وش اقول لنواف اذا سئلني اكيد نايفوه بيقوله يوه خل يقوله وش على منهم انا ماكنت ادري انه هو ياربيييي والله فشله
مسرع كانه بايع عمره ونوف مغمضه عيونها بخوف تحس انها خلاص انتهت افاقت على جوالها نزلت للشنطه تدور الجوال ويديها تنتفض من الخوف
وهو يحس بضباب على عيونه طلعت الجوال وقبل ترد حست ان السياره انحرفت عن الطريق حذفت الجوال من يدها ومسكت كتفه وصرخت.......نـــــــــاصر انتــــبه >><<
لـــــــــــبـــــــــــ الواحد والعشرين ــــــــــارت
اكبر مصيبه طيحة انسان حساس
تسوى بـ عيني موت كـل الخليقـهـ !
أكذب علـى نفسـي إذا قلـت " لابـأس " !
و" البأس " أصلا ً من زهوري رحيقهـ !
والموت ماهـو لا انحنـى لـ التعـب/ راس !
الموت نفسك لانحنت / للخليقـهـ !:
مسرع كأنه بايع عمره ونوف مغمضه عيونها بخوف تحس انها خلاص انتهت افاقت على جوالها نزلت للشنطه تدور الجوال ويديها تنتفض من الخوف
وهو يحس بضباب على عيونه طلعت الجوال وقبل ترد حست ان السياره انحرفت عن الطريق حذفت الجوال من يدها ومسكت كتفه وصرخت.......نـــــــــاصر انتــــبه >><<
&
&
&
....................................
..حتى نوف ماترد على جوالها
..تعوذي من الشيطان يابنت الحلال
..اعوذ بالله من الشيطان الرجيم بس يابو ناصر له يومين مدري عنه وقلبي مثل النار عليه
..لاتخافين انا بتصرف وان شالله تتطمنين وانتي حاولي تتصلين عليه يمكن يرد
..مع اني متاكده ان جواله مسكر بس باحاول وان شالله يرد
اخذت جوالها واتصلت عليه
......................
..مشت نوف ؟؟
..اي مشت الله يسهل لها والله كسرت خاطري وهي تبكي وتترجاني احس اني خيبتها
..احيانا لازام ننكوي علشان تطيب جروحنا يايبه انا احس ان ناصر يبيها بس نوف حساسه وماتتحمل أي كلمه
.. والله انا بعد يابو سلمان متضايقه لانها رجعت غصب
..يمه الله يهداك انتم مكبرين الموضوع ومعطينه اكبر من حجمه تعوذو من الشيطان وخلونا نتغدى ترى انا ميت من الجوع
..تغدى انت ياوليدي عليك بالعافيه انا مالي نفس
..افا يام سلمان ترديني بنتغدا كلنا واذا ماكلتوا معي ماراح اكل
..خلاص ما يهون على تنام جوعان
تسلمين يالغاليه >>التفت لنوره ..يالله يانوره قولي للشغاله يحطون الغدا كلنا بتغدا مع بعض
..ابشر الحين انوم ميلاف واحطه بنفسي انا ماعندي اغلى من عمي وخالتي
............................................ الموضوع الأصلى من هنا: منتديات طرطعة http://forum.6r63h.com/showthread.php?t=102968
&
&
&
امام برق عيونك القلب غيمه
ويقبل سحاب الود بالغيث هتان
في فيضة الاشواق يسقيك ديمه
وسمية فاضت على الوجد تحنان
غيرت السياره مسارها لكن قدر باخر لحظه يحرفها لين استقرت على التراب وعى بنفسه على صرخت نوف وهي متجمده بمكانها ماهي مصدقه انهم احياء
نزل راسه على السكان فتره رفع راسه وهي تناظر بملامحه اخذ علبة مويه جنبه وكبها على راسه علشان يصحى من حالة الاغما
تكلمت نوف اخيرا وهي تتنفس بسرعه كانها بتلحق النفس قبل تختنق ..امك اتصلت على
رجع راسه مره ثانيه وقطرات المويه تسلل على وجهه بسرعه ..ليش مارديتي عليها ؟؟
جاها شعور انها كانت سبب بحادث شنيع لولا ستر الله ..ماامداني ارد عليها
وهو منزل راسه طلع تلفونه من جيبه رفع راسه وفتحه تذكر انه ماكلمها من راح اكيد تحاتيه كان ناوي يتصل يريحها لكن سبقت واتصلت
فتح الخط تكلمت من حست انه رد ..ناصر ناصر وينك يايمه
حس بخوفها ..قريب يمه قريب
..ليه يايمه تسوي فيني كذا والله حتى النوم ماقدرت اانام من الخوف عليك
..لاتخافين ياالغاليه انا بخير
..ناصر يايمه انتبه من الطريق تراي استناك ترجع لي سالم تكفى ياوليدي مابي اخسرك والله لو يصير لك شي اموت
حارت العبره بحلقه ومنعته رجولته يظهرها كلام امه واليومين الي مرو عليه كانها سنه والساعه الي راحت كانها دهر
..ابشري يالغاليه نص ساعه بالكثير وانا عندك بس انتي جهزي القهوه
بكت هالمره ..ابشر يانظر عيني الله يردك لي سالم >>ماكانت تدري ان نوف معه حست من صوته انه ماهو مبسوط ولاسئلت عنها خافت تكدره وهو ماسك طريق
ودعته ودعت له يرجع بالسلامه وسكرت منه ونوف ماكلمته ولاكلمها
..................................................
..انتم وينكم ؟؟
..قريبن عشر دقايق واحنا بالبيت ان شالله
..الحمد لله على سلامتكم
..الله يسمك
..نوف حبيبتي ليش صوت مخنوق
..مافيني شي بس تعبانه من الطريق
..هانت مابقى شي وتوصلون بالسلامه
..ان شالله
..بكره ابيك تجين عندي مشتاقه لك
..اشوف يمكن ماقدر
..لا بنتظرك تكفين تعالي
..طيب ليش ماتجين انتي
..انا ماعندي احد ناخذ راحتنا اكثر
..حتى عندي ماراح يضايقنا خالتي بحالها
..خلاص بحاول
اوكي استناك
سكرت منها كانت تكلمها ويدها على فمها وبصوت واطي علشان مايسمعها توتر وقفلت اخلاقه هدى المكان بس صوت السياره تتعاداهم
......................................
وقفوا مع المهندس بالاراض كانوا متحمسين لكلامه عندهم افكار واحلام كبيره استعان باخوه لان عنده خبره بالعقار والاراضي والبيوت انسان ناجح صاحب نظرة ثاقبه و خبره انهوا كلامهم واتفقوا وظل نايف ونواف جالسين على مقدمة السياره يتكلمون عن بداية الشغل
..انت الي عندك يكفي للبناء
..انا عندي مبلغ كويس وباخذ قرض على راتبي علشان اقدر اسوي أي شي واذا نقص شي مع اني اتوقع الوالد ماراح يقصر
...خلاص واي استشاره ترى انا اعرف ناس عندهم خبره بهالمجال
..ان شالله
..انت ماتبي تاخذ راي زوجتك بتخطيط البيت
..لاماعندها خبره ولا اعتقد انها تعرف بهالاشياء خلها بس تلتهي بنفسها
..غريبه مع اني اعرف ان البنات الحين يعرفون كل شي يمكن اكثر من بعض الرجال
..الاساره غير عنهم
..وشلون يعني ؟؟
التفت له وتكلم ..صدقني مدري وشلون !!!!
الف علامة استفهام صاريشوفها غموض يلف هالانسانه على ذكاء نواف يحس انه مافهمها
.................................................. ...........
انا بعمري ماجرحت انسان
واحب كل الناس واغليها
قلبي كبير وصدري الميدان
صابر على الدنيا ومافيها
صارت الدقايق عندها ساعات في اقل من نص ساعه انفتح الباب دخل ناصر كل علامات التعب بوجهه كانه متمرغ بتراب
فزت له وقلبها يرقص من الفرح لانها شافته ما عطته فرصه يرمي السلام ..هلاوالله هلا بوليدي >>مسكت رقبته وانحنى لانه طويل وقعدت تضمه كانها ماهي مصدقه انها تشوفه قدام عيونها ..هلابك يمه وشلونك
.. مادامني اشوفك انا بخير >>رجعت تضمه وهو مستسلم مهدود حيله من تعب اليومين الي راحوا حست ان الباب انفتح من وراه دخلت متغطيه وتسحب بيدها شنطه فتحت عيونها يوم كشفت وجهها كانت ماتقل عن حالة ناصر من التعب والارهاق ..السلام عليكم
تركت ناصر الي جلس على الكنب وهي مذهوله وبنبرة استغراب وبهدوء..عليكم السلام !!نوف ؟؟
تحس كانها جايه لمكان المفروض ماتجيه وان موقعها غلط محروجه ومقهوره وتعبانه والموقف الي صار بالسياره خلاها تلوم نفسها بعض الشي لانها بغت تتسبب على نفسها وعلى ناصر ..حياك الله يابنيتي
ردت رد مايحمل أي تعبير وبشرود ..الله يحييك >>قالت كلمتها وجلست على اقرب مكان لها حست فيها ام ناصر وقربت لها وحطت يدها على يدها الي كانت على طرف الكرسي ..وش فيك يانوف انتي تعبانه
رفعت راسها لها ورجعت شعرها ورا اذنها ..مرهقه شوي البارح مانمت
ناصر ماكان يشوف الا انهم سوو حادث ولارجعوا ولاراح يرجعون انبهتت ام ناصر كانت حالتهم غريبه فيهم شي ماهي حالة واحد يحب زوجته ورجعها بعد غياب شهور ونوف ماهي حالة وحده زوجها حارب كل شي علشان ترجع له انسدح ناصر على الكنبه الي كان جالس عليها لم رجوله ونزل عيونه كان النور يتعبه ..وش فيكم >>ناظرت لناصر ..ليش يمه ماتقوم تريح بغرفتك >>حرك جسمه وواجه السقف وحط ذراعه على عيونه ..لايمه خليني هنا ولا ماتبين اشرب من قهوتك
ضحكت له ..لاياوليدي بس شكلك تعبان >>رجعت لنوف..وانتي اطلعي يايمه بدلي وارتاحي >>رضخت لطلبها وقامت بتشيل شنطتها ..خليها يايمه انتي زين تشيلين نفسك انا برسلها لك مع الشغالات
بصوت واطي زين ينسمع ..مشكوره ياخاله>> وطلعت وام ناصر تراقبها وتراقب ناصر ومستغربه منهم
.................................................. ..
كثر نفسي واكثـــــر شويه بعد
والله اني يابعد عمري ابيــــك
من عروقي ومن خفوقي لك وعد
وسط قلبي ماحدن ...غيرك مليك
دخلو لغرفتهم بعد ماتغدوا يناظر لها تروح وتجي ومندمجه علشان تنوم بنتها قبل ماتنام وقفت فجئه يوم لقته مركز النظر عليها وقفت شوي وبعدين مشت يمه وقابلته على السرير ..وش عندك تلاحقني بعيونك
ابتسم لها بعذوبه وبهدؤ ..ليش يضايقك
ردت له الابتسامه ونزلت راسها ..لا
رفع راسها ..ماتتغيرين يانوره لازام تستحين لين نشيب
رفعت راسها ورجعت غرتها ورى ..وانت ماتحب هالخصله فيني ؟؟
حط يده بيد ها وهو متربع على السرير وهي قدامه ورجولها على الارض ..انا كل شي فيك احبه >>سكتوا يناظرون لبعض احرجها بنظراته واشاحت وجهها عن عيونه ..مشكوره حبيبتي >>طالعت له بتعجب ..على ايش !!!
..على كل شي على اهتمامك بامي وابوي ووقفتك مع خواتي انا مقدر لك يانوره يكفي انا وعدتك تزورين امك وماقدرت وحتى ماتكلمتي
..سلمان حبيبي لاتقول كذا امك وابوك انا اعتبرهم امي وابوي وخواتك خواتي هذولا بنات عمي يعني ماله داعي الشكر وزيارة امي ان شالله بس تفضى ماراح تقصر اكيد بتوديني وبعدين يكفيني انك مقدر
..ان شالله بس انا عندي فكره ببالي اذا ظبطت يكون حظي من السما
هزت راسها باستفهام .وش هالفكره
..لا لا ماراح اقولك لين يتم كل شي
قامت من عنده ..براحتك
مسك يدها ..وين ؟؟
..بروح ابدل بنام تعبانه
..اوكي وانا انتظرك
ضحكت عليه ومشت من عنده وهو بسرعه خبط جسمه على السرير وحط يده تحت راسه
من كثر ما احسك بصدري وابيك
خايف اتنفس ويبعدك الزفير
ومن كثر ما احبك وخايف عليك
حتى من روحي على روحك اغير
لقى نفسه نايم بالصاله كانت امه مطفيه الانوار ومغطيته قعد وابتسم وهو يشوف القهوه قدامه زي ماهي امه ماصدقت تشوفه تخاف عليه من النسمه ومع ذلك ربته تربيه قليل من ينجح فيها رغم الدلال والعز والغنى ومع انه وحيدها كانت تتبع معه سياسة الوسطيه الموضوع الأصلى من هنا: منتديات طرطعة http://forum.6r63h.com/showthread.php?t=102968
تذكر نوف والسياره والسفر اشيا كثيره تزاحمت براسه قرر ينفضها ويونس امه بعد الضيق الي عاشته بغيابه قام وشغل النور كانت بالمطبخ على طول حست به وطلعت له وانبسطت وهي تشوفه مرتاح شوي ..صح النوم
..صح بدنك وين كنتي >>وهو يمشي يمها
..كنت بالمطبخ باشرف على عشاكم
قام ورفع يدها وحبها ..مشكوره يمه تعبناك معنا >>وحط يده علىظهرها ومشى لمكانه
..تعبك راحه اذا ماتعبت لكم من اتعب له
..تسلمين يمه بس انا متى نمت؟؟
.. والله خبري بك شربت اول فنجان بعدها مدري متى نمت
..ههههههههه من التعب يمه يومين ما نمت
بعد ماكانت تضحك تغيرت ملامح وجهها للجديه ..وش فيكم يايمه مانتم عاجبيني
صد عنها للجهه الثانيه مايحب يضايقه يكفي الي شافته ..مافينا شي بس تعبانين وكنا رح نسوي حادث لولا ستر الله
ضربت على صدرها ..حادث وشلون وليش ماقلت ليه
..يمه الله يهداك شوفينا مافينا شي الحمدلله جت على خير
..الحمدلك ياربي الي مافجعتني
..الحمدلله >>تلفت بالمكان ..نوف مانزلت
..لا والله من طلعت مانزلت حتى الغدا مارضت تتغدى
سكت وكملت امه ..نوف ماهي مرتاحه للرجعه انا حاسه فيها
هز راسه..اي جت مجبوره
..مجبوره !!ومن الي جبرها
..ابوها
..لاحول ولاقوة الا بالله
..هي الي حدتني ولا انا كنت بستنى قلبها يلين
..والله مسكينه هالبنيه تكسر الخاطر
..يمه انتي معي ولا معها
..انا مع الحق الي شافته كثير عليها حاولت تصبر لكن خيبها حتى الصبر والحين ترجع غصبا عنها
جمع يديه وحطها بين عيونه واتكى عليها..ماقدامي الاهالطريقه بعد ماني راضي بهالاسلوب بس شاسوي
مسحت على رجله ..ماعليه ياوليدي ان شالله الايام بتلينها وتطيب جروحكم بس تحمل ياناصر
هز راسه وحط يدينه على ركبته وقام ..انا بطلع اصلي وارجع اتعشى ذابحني الجوع
..يخسى الجوع انت صل وارجع وابشر بعزك وانا امك وجيب نوف
كان راح يطلع فوق لكن تذكر شي ..تدرين ان واصلها خبر اني بتزوج هدى
..الله عليها هالبنت مشقيه نفسها ومشقيه الناس
..انا الي بتفاهم معها
..خلها على انا حذرتها ومانفع معها بس انا بربيها
مشى من عندها وطلع بوهن لغرفته ومايدري هالمره كيف بستقبله ولا وش راح تسمعه
أحلامهمـ واجد / وحلمي أنا بس
صدرا عليه ابكي ولاأحس بالخوف
..هلايمه
..الحمد لله على سلامتك
..الله يسلمك
..افا يا نوف يهون عليك توصلين وماتتصلين على لازام انا اتصل
..اسفه يمه
..انا كنت اظن الناس كلها تزعل على الانتي كنت اظن الي بقلبك لي اكثر من الزعل والعتب
تحشرج الكلام بحلقها صار مثل السكاكين الحاده وماقدرت الاعلى جمله وحده ..ماني زعلانه بس مالي ثلاث ساعات واصله
..لا انتي زعلانه علينا يابنتي ماحنا اعداء لك انتي صغيره وبكره تعرفين انك عندنا اهم من كل شي
بصوت مجروح ..والله ماهو باين
..هذا ماهو كلامك يانوف انتي تغيرتي
..لانكم كلكم صرتوا ضدي رجعتوني له مثل الخروف ماكني انسانه يحق لي اعارض
..ابوك خيرك
مسحت دموعها بظهر يدها ..ابو خيرني خيارين احلاهم مر
حبت تخفف عنها الضيق وتبعثر الشعور القاسي ..انتي الحين ببيتك وعند زوجك حاولي تعيشين وتنسين ترى النسيان رحمه
..ماقدر يمه ماقدر ظلمني وجرحني اعتذاره للحين مابرى جروحي >>وقفت عند هالكلمه وناصر واقف عند الباب يسمعها تاكد انها صعب تلين بهالسهوله
..زين يمه الحين اهدي واذا شفتي نفسك تقدرين تتكلمين كلميني وروحي لاختك ولاخليها تجيك حاولي تنسين الحياه كذا وانا امك انا بسكر الحين
..انا اسفه يمه
..لاتعتذرين يايمه انا حاسه فيك وعارفه وشلون تفكرين يالله سلمي على خالتك
..الله يسلمك
سكرت الجوال ورفعت راسها طاحت عيونها الدامعه بعيونه وهو يرقبها قامت تبي تتعداه للشنطه الي وراه نزلت جسمها ومدت يدها تبي ترفعها مسك يدها وبصوتها المخنوق ..ناصر اتركني اطلع المكان الي انت فيه يخنقني
..خلاص يانوف ذبحتني دموعك ماقدر اتحمل
ماردت عليه بس تشاهق ..انتي شفتيني اتكلم مع وحده غيرك صمدتي ومانزلت دموعك ذيك اللحظه كثر دموعك يوم رجعنا لبعض
رفعت راسها ومازالت يدها بيده ..لاني تحملت بكيفي ماحد غصبني اجلس عندك
احرجته وماقدر يرد عليها ..والحين لو اشوفك متزوجها ماراح ابكي الا على كرامتي وعلى قلبي الي ضعف وحبك بيوم من الايام اما انت ولاشي ولاشي >>>مشت من عنده وحروفها الاخيره ترن باذنه
كانت تظن ان الي جاه كفاه لكن بس تشوفه تفنن بجرحه وهو لانه عاهد نفسه مثل ماضيعها بيلقاها ماهو ضعف او خوف ولكن حــــــــــــــــــب
تركها على راحتها قرر يدور مكان ثاني ينام فيه المهم انها عنده
مر هاليوم بدون مستجدات لاشي يذكر في حياة ابطالنا
ساره كانت تترقب رد نواف بعد مايعلمه نايف الي ماعطى الامر أي اهميه
هدى تحاول الا تصال بنوال او لطيفه وعرفت برجعة نوف
نوف وناصر على قد ما تعبهم الشوق لبعضهم الا ان موقف نوف جمد كل المشاعر داخله ماكان بينهم أي احتكاك يتحاشاها وتتحاشاه
قررت نوف ترجع للجامعه مع بداية الترم الجديد
والعجله تدور وتدور والحياه كما هي تعاندهم والايام لهم بالمرصاد
.......................................
كان حظ هدى من اخوانها الحبس والضرب لان ام ناصر كلمتهم هذا اخر حل عندها لانها تعتقد انها هي الي وصلت اشاعة زواج ناصر منها
حقدت عليهن مالها ذنب تعاقب عليهن وقررت تذوقهن السم
مسكت جوالها بعد مايئست ان نوال ترد عليها جربت الاتصال على لطيفه وبالفعل ردت عليها
..اهلين هدى
..يعني فرحانه باتصالي
..اكيد انتي صديقتي ويسعدني انك تكلميني
. .صدقتك" اصلا انتي وحده ماعندها قلب انسانه فاضيه من كل شي الا الشر
..وانتي متصله تسبيني
..لا انتي تدرين ليش متصله انا اتصلت بالحقيره الثانيه ماترد قلت اطرب اذني بصوتك
..لاتغلطين ماسمح لك
..والله انا مانتظر منك السماح بس بقولك ان تخطيطك انقلب على راسك وراس بنت خالتك
..اي تخطيط حنا ماخططنا لشي
..لاتلعبين على انا متاكده من الي سويتيه بس سبحان الله رب ضارة نافعه انتي خليتي ناصر يرجع نوف وخليتي ضميري يرتاح من التفكير بنوف
..وشو نوف رجعت
ابتسمت .. ابشرك رجعت ماعاد يصدق الكلام فيها
زاد الغل على نوف كل ماتذكرت انها هي السبب برجعتها كيف كانت تبي تكحلها عمتها كانت صدمه حقدها الي بدون مبرر اضيف له ضربه بالصميم
يراقب تنزل مع الدرج وتتمايل بمشيتها ساره جسمها اساسا مائل شوي للسمنه اضافه للتغيرات الي بدت على جسمها بسبب الحمل يضحك عليها شكلها كان مضحك وهي خايفه لاتطيح بعد عنا وصلت عنده
..اقول سارونه لازام بعد الولاده تسوين رياضه
..وليش ان شالله
اخفى ضحكته ..ابد بس العقل السليم في الجسم السليم
..ليه قايلين لك مجنونه
..هههههههههه حاشاك حبيبتي بس والله صايره بطه
انقهرت منه وتكلمت بتذمر ..نواف لاتعقدني ترى والله متحطمه بدونك
..ولايهمك حبيبتي بس تولدين بترجعين زي اول واحسن
..تتوقع والله طفشت احس ان شكلي مقرف
حب ينرفزها ..هو مقرف مقرف بس عاجبتني
..يوه والله شي يضايق مسكينات الحريم كل شي عليهم
..هذي سنة الله فيهم
..اللهم لاعتراض "انت شكلك طالع
..اي فهد عازمنا " بغيتي شي
..اي بروح لنوف
ماكان عنده علم برجعتها ..نوف !!ليش هي هنا ؟؟
ابتسمت ..اي جت امس
..زين الحمد لله انهم تصالحوا
..اي مابغت نوف عنيده عذبت الرجال لين رضت عليه
..لهالدرجه زعلانه منه
..خلنا الحين منها بتوديني ولا لا
حس انها بتغير الموضوع .. خلاص تجهزي
.................................................. ....................
كان يكلم مها وخاش جو معها ولاداري عن الدنياحوله
..احتمال ابوي يجي للرياض
..صدق متى ؟؟
..يمكن الاسبوع الجاي
..طيب تعالي معه
..ليش ؟؟؟
..عشان اشوفك اشتقتلك
..لاوالله المفروض انت تزوريني
..يالله عاد مها لاتصيرين ثقيلة دم
مثلت الزعل ..هين يافهد انا ثقيلة دم مع السلامه
..لالا ماقصدت آسف بس مشتاق لك
..هههههههه تشتاق لك العافيه بس جد ماقدر دراستي ابوي يمكن يقعد عشر ايام وبعدين حتى لو جيت ماراح يسمح لنا نشوف بعض ولاتنسى نواف
..ياناس والله شي يقهر زوجتي وممنوع اشوفها
..مابقى الاسنه ونص هانت
.. وتقولينها بثقه وانتي تشوفينها مده بسيطه يعني >>سمع نغمة رساله ..لحظه مها خليك معي >>فتح الرساله وضحك من قلبه رجع لمكالمته
..ايوه
..وين رحت
..هههههههه وصلتني صورة بنت بس والله يامها ياهي بنت تدوخ
صرخت ..فهــــــــــــد ولك عين بعد تعلمني ومنهي هالي دوختك
..ههههههه هذي ميلاف
عاشت الدور وكانها ماتعرفها ..يخرب بيتها حتى اسمها حلو >>علت صوتها مره ثانيه ..منهي ميلاف؟؟
..صدق ماتعرفينها ماعندك سالفه
..فهد لاتطلعني من طوري قلي منهي
..هذا الغبي سلمان مرسل صورة بنته كن ماحد جاه بنت الاهو لا بعد ملبسها نظاره
.. عارفه بس امزح معك الله يخليها لكم صدق حلوه؟؟
..اكيد مو انا خالها على العموم بس اخلص المكالمه ارسل لك صورتها وتحكمين
..اذا طلعت على امها بتطلع حلوه
..اوكي حبيبتي بسكر بس احتمال اليوم تتصلين على جوال مقفل
..ليش ؟؟
..امي بس تشوف صورة بنت نوره بالجوال يمكن بتاكله بس عليها بالعافيه فدا ام فهد
انفجرت عليه من الضحك ...ههههههههههههه اوكي سلم على خالتي
..يوصل سلام
..سلام
كانوا يعيشون اجمل لحظات عمرهم لحظات يمكن ماتككر بيوم من الايام جو خاص وتفاصيل دقيقه وشعور حلو
نزل لامه وفعلا كانت فرحتها بصورة بنت بنتها لاتوصف تتصبر بصورتها لين الله يجمعهم ببعض
وصلت للبيت وقلبها يرقص مشتاقه لاختها مشتاقه لريحتها اهلها الي تحملها معها فتحت لها الشغاله باب البيت ودخلت بحذر
كانت ام ناصر بستقبالها ..حياك الله يابنيتي
..الله يحييك ياخاله وشلونك
..بخير جعلك بخير يايمه يعني ماتزورينا الايوم جت نوف
ابتسمت بخجل ..ماعليه ياخاله مشغوله
..مسموحه يايمه ارتاحي
جلست معها ..يزيد فضلك وين نوف
..نوف فوق قلت للشغاله تناديها الا اذا بتطلعين لها
..لا ياخاله عادي مانتي غريبه
..تسلمين يايمه
..الله يسلمك >>حست عندها شي بتقوله
..اسمعي ياساره انا ابيك تكلمين اختك انتي قريبه منها وتقدرين توصلين لداخلها انا بصراحه ماعاد اعرف اتفاهم معها
..حتى انا ياخاله ماعاد تسمع مني نوف تغيرت كانها وحده ثانيه
..انا عاذرتها صحيح ناصر ولدي بس غلط وطريقة رجعتها يمكن اثرت عليها ماظن أي وحده غيرها بتتصرف غير تصرفها
ناظرت لها باحراج ..ممكن اسئلك سؤال
..اسئلي يابنيتي
..صحيح ناصر فكر يتزوج
..ناصر من راحت نوف اهمل حتى شغله ويتزوج لا يايمه ماهو صحيح انا يئست انها ترجع وقلت له يتركها تشوف نصيبها مادامها مصممه
ثار ماهو متقبل فكرة انه يتقبل وحده ثانيه بحياته
..وش نقول الله يهديها ويصلح حالهم
نزلت بهاللحظه نوف تجر نفسها جر شافت ساره وضحكت لها ..سويره يالدبه اشتقت لك
وقفت وهي تشوفها مقبله عليها ..انا دبه وانتي صايره عصلا
وصلت عندها وحضنتها ..شاخبارك
..الحمدلله بخير انتي شاخبارك واخبار امي وابوي وسلمان ونوره وميلاف
..الحمد لله كلهم زينين ميلاف صايره بطه زيك
..اسم الله علينا الله يكفينا شر عيونك
ابتسمت ام ناصر ..نوف اسم الله عليها عيونها بارده
..اي وش عليك عندك محامي
لفت لخالتها ومسكت يدها ..الله يخليها لي خالتي ام ناصر غلاها مثل غلا امي
..تسلمين الله يسعدك واشوف عيالك يملون البيت
..اشوف بديتوا تتغزلون ببعض الظاهر ارجع لبيتي احسن لي
..هههههههه لاوش دعوة يابنيتي منورتنا يالله انا بروح ازين قهوتكم
..لاياخاله انا بقوم لاتعبين نفسك
حركت يدها .. تعبك راحه خليك مع اختك انتم من زمان عن بعض
..مشكوره ياخاله ماتقصرين
..العفو >>>مشت من عندهم ولفت ساره لنوف وابتدات السوالف
.................................................. ....
دق جوالها وفتحته بسرعه وين كنتي اتصل عليك ماتردين
..وين كنتي لي ساعه ادق عليك ماتردين
تكلمت لطيفه بفرح وصوتها يرتجف ..باركي لي يانوال باركي لي
استغربت منها اول مره لطيفه عن فرحه ..الف مبروك بس على ايش
..انا كنت بالمستشفى قالت لي الدكتوره اني حامل
مايعني لها الموضوع مثلت الفرح ..صدق الف مبروك
..الله يبارك فيك ماتتصورين وش كثر فرحانه اخيرا برد على عجوز ابليس ام عبدالله وبناتها دايما ينقون على عبد الله يتزوج
قالت كلام كثير عن احقادها وانتقامها ماسمعتها قالت الحمدلله
حبت تدخل معها بالجو ..طيب وعبد الله وش شعوره
..عبدالله كان مبسوط بس بعدين زعل مني وطلع
..والله مانتي صاحيه تزعلينه في مثل هاليوم صدق ماعندك سالفه
..وشاسوي فيه مصر الايعلم امه
..وانتي ماتبينها تدري
..هههههههه انا ابيها تعرف من الناس زيها زي واحد غريب بس اصر الايقولها يقول من حقها تفرح ماعلى منه الحين مايقدر يزعلني الحين مسكت مع اليد الي توجعه
كلامها غريب وتفكيرها اغرب نست حتى نوال الي كانت تبي تقوله او حست انها ماراح تهتم الحين مشغوله بفرحتها
كانت فرحتها محصوره بعالمها لانها حاوطت نفسها بسم الحقد ماخلت احد يقترب منها ويشاركها احساسها حتى نوال كانت تداهنها لانها لها عند غرض والا ما كانت سمعت كلمة مبروك منها
تركتهم ام ناصر ياخذون راحتهم بدت نوف تفضفض الي داخلها لاختها وهي تسمعها باصغاء
..طيب الحين وش بتسوين رجعتي له
..الحين مافكر بشي الا اني ارجع للجامعه مع بداية الترم والباقي بخليه للظروف
..وشسويتي مع ناصر
لفت رجل على رجل ..ابد مااحتك فيه وهو بعد تراكني على راحتي
..يعني تشوفين انه هذا هو الحل
..انا مادور حلول انا ادور شي يبرد النار الي بقلبي لاو بعد يحرض ابوي مدري وشلون اقنعه ابوي الي بعمره مافرض رايه على يرجعني غصبا عني
..والله انتي يانوف مكبره السالفه
..السالفه هي كبيره من الاساس لابعد يخطب وبيتزوج
..خالتي تقول انه مافكر الظاهر لطيفه تلعب علينا
..مايهمني هو حر
..انا بعمري ماشفت احد يفكر زي تفكيرك
..ساره الله يخليك غيري الموضوع وقلي لي وش اخبارك مع الحمل
حطت يدها على بطنها ..الحمدلله بديت اتعود على الثقل والغثا
..الله يعينك "احساس حلو صح ؟؟
ابتسمت ..سبحان الله ماكنت متقبله هالحمل بس لما بدا يتحرك احس بشي غريب شعور حلو >>ركزت عليها ..ان شالله تجربينه
هزت راسها ..ان شالله
مضى الوقت سريع وهم مع بعض قضوا وقت حلوا شوي تحسنت نفسية نوف بوجود ساره
حوالي الساعه 11ليلا جاها نواف ورجعت لبيتها
بعد ماطلعت من عندها ساره رجعت لغرفتها بدلت ملابسها وبدت ترتب غرفتها صار عندها شوية طاقه لمت الملابس الي كان يرميها ناصر بكل مكان وودتها للغسيل ورجعت كل شي لمكانه دارت نظرها لها وابتسمت برضا رمت نفسها على الاريكه وشغلت التلفزيون مكان فيها نوم حست الباب ينفتح شوي شوي ويخل ناصر استعدلت بجلستها ..مساء الخير
ردت بصوت واطي بدون ماتناظر له ..مساء النور
جلس قريب منها ..ان شالله استانستي مع اختك
هزت راسها.. الحمدلله
حاول يقرب لها ..ان شالله اليوم احسن
..ناصر لوسمحت اتركني بنام
..لاتنسين انها غرفتي بعد
..خلاص انا بروح ادور لي مكان انام فيه >>ومشت تبي تطلع
لكن وقفه صوته الي يحمل خيبة الامل ..خلاص خلاص انا بطلع بس كنت باخذ لي ملابس ولاهذا بعد ممنوع
..لاماهو ممنوع بس بكره انا بطلع ملابسك كلها ولا اطلع انا من الغرفه
غمض عيونها ..سوي الي تبينه >> ودخل اخذ ملابسه وطلع
.................................................. .......................................
..انت ليش تقولها ؟؟
..وليش ماقولها هذي امي امـ ـي فاهمه
..حتى لوكانت امك هي ماراح تفرح لك
..لاحول ولاقوة الا بالله يالطيفه حرام عليك الي تسوينه فيني وفي اهلى في نفسك انتي ماخليتي لك احباب
حركت يدها ..مستغنيه عن محبتهم والحين مالهم كلام على انا حامل ماحد بيعايرني
..اتقي ربك يالطيفه ترى ربك يقدر على كل شي
..انت وش تبي مني خلاص علمت عجوز ابليس ارتاح الحين وخلني بحالي
زمر بصوت عالي ..لطيفه مولانك حامل بسكت اذا سبيتي امي
..الله عاد من زينها
..يعني هذا شكرك لربك انه رزقك
..مالك شغل فيني
..انتي حاله مستعصيه صدقيني بديت اكره الحياه معك
.................................................. .......................
البــــــــــ الثاني والعشرين ـــــارت
إن طبت من جرحي..وإلاّ..جِـعلني ما يوم طبت
ياصدمتي في أكثر احبابي..وياخيبة ظنوني
ياضيق صدري..لاذكرت انّي عليهم ما كذبت
ياطعنةٍ خلّتني انسى من سبايبها..طعوني
قررت ترمي كل شي ورا ظهرها وتواجه مصيرها بشجاعه وتعتبر ناصر ظل اوخيال وليس روح تسكنها وتسكنه يمكن تكذب على نفسها وتخدع احساسيها لكن راح تصدق كذبتها تفرقوا بالغرف وقوفا عند رغبتها من وجة نظره ان الظغط الي جاها يكفي قدر لها رجوعها له
قامت من نومها مريحه بعد ماحست ان الغرفه لها من غير مايشاركها فيها تسبحت ولبست لبس هادي نزلت للصاله مافيها احد تعدتها للمطبخ كان فاضي واصوات الشغالات بالحديقه طلعت تشوفهم كانو يرتبون اغراض ويحطون ويشيلون ظلت واقفه تتامل الحديقه سندت جسمها على الجدار و يديها ورا ظهرها وسرحت بحياتها بمستقبلها بنهايتها مع ناصر "ناصر الانسان الي دخل بوقت غلط الشخص الي ماتخليت بيوم من الايام تكن له الحب صار اقرب لها من روحها جزمت انها لايمكن تبدل حبه كانت دائما تفكر تزوجها من غير حتى مايعرفها وكان قلبه مشغول بغيرها مع هذا ماظلمها ماعاقبها لانها اخذت مكان حبيبته ويوم حست انها صارت كل شي بحياته قدر يسوي الي سواه ابتسمت لسخرية القدر كيف ينقلب كل شي بلحظه واحنا الي نقلبه ضد انفسنا
اول مادخل كانت بوضعها وشعاع الشمس يلمع على جهه من شعرها كانت على شفتها شبه ابتسامه لكن يملاها الحزن استوقفته هاللوحه ظل ماسك الباب وواقف وهي ماحست سكر الباب بشويش ومشى وهو يحط المفتاح بجيبه لين وصلها وصار يشوف تفاصيلها الي يعشقها ..ليش واقفه هنا ؟؟
غمضت عيونها ونفضت راسها وناظرت له نظره غريبه ولاردت سئلها ..تسمعيني!!
ارخت يديها وهزت راسها بايه ..اسمعك ابد اشم هوا >>ماوقفت وهي تشوف نظراته لها
واستدارت ودخلت لداخل البيت وهو يتبعها جلست ومسكت الريموت وشغلت التلفزيون كان يحاول يسيطر على نفسه ويقاوم ضعفه قدامها
..وين امي ؟؟
التفت له ..مدري نزلت من غرفتي ماشفتها يمكن بغرفتها
خطرت على باله فكره حاول يجرب مع انه عارف الرد مسبقا ..ااا نوف !!
ناظرت بملل ..نعم
..وش رايك نطلع نغير جو
قشعريره دبت بجسمها من نظراته واسلوبه ..اطلع لحالك>>
..بس انا ودي نطلع مع بعض من زمنا ماتمشينا
..قلت لك ماني طالعه كفايه مختنقه من شوفتك هنا << قامت بسرعه وطلعت تركض على الدرج
كلمتها خلت شيطاين الارض تصف قدامه لحقها على الدرج ومسك يدها..انتي عارفه وش قلتي ؟؟
بثقه وعناد ..وواعيه له
..انتي شكلك ناويه على الشر
..انت عارف نيتي زين انا ماخبيتها عنك بس انت مسوي نفسك بطل ومانت لاقي احد تطلع مراجلك عليه غيري
مهما كان حبها بقلبه كلامها صدمه وماقدر يسكت ..نــــــــــــــوف احترمي نفسك
..انا محترمه قبل اشوفك واعرفك
..لاتحسبين اني رجعتك واعتذرت لك انك تمشين رايك على بتقعدين هنا غصبا عنك
مطت شفتها ..عادي اقعد ماعندي مشكله >كانت تستهتر فيه
تعوذ من الشيطان بعد ماحس انها تبي تطلعه من طوره صارت كل ماتقرب منها ابتعدت عنه تغيرت تغيير جذري
..زين يانوف زين >>وتركها تكمل طريقها
.................................................. .............
نوال الي كانت تخطط عشان ترضي لطيفه حست ان السالفه طولت وانها هي الخسرانه بالسالفه كلها اخذت قرار انها تتحرك تسوي أي شي كرهت موقفها خصوصا بعد مابدت امها تضغط عليها حتى تتزوج
في بيت لطيفه الي حست انها بهالحمل سكتت الشامتين واغاضت الي يكرهونها
..مومعقول يالطيفه السالفه طولت وامي ماراح تسكت
..اصبري يانوال اصبري لين تزين الاوضاع بيني وبينه
..لمتى ماعاد عندي صبر
..طيب تزوجي اذا جاك احد مناسب
عصبت منها ..هذي اخرتها بعد كل الي سويته ببساطه تقولين تزوجي
..طيب وش تبيني اسوي
..سوي أي شي اعزميه كلميه لاتستلمين
..تتوقعين يجي
..انتي حاولي وبعدين انتي تعرفين تقنعينه بعيد عن نواف بصراحه لطيفه اخوك هذا مدري كيف يفكر
..يعني انتي تحسبين نواف هو الي موقف نايف عنك لا نايف من البدايه ماهو مقتنع
..يعني نوف وش احسن مني فيه انا بنت خالته والحب يجي بعد الزواج بس انتي تحركي
..معك حق انا لازام اسوي شي انا الحين بدق عليه واعزمه
..ايوه احسن شي نضرب الحديد وهو حامي
...........................................
رجع من شغله قبل العصر وساره تستناه على الغدا
..ليش تاخرت
..مريت العمال شفت الشغل
..بدوا بالبنا ؟؟
..يعني تقدرين تقولين
..طيب تعال نتغدى
..ابدل وارجع اتغدى مع ان مالي نفس
..نواف اش فيك شكلك متضايق
جلس على الكنب ..مدري مخنوق
..تعوذ من الشيطان قوم تغدى
..............................................
..وشو الي خلاك تتذكرين ان لك اخو
..افا يانايف انا مانسيتك عشان اتذكرك
..طيب وش تبين مني
..انتم ليش تغيرتوا على ماكني اختكم
..احنا ماتغيرنا بس انتي ابعدتي وماعاد يهمك احد
..طيب عشان اثبت لك ابيك تجي تزورني
..الحين ؟؟؟
..اي الحين عادي انا فاضيه
..بس انا مشغول خليها مره ثانيه انا طالع للشركه
..زين توعدني بزياره بس تفضى
جاه فضول يسئلها ..خلينا من هالكلام بسئلك انتي ليش قايله ان زوج نوف بيتزوج
تلعثمت وخافت من طريقته في السؤال ..لا نه صحيح ناوي يتزوج
..لطيفه لاتكذبين على وش مصلحتك من الي تسوينه
..صدق مرة اخوك قليلة ادب يعني انا انصحها وهي توصل الكلام لكم
..خلينا من زوجة اخوي لاتقلبين الكلام وجاوبيني بصراحه
انقهرت من ساره كيف قدرت توصلها لنايف ..الصراحه اني بغيت اوعيها الرجال مسك عليها بلاوي ونوى يتزوج بعد سواتها الي تسود الوجه صحيح خيرا تعمل شرا تلقى
..الكلام هذا كبير
..هذا ولاشي من الي سوته هي واختها اول شي سوته لعبت على نواف لانه صغير وزوجته اختها وعلى فكره تراهم زي بعض
انخنق من داناة الكلام الي تقوله حتى لوكان صحيح مايبيها تقوله ..لطيفه حرام و عيب عليك الي تقولينه استغفري ربك
..انا قلت الحقيقه وانا مصره اخوك بكره يعرف ان زوجته الي مستانس عليها ومقاطعني عشان يرضيها مثل اختها تكلم غيره وترسل رسايل
صرخ فيها كيف طلع هالكلام من فمها ..صدق ما تتغيرين ونواف هو الي عرف لك >>وسكر التلفون بوجهها
وصلت لقمة الغضب وتعدت حدود الحقد وهذا نايف خسرته بسبتهم نوال كانت شاهده على كل شي كانت حاضره على جريمتها
..صدق شي يقهر بتصير بيني وبين اخواني تحسب نفسها تحبهم اكثر مني
..وان شالله بتسكتين لها !!
..لا ماني ساكته الحين ادق عليها اعرفها قيمتها
..لا انتي مالك كلام معها انتي كلامك مع اخوك الي ماهو قادر يوقفها عند حدها
..والله نوااف ينخاف منه اليوم نايف الي ماعمره رفع صوته على و هزئني بسبتها اجل نواف وش بيقول
..اذا بتخافين منه على طول بيتمادى وتطمع فيك ساره نصيحه خلي كلامك معه
..الظاهر ماقدامي الا هالطريقه
في جده مها رافضه فكرة الزواج قبل الجامعه لكن فهد كلم ابو نايف طلب منه يقنعها من غير ظغط وابو نايف ترك التمهيد لام بدر ماحب يتدخل الااذا ماقدرت تقنعها
..بس يمه انا بكمل دراستي
..الزواج مايمنعك من الدراسه بصراحه يامها الرجال معاه حق المده طويله عليه
..انا متفقه معه على كل شي وهو وافق
..وهو للحين مايبينا نجبرك هو يبينا نقنعك
..صعب على ادرس هناك وانتم هنا
..ماعليك منا وانتي بكل الاحوال بتروحين وتخلينا الا اذا ترجعتي عن الزواج كله
..ليه يمه فهد قايل شي
..لاوالله الولد ماشالله عليه وانا مابي ابوك يتدخل
..والله مدري بس خلوني افكر
..مايحتاج التفكير اظن انك عرفتيه زين ودرستي اخلاقك واذا شايفه انه يستاهل التضحيه ليش لا
..انا اعرفه بس وشلون ؟؟
..خلاص يامها حتى انا بصراحه مابي تطول الملكه وبعدين اخوانك هناك ماراح تحسين بالغربه
..مدري متردده تكفين يمه خليني افكر
..زين فكري زين >>طلعت وتركتها تفكر
قولوا له : أني أمنالوله ضايق البال
عله يحس .. بحالتي في غيابه ..!
لازلت هاقي و الرجا فيهلا زال
و مابيه يكسر خاطر اللي هقابه ..!
بعد الي داربينهم تركته وراحت لغرفتها تركض دخلتها وفقلت الباب بالمفتاح قلبها صار مثل الطبل يضرب بعنق خافت من نظراته توقعته بعد كلامها ممكن يمد يده عليها لانها عارفه حجم الكلام الي قالته وهي فعلا تبي تطلعه من طوره او بالاحرى تبي تجربه
دخلت سريرها وغطت نفسها باالكامل ومابان منها الااهتزازها تحته تبكي على حالها وحاله استمرت لين غفت عينها ارتخى جسمها من البكاء اذا كان البكاء تنحدر معه دموع حاره دليل انا القلب يحترق وقت مضى وهي تغط بين الكوابيس ونومه ماهي مريحه وعت بنفسها وعرقها يتصبب لان الغرفه حاره زياده على الحراره الي تحس فيها رفعت جسمها وناظرت للشباك كانت الشمس على وشك المغيب قامت وهي تسمع صوت الاذان وتردده دخلت للحمام <<وانتم بكرامه >> وتوضت وتجهزت للصلاه لبست جلالها وفرشت سجادتها وكبرت اتمت صلاتها وجلست فتره تستغفر لعل غيوم الضيق الي تلبدت بسما صدرها تتجلى كانت دموعها تسلل بهدوء وتتابع بحضنها رفعت يدها للسما تطلب المعونه وتطلب الهدايه لمت سجادتها وجلالها قبل تجلس سمعات طرقات بسيطه على الباب فتحته لقته واقف عند الباب ومدخل يده بجيوبه
..مساء الخير
..مساء النور خير ؟؟
..ابد جاي اخذ اغراضي اذا ممكن
بدون ماتتكلم ابعدت عن الباب واشرت بيدها له عشان يدخل تعداها لداخل الغرفه ومنها لدولاب ملابسه طلع شنطه من اعلى الدولاب وفتحها على السرير فتش فيها وهي تنتظره يخلص توقعت انه يكلمها يعاتبها يراضيها لكن ماتوقعت انه يسكر الشنطه ويرجعها وياخذ الاوراق ويطلع بدون مايناظر لها اول مره يواجهها ولايكلمها سكرت الباب ورجعت لغرفتها
................................
ونيت من حرن بقلبـي ونستـه
صاح الخفوق يون من حر ماجاه
تغدى وطلع ينام شوي تمدد على السرير لكن قبل يتمكن النوم منه فز على صوت جواله رفعه وشاف الاسم استغرب وش الي خلاها تتذكرني الحين فكر يطنشها ولا يرد لكن تراجع يمكن محتاجه شي ..الو
..هلا لطيفه
..زين متذكرني للحين انا قلت نسى ان له اخت
..لا انا مانسيت الظاهر انتي الي نسيتي سوياك
علت صوتها عليه ..ليه انا وش سويت!! عشان وقفت لاخوك لايطيح طيحتك
..الحين وش تبين ؟؟
..ابي اقولك انت وزوجتك لاتتدخلون بيني وبين نايف
..وزوجتي وش دخلها بينكم
..موهي لاقيتك وسيله توصلها الاخبار كلها الظاهر للحين عندها امل نوف تتطلق ونايف يتزوجها
بقلة صبر وبنبرة تهديد ..لطـ يفه عن الغلط واقصري الشر مادام النفس عليك طيبه
..وش بتسوي يعني بتخوفني عشان تعججب قليلة الادب
عصب منها ومن كلامها الي يجرح ..انتي الظاهر مانتي ناويه على خير احترمي نفسك احسن لك هذي زوجتي ومايريضيني تتكلمين عنها بهالاسلوب
..وانا يعني بستنا رضاك انت اصلا لوانك رجال ماتسحبك معها مثل الخروف
..الظاهر اسكر احسن انتي اليوم ناويه على الشر
..براحتك بس لاتتستانس عليها ترى وحده حقيره وماتستحي وماعندها دم
..خلصتي باقي مسبه ماقلتيها ساره زوجتي وبتصير ام ولدي وكلامك مايغير هالحقيقه
..وانت مستانس ان بيصير عندك ولد هذي امه هه الله اعلم منين جايبته الظاهر حامل من قبل لاتتزوجها
قالت هالكلامه بلحظه صفرت اذنه من صوتها ماقدر يكمل الكلام انخنق معقوله اختي توصل معها لهالدرجه ..حقيره حقيره>> وسكر التلفون بوجهها
فز على حيله وبسرعه لبس ثوبه كان العرق يتصبب من جبينه ويغلي من داخله فتح باب الغرفه بسرعه ونزل يركض على الدرج طلعت ساره من المطبخ كانت حالته غريبه قبضها قلبها من شكله
.. نواف وين رايح>> مر جنبها ..طالع
تعداها وهي تمشي وراه ..نواف شفيك وش صاير
دفعها عن طريقه ..بعدي عني انتي الثانيه <<وفتح باب البيت وطلع ادهشتها حالته على طول ركضت لجوالها واتصلت عليه لكن مارد عليها ..يارب وش الحال وين راح هذا وش فيه ؟؟
..................................................
..آسف حبيبتي بس انا بغيت اهلك يقنعونك
..بس المفروض قايل لي هذا شي يخصنا انا وانت
..مهاوي حبيبتي انا كلمتك اكثر من مره بس انتي معنده قلت اطلب من ابوك يقنعك وصدقيني اذا مانتي راضيه انا بعد مابي زعلك
ابتسمت لكلامه ..ماعليه فهد بس خذت على خاطري لاني تفاجئت يوم قالت لي امي
..اهم شي انك مبسوطه
..انا مبسوطه لان الله رزقني بزوج مثلك
..هههههه ترى اصدق هاه قولي وش رايك بصراحه وانا راضي
استحت منه اخجلها بكلامه ..الي تبيه سوه
..اكيييييد
تنهدت ..اكيد الوقت الي يعجبك حدده
..مشكوره حبيبتي ان شالله اشوف الوقت الي يصلح واكلمك
..صار وانا استناك
..اوكي حبيبتي بينا اتصال سلام
..سلام
نزلت جوالها ونوت تطلع من غرفتها وهي تفكر بقرارها الجديده ماكانت ناوويه تتم الزواج لين تتخرج لكن فهد قدر يقنعها
استوقفها صوت جوالها توقعته فهد هذي حركاته لكن شافت رقم ساره وعلى طول ردت ..هلا سارونه
..هلا مها مها ابي منك خدمه
..ابشري بالي اقدر عليه من عيوني
...تسلم عيونك بس نواف طلع من البيت زعلان واكلمه ولايرد ابيك تكلمين نايف عشان يقوله يرجع للبيت او يجي عنده للبيته
..انتم متزاعلين ؟؟
..ابد مابينا شي دخل ينام والظاهر جته مكالمه وقام وشكله يخوف تكفين مها بسرعه
..ساره خوفتيني
..والله حتى انا خايفه طلع يركض ماقدرت اوقفه
..طيب طيب سكري الحين وانا بكلم نايف
..زين اتصلي طمنيني
..اوكي
..............................................
يلملم اوراقه خلص شغل ويبي يرجع للبيت وخالد قاعد يستناه عشان يطلعون يشربون شي
اتصلت مها وهو مندمج رفعه وكلمها ..هلا مها
..هلابك نايف تكفى
قام واقف من مكانه حس بصوتها يرتجف خاف ان ابوه فيه شي ..خير يامها وش عندك صاير لكم شي
..لا حناا مافينا شي بس اتصلت ساره تقول نواف طلع من البيت زعلان وحالته ماتسر وتبيك تتصل فيه انا بعد اتصلت ولارد تكفى نايف كلمه وخله يجي عندك
..طيب طيب هدي وفهميني وش صار هو متزاعل مع زوجته
..نايف الله يهداك هذا ماهو وقته اكيد اذا اتصلت عليه بيرد
..خلاص انا بكلمه تطمني
..امانه معك يانايف لاتخليه الالين يجي عندك اويرجع لبيته نواف اذا زعل ينسى نفسه
..ولايهمك
سكر منه واتصل عليه ونسى خالد الي كان يستناه
..خير يانايف وش صاير
..ماعليه خالد تقدر تروح صايره مشكله بالبيت ماقدر اطلع معك
..خلاص بس كلمني
..ان شالله
......................................
وآهنـي آلطيـر لآضاقتيطير
في تضاريس الفضا يلقىالحلول
ساق السياره بسرعه كانت تسابق الريح نار ولعت بجوفه من كلام اخته احرقته بدون ماتدري سيل من الاتصالات من ساره ومها لكن هالمره كان المتصل نايف قرر يرد هوالوحيد الي يقدر يكلمه
..انت وينك يارجال
..مدري مدري
..نواف وش فيك؟؟
..بختق يانايف
..طيب قل وش فيك ؟؟
..الحقيره طلعت على حقيقتها
..منهي الحقيره
..قالت لي كلام ماينقال
..اسمع لاتتكلم تعال عندي للبيت انا رايح هناك
..زين زين
وسكر بدون لايسمع رده فتح ازارير ثوبه ولاانتبه للشاحنه الي طلعت بوجهه وضربت بسيارته
يستناه يجي مرت ربع ساعه نص راحت ساعه وهو ماجاء اتصل عليه لكن مايرد انغزه قلبه >>الظاهر صاير بينه وبين زوجته شي وشكلها سالفه كبيره يمكن لطيفه صادقه استغفر الله العظيم قال هالكلمه ونفض راسه اتصل مره ثانيه لكن مارد طلع عند باب البيت ماعاد قادر يجلس بمكان واحد توالت اتصالات مها من قالها ان نواف جايه وهي تتصل تتطمن اذا وصل ولا لا ولارد عليها سمع جواله هذا نواف
..وينك يانواف
..انت الاخ نايف
بلع ريقه ..اي نعم
..صاحب الجوال هذا صار له حادث وانا لقيت اتصالك وقلت اكلمك
دااااااارت الارض فيه ..حااااادث
..طيب هو زين
..والله ياخوي الحادث كبير انقلوه لمستشفى الـ..... تقدر تجي تشوفه
سكر بدون لايشكر الرجال على ايش يشكره على الخبر الحلو ركب سيارته يركض وحركها وترك وراه غبارها يملا المكان
.......................................
..الله يستر مدري وش الي قلب حاله كان هادي
..اهدي ياساره شوي تلاقينه داخل عليك
..يارب والله قلبي خايف
..ان شالله مايصير الاالخير
..ان شالله المشكله حتى نايف تقول مها انها تتصل ولايرد عليها
هالمره حتى نوف خافت ..مها تدري
..اي اضطريت اقولها عشان تبلغ نايف
..اكيد بتقلق عليه
..مسكينه قاعده على اعصابها
..الله يستر
...............................
طلع من عنده يسحب حزنه على اخوانه ودموعه تملا وجهه سمع اخر كلمات قالها له وصاه بولده امنه يهتم فيه ويربيه مايخليه لزمان يقسى عليه حقد على ساره هي السبب بموته اكيد كشفها
جلس على الكراسي بالممر فضى ماكان يتزاحم بصدره قام يسحب نفسه سحب الحمل اثقله مصيبه نزلت على راسه وشلون يواجه ابوه وشلون يقول لمها وكيف يجي ولده ولايلقاه <<<آآآآآآآآآآآآآآه يانواف
وآه قلبي اللي فيه مثلالمنــاشير
...وصارت عـروقه من همـــوميظمـــايـا
أردد الـونـــّه من عصير إلى عصير.....
....وآخـــذ على روحي لـ روحي وصــــايـا
بعد يومين البيت مزدحم وصل ابو نايف زلزله الخبر واظناه لكن اللهم لااعتراض ووصل ابو سلمان وام سلمان ونوره وسلمان جو يحضرون هاليوم المرير ويواسون ساره في مصيبتها
..على سريرها لاكلام لااكل ولانوم ولاحتى بكا حتى الدموع جمدها الخبر شي كانت تحس فيه من زمان
وقفت عند راسها ..ساره حبيبتي لازام تاكلين مايصير الي تسوينه
رفعت راسها بهدوء وهزته ..ساره علشاني ولانوف مالها خاطر >>ماردت حتى بنظره <<طيب عشان الي ببطنك حرام بيموت من الجوع >>صدت عنها ولا تكلمت يئست نوف منها نوف الي ماتركتها من اتصل سلمان وبلغها مشت بدون حتى ماتقول لناصر
غـلاك عندي / لو شرب منــــــــهـمخلوق
يبطي ولا ذاق العطش/ في حياتــــــهـ ..!!
مها صارت لها غرفه تعتكف فيها من وصلت ماطلعت منها ابد صورته قدامها وتحاكيها بشويش سمعت الباب يدق ماتحركت لكن نوره ماستنت كثير فتحت الباب وددخلت
..مها
رفعت راسها ومسحت دموعها ..نعم
..فهد يبيك تحت
..ماقدر اشوف احد يانوره
..بس فهد ماهو أي احد هذا زوجك وحقه يشوفك ويتطمن عليك
..ماقدر ماقدر>> واجهشت تبكي
رتبت على كتفها ..خلاص براحتك >>وطلعت من عندها
ابو نايف ام بدر بدر نجود مشعل جود الكل احزانهم متقاربه واوجاعهم متشابهم شخص واحد غاب في هاليوم ؟؟؟؟.
يجتـاحنيصوتـه وزولـه وذكـراهـ
ودرب على بعـد المشـارف مشيـتـه
وصلها الخبر مثل الصاعقه ماتخيلت بيوم من الايام تكون السبب بموت نواف جالسه بغرفتها المظلمه لحالها تناجي الجدران الجامده ودمعها ماتوقف على وجهها وتاكل نفسها بنار اللوم ماحد يدري عنها ماحد حولها مااحد شايل همها طلعت من المستشفى بعد مهدئات صرخت وصرخت لكن الي يروح مايرجع انفتح باب غرفتها حست نور تسلل عليها رفعت نظرتها وشهقت قبل تتكلم ..عظم الله اجرك >>نقمه تملى قلبها عليها وعلى نفسها الي طاوعتها وركضت وراها ..لطيفه حبيبتي ادعليله الميت ماتجوز عليه الاالرحمه
وقفت على ركبه بنص السرير ..انتي جايه وش تبين
ردت باستهزاء ..وش جايه اسوي جايه اعزيك
..الله لايكثر خيرك اطلعي مابي اشوفك
..الشرهه على جايه اواسيك جالسه هنا مااحد داري عنك
بصراخ ..اطلعي بررررررى انتي السبب انتي السبب
اشرت على نفسها ..سبب باايش ؟؟؟؟؟
ونت وبكت وصرخت ..انتي الي ذبحتي نواف انتي الي حرمتيني منه انتي كنتي تدعين عليه
..انا ماذبحته حقدك هو الي ذبحه انتي الي حرقتي دمه بكلامك المسموم
..انتي الي شجعتيني و كنتي تحركيني
قربت لها ..انا ماقلت لك اكرهي زوجته انتي طاوعتيني لانك تكرهينها وتبينه يتركها
..اطلعي برى حسبي الله عليك
..لاتحسبين على بس تدرين تستاهلين الي صار لك جزاك من ربك تذكرين لما كنتي تتشمتين بنوف يوم سقطت الحين جا اليوم الي تتشمت فيك
سدت اذانها ..مابي اسمع صوتك اكرهك اكرهك
صكت اسنانها وبعنف ابعدت يديها عن اذونها ..لابتسمعيني نواف مات وحملك طاح واهلك تخلو عنك ولو يدرون وش سويتي بنواف بينحروك ويشبعوبن بلحمك .... الشوارع
..اطلعي برى اطلعي
مسكت يد الباب والتفت لها ..طالعه بس بقولك شي ساره ماماتت ولدها حي انتي الي خسرتي انتي >> وطلعت وسكرت الباب بقوه
انسل جسمها على السرير مثل قطعة القماش وقعدت تون وصوت وناتها يرتد عليها ولافيه من يواسيها ويشيل عنها همها
بيوم وليله انقلب كل شي على راسها
لن اقف هنا كثيرا فالحزن موجع وايامه طويله حاره كنهار الصيف ولياليه مظلمه قارصه كبرد الشتاء
الموت هو احق الحقائق وان طالت اعمارنا فهو نهايتنا التي لاجدال فيها ومازلنا نجزع ونستاء
عزأ اخذه ابو نايف وعياله عاشوا ايام قاسيه ومؤلمه مضت كئيبه مظلمه ولكن هي كغيرها تمضي
نواف مات وترك زوجه ارمله ماكملت العشرين وطفل بيواجه الدنيا يتيم
قرر ابوها وامها يجلسون عندها ببيتها لانها بفترة حداد ومايجوز تطلع من بيتها سلمان رجع مظطر لشغله وترك نوره ببيت اهلها
ابو نايف ضاق صدره من المكان وماعاد يتحمل يجلس ورجع لجده
مها المصيبه كانت اكبرمن صبرها رجعت مع اهلها
نوف نساها حزنها على اختها ناصر ووجوده بحياتها ماشفته من اكثر من اسبوع حضر العزا والتهى بشغله
نايف بشقته مايطلع منها حتى لشغله رغم محاولات فهد وخالد....
...............................................
خل فتره بين جرح وجرح ثاني ..
وبعدها أستأنف جروحكيازمن!!
مايصير أموت وجروحي تعااني
ولو أموتمنين تلقى لك وطن!!
15يوم مضت على موت نواف
جسم سله الحزن مسلتقي على سرير ابيض بالمستشفى والا جهزه عليها كانت راح تموت لكن لها عمر تعبت ونقلوها اخوانها للمستشفى على طول قرر الدكتور توليدها بعمليه حفاظا على حياتها وحياة الطفل ماعاد فيه شي له طعم كل شي مظلم بدون الوان
وعت من البنج بدت تتضح الرؤيا قدامها لقت نوف جالسه قدامها على الكرسي من شافتها فتحت عيونها وصوت انين يخرج منها
قامت بسرعه لها ..الحمدلله على سلامتك حبيبتي
لفت للجهه الثانيه بدون ماترد رتبت على كتفها ..مبروك جبتي ولد يجنن >>لارد سوى دمعه تسللت على خدها بهدوء
..ساره حبيبتي قولي الحمد لله الذي لايحمد على مكروه سواه الله عوضك عنه بولد ماشاءلله تبارك الله وانتي لازام ترضين بقسمة رب العالمين
هزت راسها واخيرا نطقت ..الحمدلله >>حطت يدها بيد اختها ..وين امي ؟؟
..امي تعبانه خايفه عليك كانت بتجي بس سلمان مارضى
لفت مره ثانيه وهي تناظر للجدار ..شفتيه
..منهو ؟؟؟؟؟
..الولد
..شفته يجنن ماشاءالله حتى صحته ممتازه
سكتت شوي ..متعـــــب بسميه متعب
احبست نوف دموعها ..الله يخليه لك والحين شدي حيلك ابوي بيجي بعد شوي لاتعبينه زياده خليك قويه خليني اشوف ساره الي اعرفها
لمتْالزمان ولايمالوقتغلطان
حوادث الأيام من فعلأهلها
كل يغني مع زمانهعلى شأن
هذا يميلها .. وهذا عدلها
دق جرس شقته وهو جالس لحاله والنار تستعر داخله ولاحد داري عنه قام ببطئ وقتح الباب كان فهد
..ياخي ساعه ماتفتح الباب
عطاه ظهره ودخل وفهد يتبعه ..طيب قل تفضل
بعد ماجلس ..وانت استنيت لين اقولك انت دخلت وخلصت
..زين وش رايك نطلع نتمشى
نظره باستخفاف ..ويــن ؟؟؟
..اي مكان حتى لوتبينا نسافر
..ماني رايح ولا جاي
..طيب عندي لك خبر يمكن يخفف عنك شوي ويفرحك
..خير
..زوجة نواف الله يرحمه
استفزه ذكرها وارتباطها باسمه ..وش فيها
..ولدت
لانت ملامحه ..ولدت ؟؟ بس كنه باقي على ولادتها
.. امي تقول انها ولدت في السابع
..وش جابت
..جابت ولد
نزل راسه وتخيل وشلون بيكون ولد نواف ناظر فهد وحس فيه ..نايف ياخوي اذكر الله مايصير تسوون كذا الموت حق
انتبه انه جمع بالكلام وعرف انه يقصد مها ..مها وش اخبارها
..مها من ذاك اليوم اتصل عليها ولاترد واذا الحيت بالاتصالات تقفل جوالها
تنهد بعمق ..اعذرها يافهد
..انا والله عاذره بس حرام الي تسويه بنفسها
..الله يعين صعب يا فهد نتقبل الوضع الجديد
..استغفر الله مايجوز ياخوي نجزع
..استغفر الله العظيم
.................................................. .......
السكوت إن طال يغري بالكلام
.........والكلام إن ضج .. مايسترشعور !!
طلعت نوف من عند ساره مهدوه لانها طول الليل عندها ولاتركتها لين جاها سلمان وابوه
كان ناصر جالس مع امه وابوه بالمجلس من وفاة نواف تطلع من البيت بدون حتى ماتقوله تركها هالفتره لانها مقدر ظروفها
دخلت وعيونه عليها ..السلام عليكم
ردوا عليها ..وعليكم السلام
تكلمت ام ناصر ..هاه وشلون ساره
..الحمد لله بس اظطرو يسوون لها عمليه بالسابع لانها تعبت
..وان شالله هي والولد زيننين
..الحمدلله
..الحمد لله على سلامتها يايمه
..الله يسلمك ياخاله
..اجلسي يايمه معنا من زمان ماشفناك
..اسمحي لي ياخاله تعبانه بروح اريح قبل ارجع لساره بالمستشفى
..براحتك
طلعت وهو مازال يتبعها بعيونه ماعبرته ولاكلمته ولاحتى ناظرت له
الجماجم خاوية والموت راكب دربي
تشرق العين من دمعة , وتذرف دمعه
أحتضن طعم حلمي واكتبه من كربي
قلب دامي , تناوب فيه صرعه وصرعه
قابلها على سريرها وحب راسها حست بوجوده بالمكان وناظرت له نظره ماتحمل أي تعبير عيونها الي كانت تنطق كره لكل الناس
..لطيفه !!نفس النظره كمل لانه عرفها ماعاد تقاطعه .. الي راح راح وهذي قسمة رب العالمين وما بيدينا الا ندعي له
ارتسمت على وجهها علامة الالم وردت..نواف مات ياعبدالله
..الله يرحمه
انفعلت فجئه وثارت ..لا نواف مامات نواف ما مات انا الي مت خلاص بموت بموت >>قام وحاول يهديها
..اذكري ربك وادعي له
.. آآآآآآآآآآه نواف اخوي لالا نواف ولدي راح وخلاني
مسك كتوفها ..خلاص يالطيفه خلاص البكا والحزن مايرجع الي راح بتذبحين نفسك ولدك محتاجك
..بس انا ابيه يرجع
..لاحول ولاقوة الابالله وش رايك اقولك شي يفرحك
..مافيه شي يفرحني بعده
..حتى اذا قلت لك ان زوجته جابت ولد
ارمشت بسرعه كانها ماهي مصدقه ..من قالك؟؟
..انتي الله يهداك مسكره جوالك ولاتردين على تلفون البيت نايف ارسل لي رساله
بكت بصوت عالي ماتدري ليش عجزت تهدي نفسها لين اجبرها عبدالله على المهدي صارت ماتنام بدونه
........................................
قولوا له : أني أمنالوله ضايق البال
عله يحس .. بحالتي في غيابه ..!
لازلت هاقي و الرجا فيهلا زالو مابيه يكسر خاطر اللي هقابه ..!
بعد ماطلعت نوف من عندهم رقى وراها مشتاق لها ومتلهف للسوالف معها مع انها ماراح تنوله الي في باله بس يبي منها أي شي حتى لو تتكلم عليه
كان الباب مردود توقع انه مقفول لكن استغرب يوم حركه وانفتح طل براسه ماكانت باينه لين دخل وشافها نايمه على السرير بدون ماتحس بنفسها ومتكمن منها التعب من طريقة نومتها قرب لها كان الغطا تحت جزء من جسمها سحبه بهدوء ورفعه وغطاها وعت فيه وناظرت
..وش مدخلك علي ؟؟
ابتسم ..الظاهر انك مصدقه اننا بنصير كذا على طول
استقعدت بجسمها وقابلته ..صدقني هذا الي بيصير
ظغط يدها وركز بعيونها التعبانه وقرب لها وحضنها عجزت لاتخلص نفسها منه ..ناصر اتركني ترى مايصير لك خير
..وريني وش بتسوين ؟؟
سكتت ونزلت راسها وهو اخيرا تركها يبي يوصل لها شي لازم تعرفه ..تاكدي يانوف اني مطاوعك بكيفي ومافيه شي يمنعني من غرفتي ومن زوجتي هذا حقي
نزلت راسها تتامل يدها الي انغرست بيده ..مافي شي يجبرك تتحملني ؟؟
رد بعذوبه ..فيه !!رفعت نظرها له ونزلته بسرعه وكمل ..انا مجبور لاني احبك ولاني مابي اخسرك ولاني قاعد ادفع ثمن غلطتي
كلامه خلى جسمها ينتفض مالقت شي تهرب به عنه الاانها تبعد يده وترفع جسمها ..وين !!
..بروح اتجهز عشان اروح لساره
.. المفروض تستئذنين مني !!
كلمته بخوف من ردت فعله صاير يعصب او بالاحرى هي تستفزه ..يعني انت بتمنعني اتطمن على اختي
هز راسه كيف تحاول تقلب الامور ..روحي ماني بمانعك
فزت بسرعه ودخلت تتجهز وهو قام ورجع لمكان ماكان يتحسر على خسارته لها وكيف بغبائه فقدها ويفكر بحالها وش الي غيرها نوف الحنونه الهاديه نوف الي كانت ارق من النسمه نوف الي تحملت واصبرت صارت اليوم تدور أي غلط عليه
.............................................
مسكت الصوره وجلست تتاملها وتمسح عليها كانها تلامس ملامحه الي تعشقها تسللت دموعها حتى استقرت في زاوية البرواز الي يحتضن صورته شهقت ..ليه يانواف ليه تخلينا نعيش بدونك>> ضمت الصوره كانها تضمه ..تدري اليوم جاك ولد يقولون انه يشبهك يقولون انه نفسك عيونك >>ابعدت عنه الصوره وركزت فيها ..لا انت مافي احد مثلك
دخلت عليها امها وشافت حالتها وقعدت جنبها من شافتها جلست مقابلتها ومن شافت امها حضنتها ومسحت على راسها
..يمه يامها حرام عليك الي تسوينه بنفسك انتي مؤمنه والمؤمن لازام يصبر على المصايب ولو البكا يرجع الي يروح ماحد راح
..يمه الحياه بعد نواف مالها معني
..لا يايمه الحياه ماتوقف بموت احد الحياه بتسمتر وبتمشي انا اردي انه غالي عليك هذا اخوك وانا مالومك بس كل شي له حد
تذكرت ابوها الي من بعد وفاة نواف ماطلع من البيت تحس انه انهد من المصيبه .. ابوي وشلونه
..ابوك تعبان ومهدود حيله وخوفه عليك زادهمه واخوانك كلهم متضايقين نواف غالي علينا كلنا بس لازام نصبر ونحتسب
..انا لله وانا اليه راجعون
..اي يامها هذا الي المفروض نسويه ونقوله تصبري يايمه بتنعمين من كثر مابكيتي
رمت راسها على صدر امها لعلها ترتاح صارت تحس بطعم المراره انحفر خدها من كثر مابكت لكن مارجعت الي راح
.............................
ياضعف حالي حزّةالشوقضعفـاااه
و أنا الذي فَـ الماقف الصعب لي طنب
.......
ساره كانت تعبانه نفسيا وجسديا تهرب من الواقع بالنوم الم يعصر قلبها بدون مايرحم صغر عمرها
جاها ابوها وسلمان يتطمنون عليها جلسو مقابلينها ويتاملونها
..هاه وشلونك يابنيتي
..الحمدلله يبه صرت زينه
..ماعليك منها يبه تتدلع علينا بتشوف غلاتها عندنا
ناظر لها برحمه ..هي عارفه غلاها هذي ساره الغاليه
بللت ريقها وتكلمت بصوت متقطع ..الله يخليك لي يايبه
..ويخليك لي الا ماقالك الدكتور متى تطلعين
..يقول يمكن بعد اسبوع
..على خير واحنا قاعدين لين تطيبين وتروحين معنا للشرقيه
..ليه يبه تروحون خلكم هنا
..يابنتي اخوك شغله هناك وانتي تعرفين سلمان مايرتاح وهو مايشوفنا قدامه
..خلاص يبه الي تشوفه بس مايهون علي ابعد عن الرياض >>ونفرت دمعه من عينها تعبر عن مقدار ماتحمل من اوجاع
انتبه ابوها انها تجاهد دموعها عشان ما تضايقه ..ساره يابنيتي تعوذي من الشيطان
..وشلون بربي ولدي يبه
تكلم سلمان ..افا وانا اخوك واحنا وين رحنا ولدك ولدي وان شالله ماينقصه شي وانا حي الي خلقه مايضيعه
..تسلم ياخوي
ابتسم يبي يخفف عنها ..بس مافي شي بلاش انا بزوجه ميلاف
ضحك ابوه .. والله تلاقي ساره ونوره ماسكات شعور بعض
..عاد ساره مانخلص من لسانها تبي تمشيهم على كيفها
..يالله حنا بنمشي واختك بتجي بعد شوي تبين شي
..سلامتك يبه
..ساره اذا احتجتي شي على طول اتصلي علي باي وقت
.ان شالله بس لاتشغل نفسك فيني
نايف يعاقب نفسه بالوحده كره كل شي قاسي الوادع والاقسى ان تحس لك حق عند احد وماتدري كيف تاخذه
رمى نفسه على الكرسي بمكتبه وحط يديه ورا راسه وسرح نسى الملفات والشغل الي قدامه ولاحس بدخول خالد عليه
..وين يابوالشباب
..هلا هلا خالد سرحت شوي
..وهو يجلس ..شوي بس الاقل مانت بالدنيا
..سارح بذا الشغل
..الله يقويك زين طلعت واشغلت نفسك
..الحمدلله على كل حال
..زين الشباب ودهم يسافرون تروح معنا
..لا والله انا بروح لجده اتطمن على الوالد
..ليه عسى ماشر
..نفسيته تعبت بعد موت نواف حتى شغله اهمله
..الله يكون بعونه
..آآآآآآآآمين عاد انا بروح اشوفهم
..زين براحتك
.........................
هدى كانت تحاول ترجع علاقتها بخالتها وتنسى وتنسيهم الي صار لكن بحاجه للي يساعدها ..وش رايك يمه نروح نزور خالتي ام ناصر
رافضه الفكر وتخاف شوف ناصر يجدد حبه في قلبها ..صاحيه انتي تزورينها بعد الي سويتيه
..مايصير يمه خلاص انسوا يعني بقاطعها العمر كله
..لاتقاطعينها بس ماتزورينها لين تتزوجين اما الحين اذا مشتاقه لها هي تجيك
..يعني ماهي زعلانه علي
..خالتك تحبك بس االي سويتيه بولدها ماينسي
..انا ندمت ولو الزمن يرجع ماسويت الي سويته
..الحين انتي فكري بنفسك ومستقبلك وناصر انسيه الرجال متزوج ويحب زوجته
كان درس قاسي عليها الي شافته من اخوانها بس سمعت الي حصل للطيفه حمدت ربها انها صحت قبل يطيح الفاس بالراس
..........................................
طلعت من غرفتها مع طلعة ناصر من مكتبه الي اصبح غرفة نومه مانتبهت له لابسه وناويه تطلع من البيت نزلت لام ناصر الي كانت بالمطبخ ..يالله ياخاله انا رايحه
..مع السلامه سلمي لي على امك
..الله يسلمك وش رايك تروحين معي
..لايمه روحي انتي وانا بمرهم اذا طلعت ساره ان شالله
..ان شالله يالله مع السلامه
وطلعت من المطبخ شافته منسدح على كنب الصاله ويقلب بالقنوات شافها وشافته لكن ماكلمها ولاكلمته
بعد مده طلعت ام ناصر ..انت هنا ياوليدي يعني ماوديت نوف
اعتدل وجلس ..لا ماوديتها الظاهر راحت مع السواق
..ليش ياوليدي ماوديتها
..خليها هي ترتاح اكثر
..الله يهديكم مدري لمتى ماكنكم متزوجين
..والله انا مثلك يمه تعبت وانا استناها ترجع زي اول
..ان شالله بترجع
..والله ماهو باين انا صرت احس انها خلاص كرهتني صدق
..تتدلع عليك ياوليدي بتشوف غلاتها عندك
ابتسم ..يعني للحين ماعرفت غلاها !!
..اكيد عارفه بس انت اصبرت كل هالمده اصبر لين الله يهديها
.................................................. ..........................
ياللـي غـيـابـك .. تـرجـم الـشـوقبالـ / هـمـس !
قـلي دخـيـل اللـه ..
~ آخـر عـلـومـك
مها بعد مابدت تتحسن طلعت بعد ماضغطت عليها امها تجلس مع اخوانها وابوها
..وشلونك يبه
..الحمدلله يابنيتي صرت زين يوم شفتك جالسه مع اخوانك
جود الي كانت تعد الايام لجية نايف ..صدق يبه نايف بيجي عندنا
..صدق يابنيتي
ببراه وبكلمات عفويه وحروف صادقه ..يبه انا احب نايف
ام بدر صارت تتقرب من عيالها اكثر تحاول تواسيهم وتنسيهم حزنهم على اخواهم ..هو بعد يحبك ومشتاق لشوفك
ارتجف صوت ابوهم وهو يتكلم ..الله يخليكم لبعض >>التفت لمها ..مها ماحد ارسلك صوره لولد اخوك
ارتعشت من الي سمعته واوجعها الحزن الي بصوت ابوها ..اي يبه ارسلتها لي نوف
..عطيني جوالك بشوفها
اخذ الجوال من يدها وتامل ملامحه الصغيره كان يحمل من اشباه ابوه وامه ..الله يصلحه ويعوضني فيه
هدا المكان كلهم سكتوا ماكان فيه كلام يقولونه او وصف لمشاعرهم بهذي اللحظه
.
................................
بعد حوالي يومين وقبل سفر نايف بيوم اصر سلمان وفهد يطلعونه من جوه شوي لزمو عليه يطلع معهم عشان يكسر الضيق جلسوا بجلسه ارضيه بواحدمن مقاهي الشباب كان يسرح بالعالم الرايحه الجايه ويبتعد بفكره عنهم
..نايف ياخوي حنا جاييبنك تغير جو وانت معنا بس بجسمك !!
التفت وتكلم بصوت جامد ..ماعليه اعذروني
رد فهد بكلمات صلبه شوي ..انتم لمتى شايلين الدنيا هذا قضا رب العالمين لايشغلكم الحزن عن انفسكم نواف لوكان حي مابيرضى بالي تسوونه ولاتنسى يانايف ابوك محتاج الي يوقف معه بهالمحنه وانتم كل واحد متلبس الحزن وناسي الثاني المفروض تواسون بعضكم وبعدين تذكروا ولده الي محتاج عطفكم واهتمامكم اكثر من حزنكم>> فعلا كان كلام فهد واقعي وسليم ويمكن لقى مدخل لقلب نايف وعقله عقب عليه سلمان ..كلام فهد صحيح ترى الحزن مثل الفرح مايدوم كل شي يروح انا فقدت اخوي وانا ماعندي غيره زعلت وضقت بس ماغيرت شي اخوانك وابوك محتاجينك يانايف انت الحين الجدار الي المفروض يستندون عليه كلنا نمر بمصايب ربك بيختبر ايمانكم ياخوي احتسب واصبر وقل الحمدلله
غمض عيونه واخذ نفس.. الحمدلله سلمان ابي اشوف ولد نواف
..للحين بالحضانه تقدر تشوفه بالمستشفى او بتنظر لين يطلع وتجي للبيت الله يحييك
..الحين الوقت تاخر وبكره وراي سفر ان شالله بعد مارجع بشوفه
..بتطول ؟؟
..والله على حسب بجلس مع ابوي لين يتعدا هالفتره وودي اتطمن على مها خالتي ام بدر تشتكي لي منها
..تروح ترجع بالسلامه
..الله يسلمكم يالله انا استئذن
..وين تو الوقت
..عندي مشوار قبل اروح للبيت تصبحون على خير
..وانت بخير
...........................................
في كل يوم اشوف موتي يجيني
وحزن الزمن غطى عيوني بيدهـ
ببيتها لحالها الكل ناسيه وهي ناسيه نفسها وغارقه بزحمة همومها الي تكالبت عليها دخل عبدالله وهي على هالوضع تقطع قلبه عليها
لقاها بغرفتها على الاراض كانها تدور مكان واسع يحتوي الحزن الي تفجر منه صدرها ..لطيفه قومي معي
بصوت بارد وهادي وبعبره .. وين ؟؟
..نايف برى يبي يشوفك
ارتجفت من اسمه تحس انه راح يشوف كل شي بعيونها راح يعاقبها ويدفعها ثمن الي صار بنواف ..نايف!! ليش جاي؟؟
نزل عبد الله لمستواها وقابلها ..وشلون ليش جاي اخوك يبي يتطمن عليك
زاد خوفها من مواجهته ليش جاي بعد هالمده يمكن نوال قالت له ..قله نايمه
..بس انتي صاحيه قومي شوفيه الرجال بكره بيسافر
قامت لانها ماقدامها حل ثاني دخلت عليه بالمجلس ومن شافها تامل شكلها ماتوقع هالانسانه الي عيونها تنطق قوه وجبروت توصل لهالحال
ماتوقع شي يهزها او ياثر فيها وقفت بطرف المجلس شافها ماتحركت تهتز مثل البناء الموشك على الانهيار قرب لها وحب راسها وبدون مايكلمها او يستئذن منها مسك يدها ومشى معها للمجلس وجلس وهي بجنبه ..وش اخبارك يام ريان
هزت راسها وعيونها تتراوغ ..الحمدلله زينه
سكتوا ماتعود منها السكوت والهدؤ المخيف تكلم متامل انه يخفف عنها ..ليش وانا اخوك مسويه بنفسك كذا
زلقت دمعه سريعه واحفرت وجهها بدون ولاحرف دموعها احرقته اكثر شي يكرهه يشوف دموع خواته ..انا كنت شايل هم مها صرتي انتي اكثر منها
بنفسها ياليت حزني مثل حزن مها مها ماتحس بنار اللوم تشب بضلوعها سمعته يكمل ..لاتسكتين ردي على انتي مانتي اختي الي اعرفها وين لطيفه القويه
ضلوعها تخلخلت من كثر ماكتمت شهقتها وغصبت نفسها على الرد ..لطيفه ماتت مع نواف
عض شفته وحاول يبتسم ماكان احسن من حالها ..ماحد يموت مع حد والحياه بتسمتر بكيفنا ولاغصبا عنا
ركت كوعها على طرف الكنب وحطت راسها بكفها ونفست النار الي تستعر بتنهيده طويله وعاليه ..آآآآآآآآآآآآآآآه يانواف
قام لها وهو يشوف دموعها تتدحرج على خدها بسرعه ومسكها مع عضودها ووقفها قدامه ..لاتسوين كذا لطيفه ترى انا محتاج الي يواسيني جيت ادوور عندك القوه صرتي اضعف من ماتوقعت لطيفه ابوي محتاجنا لازام نوقف معه انا بكره بسافر له تروحين معي
افلتت نفسها منه ومسحت دموعها ..ماني رايحه
..ليش؟؟
.. مابي اشوف احد خلني يانايف خلني ورح مابي احد مابي >>وركضت داخل وسكرت بابها عليها ورجعت لعزلتها
ناظر لاثرها بستياء وطلع من بيتها وهو محتار بمن يبدا ولمتى هالحال ؟؟؟
.................................................. ..
مهما يطول الحب مابين خلآن..!
بكرى يموت ويصبح الحب [ذكرى]
عرفت ليه اضحك إذا قلت:ولهان
في داخلي ابكي على شأن ~بكرى..
مشت شوي شوي لامها الي فتحت يديها وقلبها لها وحضنتها بشوق
..نورتي بيتك يانظر عيني
>>رفعتها عنها تشوف الرد الي ماطلعه لسانها يمكن تقراه بعيونها وكملت >>اشتقت لك يابنيتي
رجعت ضمتها من جديد وردت عليها ..وانا اكثر وحشتيني يمه
..وشلون ولدك ان شالله صحته زينه
..الحمدلله >>لاحظت ان حروفها وهي تتكلم عنه بارده مافيها دفئ الامومه الي تعرفه زين
..اهتمي فيه ياساره هذا عوضك من رب العالمين لاتحرمينه من حنانك تراه اكثر شي بيقفده ويحس فيه
..ان شالله الله يقدرني ويخفف حملي
..يارب روحي يمه ارتاحي بسريرك
تحركت بجسمها التعبان من غرفة امها لغرفتها الي اشتاقت لها الغرفه الي احتضنت احلى ايامها
كانت جدرانها تصرخ باجمل ذكرياتها مع اختها وتنطق باجمل الايام بهموم الطفوله والمراهقه صارت ذكرى تتمنى انها ترجع جلست على السرير وعبايتها عليها وشدت على الغطا الي على السرير بيدها وبكت بصمت
..........................................
متركيه على جنبها ويدها تحت راسها ومعطيه باب غرفتها ظهرها جالسه لحالها لان ماعاد لها نفس لاي شي طلبت منها امها تبدا الاستعداد للدراسه لكن رفضت تسوي أي شي نور المكان النور خافت يعبر عن الظلام الي بداخلها سمعت طرقات هاديه ..ادخل
انفتح الباب وحست به وهو يتسكر وبحركه وراها على السرير ويد انحطت على كتفها ..يمه تكفين مابي اروح ولاجي اتركيني لحالي
..ماراح اتركك >>اسعمت صوت رجال وراها بحركه سريعه وخفيفه جلست ولفت جسمها ومسنتده على يديها لحظات تتامل بوجهه وابتسمت ...نايـــــــــــف !!
ضحك على حركتها الى الان ماهي مستوعبه ..وش رايك ؟؟
..متى جيت ؟؟
..طيب سلمي اول
ضحكت على نفسها وسلمت عليه ..هلا بك ياخوي وشلونك
..الحمد لله مثل مانتي شايفه بخير انتي شاخبارك
..وانا بعد مثل ماتشوف عايشه
حرك اصبعه على خدها ..طيب ليش جالسه لحالك الشعب كله تحت بس انتي معتكفه بذا الغرفه
اخذت نفس وتكلمت ..احب اجلس لحالي مالي خلق اشوف احد
تكلم يمزح معها ..وشلون اطلع يعني
انتبهت لنفسها ..لالا ياخوي انت مانت أي احد
..زين قومي نجلس معهم انا قلت لهم بجرها لكم هنا
ابتسمت مجامله له وخطرت على بالها اختها وخصوصا انها ماشفتها بالعزا ..نايف ماشفت لطيفه
نزل راسه وهزه ..شفتها
..احنا قصرنا معها اشغلنا العزا عنها وان شالله نفسيتها زينه
..والله يامها لطيفه منهاره لو تشوفينها ماتعرفينها ماتوقعت في شي يهزها
..موت نواف كان زلزال هزنا كلنا الله يصبرنا بس
حس بها تجاهد دموعها لانها ماتبي تضايقه رفع راسها بيده ..مهاوي ترى انا مثلكم محتاج الي يواسيني كلنا محتاجين بعضنا بهالمحنه
..الله يرحمه نواف رقيب مني وصعب تطيب جروحي
..ماراح ننساه عايش بقلوبنا العمر كله
..الله يعوضنا بولده
..يالله قومي معي ترى مشيعل متحديني انزلك معي
وقفت على حيلها وهي تعدل بجامتها ..انزل انت وانا بغسل وجهي وانزل وراك
نزل وهو قلبه يملاه الحزن لكن مظطر يمثل القوه عشان ابوه واخوانه
..................................
في بيت فهد كانت نوره موجوده وفهد
تكلمت نوره وهي تراقب فهد الي يطير بنتها بالهوا وينزلها وحاطه يدها على راسها ..فههههد بتطيح بنتي
وهو ماكانه يسمعها ومستمر بلعبته العنيفه قامت وهي تحاول تاخذها وهو يلف فيها يمين ويسار ..فهد تكفى لعبك يخوف
وقف وشالها زين ..هي عاجبتها اللعبه انتي شعليك
ارتاحت يوم شافته وقف ..هي وش عرفها >>وهي تمد يدها لها والبنت ماسكه ملابسه
..هههههه شفتي هي تبيني ماتبيك صح لوفي
..صدق خاينه انا خايفه عليها وهي تبيك انت
..بدينا الغيره ترى انا اخوك
..زين زين بس اجلس ارتاح
تكلم وهو يجلس ..جلسنا انتي بس روحي وخلينا نلعب
..انت ماتمل خلك من اللعب وقلي وش سويت مع مها
هزكتفه ..وش بسوي يعني جوالها ماترد عليها بخليها لين تهدى واكلمها
..الله يكون بعونها ويصبرها ما تنلام هذا اخوها
..نواف ما كان اخوها هي بس كان اخونا كلنا موت اثر فينا
..ساره المسكينه بعد تعبانه متغيره ماهي ساره الاوليه الي تضحك وتمزح
..موته كسر اشياء جميله فينا كلنا ومافي واحد منا مافتقده بس مانقول الا الله يرحمه ويرحم اموات المسلمين
..آآآآمين يارب ويصبر اهله وزوجته
.................................................. .............
اجتمعوا حول ابوهم جمعتهم حوله تسحب شوي من كم الحزن بصدره وتخفف من الالم الي يعانيه
ام بدر ..ليت لطيفه موجوده ليه ماجبتها معك يانايف
..قلت لها ياخاله بس مارضت تجي
ابو نايف ..الله يهديها لطيفه طول عمرها ماتحب تختلط مع احد تحب تكون دايما لحالها
انتبهوا لمها نازله على الدرج ..مساء الخير
..مساء النور >>وهو ياشر للمكان الفاضي ..تعالي جنبي
جلست جنبه "مشعل ..احلى نايف قدرت تنزلها وحنا لنا كم يوم نروح نرجع عليها وهي ولا تحركت من غرفتها
..اعجبك >>وهو مبتسم له
اخذ بدر الكتاب الي جنبه وقعد يقرا ..الحين كلنا مجتمعين وانت ماسك هالكتاب وتقرا
..مشعيل حل عني مالك شغل فيني
..وهو صادق ياوليدي اجلها لبعدين
رجع الكتاب جنبه ..تامر يبه >>وهو يتوعد مشعل بحركات يهدده فيها
وسط اصواتهم اهتز جوال مها على الطاوله الي بينها وبين نايف التفتو مع بعض كان صامت بس ماردت قرب لها يوم شاف الاسم وهمس ..ليش ماتردين ؟؟
استحت من اخوها ماتحسبه انتبه له ..هـ هــاه مالي خلق
قرب جسمه زياده ..بس هذا زوجك
..خلاص طيب وش يبي مني مابي اكلمه ولا اكلم غيره
..لا يامها وانا اخوك فهد ماله ذنب وهو يبي بس يتطمن عليك
..نايف تكفى
..خلاص خلاص بس تذكري فهد له حق يكلمك ويعرف اخبارك وانتي حاقرته
..عارفه بس اذا شفت نفسي احسن انا بنفسي بكلمه
تركها تقلب الجوال بين يديها حست الجوال اهتز لكن هالمره كانت نغمة رساله فتحتها
طمني
وخبرني وش هي
آخر علومك
اوصف لي اوضاعك
وعلمني
اشلون تقضي باقي
يومك
ولابرسالة شوق
راسلني
واكتبلي افراحك مع
همومك
واذا نويت ترد
خبرني
ابحتفل ياخليبقدومك
قامت من بينهم وهي عتبانه على نفسها قبل لايعتب هو عليها طلعت لبرى البيت وجلست على الكرسي بنص الحديقه
ترددت قبل تضغط لكن بالاخير اتكلت على الله واتصلت وقلبها يحمل خليط من الحزن والحرج والخوف ومشاعر ماتقدر توصفها
اتصل ولاردت وارسل رساله وطلع من غرفته وجلس مع امه واخته وهو متضايق ماعاد يتحمل جفاها لي ماله مسبب كانت امه ونوره يتكلمون ..ومتى بترجعون ؟؟
..مدري يمه بس عمي يقول لين تطيب ساره ويطلع ولدها من المستشفى بنروح
هزت راسها باسى ..سبحان الله كنت اتمنى انك تجين واشوفك انتي وبنتك قدامي ماكنت ادري ان الي بيجيبكم موت نواف
..اي والله يمه ماحد يدري وش تخبي له الايام الله يكفينا شرها
..آآمين يارب >>وهي تناظر لفهد ..فهد وش عندك ياوليدي ضايق
..ولاشي يمه بس مصدع شوي
..سلامتك ياوليدي تبي اسوي لك شي انت حتى غدا ماتغديت
وهو ياشر بيده ..لا يمه تسلمين لاتعبين عمرك الحين بـــ >>قطع كلامه صوت جواله ماصدق انه يشوف اسمها ينور الشاشه ماتوقع ان فيه شي ينفع مع عنادها قام بسرعه
..اسم الله عليك وشفيك ؟؟
..ههههههههههه لاتخافين يمه الظاهر جته مكالمه طيرت الصداع عنه
..هههه دمك خفيف >>وطلع لغرفته وهو يستقبل المكالمه
..هلا والله
تتكلم بصوت خجل ومخنوق ..هلا فهد
..كذا يامها تسوين فيني اسبوعين ماسمع صوتك
قدرت تتحكم بصوتها لكن دموعها كانت اقوى منها ..ماعليه فهد انا كنت متضايقه ومابغيت اضايقك معي
..افا حبيبتي لاتقولين كذا هذا واجبي وحقك علي
………….؟؟
..مها وينك !!
..معك معك
..مها لاتزعليني منك حاولي تنسين
شهقت ..انسى نواف صعب يافهد صعب
ضايقه الالم بصوتها ..النسيان رحمه يامها
رفعت نظرها فوق ودموعها تسلل ..يارب ارحمني يارب صبرني
كان يستمع كلامها يوم عرف حالتها عذرها انها ماكنت تردعليه بس لازام يقول شي ..مها حبيبتي الموت حق وكلنا بنموت انتي مؤمنه والمؤمن مبتلى نواف الله يرحمه وبدال ماتبكين وتغضبين ربك ادعي له >>سكت فتره يستناها تهدى وهو يستمع لنحيبها لين هدت شوي وضبطت نفسها
..انا متصل بسئل عن اخبارك واتطمن عليك وانتي تخوفيني عليك
مازال كلامها تقطعه بعض الشهقات ..آسفه سامحني
..ماراح اسامحك لين اشوف مهاتي الفرفوشه المزوح انتي وحده ثانيه مااعرفها
..فهد
..عيونه سمي
..بغيت اسئلك عن الزواج انت حددته؟؟
ابتسم يبي يضيع البكا ويغير جوها شوي ..اذا تبيني احدده اليوم ماعندي مانع
استحت منه ..لا بس تكفى فهد اصبر علي شوي
تكلم بجديه وبصوته العذب الهادي ..من عيوني بدون ماتقولين انا مقدر ولاتنسين ان الحزن علينا كلنا انا مابي منك الا تهتمين بنفسك والزواج ماراح يتم الا بالوقت الي تشوفينه يناسبك
ردت عليه بامتنان ..مشكور ماراح انسى لك هالموقف طول عمري
..الحين حبيبتي اترك ترتاحين ومابي اتصل مره ثانيه ولاتردين ترى ازعل وانا اذا زعلت اخوف
ضحكت عليه وحست نفسها ظلمته معها ..ان شالله فهد سامحني على الي سويته معك
.. خلاص انا نسيت انتي انسي بعد
..الله لايحرمني منك
…………………………………………………………..
يعيش الصمت ..في جو الغريب ..وتنولد ضيقه
ويبقى الحب ..مشوار السنين ..وسالفة جرحين
تعبنا ..والهوى واقف هناك ..وناشف ٍ ريقه
يسافر به ..صدى صوت الغرام ..ودمعة ٍ بالعين
فراقك ..يااعز الناس ..ورب البيت ..مااطيقه
تباعدنا ..ولكنا .. بـ صدر الحب .. لسا ..إثنين
توالت الايام ومر على موت نواف حوالي شهرين نايف رجع للرياض تمم بعض اشغاله ورجع لجده مره ثانيه
نوف وناصر على وضعهم ماتغيروا
فهد ومها رجع الاتصال بينهم لكن اقل من اول
سلمان يروح ويرجع لشغله بالشرقيه
ساره تحسنت حالتها واليوم طلع ولدها من المستشفى بعد ماكمل التسع شهور
اجتمعوا فرحانين بالضيف الي انضم لعائلتهم الصغيره جابه سلمان ونوره من المستشفى مبسوطين بوجوده بينهم
من شافته قلبها يضرب طبول ماشافته الا مره وحده كان بحضن ام سلمان ..بسم الله تبارك الله الله يحفظه
تكلم ابوسلمان وهو يناظر لساره الي ماهي عارفه تفرح ولا تحزن ما اصدرت أي ردة فعل
..آآآمين الحمدلله صارت صحته زينه
ام سلمان وهي منزله راسها وتتامل فيه ..بيملا علينا البيت
سلمان كان متربع على الاراض وماد يديه لبنته الي تحبي ناحيته ..الله يمه راحت على بنتي ولد ساره اخذ الغلا وخلاها شفتي يا ميلاف متعب اخذ مكانك
ابو سلمان..هذا غلاه من غلا اسمه
..لاياوليدي كلهم عيوني الثنتين واذا كان ولد ساره ماخذ اسم الغالي بنتك ماخذه ملامحه
قرب لها ورفع يدها .. ادري يالغاليه ادري الله لايحرمنا من حنانك
التفت لساره الي كانها متوتره ..ساره يمه تعالي شيلي ولدك واحضنيه
قام سلمان وشاله وحطه بحضنها وهو ياشر على امه ..خوذي ولدك هذا مكاني انا وبنتي
ماحركت يديها وهي تشوفه يحرك راسه يمين وشمال ويتحسس الاشياء تذكرت حركته في بطنها لمت يديها عليه وجتها رغبه تقربه لقلبها تحس نفسها صغيره على تربيته والاهتمام فيه
نوره ..الظاهر جوعان ياساره
..وشلون يعني اصلح له حليب
تكلم سلمان ...ههههههه لا صلحي له كبسه ترى يحبها
..الله يهداك ياوليدي لاتحرج اختك هي بتتعلم قومي يمه جيبي الحليب ورضعيه
ناولته مها وقامت تجهز له الحليب كاول خدمه تقدمها له بحياتها وبحياته
.....................................
صباح الحب يا حب يعيش ودنيته طرياكاحس انك هنا ايامي ولو ما كنت تطرينييفوح من الزهر عطره ويبقي القلب مع ذكراكوهج ذكراك في قلبي بعد صدك يدفيني
مع بداية يوم جديد وفي بيت ناصر لبست وتجهزت ونزلت لخالتها وهي تركض عشان تلحق الوقت
..صباح الخير ياخاله
..صباح النور زين لقيت احد يقابلني على الفطور تعالي يايمه افطري معي
كانت واقفه وتشرب الشاي ..آسفه ياخاله مستعجله عندي محاضره بعد شوي
حست بحركه جنبها تظن انها وحده من الشغالات لكن قرب لها يايبي يتناول الشاي الي قدامها ..صباح الخير
ارتاعت من صوته وشرقت بالشاي وصارت تكح وتكح قامت ام ناصر ..اسم الله عليك يمه
وهي مازلت تكح من الشاي الي طار بحلقها حطت يدها على فمها وهو يناظر لها رفع كاس المويه الي على الطاوله وناولها اياه وهمس لها ..ماكنت احسب اني اخوف >>تكلم وريحتها عالقه به وتتلبس جسمه واحساسه
شربت من الما وعيونها تتحركت بسرعه نزلته مكانه وهي تنوي الهروب وقبل تكتمل خطواتها السريعه بالابتعاد عنهم ..انا بروح ياخاله تامرين شي
رفعت صوتها ورفعت يدها لانه ابعدت شوي عنها ..كنت باقولك اني معزومه الليله على زواج وبغيتك تروحين معي توسعين صدرك
بلا شعور وهي حاطه يدها على فمها بسبب حال السعال الي جتها التفت لناصرنص التفاته كأنها تشاوره فهم حركتها لكن مارد عليها لين فهمت خالتها قصدها ..ناصر ماهو مخالف ولا ياناصر؟؟
لانه حس ان عندها رغبه بالطلعه وبغى يشوف كيف بتتصرف ..شكلها ماتبي تروح لاتحرجينها يمه
انغاضت منه صاير اسلوبه بارد .. بتروحين يانوف!!
التفت لامه كانها ماتشوفه ..اذا سمح لي باروح
قهرته بطريقتها انقلب السحر على الساحر لانها عارفه انه ماراح يرفض لامه طلب ناظر لها نظره ناريه تحمل الف معنى ومعنى ..بكيفها بتروح ماعندي مانع
وطلع وقلبه يشيط غيض عليها كانت رقيقه حساسه وش الي غيرها رد على نفسها وهو ماشي وبصوت مسموع ..انت الي غيرتها ياناصر انت >وركب سيارته وراح لشغله وهو يشوفها تركب مع السواق والشغاله وتنطلق للجامعه
.................................................. ........
..نعم يبه آمرني
..انا بكلمك بموضوع وابيك تسمعني للاخر
..اسمعك يبه تفضل
..ولدك اخوك يانايف !!
..وش فيه ولد اخوي
من هنا بداية الكلام صعبه عليه مثل ماهي صعبه على نايف ..وش مصيره وش راح يصير عليه
متاكد انه يرمي لشي ماخطر بباله ابدا الي خطر على ابوه ..ولد نواف بعيونا ماراح نخليه ولاراح نقصر عليه
صعب الكلام ويبي منه جهد وجلاده وصبر ماتمنى انه بيوم من الايام يكون بهالموقف ..افهمني يانايف الولد محتاج ابو يريبه ومحتاج ام تحن عليه
ارتتعشت يديه يوم بدا يعرف مقصد ابوه بس مايبي يستعجل لين يتاكد من مقصده ..وش تقصد يبه ؟؟
..اقصد الي فهمته انت فاهم يانايف
بدا الكلام يتقطع بحلقه ويثلعثم فيه ..لايبه ماني فاهم فهمني قل وش تبي توصل له
الرجفه الي ابتدت بنايف وصلت لابوه وصارت سكاكين تنغز صدره بدون رحمه ..نايف ياوليدي لاتصعب علي الامور انا شايل هم هالولد
استغرب من ابوه اول مره يقسى عليه وهذي قمة القسوه ..انت تصاعبت الكلام يبه وشلون تبيني اتحمل الفعل
مااستغرب ابوه ابدا من ردة فعله شي متوقعه الا متاكد منه ..ريحني يانايف خلني اتطمن على هالولد قبل تغمض عيني
قرب له وجلس عند رجليه ..لك طولة العمر يابو نايف بس الولد ولدنا وحنا الي بنربيه وان شالله ماينقصه شي وانا حي
حط يده على كتفه كانه يشحذه العزيمه ..ياوليدي مابيه يعيش بين مرت عم ولازوج ام ابيه يحس بحنان الام وعطف الابو ولافيه احد يعوضه عن ابوه غيرك والبنت ضغيره مصيرها بتتزوج
..خلها يبه تتزوج الولد حنا اهله واحنا اولى فيه
..ياوليدي افهمني
..انت افهمني يبه صعب صعب الي تطلبه مني
نزل راسه بياس ..انا ماجبرتك وانت صغير ولاراح اغصبك الحين بس انا بزوجها بدر
باليل رجعت من العرس ماتشوف الطريق لان اليوم اربعاء وجت العصر يالله لحقت تلبس وتجهز فتحت الباب تسحب رجولها راسها ينقض من الازعاج الي بالزواج نزلت عبايتها وجلست تنزل صندلها مانتبهت للي يتابعه وهي تمشي رايحه جايه تطلع لها ملابس اخذت ملابسها وكانت تنوي تدخل تبدل ملابسها لكن انتبهت انه جالس بمكان منزوي بالغرفه افتحت عيونها وحطت يدها على كتفها العاري الا من جزء غطاه شعرها الاشقر ..انت من متى انت هنا ؟؟
وقف ومشى لها وهو يتاملها من زمان ماشافها باهالوضع ..وش فيك مرتاعه من زمان انا هنا
تاففت منه ..ناصر حنا اتفقنا ومااعتقد انك بتخلف وعدك
وصل لها ونزل يدها عن كتفها ورجع شعرها ورى وريحة عطرها تخترق صدره برفق ..لاتخافين قلت لك لوابيك ماحد يمنعني منك بس بكلمك بموضوع
ارتعشت اوصلها من دفى يده على كتفها تراجعت ورى بخطوات حذره ..موضوع ايش
استدرا وجلس على الكرسي الي وراه ..اجلسي بكلمك
حست شكلها غلط ولازام تغير لبس ..طيب استنا لين اغير ملابسي
رفع يده وهو يرفض طلبها ..اجلسي يانوف الي اشوفه ماهي اول مره اشوفه
احمرت خدودها من منظرها ولانه فهم قصدها وجلست شوي ..اتكلم متشوقه اسمع الموضوع الي ماقدرت تاجله لبكره
ناظر لها ببرورد ممزوج بشي من الالم ..لانه قرار اتخذته بعد تفكير بقولك قراري قبل اغيره
ماتدري ليش حست بصوته لحن غريب وجديد متشوقه تسمع الباقي وخايفه منه مانتظرها تتكلم وكمل ..نوف انا قررت اعطيك الي تبين واريح نفسي واريحك من العذاب الي حنا عايشينه
دبت قشعريره بجسمها من الي سمعته ..وش قصدك
..انابعطيك حريتك وتقدرين تروحين مع اهلك وانا احل نفسي من العهد الي قطعته عليها اني ارجع نوف الاوليه
جاهدت دموعها ماتبيه يشوفها ويحس بقدر تاثرها حس ان ماعندها رد مهما كانت كلمة طلاق صعبه عليها كمل وهو منزل راسه ويناظر ليده..انا بسافر سفره طويله شوي ومابي اربطك معي عشان ماتكرهيني زياده على الي الكره بقلبك علي
تكلمت بصوت متقطع تحاول تضبطه ..انت بتسافر ؟؟
هز راسه ..بسافر ومابي اتحمل ذنبك خلاص انا حاولت معك بس ماعرفت اوصلك
تراقبه بكل جوارحها وهو يتكلم جاها شعور انها بتفقده وللابد ..متى
هزكتفه ..مدري بالضبط بس بغيت اقولك تجهزين نفسك
سكتت مده حست بالمراره الي يبتلعها وهو يقول الكلام مع ان هذي رغبتها لكن سمها الكلام وسئلته ..كم بتقعد ؟؟
قام وقف .. الله اعلم انا بعطيك ورقتك اذا رجعت الا اذا كنتي مستعجله
نزلت راسها بالنفي ودموعها تنزل بهدوء وسمعته ..تصبحين على خير
كان ودها تمسك يده وتقوله اجلس تو الوقت او تقوله لاتطلع الغرفه غرفتك والقلب بيتك لكن اخذتها العزه بالاثم وانشل الكلام على شفايفها المرتجفه فزت من صوت الباب الي تسكر وراه حست مكانه فضى تحس بحضوره داخلها ضربت على الكنب بيدها >>غبيه يانوف غبيه
تحبينه وتقسين عليه >>رد عليها صوت ثاني >>بس مابين بعينه الحب الي عطيته >>بدون ماتتحرك مالت على الكنب وارتخت جنبها عليه ولمت رجولها لبطنها وقعدت تهتز من مجرد الفكره والكلام
اسفه على التأخير وهذي تكملة الروايه
وأهم شي انها عجبتكم
وشكرأ على التثبيت
البــــــــــــــ الرابع والعشرون ــــــــــارت
نزل راسه بياس ..انا ماجبرتك وانت صغير ولاراح اغصبك الحين بس انا بزوجها بدر
جفل من الي سمعه وانطوى قلبه من الي قاله ابوه خصوصا انه يعرف بدر بار لدرجة انه يمشي للنار في مقابل رضا ابوه لكن حاول يثنيه
..بدر!!
بصوت واثق شققته الحسره ..اي نعم بدر ماقدامي الا هالطريقه تقرب ولد نواف لي وتخليه يصير تحت عيني
..بس بدر صغير يبه حرام تحمله المسؤليه وتضيع مستقبله وانت تدري ان دراسته اهم شي عنده المستقبل فاتح له يديه
على صوته ورفع كفه بوجهه ..ماهو صغير لاتنسى انه كبر نواف الله يرحمه ومستقبله ماراح يضيع من تربية ولد اخوه انا مابي منه الا يتزوجها ويترك تربية الولد علي
طخى راسه ..بس يبه انت تظلمه بقرارك
صرخ بصوت يرتجف ..لا انا ماظلمته انت ماتحس بالنار الي بجوفي يانايف موت نواف هدني لاتصيرون انتم والزمن على
سمع رجفة صوته ووصله معها احساسه بس قبل لايتكلم كمل ابوه .. اذا تبي رضاي ياولدي لاتتدخل بهالموضوع عيش حياتك واتركنا انا عرضت عليك ورفضت بس بدر ماراح يرفض
رفع راسه وحط يده بجيبه ..لاتستغل بر بدرلك يبه خلاص انا اولى بهالمسؤليه
انفرجت اسريره من الي سمعه لانه متاكد ان نايف قد مسؤلية تربية ولدنواف ..متاكد يانايف ؟؟
طلع يده من جيبه وحطها على يد ابوه ..متاكد يبه
..الحين بقى علي ساره
استهزا فيها بينه وبين نفسه وحده بهالاخلاق وشلون يحق لها توافق او ترفض ان تزوجتها حميت بدر من شرهاا واخذت حق نواف منها والله لادفعها الثمن غالي تنهد بعد صمت ..هذي عليك يبه
.................................................. ...................
. عزاه صرنا نلتقي مثل الأغراب..
عقب الغلا كلن بوجه يصدي..
من عقب ماحنا عزيزين وأصحاب..
اليوم كلن صد قصده تحدي..
لكن يطول الوقت وتعرف الأسباب..
تندم على وقتن مضى كنت ضدي..!!
.
بعد يومين من الافصاح عن قراره ماشافتها من وقته كانوا يتصادفون لكن من وقتها حتى الصدفه بخلت عليهم بلقا دقت برفق على باب المكتب الي صار له شهور مادخلته وجسمها ينتفض من الرهبه ماتدري ليه حست انه ماراح يستجيب قررت تتراجع وتروح لغرفتها لكن انفتح الباب قبل تكمتل ميلتها بسرعه رجعت بنظرها عليه ..آسفه اذا ازعجتك
سخر منها وضحك بنفسه عليها بس لوهله توقع انها تقوله انا عدلت عن قراري وانت اعدل عن قرارك ..ابد مافيه ازعاج بس كنت لاهي بالشغل
ارتجفت قبل تكمل كلامها وهي تشوفه واقف يستناها تكمل ..زين مابي اعطلك بس بغيت استئذنك بروح ازور اهلي
ابتسم لطلبها كانه اول مره من رجعت له تسئذن بطريقه مباشره ..وليش تسئذنين كان رحتي ماله داعي الاستئذان
سكتت وحست بالحرج منه كان ودها يفتح معها موضوع تبي تستفسر منه عن سفرته عن قراره هل هو قرارقلبه ولاعقله ولا وقوفا عند رغبتها ولا ولا اسئلها كثيره تدور ببالها لكن ماقدرت
..طيب عن اذنك انا رايحه
وهو يسكر الباب ..اذنك معك
ماتدري ليه جرتها رجلها لمكانه مع ان هذي رغبتها وهذا الي اجبرته عليه وهو الي كان رافض الفكره
............................................
طلع من عند ابوه بعد اتفاقهم انهم يحدد وقت يكلم ابو سلمان بخطبته لساره طلع من مجلس الي مقابل الدرج وهو طالع فتح ازارير ثوبه حس ملابسه اخنقته شي يضغط على صدره من ثقل الي تحمله ماامداها يجبر كسره بموت اخوه حتى ينكسر زياده مشى بخطوات بطيئه طلع على الدرج كان ناوي يدخل الغرفه المخصصه له ببيت ابوه وقف عند غرفة مها دق الباب دخل يوم سمع صوته تاذن له بالدخول
استدارت وهي جالسه على كرسي تسريحتها يوم شافة صورته تنعكس بمرايتها الي ماخفت عليها الضيق الي مرسوم بتعابير وجهه قامت وهي تشوفه ماسك يد الباب كانه يدور شي بالغرفه تكلمت وهي تمشي يمه ..وش فيك وجهك متغير
جلس على الكنب ..مافي شي
..والله ياخوي الي يشوف وجهك يبصم بالعشر ان فيك شي انا اعرفك يانايف
تنهد بالم من حدة سكاسين تنغز صدره ومن حملا طاح عليه ووهنه ..آآه ابوي يامها
جلست بجنبه وعيونها متعلقه بعيونه ..وش فيه ابوي صار له شي
ببرود تكلم ..لا لا يامها لاتخافين مافيه شي >>ناظر لها .. ابوي يبي يزوجني
ميلت راسها وهي نتاظر له وهي تحاول تستوعب في شي غلط بالموضوع في شي ماهي قادره تفهمه وبصوتها الي يحمل استفهام ..ونواف ماصار على وفاته اربع شهور فهمني السالفه يانايف عجزت افهم
غمض عيونه وركز عليها..ابوي >>وسكت
علقت عيونها به وهو يحاول يطلع منه الكلام وتكلمت .. قول وش يبي منك ابوي
قلب الكلمه بمراره داخله واخيرا لفظها ..ابوي يبي يزوجني ساره
ماعلقت لين فهمت السالفه ماستغربت ابدا نزلت راسها شوي شوي ..كنت متوقعه
فتح عيونها على كبرها من الي سمعه يعني مها توقعت الي ماخطر ابدا على بالي ..ابوي كلمك
..لا ماتكلم بس عارفه انه ماراح يخلي الولد يتربى بعيد عنه
..والله مدري يامها وشلون اتصرف مابي اغضب ابوي
..خقك انك ترفض هذا زواج يعني عشرة عمر
..خلاص ماعاد للكلام فايده انا وافقت واتفقت مع ابوي على كل شي
..ليش توافق اذا مانت مقتنع
..لو رفضت بيزوجها بدر
..يمكن بدر يقتنع ويتقبل الفكره
ماقدر يقول لها مابي يصير ببدر مثل ماصار بنواف مايبي يقولها انه شبه مجبور فضل يقوم وهو ساكت اسكت يانايف طول عمرك ساكت ومااحد يعرف وش الي بقلبك ليش هالمره تكلمت وفتحت قلبك
طلع من عندها وهو مبهوت ماهو عارف اتخذ القرار الصح ولا الغلط
.................................................. ................
وصلت لبيت اهلها كانت بينهم بس بالجسم لكن قلبها وعقلها وجوارها كانت هناك ببيتها عنده وبالمكان الي هو فيه كانو مجتمعين كلهم ماعادا ساره الي سئلت عنها وعرفت انها دائما مشغوله بولدها الي صار ياخذ كل وقتها راحت لها وكانت جنبه ومنسدحه على جنبها وراسها على حرف السرير وحاطها ااصبعها بيده الصغيره وسارحه فيه ماصحت الالما القت نوف السلام بعد ماوقفت تشوفها عدلت نفسها وجلست ..هلا نوف
جلست بالجهه الثانيه بحيث صار الطفل بيبنهن مسحت عل راسه بنعومه ..ليش مانتي جالسه معهم برى
..كنت انوم متعب من متى انتي هنا ؟؟
..يعني من حوالي ربع ساعه
بعد مادققت فيها عرفت انها تفكر بشي وصاير بينهم شي ..نوف صاير بنينكم شي جديد
شالت ولد اختها بين يديها ولزمت جسمه على صدرها بحنان وناظرت لساره ..ناصر بيسافر
عقدت جواجبها تدري ان الي قالته تمهيد لكلام يجي بعده..طيب ماظن هذي المشكله
حبت متعب ونزلته بمكانه وحطت يديها بحضنها ..طلب مني اروح معكم الموضوع الأصلى من هنا: منتديات طرطعة http://forum.6r63h.com/showthread.php?t=102968
ردت بملل تدري هذي ماهي نهاية الحديث ولا هذا الاشكال ..نوف اختصري لاتتكلمين كلام مقطع
بدت بالكلام وحيره تتخلل حروفها وتردد وندم وشعور صعب ينوصف هو الي كان غلطان وشلون صرت احسن نفسي مذنبه بحقه ..قالي انه بيعطيني حريتي وانه مايبي يظلمني معه
صدمها الي سمعته بس تلبست قناع البرود يمكن تستفزها ..ماهو هذا الي تبينه!!
التفت للجهه الثانيه ماتدري كيف توصف الي تحس فيه وتعبر عنه بلسانها وتلاقي احد يفهمها تكلمت بصوت بارد ..ماحد فاههمني ماحد حاس فيني ولا واحد فيكم جرب نار الغدر ولاانجلد بصوط الظلم >>وهي مازالت ملتفته ضمت اصابعها وغرزتها بصدرها ..ماحد ذاق طعم الاهانه >>هنا التفت بسرعه وتكلمت بحروف اسرع من التفاتتها ..شعور صعب ياساره تتفانين بحبك وتدوسين على قلبك وبالخير تلقين جزاك كل هذا
قدرت توصل الي داخلها لاختها وعرفت كيف ترسله لها عن طريق الصوت والاحساس ..بس انتي تبينه وهو يبيك غلط واعترف بغلطته وانتي بنفسك متاكده انه ندمان ماظن يانوف يقدر يسوي اكثر من الي سواه
تدور بكلامها مشوره اوكلمه تريحها او تهدي نفسها عليه تحب بجنون لكن يحول بينها وبينه المشهد الي ماتنساه ..انتي وش رايك
قامت وقربت لها ..اسمعي يانوف لا تردين عليه بماانه مسافر اتركي الامور تمشي على التساهيل وبماانه مسافر اجلسي ببيتك فترة سفره بتكون من صالحك تفكرين وتقررين وبعدين لاتنسين جامعتك صعب بعد تتركينها بعد وتبدين من جديد
رفعت راسها لها وهي تشوفها واقفه .. بس قالي اروح معكم كرامتي ماتسمح لي
..كرامتي كرامتي يانوف انتي تدرين بحبه لك وصدقيني هو مثلك صعب يتخلى عنك بس بيستفز الاحساس الي داخلك الي حبستيه حتى عن نفسك
..من هنا لين يسافر بكون قررت واشوف وش راح اسوي والله يكتب الي به الخير
صفنت الثنتين كل وحده بحالها ومصيرها واحزانها
..................................
لابغيت ارتاح واضرب على الدنيا صليب
لج هاجوس الضماير وقمت اعوي عواه
الليالي شيبت بي قبل وقت المشيب
لاعطيت الوقت وجهي يلقيني قفاه
صرت انا والدهر مابين مطلوب وطليب
عزتي للي يصارع زمانه ماقواه
مر على هالاحداث اسبوع بدون جديد في ماعادا هواجيس القلب الي تروح وتجي داخل صدورهم
نايف يفكر بالقرار المصيري الي حدده له ابوه وكان معتمد بما انه يعتبر زواجه حمايه لولد اخوه ولبدر من ضياع مستقبله وبما ان الظروف اجبرته عليها انه راح يدفعها ثمن خيانتها لنواف
ابونايف يخطط منين يبدا باقناع ساره وابوه
نوف وناصر كالعاده كل واحد لقى لنفسه منفى بعيد عن الثاني يحبها ويعشقها لكن كره فيها العناد الي ادمى حياتهم باشواكه
وهي نفس الشي تحبه وتعشقه لكن الجرح الى الآن عيا يلتئم يمكن ناصر ماعرف كيف يداوي جروحها لكن تحبه
ساره الي صارت تحمل اكبر كم من الحزن الانسان الي متاكده انه كان يحبها والي كانت دائما تحس بينها وبينه شي يخلي حياتهم مثل الوهم راح وترك برقبتها طفل كل يوم تحس انه صار يحتل اكبر جزء من حياتها
............................
الساعه 2فجرا طلع من مكتبه يجر شنطته قبل ينزل وقف عند باب الغرفه كان راح يضعف ويودعها يمكن مايشوفها بعد هالمره لكن استجمع القوه الي عنده ومشى بسرعه قبل يتراجع ونزل يركض مع الدرج يسلم على امه وابوه الي ماقال لهم عن موعد سفرته الا بنفس اليوم مايبي يضايقهم
...........................................
الموت ماهو لاتكفنت بتراب ...الموت لا فارقت حيـ (ن) تحبه
نايمه وكالعاده بعد ماخذت المهدئي يالله قدرت تغفى عينها حالها انقلب قلبه وحده تغير كل شي فيها الكبر والحقد والظلم كله تهشم داخلها اصبح شظايا حاده تجرح روحها بعنق ناظرها وتذكر الي دار بينه وبين امه بخصوص زواجه
مايدري وش يسوي صعب عليه الي قالته امه جلس مقابله وهو يقلب الكلام براسه
..ياعبد الله ياوليدي انا ماعاد اقدر اتحمل انت لازام تشوف نفسك
..بس لطيفه الحين تعبانه وابي اصدمها صدمه ثانيه
..لاحول ولاقوة الابالله انت كل مره تطلع لي بحجه جديد
..انتي عارفه ظروفها وحالته وشلونها الي صبرني هالسنين يصبرني كم شهر
..انت مالك ذنب بالي صابها الموضوع الأصلى من هنا: منتديات طرطعة http://forum.6r63h.com/showthread.php?t=102968
..افا يمه اخبر قلبك كبير وحنونه هذي زوجتي يمه وام ولدي يعني يوم انها بقوتها ماسويتها يوم احتاجت مني الرحمه اقسى عليها
..لاتفهمني غلط ياوليدي بس انت محتاج مره تقوم فيك وفي ولدك
..عارف يمه وش تفكرين وانا راح افكر بالموضوع بجديه بس انا راحمها الحين مالها احد غيري بعد الله مابي احس اني صغير قدام نفسي وقدام اهلها
..الله يعطيك على قد نيتك ويرزقك ويطول عمرك
حب يدها وحضنها..مابي منك الاهالدعوات الحلوه عشان الله ييسر اموري
..رح ياوليدي جعل ربي يفتح لك ابواب رزقه
صحى من افكاره وشال شماغه بيده وقام وطفى الضو وسكر الباب وتركها بهمها
.................................................. .....
.آآآآه لو تدري بقلبي وش يقول؟؟
يوم تقطع خطوتك( حبل الوصال
تشهق انفاسي ويملكني الذهول !!
وتنرسم في نظرتيكلمة ( تعاااااااال
صحت من نومها قبل الفجر قلبها مقبوض كان الوقت بدري جدا على روحتها للجامعه قامت وغلست وجهها ولبست جلابيه خفيفه ونزلت بتسوي لها كوفي استغربت وهي تسمع اصوات بالصاله نزلت شوي شوي ماتدري ليه قلبها قبضها قررت تسترق السمع منهم سمعت صوت ام ناصر تبكي وابو ناصر يهديها كان صار شي ..الله يهديه لازام هالسفره
..يابنت الحلال اتركي الولد يشوف مستقبله السفره هاذي بتفيده بشغله
..وش يصبرني ثلاث او اربع شهور غيابه صعب يابو ناصر
..انتي تبينه يقعد عندك ويترك شغله
..الحمدلله وضعه زين ماهو محتاج يتغرب ويغرب قلبي معه
انتقض كل جسمها من الي سمعته وتكلمت بهمس ..سافر ؟؟
كانها تسئل نفسها او تسئل طيفه الي راح وتركها بدون حتى مايقول لها مع السلامه جلست على الدرج وايديها انسلت عن الدربزين
رصت راسها تبي تتاكد يمكن ماصحت من نومها يمكن تشوف كابوس تحس ضلوعها تطابقت على بعضها من الضيق قامت بشويش من مكانها وقبل تدخل غرفتها حطت يدها على ممسك الباب وناظرت لغرفته الي بعد غرفتها بخطوات قليله ظلت على وقفتها اتركت باب غرفتها ومشت للمكان الي كان عايش فيه بعيد عنها وقريب منها فتحت الباب ودخلت كانت مظلمه وريحته شقت صدرها شغلت الضوء الصغير الي على المكتب وجلست على كرسيه الفخم دارت بعيونها عليه "اورقه كمبيوتره اقلامه كلها هنا راح وخلاها معك يانوف" انتبهت لورقه مطويه فوق مجموعة كتب بطرف المكتب وفوقها قلم حست انها تخصها مدت يدها واخذتها وفتحتها
مدت الورقه على المكتب علشان تقدر تشوف الي فيها قريب من الاباجوره
بدت تقرا
<<حبيبتي نوف عارف انك اول من راح يدخل الغرفه بعد ماطلع منها
ولاني ماحبيت اضايقك بوداع يمكن مايعني لك شي بس فيه كلام ودي يوصلك
نوف انا تركت لك حرية الاختيار بعد مافشلت في صنع الحب بقلبك من جديد
فكري وخوذي قرارك بعيد عن أي ضغط وانا راضي
عارف قرارك لكن اذا حسيتي انك عاجزه تربطين اسمك باسمي اكثر بلغيني وتاكدي ماراح اتاخر وبلبي لك الي تبين>>>
نـــاصر "
بخطه الي تعرفه زين كتب كلمات لها عتاب لطيف لكن عنيف تخلل كل شي رقيق فيها وخدشه
انهت رسالته بعد ما ساحت حروفه بدموعها قامت والورقه بيدها وقبل تطلع شافت على الكنب البجامه الي لابسها قبل يسافر
اخذتها وضمتها لصدرها وطلعت من غرفته تحمل ملابسه ورسالته
شال قلبها عليه لانه ماودعها ولاقالها عن موعد سفره نست او تناست ان هي الي بدت بهـ الشي
.................................................. .................................
في غرفة سلمان ونوره حطت بنتها بالسرير ورفعت جسمها وكلمته .. ومتى بنرجع ؟؟
..الى الآن ماحددت لين اشوف وضع ساره
جلست وحطت شعرها ورى اذنها ..ساره متازمه من سالفة الروحه معنا كانها ماهي متقبله
..عارف بس لازام ناخذها معنا وماتدرين يمكن بعدها عن هالمكان تسلى شوي
..اتمنى مع اني ماظن والحمدلله بعد انشغالها بولدها يطلعها شوي من جو الحزن
مسك يدها وقام معها ..وش رايك نطلع لهم ؟؟
ابتسمت له ..يالله
طلعوا من غرفتهم للمجلس الي عادة يجتمعون فيه
كان ابو سلمان جالس ويتفرج على الاخبار وساره بزاوية المجلس الي عباره عن جلسه عربيه عاديه جدا وسارحه بعالم ماهي مع الناس
دخلوا بهدوا جلس سلمان جنب ابوه ونوره جنب ساره حست فيها وعدلت نفسها تكلمت نوره ..بايش سارحه
تنحنحت تظهر صوتها الي قطعه السكوت ..ولا شي مافي شي اسويه وين بنتك
..نايمه اقول ساره وش رايك نخلي سلمان يطلعنا نغير جوا
..لا اطلعوا انتم انا مابي
..ساره حنا نطلع دايما بس نبيك انتي تطلعين من البيت خستي من هالجدران
ابتسمت ابتسامه صفرا ..صدقيني يانوره الضيق الي فيني ما يذوبه أي شي
سلمان الي بالجهه الثانيه من المجلس ويكلم ابوه عن رجعتهم للشرقيه وام سلمان تستمع لهم
التفت لساره .. وش رايك ياساره برجعتنا للشرقيه سلمان يقول اذا تقدرين نرجع الاسبوع الجاي
ناظرت له بالم ..عادي يبه متى مابغيتوا انا معكم
..اجل على بركة الله الاسبوع الجاي حنا راجعين
قامت من بينهم وقبل تطلع ..انا بروح اشوف متعب
طلعت وكلهم عارفين احساسها لكن ماباليد حيله
بعد مرور كم يوم من سفرة ناصر ومثل ماقال اتخذت قرار بعيد عن أي تاثير قررت انها تجلس وتخلي القرار للايام ولرجعته
طلعت من البيت تنوي تجلس عند اهلها لين يسافرون مابقى على سفرهم حوالي اربع ايام
دخلت البيت ماكان موجود الاساره جالسه بالمجلس وامها بغرفتها وسلمان ونوره طالعين يجهزون بعض الاغراض وتاركين بنتهم عندها
مقابلتها وتلاعبها دخلت عليها نوف وسلمت عليها وشالت البنت وجلست ..وين اهل البيت
.. سلمان ونوره طالعين للسوق وامي بغرفتها
..ليش مارحتي معهم
..لا خليني جالسه هنا انتي ليش جايه الحين
نزلت عبايتها وجلست مقابلتها ..قررت اقعد هنا لين تسافرون
..يعني مانتي رايحه معنا
..لا مابي اضيع هالترم خليني كذا لين اشوف وش يكتب لي رب العالمين
..ماكلمك ناصر ؟؟
رفعت راسها فوق وسنتدته على الجدار الي وراها ..ماودعني وانت تقولين كلمني
..وش تبين منه يسوي لك اكثر
..ماني قادره اشيل ذاك الموقف من بالي
هزت راسها ..اذا مانسيتي ماراح تعيشين >>قالت كلامها وهي تمشي ناويه تدخل المطبخ
تركت نوف بحيره من نفسها من افكارها يمكن اخذت هالقسوه من الصبر وتعلمت تجرح لان الكلام الحلو ضاع وسط مرارة الايام الي عاشتها
بعد دقايق انتبهت وهي تشوف ساره داخله وبيدها صينيه قبل لاتجلس ..توني احس بشعورك يوم سافرنا وتركناك
نزلت الي بيدها وجلست ورفعت عيونها لها ..كان احساس غريب ماعرفت وشو حسيت بالغربه قبل تسافرون كان في شي مخوفني >>نزلت راسها للصينه واخذت بيالة الشاي وحطتها ..وللاسف احساسي صدق وعرفت سبب هالخوف
شربت من الشاي وهي تفكر بكلمه تقولها الكلام دايم يجيب بعضه اما ساره تراجعت ورى للجدار وكتفت يديها وتكلمت قبل يسعف نوف الكلام ..هو نفس السبب الي مخوفني من الحمل كنت حاسه يانوف كنت حاسه وكاني عارفه ان فيه شي يهدد حياتي
.. سامحيني قلبت عليك المواجع
ابتسمت لاختها بهدوء يملاه الالم ..الجروح مفتوحه اصلا ماهي محتاجه الي يفتحها
رت لها الابتسامه ومسكت يدها .. ساره ليش ماترجعين تدرسين تستفيدين من شهادتك وتضيعين وقتك
..وقتي الحين ماهو ملكي ملك متعب الحين هو محتاجني بفكر بالدراسه اذا كبر شوي
..على طاريه وينه اشتاقت له
..نايم هو من يدري انك بتجين ينام مايحب يشوفك
..مو على كيفه ينام انا الحين بصحيه باهلكه لعب
..نوف ماصدقت على الله ينام احتست بينه وبين ميلاف
..هههههه خلاص ميلاف اخذت حقها خليها لك وانا بتفاهم مع متعب
راحت من عندها وساره تتوعد فيها بس كانت جلسه حلوه ورغم مايتخللها من غصات لكن يبقى للبسمه متسع في حياتنا مهما كنا نعاني
ولكن بعيد عن كل هذا في مكان بعيد بعيد جالس كرسيه ومقابله كرسي ماد رجوله عليه ونسمات الهو البارد تخلل عظامه من خلال بلكونة شقته الصغيره رامي الاوراق والاقلام قدامه يفكر بحاله وحالها ياترى رجعت للشرقيه ولا موجوده في الرياض وش ردت فعلها بعد ماقرت رسالته
سافر يبي يبعد عنها او يحاول يأقلم نفسه مع الوضع في بعدها خلاص الحين حل العهد الي قطعه على نفسه وعطاها الحريه رفع نفسه وتناول جواله
فتح سجل المكالمات واستقر على الوالده واتصل
كان البيت مزدحم لمه حلوه ام سلمان وام فهد وام ناصر ونوره ونوف وساره كانت عباره عن وداع لبيت ابو سلمان
ام ناصر ..تروحين معي الليله يانوف ولابترجعين بكره ؟؟
..لا ان شالله بكره بعد مايسافرون باتصل على السواق >>انغرز قلبها وهي تسمع جوال ام ناصر
ابتسمت بفرحه لاسمه الي منور الجوال ومنور عيونها ..هلاوالله بوليدي
..السلام عليكم
..وعليكم السلام هلابهالصوت وشلونك يمه
..هلا بك يالغاليه انا بخير ماينقصني غير شوفك
..الله يردك لي سالم ياوليدي
..تسلمين يالغاليه وشونك وشلون ابوي
..بخير ماادامك بخير هاه يمه انت تاكل زين تتدفى زين يقولون هناك برد
ضحك بنفسه مهما يكبر يظل بعينها صغير ومحتاج لحنانها ..تطمني يمه لاتخافين على مدبر اموري ترى انا صرت رجال يام ناصر ماني بزر
..انت بعيوني ناصر الصغير الي مايكبر
..الله يخليك لي يمه عندك اصوات انتي مانتي بالبيت!!
..لا انا ببيت عمك ابو سلمان
حس انها قريبه منها البرد االي كان يحس فيه صار حر عرقت كفوفه وهو يحسها قريبه من سمعه ..هم للحين بالرياض مارجعوا للشرقيه ؟؟
..بكره ان شالله راجعين وانا جايه بسلم عليهم هذي نوف عندي بتكلمها
توترت من ذكر اسمها ومن احساسه انها بكره بتسافر ..لا لايمه انا بكلمها على جوالها
ابتسمت لانها لاماتدري بالي صاير بينهم ..براحتك يمه
..ماتوصين على شي يالغاليه
..سلامتك يمه ابيك سالم
كانت تسمع كل شي وتتشاغل باالتقهوي وبالسوالف بينما سمعها وقلبها معه وحزنت ويوم عرفت انه رفض يكلمها
وهو تنكد يوم حسها بتتركه مع انه بعيد عنها ومتفق معها الا انه ضاق من الي سمعه رمى الجوال ورجع لوضعه ولافكاره
جالسين بامان الله مايدرون وش راح تجر لهم هالليله معها اتصل ابو نايف الي وصل مع نايف بنفس اليوم ويوم عرف انهم رايحين قرر يستعجل ويجيهم بنفس اليوم جلس ابو سلمان بنتظاره وكل الي جا على باله انه جاي يشوف ولد ولده
دخل مع نايف الي كان رافض فكرة الروحه معه لولا الحاح ابوه
سلموا كان باين على وجيهم الثقل والغبن
..يابو سلمان اذا ماعليك امر نبي نشوف الولد
..ابشر يابو نايف الولد ولدك وحقك تشوفه قم ياسلمان هات متعب لجده وعمه يشوفونه
قام سلمان ودخل لداخل البيت كانت ساره وامها ونوف جالسات بعد مامشت ام ناصر وام فهد ..ساره جيبي لي متعب بسرعه
..خير وش صاير وش تبي فيه
..عمي ابو نايف يبي يشوفه
..عمي ابو نايف متى جاء ؟؟
..ياكثر اسئلتك قومي جيبي الولد بسرعه
دخلت وجابته وعطته سلمان وتكلمت بخوف وهي تتامله ..سلمان وش يبي فيه لايكون يبون ياخذونه
..الله يهداك وين ياخذونه واذا بغوا ياخذونه احنا بنوافق هذا ولدك وماحد بيربيه غيرك
ابتسمت وهي مازال قلبها خايف
يشوف سلمان مقبل عليه وهالطفل بين يديه وقلبه ينعصر من الالم وهو يشوف ولد نواف لاول مره رفع كفوفه وقلبه يستقبل قبل يديه نزل يديه بعد ماصار بينهن لمستواه وناظر له ويغالب الدمعة الي مصره تتدحرج وتتكسر على لحيته الي كساها البياض قرب لخده الناعم وحبه بحنان ..بسم الله ماشالله الله يصلحه ويعوضني فيه عن ابوه
حط ابو سلمان على جبهة الولد ..آمين الي خلف مامات يابو نايف وهذا العوض من رب العالمين
..الحمدلله على كل حال >>التفت لنايف الي كان بابعد زاويه بالمجلس ويراقبهم بتوتر الموقف اصعب من ممايحتمل ..تعال يانايف شف ولد اخوك
قام ومشى لهم بخطوات ثقيله وشاله ودقق بملامحه ولاتكلم الاحديث بنفسه ..سبحان مثل عيون ابوه اخذ جمالها من نواف وحدتها من نايف واخذ البياض من امه شاف فيه نواف حبه وعطاه سلمان ابو سلمان ..تقدرون باي وقت تجون وتشوفونه
..لا يابو سلمان حنا نبيه عندنا وانتم الي متى ماشتقتو له تجون تشوفونه
بدا يغضب ويستغرب بنفس الوقت ماجا الوقت الي يطالبون ياخذونه ..بس الولد صغير وامه ماتقدر تستغني عنه هو بحاجتها
..ومن قالك انه بيبعد عن امه >>>لحظة صمت ساد المكان فتره
..وشلون فهمني !!
..انا عارف الولد محتاج امه وامه محتاج رجال يربيه معها وماظن فيه اولى بتربيته من عمه
التفتوا مع بعض لنايف الي منزل راسه ويفرك يدينه ببعض وماسمعموا منه أي كلمه
رفع ابوسلمان نظره وصوته ..انت وش رايك يانايف ؟؟
رفع عيونه وهو يحاول يراوغ بنظراته ..انا بشور الوالد
ماعجبه رده ونظراته الي تتهرب منه ..الا بالزواج يانايف لك الحق انك تقول رايك ولاتظن اني بزعل وانا عمك واذا كنت تفكر بالزواج من بنتي عشان ولد اخوك بس انا لي بوقف ضد ابوك انت ولدي مثل ماساره بنتي
حس نفسه صغير قدام الي سمعه وشلون الرجال الطيب يكون عنده بنت بهالاخلاق تكلم ابو نايف خاف ان كلام ابو سلمان يأثر عليه ..الله يهداك انت تبيه غصب يقولك مابي
..يقول الي يبي وانا اسمعه ومعه ماسمعت رايك يانايف
اخيرا رفع راسه وناظر لابو ناصر خلاص وصل لهالمكان وفتح الموضوع واتخذ قراره ..انا ماانكر ان ولد نواف واحد من الاسباب الي افكر اتزوجها لكن نسبك اهم عندي من كل شي >> حروف طلعت منه بدون تفكير جابتها البديهه ودفعها كرم التعامل من ابو نايف
..بارك الله فيك ياولدي وانا اتمنى البنت مصيرها بتتزوج بس ماحد بيصونها هي ولدها غيرك
وجه كلامه لابو ناصر..بس انا باخذ رايها واذا رفضت اعذرني هذا قرارها وحياتها
..انا ابي موافقتك وساره خلها علي
..وانت تظن يابو نايف انك تقدر تقنعها ساره عنيده وشورها من راسها ولاحد يقدر يأثر عليها
كان يتابع حوارهم ويحس انه ماعاد يقدر يتنفس من الي يسمعه
.................................................. ......................
بعد مده وعند ساره بمجلسهم رجع سلمان والولد معاه
قامت ساره تشيله لاحظت وجهه مو طبيعي ..ليش وجهك متغير عمي يبي ياخذ متعب صح
سكت ولارد لكن ام سلمان ردت بصوت واثق ..من يقدر ياخذه الله يهداك الولد صغير وحضانته لك
ماتاثرت بكلام امها ..تكلم ياسلمان صح كلام امي
رد بعد حيره ..نايف
ثــارت جنونها من الاول هي ماتحبه وتكره سيرته والحين جاي بياخذ ولدها منها ..نعم!! هذا صاحي انا بطلع له وبطرده بنفسي
مسكت نوف يدها تمنعها من الي بتسويه ..اهدي ياساره خليه يكمل كلامه قول ياسلمان وش عندك
..مايقول السالفه مبينه مايبي لها كلام انا بروح اجيب عباتي واتفاهم معاه دام الرجال ماهم قادرين عليه
بدا سلمان يغضب منها ويتضايق من كلامها صرخ ..ساره عيب عليك ماحترمتيني احترمي ابوي بعدين انا ماقلت انه بياخذه
تغير لون وجهه وبدت تلتقط انفاسها بسرعه ..اجل وش يبي
اشر لها بيده جهة الباب ..مو كنتي بتطلعين !!اطلعي وشوفي وش يبي منك مدام ماحنا مالين عينك
ام سلمان ..لاتزعل على اختك هي خايفه على ولدها
تنهد وغمض عيونه ..امشي ياساره عمي ابو نايف يبيك ولاتلبسين عبايتك لان نايف راح
عقدت حواجبها ماتدري بايش يفكرون شي ماهي راضيه ترتاح منه .. وش يبي مني ؟؟
..روحي له عنده كلام بيقوله لك
.................................................. ..
ضايق وأحس الحال ماهوب ينطاق
لأ الأرض تاسعني ولا الجو جوي.!
لاشان حظك والليالي .. تحدْتـك..!!
إصبر عليها ..والصبر زين لو طال لاتنحني للوقـت ..وتـروح هيبتْـك
تصفق بك الأيام ..من جال ..في جال
وان شفت نفسي طحت من زود نوحي
بـهـيــن صــبــري وازفـــــر الآهــ جـــــوّهـ
يا الله طلبتك وانت المانع المعطي
يارب فرج على |[ المحزون ]| ضيقاته
طلع من عندهم بعد كان ابوه ناوي يدخل يكلم ساره لكنه رفض وطلع هو خلا لهم المكان الي حس انه ضاق فيه
دار مده بالشوارع لين لقى نفسه قدام بيت خالد فتح جواله واتصل عليه جاه رده بسرعه ..حيالله ابو الشباب زين خطرنا على بلاك
مايدري وش يبي منه او وش يبي يقول له ..انت صاحي
ضحك يعتقد انه على استعداد للمزح معه مايدري انه كاره الدنيا ومافيها ..لا مجنون ههههههههه
..خالد بلا مزحك الحين
تبدل من المزح بسرعه للجديه يوم حس بصوته وعرف من نبرته بالشتات الي داخله ..نايف وش فيك معقوله هالضيقه وانت قريب من اهلك وضايق
..خالد اطلع انا استناك عند الباب
..انت هنا متى رجعت ليش ماقلت لي ؟؟
..رجاء خالد بدون اسئلتك الحين بتطلع ولا بامشي
..خلاص طالع طالع
دقايق الا ثواني طلع وسمعات طق بسيط على شباك السياره التفت وهو مرجع راسه ورى وفتحه ..اركب
..لا انت انزل شكلك ماتقدر تسوق
وهو يشغل السياره ..اقدر انت بس اركب بسرعه
وهو يتحرك للباب الثاني ..امري لله >>وفتح الباب الي جنبه وركب ماشاف منه أي تعبير ولاسمع منه أي كلمه
..وهذا انا ركبت قللي وش السبب الي مخليك ضايق وشايل النيا فوق راسك ومطلعني من بيتي بهالوقت
..مافي سبب بس ودي نتمشى شوي
وانطلق بسيارته بدون أي حرف نطقه وهذا طبعه كلامه قليل ولايحب يقلب بالمواضيع
.................................................. ...................
البـــــــــــــ الخامس والعشرين ــــــارت
من مغيب الشمس لين ارتفع صوت الاذان
غربة تطوي ضلوعي ..وليل يحتدي
اتنزّح من مكاني0 واجـي نفـس المكـان
كني الي ضاعت خطاه ويخاف يعدي
جلست بينهم بعد ماسلمت على عمها وهي تراقب عيونهم الي اكلتها وتتفحص نظراتهم تبي تستكشف مغزاهم ومستعجله بتعرف وش راح يقولون لها
عرفت من نظراتهم ان عندهم شي مهم بيقولونه لها حست بقشعريره دبت بجسمها طال سكوتهم وزاد خوفها وتكلمت تبي تكسر الصمت والرهبه ..آمرني ياعمي بغيت شي ؟؟
ناظر لها نظره توصف حاله وتوصف صعوبة الموقف ..مايآمر عليك ظالم ............وسكت مايدري كيف يبدا معها ولا وش يقول يدور حروف تساعده على الاحراج وعلى لسانه الي ثقل الكلام فيه لكن السكوت ماهو حل يهرب فيه من المواجهه قرر يبدا معها بالي يجود لسانه فيه ..انا يابنتي جاي اكلمك بموضوع يخصك انتي وولدك >>تستمع لكلامه الي قاله اشاره واضحه انه يبي الولد ليش ماهم راضين يصرحون عشان تعرف ترد عليهم ..انت شايف عليه قاصر؟؟ >>الي قالته تبي تنبش الي داخله والي ماهو قادر يقوله
ركز عليها النظر ووجه لها الكلام ..ناقصه ابو يربيه >>الى الآن مافهمت وش يرمي له ووش ورى الي قاله
..ابو!! جاد لها ذكائها بالكلام واخصبت الحروف على لسانها الي يبس وبصدق..صحيح ابوه مات بس الله عوضه فيني وعوضني فيه انا ابوه وانا امه وانا كل شي له وهو كل شي لي
الي سمعه منها صعب عليه الي يبيها تسمعه والطريق الي قطع نصه رجع يبتديه من الاول لحظه سكت ونطق بعدها ..انتي تعطينه الحنان بس الابو ماحد يقوم بدوره
عصبت وانحشرت من الي سمعته ماهو ناوي يعطيعها زبدة الكلام ..ابوه مات وهذه مشيته رب العالمين بس وش المطلوب مني ادخل بالموضوع ياعمي لاتعب نفسك وتعذبني بكلام ماني فاهمه منه شي
تنفس والدرب الي رجعته لاواله طوت منه مسافه لابأس فيها وسهلت عليه ..ساره انا راح ادخل في الموضوع بس ابيك تسمعيني للاخر وبعدين ان الي بسمعك الي بقوله ماهو صعب عليك بس صعب حتى علي انا
اللحظات الي فاتت شبعت فيها من الانتظار والخوف من الجاي وبنفسها وش الي يخليه متصاعب الكلام قصرت تفكيره .. تكلم واوعدك اسمعك للاخر ..
..وتفكرين قبل تتكلمين ؟؟
عقدت حواجبها ..تكلم ياعمي بسمع وافكر بس ريحني
التفت لابو سلمان الي طول هالوقت منزل راسه لكن رفعه يوم حس الكلام صار بالعميق .. ساره انتي صغيره والف من يتمناك ولاراح تقعدين العمر كله بدون زواج وانا مابي ولد نواف يتربى مع رجال غريب يشفق عليه لانه يتيم او يعذبه لانه ولد زوجته
قاطعته وتكلمت قبل تفهم مقصده ..انا بتفرغ له ماراح اتزوج انا بربيه و اعطيه عمري كله بس خلوه لي
رفع يده يوقف اندفاعها ..انتي وعدتيني تخليني اكمل كلامي
غمضت عيونها بخيبه ..كمل ياعمي اسمعك
زفر وبدا يكمل كلامه ..انتي يمكن ماتبين تتزوجين >>كمل وهو يأشر على ابوه ..ابوك واخوك ماراح يسمحون لك تضيعين شبابك بدون رجال يشيلك وتشيلينه صح ولا انا غلطان يابو سلمان ؟؟
تنهد وهزراسه بتاييد ..صح ساره صغيره محتاجه تكمل حياتها مع رجال يصونها
التفت لها وهو يشوفها ناويه تكلم ابوها ..ابوك مثله مثل أي ابو مصلحة بنته عنده بالمرتبه الاولى وانا لواني بمكانه بقول الي قاله
ارتجف صوتها وخنقتها العبره تفجر راسها من الي تسمعه شعور مرعب الي تحس فيه ..عمي الله يخليك ريحيني وقل وش تبي مني انا تعبت وانا افكر
..بريحك ياساره وبقولك انتي صغيره ومن حقك تعيشين حياتك ومتعب من حقه يعيش بين اهله انا" بخطبك لنايف
بعه هالكلمه شوش باقي الكلام ماعاد تسمع منه شي بدون تفكير شهقت وحطت يدها على فمها وكل شي دار بحياتها تذكره اول هالاشياء كانت صورة نوف و الليالي الطويله الي عاشتهاتتالم بدون ماحديدري عنها الاهي وربها عن حبها بصمت عن عذابها والايام المره الي كانت مثل العلقم حست بدموعها على يدها تنساب بغزاره تعتبر الي سمعته مصيبه" شافوا ردة فعلها كان كل ظنهم انها رافضه بس لانه اخو زوجها وطبيعي تعتبره ااخوها مايدرون بالي هي تعرفه
.................................................. .............
الجسد موجود والروح ارحلت
والزمن جبااار لكني صبور
عيني اللي من عناا الوقت ادمعت
حزنهاا يااخوي شيد لهـ جسور
قلق ومتوتر ومع ذلك ماقال شي يناظر قدامه وماصدر منه الاالصمت ونظره بعيونه لها الف معنى ومعنى وخالد مقابله ومحترم سكوته لكن طالت عليه السالفه ..انت الحين جايبني من بيتي عشان اتفرج عليك وانت ساكت
تنحنح ورفع نظره له ..جالسين وش وراك ؟؟
..نايف تكلم قول وش الي بخاطرك انت فيك شي كبير قل لي يمكن اريحك
..مافيني شي مصر انا وراي شي
..سكوتك وراه شي بس ماني عارف وشهو
حذف المنديل الي بيده على الطاوله ..خلاص اذا مانت حاب تجلس ارجع لبيتك
..اناحاب الجلسه بس ماني حاب هالسكوت الي يخوف والهم الي اشوفه بعيونك
حط كوعه على الطاوله وونزل راسه .. الصمت يخوف بس اهون من الكلام خل الي بالقلب بالقلب واتركها على الله
..طيب اذا ماتبي تفضفض ليش جايبني
..اااااوه بتستذلني بطلعتك معي ارجع تدل الطريق
..لا ماادله لانك انت الي جبتني
تذكر انه جاي معه وسيارته عند بيته .. نسيت قم اوصلك انت الجلسه معك تملل
فتح عيونه ..الحين انا الجلسه معي تملل اروح اقابل زوجتي احسن لي من مقابلك
..ماعليه ازعجتك بس اعذرني
بجديه وشعور انه بحاجته .. ياليتني اقدر اريحك بس انت مانت راضي تفتح قلبك بس انت ماتغير طبعك تفضل تكتم الي في قلبك
.. آآآه الله يعين قم بس ارجعك للبيتك لا تسكر عنك المدام الباب
..ياالله لانام الليله بالشارع
قاموا وهو مافضفض لصديقه الي في قلبه فضل يبتلع الالم لين يعرف وش صار مع ابوه
.........................................
..يابنتي الرجال كبير
فتحت يديها على وسعها ..بس عنده ثروه تسد عين الشمس
..وش تنفعك فلوسه و فيه قبيله بتقاسمك فيها
..ههههههه والله انك طيبه يمه انا بفر راسه واخليه يسجل كل الي يملك باسمي
..لاحول ولاقوة الابالله هذي اخرتها ترفضين شباب بعمرك و تاخذين هالشايب
...الشباب الي تكلمين عنهم مايملكون واحد على ميه من الي يملكه
..بس اعمارهم وافكارهم قريبه لعمرك لاتد فنين شبابك مع شايب يقاسمونك اياه ثلاث حريم غيرك
..سكري الموضوع يمه انا موافقه ومقتنعه بعد ما يئست من نايف أي احد غيره عادي بس مادام هالرجال غني ويلبي لي كل طلباتي بواقف عليه وادفن القفر
..انتي بتدفنين عمرك وراح تندمين يانوال وبتشوفين
..ليش اندم رجال شاريني ودخل البيت من بابه !!
..الله يهديك يابنتي ويكفيك شر نفسك >>
وافقت نوال بعد ماكان حلمها نايف لكن يوم خسرت لطيفه قررت تتزوج رجال من عمر ابوها عشان ثروته وغناه الغير طبيعي لعلها تعوض شي من خسارتها لنايف الي كان يجمع الغني والشباب والجمال ورغم توسلات امها مشت رايها ورضت فيه
..............................................
على الله يازمن بشكي جروحي والليالي طوال
عسى راعي العنا ينسى عناه وينشرح صدره
على الله يازمن بشكي همومي والهموم جبال
تعدت عاصمة حزني حدود العالم بأسره
خساره يالسنين اللي كتبتي قصة الترحال
فرحت أمس وحزنت اليوم بس الخوف من بكره
زي ماهي مصدومه والشريط بخيالها ينتهي ويرجع يجدد كل شي وخيال نوف مافارق عيونها ايقنوا انها ماراح ترد
ابو نايف ..صعوبتة الموقف عليك انا حاس فيها بس ولدك ماحد بيحافظ عليه الاعمه ونايف مافيه عيب يخليك ترفضينه
ردت على نفسها بداخلها >>عيبها انه كان بيوم من الايام حلم نوف نوف اختي الي كانت فاتحه قلبها لي وتسولف لي عن حبه بقلبها عيبه انه اخو نواف وكان يبيني اعتبره اخوي آآآآآآآآآآآآه صعب الي قلتوه صعب حتى التفكير فيه
..ردي على عمك يابنتي وقولي الي بقلبك
نزلت يدها عن فمها وحاولت تتحكم بنفسها ..نايف !! بس انا اعتبره اخوي
..بس هو ماهو اخوك وطلبي منك شرع الله وزواج على سنة الله ورسوله
..بس انا ماني موافقه ولدي انا بتحمل مسؤليته بس بعدو عني وعنه
..ماراح نبعد هذا ريحة نواف وانا فكرت فيك قبله هو صغير وبينساك لو باخذه منك واقدر اضمن الي يحن عليه بس انا حطيتك بالحسبه ومابيك تغربلين ببعده
اوجعها الي سمعته صفير براسها من قسوة اللحظه الي تعيش فيها ..صرخت ارحموني خلوني اعيش بسلام اتركوني اعيش حياتي على كيفي
ماتقدرون تفرضون رايكم على
..زين ياساره هذا قرارك بس الولد مرده لنا انتي راح تتزوجين وراح اخذه هذا اذا ماخذته قبل
ماكان متوقع انها عنيده اظطرته يسوي شي ماهو راضي عنه بس مثل ماقال لها هو فكر حتى فيها
ناظرت لابوها تستنجد فيها لبى نداها ..خلاص يابو نايف انت اتعبتها ماراح اسمح لاحد يجبرها على شي ماتبيه
..انت ماتبيني اضغط عليها الحين بس انت بيوم من الايام راح تجبرها تبعد عن ولدها اذا تزوجت
سكت ماعنده رد للي قاله ابو نايف فعلا كلامه صحيح ..صدق يبه انك بتبعدني عن متعب
..الراي رايك >>وطى صوته ..صدقيني يابنتي انا حاس فيك بس كلام ابو نايف صحيح وانا عن نفسي مقتنع فيه بس فكري وقرري وانا معك
..انا مابي ردك الحين بس فكري ياساره اذا تبين مصلحة متعب صدقيني يابنتي هذي مصلحته وحتى لو ماتزوجتي الولد بكره بيكبر ومحتاج رجال يحاسبه وبنت اخوك بتكبر وانتي ماترضين لها تعيش معه ببيت واحد فكري زين بالموضوع وان لقيتي احسن من هالحل لك ولولدك انا اول من راح يبارك لك
سلمان فضل يكون داخل مع امه ونوف قال لهم عن نية ابو نايف زلزال هز نزف من داخلها مولانها للحين متعلقه بنا يف لكن لانها عارفه ساره وشلون تفكر حست فيها وبشعورها لحظة مايقولون لها
ام سلمان ..ونايف وش قال
..نايف موافق بس مدري احس انه متضايف من الفكره
..اكيد ياوليدي صعبه كانت زوجة اخوه وبلحظه تصير زوجته بس تدري ان هذا انسب الحلول
تاثرت نوف بكلامهم ونقاشهم بس تفكر بحال ساره وهي بينهم
وعت من افكارها وامها تنادي ساره الي دخلت تركض ولا التفتت لهم متوجهه لغرفتها ركضت نوف وراها وقبل تسكر الباب سبقتها نوف ودفعته ودخلت رغم اعتراض ساره لانها ماتبي تشوف احد ونوف بالذات
بمجلس ابو سلمان طلع لهم سلمان واتصل ابو نايف على نايف عشان يمر ياخذه اجتمعوا بالمجلس ليله طويله ماهي راضيه تعدي وتبين نهايتها
..انا ماقدر اغصبها هذا ماهو اسلوبي
..لاتغصبها بس كلمها قل لامها تكلمها اختها اقنعوها يابو سلمان
نايف كان يسمع كل شي وقلبه ييغلي احتقاره لها زاد تتغلى بنفسها والله لاذوقها المر الي اشببعتنا كلنا منه
تكلم هالمره ..بكيفها ياعمي بس الولد نبيه يتربى بينا
..حنا بكره مسافرين للشرقيه مافيه وقت نعطيكم ردنا واحنا هنا
..ماعليه ياعمي بعد اذنك انا ابي موافقتها وبكره انا بنهي كل شي وتقدرون انتم وتسافرون >>كان يكوي قلبه بالي يقوله لكن فيه اشياء تهون عليه انه قدر يوصل لها و يتولى تربية ولدها
..لا ياولدي خلها تفكر كم يوم ماعندي مانع اجلس انا وامها كم يوم لين نعرف رايها
مكتفه يديها وواقفه تراقبها وهي دافنه نفسها بالفراش وتهتز بقوه ملت من وقفتها وجلست على طرف السرير ..ساره ساره
صكت اسنانها بغضب يوم ماردت وسحبتها من كتفها بقوه ..ناظري لي لاتهربين
شهقات كسرت ضلوعها بدون ولاحرف ..كلميني قولي وش تفكرين فيه
رمت نفسها على صدرها وحضنتها بكت نوف في هالموقف بكت على الحظ الي عاكسها هي واختها الظاهر قل الحظ وراثه ..ساره حبيبتي اهدي وكلميني >>لكن ماردت والتفت لولدها الي وراها على السرير واخذته ورصته لصدرها ونحبت لين تضايق منها وبكى قامت نوف وخلصته من ايديها ..اتركي الولد ذبحتيه حضنك له ماراح ينفع فكري بشي اهم >> اخذته وحطته بسريره بعيد عنها
تكلمت كلام متقطع مثل قلبها ..يبوني اتزوج نايف
كلمتها بطريقه تحسسها انها ماهي مهتمه ..طيب فكري بالموضوع ليش لا
توقفت فجئه عن كل شي وركزت فيها ..انتي الي تقولين هالكلام
..وليش ماقول الزواج لاهو عيب ولاحرام وهذا حقك وخليه هو الي يتولى ولدك احسن من غيره
مسكت راسها ..نوف لاتجننيني بكلامك وشلون اتزوجه !!
..وش المشكله مانتي اول ولااخر وحده يصير الي صار لك وتتزوج وتعيش
..وانــــــــــــــــــــتي ؟؟
ارمشت بعيونها ..انا وش فيني؟؟
..نسيتي الي بينك وبينه !!
هزت راسها وابتسمت .. قصدك الي بيني وبين نفسي الرجال ماوعدني وخان فكري بهالولد ياساره
.. لاتلعبين على هو للحين ببالك
عصبت من الي قالته ..ساره انا الحين متزوجه واحب زوجي وماعندي اهم منه بالدنيا
..لو تحبينه ما تبعدين عنه
صرخت بصوت عالي ..لو ماحبه مانصدمت بالي سواه ولاعتبت عليه ناصر غلاه مثل غلا روحي
..انتي تقولين هالكلام عشان اقتنع بنايف
مسكت كتوفها ووقفتها وغمضت عيونها ورفعت راسها ..وربي ياساره نايف صار ذكرى وناصر هوالحاضر انا ممكن اكذب على كل الناس واغشهم الاانتي لانك داخلي وتعرفين وش افكر فيه
..بس انا اكرهه كره الموت الي فرق بيني وبين نواف
..لازام تحبينه حبك للحياه الي جمعتك بمتعب
..نوف لاتعذبيني بكلامك لاتكذبين على وعلى نفسك
زعلت من الي قالته ..يعني هذا ردك على بس عشان تنسيني وتفكرين بنفسك انا برجع الليله لبيتي يمكن تشيلين هالتخريف من راسك
ومشت وقفتها بنداها ..نوف >>وهي تمشي لها ..ماراح تودعيني انا بكره بسافر
نزلت دموعها بصمت وارتعش صوتها..ماراح تخسرين شي اذا ماودعتك انا ما خسرت يوم ناصر راح وماودعني
وطلعت من عندها مخنوقه تحس انه طاري على بالها ووارد على لسانها و انها بهاللحظه محتاجته ومشتاقه له تبي منه الصبر الي اخذه معاه كان يتسلح فيه ويحتمي فيه من اهانتها خلاها بدون صبر حتى على اقرب الناس لها بهاللحظه تمنت ان الرقم الي معها هو رقمه لكن للاسف غيره يوم سافر
استئذنت من امها اتصلت على خالتها وقالت لها تجيها مع السواق لانها تبي تروح من بيتها للجامعه وان عندها اوراق لازام تاخذها ام ناصر ماصدقت على طول جت لانها تبي أي شي يحسسها بوجود ناصر
علمتني وشلـون اعاملـك بعنـاد
وخليتنـي للحـب اعلـن جهـاده
قتلت فرحة عمري في يـوم ميـلاد
عز الهوى في قلب مـات بشهـاده
وهم بالسياره تسمع خالتها تتكلم وهي ماتدري وش تقول
ام ناصر ..ما انتي معي من ركبتي وانا اكلمك وانتي بس ساكته
التفت لها ..ممكن ياخاله تعطيني رقم ناصر
..ليه ماكنتي تكلمينه ويكلمك
تلخبطت من سؤال خالتها نست هالشي ..الا بس انمسح الرقم من الجهاز
عطتها ام ناصر رقمه ووصلوا البيت وكل وحده دخلت غرفتها على طول دقت الرقم من تلفون البيت
.................................................. ........................
شوف الحروف تموت في لحظة البوح
وشوف الغرام يذوب من لهفة الشوق
والترجمان الصوت بالحيل مبحوح
ونصف الكلام يبات بالحلق مخنوق
طبعا ناصر كان غارق باشعاله وعارف ان الوقت مختلف عندهم حس بجواله يعطيه نغمة اتصال
ماكان الرقم باين بس عرف انه رقم من برى على طول فتح الجوال
وبحماس وشوق متوقع انها امه ..الــــــــــو
ضعفت يوم سمعت صوته اشتاقت له بس جف الكلام بحلقها ولاردت عليه
رد الكلام وهو يسمع انفاس تبعد وتقرب ..الو الو
لكن ماهو باين الا صوت يشبه الشهقات بس ماقدر يميزه" وهي تفكر معقوله نايف للحين في بالي معقوله من خوفي انفضح لجئت له ومع هالافكار وكلام ساره الي يتردد براسها وحيرتها وش تقول سكرت السماعه بوجهه
توقع شي مخيف من ورا هالمكالمه امه ماتتصل بهالوقت قرر يتصل على جوالها يبي يتطمن وبعد دقتين ردت
تطمن من سمع صوتها
..متى بترجع ياوليدي؟؟
..ان شالله لين خلصت الي وراي بتشوفيني عندك
..ومتى يخلص الشغل ؟؟
..يمكن اربع شهور وزياده هذي دراسه يمه
..وش دراسته الي تبعدك عن عيوني ناصر يمه اترك العناد عنك وتعال
..تكفين يمه لاتضيقين صدري لانه ضايق خلقه
..سلامتك من الضيقه ياعين امك وشفيك ياوليدي
فرك راسه بقوه وجلس وغطي الي بقلبه بكلام ثاني ..الغربه يمه الغربه >> كان يقصد غربة الروح والمشاعر والحياه البارده الي انسحب من عليها غطا دافي من الحب
..وش حادك عليها ياوليدي
عارف انه لو صرح الي بقلبه بتشيل همه قرر يخليها بقلبه .. طلبتك يمه لاعاد تفتحين هالموضوع بس ابي دعواتك لي
..الله يوفقك ياوليدي ويسعدك ويرزقك الذريه الصالحه الي تقر عينك
ابتسم بشوق لدعواتها وحنانها والهزه الي بصوتها كل ماكلمها ..اكثر شي يريحني لاسمعتك تدعين لي او شفت الرضا بعيونك
..جعلك تسلم ياوليدي >>تذكر الي اتصل عليه وقرر يسئلها بدافع الفضول
..يمه احد اتصل على من تلفون البيت قبل شوي
..لا ياوليدي انا ماتصلت وابوك نايم من زمان >> تذكرت ان نوف اخذت الرقم منها ..يمكن نوف هي من شوي ماخذه رقمك مني
..نـــــــــــــــوف !!ماقدر يسئلها الاسئله الي تدور براسه ليش ماراحت وهي ناويه تروح ولا لا
..زين يمه انا بتصل عليها الحين
وسكر من امه واتصل على طول على جوالها
قاعده تراقب جوالها وتنتفض وتبكي حالتها غريبه كانه راح يشوفها دق لين سكت صوته ماردت قامت على طول فقلته
دق مره ثانيه الجوال مقفول >>غريب اتصالها تركها براحتها وحاول يرجع للي كان فيه
..يعني بتسافر لحالك !!
..لازام حبيبتي لازام تاخرت على شغلي
..طيب من بيخدمك من بيهتم فيك
وقف قريب منها وحط عينها بعينها الي انكسرت حيا من نظراته ..انا بخدم نفسي
.. ودي اروحك معك ا
..ليش ماودك تقعدين قريب من اهلك ؟؟>>كانه يستدرج بسؤاله كلام تمنى كثير يسمعه منها مثل مابيوم من الايام كانت هالنظره حلم يتمنى يتحقق
رجعت شعرها الي من عادته يعاندها بقوه ..انت اهلي ياسلمان ارجوك خذني معك
مسك كتفها وجلسها على حفت السرير ..حبيبتي نوره تعرفين ظروف شغلي صعبه اخليك بالبيت لحالك كل هـ الوقت
..ماحب اقعد بمكان وانت بعيد عني انا اكثر زمان يسعدني اني اكون قريبه منك واكثر مكان يريحني الي انت تكون فيه
..الله يانوره صايره تقولين شعر
ضحكت بخجلها الي يعرفه بالحمره الي تلون خدها ..سلمان انت ماتعرف تخدم نفسك
حب يدها بحنان .. لاتخافين على متعود على خدمة نفسي ولاناسيه اني لي مده طويله هناك
نزلت راسها تخفي ابتسامه خجوله على ثغرها ..خاطري اكون معك وين ماتروح ودي اصير لك مثل ظلك
مسك ذقنها باصبعه ورفع راسها .. تظنين اني ماتمنى هـ الشي بس احيانا الظروف تحدنا
..باشتاق لك
..موكثر شوقي لك
ظغطت على يده ..تروح وترجع بالسلامه
نايف واصرار بعد احساسه برفض ساره يتقلب وهذا الي يدور براسه
ساره هالخطبه اخر شي خطر ببالها تنخطب ومن يكون نايف !! ونوف وطلعتها من البيت وولدها الي لازام تفكر فيه كانت هذي افكارها
ناصر والمكالمه الي جته مايدري وش سرها وهل هي فعلا نوف وليش ماراحت ؟؟
ابونايف الي ينتظر الشمس تطلع عشان يحسم الموضوع ويرتاح بعد ما ارتاح من حمل فتح الموضوع بقى عليه الاقناع
ابو سلمان الي صار عاجز عن التصرف يخاف يغصبها ويندم ويخاف يتركها وتخسر رجال يصونها وابو يحافظ على ولدها
سافر سلمان من ثاني يوم لحاله وساره مازالت معتكفه بغرفتها يومين ماتطلع الا للضروره القصوى
مر ثلاث ايام على هالحال بدون تطور الاملكة نوال من الرجال الي خطبها بعد ماقدم لها مهر غالي وهدايا ماتحلم بها وحدد زواجه باقرب وقت
ابو نايف ينتظر من ابو سلمان رد لكن كان خايف عليها حتى من مشاورتها لان حالتها كانت صعبه وما تسمح لاي نقاش
قرر يعيد الزياره لهم ويشوف رايهم بس هالمره جاء لحاله بدون نايف طلب للمره الثانيه يشوفها ويعرف وش نتيجة الكلام الي قاله لها
..انا ودي تتركها بعد كم يابو نايف انا خايف عليها البنت تعبت نفسيا تدري انها من ذاك اليوم ماطلعت من الغرفه
.. الي صار كله انا عارفه ومتوقعه بس الرفض ماهو بمصلحتها
..لا يابو نايف انت همك تقرب ولد ولدك لك بس انا بعد تهمني سعادة بنتي
..انت شايف بنايف عيب ترفضه او تعتبر زواجهم ضد مصلحتها وصدقني هي عليه او على غيره ماراح توافق عشان ولدها الا اذا كنت تبيها طول العمر ارمله
حشره بالكلام ولاترك له رد بعد الي قاله ..كانك تقول اجبرها اعذرني انا ماقدر
..طيب ناداها يمكن توافق بعد الي سمعته
..يابو نايف حرام الي تسويه اعتبرها بنتك وحط نفسك بمكاني
..اناعارف احساسك بهاللحظه بس فكر فيني وفيها البنت للحين صغيره وماتعرف مصلحتها وممكن تضيع حياتها بقرار غلط
..يعني الصح انا نجبرها على شي ماتبيه
..ماراح نجبرها راح نقنعها
..انا بناديها لك هالمره وارجوك يابونايف ان رفضت هالمره اتركها بكيفها
...............................................
جلس على جنب السرير وحط ريان بينهم ابتسم وهو يشوفها احسن شوي ..اليوم احسن
ابتسمت له كانها اول مره تشوفه ومسحت شعر ولدها ..الحمدلله
..وش رايك اقول للشغاله تجيب لك شي تاكلينه
تغيرت تعابير وجهها ..لالا ماقدر اكل الحين
..طيب عصير
طنشت سؤاله وردت عليه بسؤال ..ماجا نايف ؟؟
..نايف سافر لجده وماظن انه رجع ليش تسئلين
..ودي اشوفه" عبد الله ودي اروح لجده اشوف ابوي واخواني
اول مره يحس انها مشتاقه لاحد كانت انسانه بدون احساس حتى الامومه كنت تبخل فيها على ولدها ..من عيوني بس اقدر اخذ أجازه واوديك
دخل ابوه عندها بعد ماالح يدخل واستحت ترفض له طلبه وهي الي تعرفه زين وتدري انه يعرف بضيقتها واجهها وتكلم ..عمك ابو نايف يستناك
رفعت نظرها لابوها وهي تحس بخوف صار شبح بالنسبه لها ..وش يبي مني ؟؟
..يبي يعرف رايك بالموضوع الي كلمك فيه
..يبه انا مابي اتزوج لانايف ولاغيره
..اطلعي وقولي له الي تبين وانهي هالموضوع
..انت قله مابي اشوف ااحد
.. ماراح يقتنع لين يسمعها منك
تنفست بقوه وهي تقوم ..امري لله
ومشت مع ابوها لين دخلت عليه سلمت عليه وظلت واقفه ..اجلسي وانا عمك بكلمك
جلست وناظرت له نظره تعطيه الاذن انه يتكلم ..وش قلتي بالي قلت لك
..عمي انا رافضه الزواج لاتحدني على شي مابيه
قرب لها وبينت نظره حزينه بعيونه وحط يدها على يدها ..ساره تكفين يابنتي لاتحرميني من متعب يكفيي انحرمت من ابوه
احترمت رجااه ووقفت احتراما له ..ماراح احرمك منه باي وقت تبي تشوفه البيت بيتك
..افهميني يابنتي انا ابيه يكبر قدام عيوني واتطمن عليه وانا حي >>بعد هالكلمه حست بدمعته تبرق بعينه
انكسر قلبها وهي تشوف فكه يرتجف يكافح عبرته لاتبين وكمل .. ابي اضمن انه يتربى بعز اهله من غير ماينحرم من حنان امه مثل مانحرم من ابوه >>وتسربت دمعته على وجهه وبسرعه مسحها ..عمــ ي <<اخذت ترتجف وجسمها يهتز وفكها يطق وسرى برد بجسمها حست انها راح يغمى عليها وجلست انتبه لها ابوها وجهها صار اصفر ..خلـ لاص انا مــ وافقـ هـ
قرب لها ..ساره قولي اذا كنتي ماتبين اهم شي راحتك
عادتها كنها تمرن لسانها عليها وتاكد لنفسها انها قدرت تقولها ..انا موافقه يبه موافقه >>وانطلقت من بينهم
واخترق دخولها حديث نوره وام سلمان عنها سكرت باب المجلس وجلست وراه او بالاحرى انهد حيلها ماعاد تقدر توقف على رجليها اسرعو لها وصلت لها نوره ..ساره اسم الله عليك قومي
ام سلمان .. وش فيك يمه ليش ترتجفين
بدون بكا تنتفض بين يدين نوره الي تساعدها على الوقوف قبل تعتدل بوقفتها طاحت على رجول امها من شافت حالتها قعدت تمسح شعرها وتقرا عليها مده لين حست انها ارتاحت رفعتها عن رجولها ..انتي وافقتي على نايف ؟؟
ركزت بعيونها وبدون رد عرفت ردها حضنتها امه وقعدت تبطبب عليها مسحت وجهها وخشمها الي صار احمر من البكا وقامت بهدؤ لغرفتها
راح للشركته يشوف شغله الي صار له مده مايدري عنه مشى من البيت وابوه موجود ماعلمه عن نيته والي راح يسويه
حط راسه على المكتب مرهق له كم يوم نومه متقطع وهو على هالوضع يسترخي شوي دق جواله الي على المكتب
.. هلا
..نايف انت وينك ؟؟
..انا بالشركه ليه
..اترك الي بيدك وتعال لي الحين
..ليش يبه وش صاير انت وينك ؟؟
..انا ببيت عمك ابوسلمان اذا جيت اقول لك
تلخبطت يوم عرف ابوه وينه اكيد صار شي بخصوص موضوع ساره .. لازام الحين يبه انا مشغول
..نايف قلت لك اترك الي بيدك وتعال
تافف بنفسه ..حاضر يبه جاي جاي >>وسكر منه وقام بثقل حس انها حانت ساعة الصفر رغبه بالانتقام وخوف من المواجهه واحساسيس متضاربه
وتفكير بايام راح يعيشها مايدري كيف بتنتهي
.................................................. ..،
ودي اجر عبرة بي عميقه....فترة غيابك اشبعتني مراره
نوف من بعد مارجعت لبيتها ماكان بينها وبين ساره أي اتصال صحت من غفوه صغيره قبل العصر وناصر ببالها ماتدري كيف ترسم لها خط رجعه خايفه يكون احاسها فيه لان نايف صار مستحيل بالنسبه لها حتى لو ماوافقت عليه ساره جالسه على الكنب ومقابلها كاس الشاي الي اختف الدخان الي يتصاعد منه لانه برد وهي سارح بافكار توديها وتجيبها ارتاعت من صوت جوالها ومدت يدها تشوف المتصل مثل ماتوقعت رقم ناصر مسكت الجوال ورصته بيدها لين انقطع ورجعته مكانه ورجعت لافكارها سمعت نغمه ثانيه كانت رساله رفعته بس هالمره توقعها غلط كانت رساله من ساره قراتها << نوف تعالي بسرعه انا محتاجتك>> تاكدت انها محتاجتها وبوضع مايسمح لها بالكلام عشان كذا اختصرت برساله بدون تردد قامت وبدلت ملابسها بسرعه ونزلت واسئذنت من خالتها طبعا بعد مادورت لها حجه لتآجيل سفرتهم
طلعت من البيت وحالتها ابدا ماكانت احسن من ساره كل واحده منهم الي بقلبها مكفيها
في بيت فهد رفع جواله الي ازعجه بالاتصال مد يده على الكومدينا الي جنبه واستعدل بسرعه وهو يشوف رقمها
..وش هـ المفاجئه الحلوه
..مساء الخير
..مساء النور هلا والله بهالصوت منين طالعه الشمس ؟؟
..قل وين رايحه ؟؟ الدنيا المغرب وانت نايم
.. هههههههه حلوه صدق مها كل يوم اتصلي انا اذا سمعت صوتك تجيني طاقه ونشاط مو طبيعي
ضحكت عليه يعرف يغير الموضوع .. ليه قايلين لك منبه
..لا اليوم في شي غريب مهاتي بنفسها متصله وتنكت بعد بالعاده تتغلين ادق لين امل وانتي تتثيقلين
..فهد انت سوالفك ماتخلص اسمعني بغيتك بخدمه
..اها وانا اقول ماتحن على هـ المسكين الا اذا كانت تبي شي
.. انا اكلمك جد
..وانا اكلمك جد بس ماعليه تمونين قولي آمري تدللي وانا بالخدمه
..مشكور بس ابيك تروح تجلس مع نايف لا تخليه لحاله هو محتاج احد يجلس معه
..مها الله يهداك نايف اكبر مني تبيني اروح اجلس عنده
تاففت من برود اعصابه .. افهمني نايف يمر بظروف صعبه ودي مايجلس لحاله
..لاحول ولاقوة الابالله امرنا لله بروح بس وش الي مخليك منشغله عليه
..ماقدر اقول لك حاول معه يمكن يقولك
..يعني انتي ماتعرفين اخوك مستحيل يتكلم
..ماعليه انت روح له وكلمه
..وبقوله مها قالت لي
..فهــــــــــــــــد
..ههههههههههههه تصدقين حلو صوتك وانتي معصبه
.. واذا رجعت منه كلمني
..لا انتي اتصلي والا ماتذكريني الا اذا بغيتي مني شي
تكلمت بجديه .. انا كذا يافهد يعني تشوف اني انانيه
كلامها كان مثل البلسم الشافي على مسامعه بس حب يواصل معها شوي وخصوصا هذا طبعه .. لا السالفه قلبت جد اقول مها امي تبي تكلمك
صدقته وخافت يسويها صدق ماتركت له مجال يكمل ..ها لا لا مع السلامه سلم على خالتي
عرف انها فضلت الانسحاب من احراجه لها ..هههههههه احبها ياناس
وقام ينفذ الي طلبته منه مو لانها طلبت منه بس لان نايف انسان يستاهل الي يوقف معه
................................................
وصل للبيت وطفى السياره ونزل منها ومشى يجر خطوته جر قبل يدخل شاف سياره ثانيه وقفت والي يسوقها وافد ومعه شغاله توقع انها نوف
عرف عيونها من ورا النقاب ماقدر يتحرك وهو يشوفها تنزل وتدخل مع مدخل الحريم بدون ماتناظر له >>سبحان الله كيف الايام تسيرنا وتمشينا بهواها بيوم من الايام فكر يرتبط فيها وتزوجت ورجع اليوم يجدد العلاقه لكن بصوره ثانيه دخل من باب الرجال وتوجه للمجلس الي كان بابه مشرع لقاهم جالسين يستناونه ..السلام عليكم
التفتوا له وردوا عليه السلام ..وعليكم السلام تعال ياولدي اجلس
جلس قريب منهم ..نعم يبه
استعجل بالكلام وبدون مقدمات ..ساره وافقت وابي منك بكره تخلص كل شي لان ابو سلمان بيسافر وانا برجع لجده
ماكان كلام يسمعه كان خنجر انغرس بصدره هز راسه براسه قبل يحرك لسانها بلع ريقه وحاول يخفي ربكته تغير لون وجهه ..خير ان شالله
..الحين ابيك تخلص كل شي وبكره تملكون وتاخذها لبيتك بعد اذن ابو سلمان
..ماعندي مانع بس لو تاجلونها ودي اخوها يحضر
..امرك ياعمي
طلع ابو نايف ظرف من جيبه ومده لبو سلمان ..هذا لساره وابيها تجهز نفسها للتحليل والعشا انا بتكفل فيه
..خلاص يابونايف موعدنا يوم الخميس
..على خير
هالمره الشخصيه القويه والرياده وسيادة الموقف تبخرت وتبدلت لصمت الكلمه الي قدر يقولها ..يالله يبه مشينا
..يالله نستئذن يابوسلمان
..مع السلامه <<وطلعوا من عنده بعد ماتفقو على كل شي
..يمه ممكن تتركيني معها شوي
..حاضر يمه بس تكفين لاتخلين اختك هي بحاجتك
..من عيوني يمه بس انتي لاتحاتين
..الله يريحك بالك يابنيني ويفرح قلبك
كانت قطرات بارده اروت عطش روحها ابتسم وهي تشوف امها تدفع عربتها وتطلع التفت لساره الي لامه جسمها على السرير وساكته وتاركه الحريه لدموعها تنزل ..ساره انا رجعت ونسيت او تناسيت زعلى عليك لاني ماقدر اشوفك محتاجتني ولا البيك
دارت راسها لها .. مدري وشلون وافقت عليه ضعفت يانوف ضعفت قدام رجا عمي ماقدرت اشوفه يبكي ومااريحه
..مسحت رجلها بحنان ..الله يعطيك على قد نيتك
حطت يدها على وجهها ..ماني متخيله اني بصير زوجه للـــ ....
.. ليـــــــــــه؟؟
..اكرهه يانوف اكرهه
..ليش تكرهيننه وش سوا لك
هدت شوي ووحاولت توصل لها الي بقلبها ..اقولك وماتزعلين الموضوع الأصلى من هنا: منتديات طرطعة http://forum.6r63h.com/showthread.php?t=102968
عرفت وش راح تقول ..لاتقولين وان قلتي راح ازعل هذا نصيبنا من قبل ننولد حتى لو ماعجبنا وماتدرين عسى ان تكرهو شياء وهو خيرا لكم
وبعدين انتهى كل شي انتي قلتي لعمي انك موافقه واكيد هو قاله واتفقوا على كل شي
رفعت راسها ..ياليتني اقدر اتراجع واغير كلامي بس ابوي سلئني وان اكدت له اني موافقه
..خلاص انتهى كل شي
..للاسف ماعاد اقدر على الرجعه
..قول طيب وش الي مضايقك
..لاحول ولاقوه الابالله انت قول وش الي مسلطك على ذبحتوني كل ماجلست مع واحد قال انت متضايق ياخي غصب تبون تضيقون صدري
..على يانايف هالكلام انا اعرفك
..والله ناسبتك وابتلشت فيك مدري وش طيح حظي وزجتك اختي
ابتسم فهدوبما انه انفتح الحوار بينهم قرر يعرض عليه الفكره ..اقول نايف وش رايك تتزوج ترى العزوبيه مرتبطه ارتباط وثيق بالكآبه
ابتسم لانه لمس الجرح .. جبتها عـالجرح يافهد
عقد حواجبه و تفحص ملامحه الي انقلبت من هالكلمه توقع ان رافض عشان حزنه .. تكلم يا نايف افتح قلبك واعتبر انك تكلم نفسك
..ابويي بيزوجني
..طيب وش المانع ولا انت حاط وحده براسك وعمي رافض
..ماراح تفهمني يافهد
..يانايف انت ساكت على الي بقلبك وشلون تبيني افهمك
..المشكله بالبنت الي اختارها ابوي
..يعني انت مانت رافض الفكره
..هالاختيار ماكرهني بالزواج كرهني بنفسي وبالدنيا كلها
..ليش كل هذا لهالدرجه اختياره غلط
..ابوي يافهد خطب ليـــ ساره زوجة نواف الله يرحمه
فتح عيونه ماهو مصدق الي يسمعه ..ساره !!
هز راسه ..للاسف
انتبه لكلامه من اول ..وانت معترض عليها شخصيا ولا لانها كانت زوجة اخوك
..بصراحه الاثنين
غمض عيونه ..تقدر ترفض ماراح يذبحك اذا قلت ماابيها
عرف من طريقة كلامه انه زعل .. اعذرني يافهد عارف انها بنت عمك وماترضى عليها بسـ ...
قاطعه فهد ..اولا احب اصحح معلوماتك ساره ماهي بنت عمي وبس ساره اختى ثانيا انا مازعلت هذا رايك وبنت عمي عارف ماعليها كلام
..مانبي نطلع عن موضوعنا انا رضيت عشان ولد نواف وعشان رضا ابوي يمكن لو كان بغير هالظروف كان اصريت على اعتراضي بس ابوي صحته تدهورت بعد موت نواف وودي اريحه
..اي بس انت تظلمها
..لاتخاف عليها من الظلم بتقعد تربي ولدها وش تبي بعد
..نايف كلامك ماعجبني هي لها حق بالحياه ساره صغيره وبدال الرجال عشر
..والله عاد هي رضت عشان ولدها ماحد اجبرها
.. اول مره تتكلم بهالاسلوب يانايف احس اني اتكلم مع واحد ماعرفه عن اذنك اناآسف لاني اخذت من وقتك
قام وخلى نايف يشوفه وهو يمشي بعيد عنه.. شكلي بخسر كل علاقاتي بسبتها
انتهى الكلام بهالموضوع مسالةوقت وتكون زوجه للانسان الي كرهته بسبب حبها لاختها تمر الايام عليهم طويله كئيبه مافي احد منهم فرحان بزواجهم ...
نوف ماعاد تقدر تبعد عن بيتها صارت تلقى فيه الهدؤ النفسي والاستقرار ورغم اتصالات ناصر المتكرره ماعندها الجراءه عشان ترد عليه
ناصر انشغل فيها فكر انه يرجع لكن بما انه وصل وبدا دراسه قرر يترك كل شي لرجوعه
ساره ايامها متشابهه ليلها مثل النهار بس حياه وايام تتوالى عليها بدون طعم الاالمراره
نايف صاركل شي عادي عنده يحس انه تبلد وصار بدون احساس انطوى على نفسه واعتزل الحياه
...............................................
..طيب ليش ماتروحين تجهزين لنفسك
ملت فمها هوا وتاففت منهم ..نوف ترى ذبحتوني ماسكيني بالدور ان راحت امي جت نوره وان راحت نوره جيتي انتي مـ ا بـ ي اروح ماتفهمون يكفي سويت التحليل لان ابو هو الي وداني
..طيب ليش ؟؟
..خزتها بنظره معناها انتي فاهمه..انتي الي تسئليني
..ياساره ياحبيبتي مانتي خسرانه اذا رحتي واشتريتي لنفسك انتي حتى لبس زي الناس ماعندك
..انا ماشكيت ولا ابي وفلوسه رجعوها له مابي منه شي
ردت بملل من عنادها..اذا انتي وافقتي خلاص جهزي نفسك
..نوف خليني انسى شوي احس جسمي يتكهرب من هالسيره
..خلاص براحتك << سمعت صوت جوالها الي على طاوله بنص الغرفه مشت له تغيرت تعابيرها وفضلت يكون صامت
قامت لها ساره الي كانت جالسه بالاراض وولدها قدامها بعد مالمعت براسها فكره وجرفتها رغبتها بتفيذها انها توافق على شي كانت رافضته تماما ..من الي متصل ؟؟
نزلت راسها وبصوت هادي ..ناصر
..ردي عليه
..ماني راده
..ليش
مطت شفتها وهزت كتفها ماعندها رد واحساس يتعدى حدود الكلام ..مدري خلينا كذا احسن
ضيقت عيونها تستعد تسمع ردها وتكلمت ..نوف بروح معك بس بشرط
ناظرت لها بابتسامه .. تتشرطين بعد !!
..وش قلتي بتوافقين ولا لا ؟؟
..اعرف الشرط اول !!
..اممممم تتصلين بناصر الحين
فتحت عيونها وقلبت شفتها ..وانتي وش بتستفيدين ارد ولا مارد
وقفت قدامها وحطت يدها على كتفها .. يمكن ارتاح شوي >>مسكت كتوفها الاثنين ..انا احترق يانوف كل شي قلب على راسي
..وكل هذا لاني مارد على ناصر
..نوف لاتستغبين انتي تدرين بكل شي
كتفت يديها وميلت رقبتها ..واذا كلمته بترتاحين
نزلت يدها وراسها ..يمكن
رفعت راسها وعلى شفتها ابتسامه وهي تسمع ردها ..اتفقنا
رفعت كفوفها بيديها ..كلميه الحين وانا بروح اتجهز
ابتسمت علامة القبول طلعت من عندها ساره وقبل تسكر الباب ..لاتلعبين على كلميه الحين
..خلاص بس اجهزي
من فرحتها ان ساره شوي ارتاحت رفعت جهازها و؟؟؟؟؟؟؟؟؟؟؟؟؟؟؟؟؟
دخلت باكياسها مع اختها سلمت على امها الي تشوفها وقلبها يتفطر عليها وعلى شبابها الي كفنته ودفنته وتتحسر انها ماجبرتها على واحد من الي خطبوها .. شفتي وش شريت لك يمه
التفت لها .. كثر الله خيرك
قامت توريها قطعة اللذهب والجلابيه الي شرتها لها ..شوفي يمه ابيك تكشخين يوم عرسي ابي كل الناس تأشر عليك ويقولون هذي ام العروس
ابعدت الاغراض بيدها ولفت براسها للجه الثانيه .. مابي شي منك
..ليش يمه ليش تبين تكسرين فرحتي
..لانك كسرتي قلبي ولوعتيه عليك
ضحكت لامها بعدم مبالاه ..انتي الي تغيرتي غريب يعني تزوجي تزوجي ويوم تزوجت قلبيتيها عزا
.. تدرين جبتيها" عزا
..بكره بتشوفين وشلون بصير مليونيره
اومت بيدها ..صدق مخك صغير
..افا يمه انا مخي صغير مقبوله منك معذوره ماتعرفين بنتك >>وهو تأشر على راسها ..وهالراس وش يفكر فيه
..ياخوفي انك تشبين النار تحتك
..هههههههههههههه اقول يمه ماشفتي زوجي العزيز وش جاب لي
سكتت وماسئلتها .. جاب لي طقم الماس بمبلغ خيالي
.. نوال يابنيتي الالماس مايعوضك عن عمرك وعن شبابك ولاهو هذا ثمنهم لان مالهم ثمن >>والتفت للتلفزيون
نفضت يدها باستهزاء وقامت وهي ناقمه من قلبها على كل الناس ولاواحد من الي حولها حسسها انها كسبانه لكن هي ناويه انها تخيب ظنهم واثقه من قدراتها
حط اصابعه بعيونه السبابه والابهام وطخي راسه ويسمع كلام ابوه ..وش اجهز يبه البيت مافيه شي يمشي الحال
..انا ماتكلم اذا كان يمشي الحال ولا لا انا اقول غير الاثاث حرام خل البنت تنسى ولا ناوي تقعدها بشقة العزوبيه الي انت عايش فيها
ثار هالمره وتكلم بعصبيه .. عمرها مانست ماهي اكبر همي حس فيني انا يبه انت شايل همها وناسيني ترى انا ولدك
فتح عيونه على وسعها اول مره نايف يتكلم معه بهالطريقه ورد بطريقه بارده ..انت متاكد انه هالكلام تقوله لي انا
هدا شوي بعد فتره من السكوت .. يبه انت تبيني افرح وانبسط وكل شي صار على يدك
..انا قلت لك يانايف بزوجها بدر وانت رفضت
..يعني اذا بغيت احافظ على مستقبل اخوي اكون مبسوط لاني اخذتها
اوما باصبعه ..لا السالفه اكبر من كذا انت وراك شي
تلخبط من معرفة ابوه له .. لا سالفه ولاشي بس المفروض تحس فيني مثل مانت حاس فيها
... ترى زودتها يانايف بتمسكها علي زله انك وافقت خلاص انتهى كل شي
..طيب وش المطلوب مني
..لا الي جا منك كفايه الي ابيه انا بسويه انا للحين بقوتي >>قال كلامه بغضب وهو يحاول يقرص عليه شوي
.. الله يعطيك القوه والعافيه بس قدرني يبه
لانت ملامحه وهو يشوف الشتات بعيونه وسر بنظراته ماهو قادر يفهمه .. ياوليدي البنت ضعيفه ومكسوره بعد هي مثلك تنازلت وتزوجت وهي ما التم جرحها من موت زوجها تحسب انه سهل عليها ترمل وهي بعز شبابها وتصير ام لطفل انولد من غير ابو هذا لحاله يقصر العمر>>
ماعرف وش يقول ولا ايش يرد عليه نايف كان السهل الممتنع الموافق على المبدء المرفوض مامانع على قربها لانه يبي بعدها وقبلها بحياته لانه رافض وجودها بحياة اخوه
.............................................
عجزت احكي لك احساسي
واترجم لهفتي بالبوح
عجزت اني اعيش بصمت الى من طال يذبحني
حبيبي شفت هالدنيا بها ناس تجي وتروح
اقسم بالي ليا من مت وصرت عظام يجمعني
احبك والغلا صادق وماهو لعب وسلا مزوح
نزل دمعي نزف جرحي وذاك الشوق عذبني
احس الكون في عيني فنى وماعاد له مصلوح
مادام اللي احبه حيل مااجيه ولايجي عندي
انا لامن كتبت وهمت حكي حب غدى مذبوح
صرخ دمه بدون شعوريكفى بالله افهمني
الغرفه مظلمه وبارده مكركبه اوراق مبعثره ملابس بكل مكان مو متعود على خدمة نفسه انها شغله اتصل على نوف لكن مثل ماتوقع لارد دخل فراشه وتلحف وهو يحس ببرد ماتعود عليه ماكان باين منه الاراسه نورت الغرفه بنور الجوال قبل يسمع صوته مد يده وهو متغطي فز بدون وعي وحذف الغطا بعيد ومايدري كيف وصل عند طاولته الي بنص الغرفه استعدل كأن المتصل يشوفه ..الو
عادتها الشوق له يلجم لسانها ويصعب عليها الكلام .. الو الو
انحلت عقدة لسانها وردت ..السلام عليكم
ابتسامه على شفايفه وفرحه بعيونه وضحكه عاليه بقلبه ..وعليكم السلام
ماعرفت منين تبدا ظلت ساكته بس تكلم قبل ينقطع الخط وناداها ندا دافي بأسمها الي يستعذب ترديده ..نــــوف
رفعت راسها فوق تظن دمعتها تخاف من النزول من مكان عالي ماتدري ان الدموع ماتخاف من السقوط مهما علت المسافه وبهمس يمكن ماتبيه يسمع ..ســـ م
تنهد وطلع من صدره هوا بارد ..سم الله عدوك وش اخبارك
باصبعها خطفت عيونها ومسحتها .. الحمدلله بخير انـ تـ وشـ اخبـ اركـ
كم من الشوق لها اكتسحه وغلبه والعبارات بهاللحظه خانته ..انا عايش الدراسه ماخذه وقتي كله >>كان يطق بالقلم على الطاوله
..اللـه يوفقك انت اتصلت فيني قبل شوي ؟؟
يستمتع و فرحه عارمه وهي تكلمه كان يتمناها ترد ماحلم انها تتصل بنفسها .. أي من كم يوم وانا اتصل وماتردين انتي وينك الحين
..انا ببيت ابوي
..ليش مارحوا!!
..لا صار عندهم شغل واجلو سفرتهم
وصل للسؤال الي تعدى كل هالحواجز عشان يسمع جوابه منها ..وانتي
هي عارفه زين وش يرمي بسؤاله ..وش فيني ؟؟
..للحين مصره تروحين معهم
.. ماقدر اروح الابعد نهايةالدراسه مابي اضيع ترم يكفي الي ضاع مني
ضربته بالصميم تمنى انه ماسئلها ولاحاول يستفسر .. يعني بعد ماتنهي الدراسه بتروحين
سكتت ماتقدر تقول شي ..تسمعيني ؟؟
ابتسم وهو يتذكر سكوتها اذا شردت بشي "ردت ..اسمعك" اظن
قعد يرسم دوائر على الورقه الي قدامه تشبه الدوامه الي هو عايش فيها .. يعني بجي ولا اشوفك
ونة ونه بسيطه طلعت غصبا عنها .. عادي انت رحت وماشفتني
حذف القلم من يده الغرفه ظلمه زياده عن الظلام الي داخله .. مابي اضايقك بشوفتي وماحب اودعك
..نــــــــــــاصر
كانت حروف اسمه تطلع من فمها مثل الشهد بصوت هادي .. هــلا
تكلمت بهمس وبنبره خافته عساه مايلاحظ التفاصيل الباقيه .. لا تعذبني
عقد حواجبه وهزه لحن الالم الي تسرب لمسامعه وبصوت هــــــــــادي جدا ..انا اعذبك يانوف انا اتعذب لانك انتي تبيني اتعذب
كأن البرد الي يعيشه وصلها مع الجوال ارتعشت اوصالها .. ودي ارتاح واريحك بس ماني قادره سامحني
فهم مقصدها وانها تظن انها تنساه اذا ماصار بينهم اتصال ..انتي تبين تنسيني يانوف ؟؟
.. اتمنى" اتمنى انسى الجرح الي بقلبي يمكن لو انسى تلاقيني استناك
حس ببذرة امل انغرست بقلبه او شي يثبت حبها له .. استنيني يانوف وانا بعد الايام لين اشوفك انا شاريك وبايع الدنيا كلها
الى هنا وصلت اقصاها ماتحب تتكلم او ماتعرف توصف احساسها .. ارجوك خلاص ماعاد اقدر اتكلم اكثر
ابتسمت لخيبته فيها تعذبه بلطف وتعذب نفسها اكثر خلوقه حتى بتعذيبك يانوف .. على قد مايضايقك الكلام على قد مايريحني خصوصا وانا بعيد عن الناس الي افتح قلبي لهم على العموم ماحب اشوفك ضايقك بسكر الحين
.. تصبح على خير
وانتي بخير
خلصت المكالمه الي دارت بينهم والي طيرت النوم من عينه نتيجه مبهمه ماهي رافضته وواضح بكلامها حبها له وهالحب ماغفر له ذنب الي سواه
معادله معقده صعب حلها
............................................
خلص فهد شغله وهو بسيارته راجع لبيته يفكر بكلام نايف والصوره الجديده الي ظهر فيها مايحق له يعترض او يتكلم ويقول لعمه ومثل ماهو صعبه عليه الفكره اكيد صعب عل ساره هي بنت وضعيفه وامكانية رفضها اقل منه بكثير فتح تلفونه الي دق وهو بافكاره .. السلا عليكم
..وعليكم السلام هلا والله ياعمي
..فهد ياولدي بدون مقدمات انت حسبة ولدي وبغيتك بخدمه
انتخى ورد عليه بثقه ..ابشر طال عمرك امرني انا بخدمتك
..تسلم ياولدي هذا العشم فيك ابيك اليوم العصر تكون عندي ببيت نواف الله يرحمه
..خير طال عمرك عسى ماشر
..ماشر ياولدي بس يمكن نايف قالك عن زواجه وودي اغير اثاث البيت وابيك تتكفل بالموضوع
انلجم من الي سمعه هذا دليل واضح على رفض نايف للزواج ماحب يسئله عن نايف "اولا" لانه عارف الاجابه "ثانيا "لانه مايبي ابو نايف يفهم انه مايبي يخدمه .. ابشر متى تبي نبدا
..مافي وقت من اليوم ودي اغير الي اقدر عليه
..ان شالله اليوم العصر اجيك ونتفاهم
..على خير
........................................
رجعن من السوق بمده قصيره لان ساره ترفض حتى تدخل المحل مجرد تنفيذ لوعدها لنوف خصوصا هذي اول مره تطلع من البيت من ولاتها ونوف بعد مكالمتها لناصر تغير مزاجها ولانها ماتبي تتاخر على البيت دخلوا باشياء بسيطه مافي شي يساعد على التسوق والاختيار
كان ابو سلمان وام سلمان ونوره جالسين
.. ليش مارحتي معهم يانوره
.. ماقدر اخليكم بالبيت لحالكم انتي وعمي وميلاف ومتعب
..لورايحه معهم الشغاله بتهتم فينا انتي ماتطلعين من البيت يابنيتي
.. عادي ياخاله ان شالله اذا جا سلمان بروح
.. الله يرضى عليك يابنتي ويوفقك
..تسلمين ياخاله
ناظر لهم ابو سلمان الي كان سارح بوادي ثاني
.. ماقالك سلمان متى يجي
..قال اذا قدر باقرب وقت يجي
.. يجي بالسلامه ان شالله
.. انت قلت له عن زواج اخته
..اي شوارته هذي اخته ومن حقه يكون عنده علم وله كلمه
وخلال سوالفهم دخلن الاثنين وعلى وجه كل وحده منهم لوحه ارنسمت من الحزن وتلونت بالالم
..السلام عليكم
..وعليكم السلام مامداكم بسرعه رجعتوا
ساره وهي تنزل الشيله وتتوجه للغرفه .. وشلون يعني ننام هناك >> وقفت لغرفتها
جلست نوف .. ابد يمه بالغصب اخذت لها كم غرض وبعدين اصرت نرجع >>مدت يدها بشنطتها وطلعت باقي الفلوس.. وهذي فلوسها خليها معك
..وليش ماعطيتيها اياها بيدها
..لا يمه خليهم معك ساره متهوره ممكن تسوي أي شي والمبلغ ماهو بسيط
..نوف معها حق يام سلمان خليهم معك بتحتاجهم اكيد
..الله يهديها
قامت نوف تعدل عباتها الي مازالت لابستها سئلتها نوره ..وين يانوف تعشي معنا
..لا مالي نفس السواق برى بكره وراي جامعه
..ورى ماتقعدين عندنا دامنا هنا وزوجك مسافر
ابتسمت لامها .. ارتاح هناك اكثر
.. براحتك يمه
.. يالله تصبحون على خير
..وانتي بخير
.................................................. ...........
مرت هالكم يوم بدون أي تغيير ماعاد التعديل الي اتمه ابو نايف بالبيت طبعا بمساعة فهد الي ماكان راضي ابدا عن تصرفات نايف الي كان معتكف بشقته مايفارقها وقطع علاقته بكل الي حوله ماعدى ابوه لانه مجبر لان ماحد راح يهتم فيه غيره <<ماكان احد يدري بتعديل البيت الا ابو نايف وفهد >>
..انت وين تغط كل ماكلمك تقول لي مشغول
..صحيح انا مشغول
..بايش ؟؟
..سؤال وجيه بصراحه" اكيد بشغلي
فهد ضايق وصاير بين نارين محتار ولاهو عارف كيف يتصرف ومها كانت ملاحظه تغييره عليها بس ماتبي تستبق الامور ..طيب كلمت نايف ؟؟
بملل .. كلمتـــــه
.. وش قالك وش قلت له
.. مها ماتلاحظين ان اسئلتك سخيفه ومالها معنى وش بقوله يعني رجال ماهو عارف ياخذ قراره صح وبعدين انتي ماتتصلين الاعشان تتطمنين عليه عن طريقي
يمكن كلام فيه شي من المنطق لكن ماهو هذا الاسلوب الي يكلمها فيه ..............
..وش فيك ساكته ؟؟
دمعت عينها وتفشلت من نفسها ومن رده عليها .. وش اقول ؟؟
..مدري عنك ردي
..ماعندي شي اقوله
عصب وثاير وضايق من نفسه لانه كان سلبي وماصار عنده جراءه يوجه عمه ويقول له .. عندك بس اسئله تستجوبيني فيها
بكت ولاردت عليه .. مـــها
...........
توه لاحظ جفافه معها يوم حس انها تبكي .. مـــــــــها
اخيرا قدرت تردعليه ..نـــ عــــ ــــم
..وش فيــــــــــك انا ماقصدت ازعلك بســ ..
..خلاص فهد مع السلامه
..اسمعيني طيب
..مابي اسمع شي مع السلامه >> سكرت الجوال بوجهه
حك راسه بخيبه .. يالله انا وش سويت المفروض اذا عندي كلام اكلم الي يخصهم الموضوع مها مالها دخل
.................................................. .......................
قلت المطر . . قالت من اليـوم ديمـه
ما به رعد . . لا برق . . ما غير هتان
عشقٍ جمع مـا بيـن قـاعٍ وغيمـه
ينثر على صدر الثرى دمـع الأمـزان
يــــــــــــــــــــوم الاربــــــــعـــــــــــاء قبل العــــــــــــــصر
قبل موعدهم بيوم
دخل البيت فاضي ضحك .. الظاهر ماخذين قيلوله
تعدى الصاله لغرفته وفعلا مثل ماتوقع نايمه مثل الملاك ببراءه
.. صدقت اني مارجع للمغرب ولا ماكان نامت
قرب لسرير بنته وشافها ماده يدينها ونايمه بامان حبها وتركها ماحب ينكد عليها نومتها رجع لنوره وجلس بشويش على طرف السرير وطلع من جيبه ورد حمرا لعب فيها على شعرها لكن ماحست قرب ونزل راسه لها وحط فمه عند اذنها وهمس ..نوره
بسرعه بدت علامات على وجهها يوم حست بانفاسه قريبه منها حركت راسها شوي للجهه الثانيه وفتحت عيونها ولفت لجهته وشافته قدامها وعلى وجهه ابتسامة شوق .. مساء الخير >> ردت له الابتسامه باحلى منها وهي على وضعها
.. مساء النور الحمدلله على سلامتك >> كانت تبي ترفع جسمها لكن مسك كتفها ومد لها الورده
..الله يسلمك اشتقت لك
اخذتها من يده وشمتها .. وانا اكثـــر
مد جسمه جنبها وركي يده على الوساده الي تبعثر عليها شعرها .. اشــــوف الحلو مكسل<< وهو يداعب شعرها
.. البارح ميلاف تعبت شوي وخفت عليها ماقدرت انام
التفت بسرعه وراه ..ليش وش فيها ؟؟
مسكت كتفه بحنان .. لاتخاف صارت زينه بس الظاهر اشتاقت لابوها بس انت ماقلت بتجي المغرب!!
غمز بعينه لها ..بس هي الي اشتاقت لي
حمر وجهها وهي تشوف نظراته.. ماقلت لي ليش جاي من بدري
..عارف لو قلت لكم باجي بهالوقت ماراح تقرون قلت خلهم يرتاحون لين اطب عليهم
عظت طرف شفتها يوم حب خدها .. اقوم اجهز لك ملابس عشان تتسبح
.. لا اجلسي نظيف الا اذا انتي قرفانه مني
ولع وجهها ولاردت عليه قرب لها اكثر ,,,,,,,,,,,,,,,,,,,,,,
.مقابلها ابو زوجها وامه على الطاوله ومنزله راسها وماسكه قطعة الخبز بيدها حس فيها ابو ناصر
..ليش ماتاكلين يابوك ؟؟
رفعت راسها له .. قاعده اكل ياعمي
.. والله يابو ناصر عجزتني وانا اقول لها بس الله يصلحها ماترد مضيعه عمرها بين الدراسه وبين زواج اختها وناسيه نفسها
.. لايابوك لازام تاكلين وتهتمين بصحتك وكل شي يجي بعدين
..المفروض تشوفين نفسك عشان اذا جا زوجك يشوف زوجته احلى من هالشقر الي يشوفهن كل يوم
ضحكت ...هههههههههه بس عشان كذا
..لا والله يابنتي انتي تهميني مثله واشوفك ناحفه ووجهك متغير " اقول نوف << قربت لها وكلمتها بصوت واطي .. ما في شي بالطريق
طاح الي بيدها وتكركبت .. هـاه لا ياخاله وشلون
حركت يدها باستفهام ..وش الي وشلون ؟؟
تلخبطت زياده كانت راح تنفظح ..اايعني ناصر مسافر
ضحكت عليها وهزت راسها وطت صوتها زياده .. الحمل مايبان من البدايه يبي له شهر وزياه عشان يبين
.. لا لا ياخاله انا متاكده
رفعت يديها فوق ..يارب تبلغني بعيال وليدي واشيلهم مثل ماشلته
كسرت قلبها اللهفه والرجا الصادق الي بصوتها ونظراتها مسكت يدها ..الله كريم
..تدرين يانوف ناصر يحب الاطفال حيل وكان يتمنى الله يرزقه باخو او اخت لكن يوم كبرت كان دايم يقول اتمنى يصير عندي عيال مليت من حياة الهدوءو كان دايم ينبسط وهو يلعب مع عيال عمامه الصغار ويستمتع بالوقت وهو يشيلهم ويلاعبهم
جازت لها السوالف عنه اشياء اول مره تكتشفها عنه .. مع اني عمري ماحسيت انه يهتم بهالاشياء
استرسلت بحماس .. أي يايمه ناصر كتوم صعب تعرفين وش يحب او يكره يعني اذا انتي ماحاولتي تستكشفينه ماراح تفهمينه
.. لكم ساعه تتساسرون وناسين اني موجود
.. اسفين ياعمي بس نسيت نفسي سوالف خالتي ماتنمل
..وه يابو ناصر سوالف حريم
.. وسوالف الحريم ماتخلص مليت وانا استناكم تخلصون
.. اقول عمي وش رايك بكاس عصير انا مسويته
.. ماقدر اعارض مادامه من هاليدين الحلوه
..يحلي ايامك انا رايحه اجيبه
قامت تجيب العصير ناظر ابوناصر لزوجته ..بصراحه عرفتي تختارين
..عشان تعرف قيمتي وان نظرتي بالناس ماتخيب
.. اقول كنك صدقتي عمرك مو انتي الي كنتي تبين بنت اختك
بجديه ..لا يابو ناصر هو الي كان يبيها ومابغيت ازعله وصدقني فرحت يوم تزوجت " بس ياخوفي تضيع نوف من يده
..ليش انتي شايفه على حياتهم خطر
..حياتهم بتدمرها المكابره هو عنيد وهي اعند منه
..بس لو الله يرزقهم وتحمل
..الله يسمع منك يمكن يقرون وتطيح هالشياطين الي بروسهم
..ههههههه اسكتي البنت جت لاتسمعك
..هاه ان شالله حصلتي شي
..والله يمه حصلت ولاحصلت
..وهذا لغز تبيني احله
..لا مو لغز بس ثلاث ارباع الوظايف مطلوب شهادة انجليزي او كمبيوتر وانا ماعندي
..طيب ادرسي انتي تدورين وظيفه مو لانك محتاجه الراتب بس لانك محتاجه تملين وقت فراغك
..اي يمه بصراحه مليت من الفراغ
.. اقول هدى ابوك يقول ان ولد عمك طلب يردك
.. لا الله يخليك يمه مابي ارجع لجهنم برجليني
.. انا ما ابيك ترجعين له بس خايفه انك للحين تفكرين بناصر
نزلت الملف الي بيدها جنبها ..صدقيني يمه ناصر ماعدت اعتبره الا ولد خالتي وبس
..ودي اصدقك
..صدقي يمه الي بينا انتهى على يد نوف
.. لاتحقدين عليها والله البنت طيبه وتنحب بعدين مالها ذنب بالي صار بينكم
.. بالعكس اتمنى انها تسامحني او اسوي شي يريح ضميري من ناحيتها
..الله يهديك ويكملك بعقلك
استلقت على ظهرها وخذفت دمعه على خدها تشعر ان خدها احترق من لهب حرارتها مسحت بيدها على راسها وعلقت عيونها فوق و شريط من الذكريات يدور بخيالها وايام حلوه ومره تسترجعها بذهنها وشلون بيوم كانت خاليه مايعرف الحزن لها طريق وفجئه غدرتها الايام وخذلها الحظ
وشلون الانسان الي كرهته بدون ذنب بس لانه كان سبب بالم نوف باقي ليله ويصير زوجها وشلون بيوم من الايام وافقت على اخوه لعله تقدر بطريقه اواخرى تدمره لكن نواف قطع عليها الطريق وشلون العام مثل هالايام كانت طفله همها لعبها ووناستها وهالسنه صارت ارمله وام لطفل علشانه بتتزوج انسان تكرهه وافكار وافكار تدور برسها وكل فكره تغرس بقلبها حسره قعدت ومدت وحده من رجولها والثانيه ثانيتها وراصه ذقنها عليها انتبهت للدق على الباب .. ادخل
دربكه عند الباب انفتح بصعوبه عرفت انها امها وقامت بسرعه فتحته .. مسا الخير يمه
مساء النور يمه ليه متعبه نفسك وجايه كان ناديتيني واجيك >>
صارت وراها ودفعتها لكن قبل تدخل .. مخنوقه >>تكلمت وهي تتنهد وتتنفس بسرعه
وقفت وسئلتها ..ليش يمه يوجعك شي
..يوجعني قلبي
جلست قريب من رجليها ..سلامتك يالغاليه الحين البس عباتي ونوديك للمستشفى >>وهي تقوم مسكت يدها
..تعالي ياساره قلبي مايوجعني من الالم
استغربت تقول كلام غريب ..اجل من ايش ؟؟
..يوجعني من الخوف
زاد استغرابها مسكت يديها .. علميني يمه قولي لي
انبح صوتها .. يايمه اناطول النهار بالبيت نوره مشغوله ببنتها وانتي حابسه نفسك بالغرفه وانا خايفه عليك
ابتسمت لها ..لاتخافين بنتك قويه << كانت تبي تطمنها عليها لكن حست انها ماتاثرت
..يمه انتي تعبانه
دمعت عيونها.. زياده على الضيقه الي فيني ......
..اي يمه كملي انا اسمعك
.. سلمان تأخر
ابتسمت لها وهزت راسها .. اها السالفه فيها سلمان وانا احسبك تحاتيني
..يابنيتي انتي عندي وتحت نظري وخايفه عليك بس هو ماسك هالطريق رايح جاي واخاف عليه لا تلوميني ياساره قلبي ماعاد يتحمل
عذرت خوفها وقلقها الخوف يهددهم ..ان شالله بعد شوي تشوفينه داخل عليك
..ان شالله بس حتى جواله مسكر ماقدرت اكلمه
..من الي جواله مسكر؟؟
التفتو له وهو طالع من غرفته ونوره شايله بنتها وتتبعه
فرحت بشوفته واعلان واجهها ابتسامه صادقه على شفايفها ونظره حانيه بعيونها .. هلا ياوليدي هلا يانظر عيني ليش تاخرت يمه
وهو يقرب لها ويبوس راسها .. شوي شوي يام سلمان ااكلتيني
حطت يدها على شعره .. خفت عليك يمه <<وبكت
جلس نص جلسه قدام كرسيها .. ليش الدموع يمه هذا انا شوفيني قدامك
حقدت ساره عليه ..الحين ضيقت الصدر لي والاحضان لسلوم
رفع راسه لها .. ياشين الي يغارون >> التفت لامه ..اشتقتي لي يمه
.. اكيد اشتقت لك واذا قلبي غلبني اشيل بنتك اشم ريحتك فيها
.. وووووع من زين ريحته ولا من زين بنته" صحيح انت متى جيت ؟؟
..العصر
عتبت عليه امه ..من العصر ياسلمان وانا قاعده على اعصابي
..السموحه يمه بس جيت لقيتكم نايمين ودخلت غرفتي ومن التعب نمت وماحسيت بنفسي
.. حتى انتي يانوره بعد ماحسيتي بنفسك ؟؟
ناظرت لها وولع وجهها من الحيا .. ســــــــــااااااره وجع
..ليش زعلانه ماقلت شي
نهرتها امها .. خلاص ياساره ماعليه ياوليدي نوم العوافي اهم شي انك بخير
..الحين الاخ نايم بالعسل ومقعدك على اعصابك وانتي عادي عندك
..اقول انتي ماتعقلين ابدا
رفعت حواجبها واصدرت صوت بفمها .. لا
.. اقول سلمان يمه احنا لازام نروح معك المره الجايه انا مافيني شده احاتيك
.. ان شالله يمه انشالله بس نفتك من الاخت بنرجع
هالدقايق الي تناست فيها الحزن واسترقت لحظه ابتسامه من عمر الحزن لكن سرعان مانحلت في كاس اوجاعها وذابت داخله ورجع لها بطعنه قويه طلعت من غرفتها تركض ماتدري وين تروح بس لقت نفسها واقفه على عتبت الباب الداخلي
امضت مامضت تقلب دفاترها وتخاف من امتحان الايام الجايه
الصاله الصغيره والتي تعتبر مفترق البيت انفتح بابها الظهر" دارت عيونها بابواب الغرف المغلقه وكل منها بداخله قلب لايشبه الاخر
بدون تفكير مشت للغرفه الي مواجهتها على طول" بردانه في عز حر الرياض متئلمه من المنظر الي راح تشوفه نزلت عبايتها على الكنب ودقت الباب وهي تعرف عز المعرفه وش راح تشوف بعيونها عندها استعداد تتحمل الي تشوفه لكن ماتترك اختها بهااليوم رسمت الف وضع ووضع تلاقيها عليه الا انها تكون مرتاحه تفكر كيف قضت ليلة البارح طرقت باصبعها طرقات صغيره ما كان لها صدى فتحت الباب وطلت براسها
لقتها جالسه على السرير وثانيه رجولها نص ثنيه ومنزله راسها على ركبها ناظرت لها بحسره ووقفت فترها تشوف وتتامل جسمها الي نحل بالشهور الاخيره قربت لها وهي تفكر وش راح تقولها وكيف تواسيها الكلام بهالمواقف يضيع والتعازي تتبخر والتهاني مالها مكان
جلست بجنبها على طرف السرير مدت يدها على خصلات من غرتها تناثرت على ظهر يدها ومررت يدها على باقي شعرها بحنان
حست بلمستها ورفعت راسها ببطئ عن ملامح جامده ماتحمل أي تعبير الالشحوب الي اكتستاهاغمضت عيونها كأنها تفكر تكلمت نوف ..ليش جالسه لحالك ؟؟
..مابي اشوف احد >>ورجعت لوضعها الاول
رصت على جبهتها تحاول ترفع راسها ..ارفعي راسك ياساره انا نوف ماني أي احد
وبدون ماترفع راسها .. خليني انسى شوي
زمت شفايفها تخدع شفايفها لعلهن يرسمن الابتسامه .. يعني انا الي بذكرك
ماسمعت ردها حطت يديها بحضنها تدور كلام تقوله لكن للاسف الكلام خذلها وتخلى عنها في عز حاجتها له
رفعت الثانيه راسها ويظهر انها تفكر هي بعد كلام .. مدري وشلون بتصير حياتي الجايه وش شايله لي الايام
انتبهت من شرودها ومسحت يدها نوف..كل خير ان شالله>> واستوطن الصمت بالغرفه الصغيره
.. احــ ـــم ساره اااا اليوم زاوجك مفروض تستعدين
التفت لها بسرعه كأنها اول مره تسمع هالخبر ..اسم الله عليك وش فيك !!
من حنجرتها اليابسه ارسلت لها نبرة اسى بسؤالها ..تتخيلين يانوف اقدراعيش باقي حياتي مثل الناس
مافهمت سؤالها .. وليش وش ناقصك ماتعيشين مثل الناس؟؟
فكت يديها الي طوقت رجولها وتربعت .. خايفه من الجاي ومنــ ... نايف
رفعت كل جسمها عندها وقابلتها وجلست مثلها .. وش الي يخوفك منه
..مدري احسه بعد يكرهني
.. ليش تفكرين كذا وليش يكرهك
حركت يدها تحاول تشرح تفاصيل الي تشعر فيه وعلى أي اساس جاها هالشعور ..اكيد هو مثلي مجبور ولا مافي رجال يتمنى يتزوج وحده كانت زوجة اخوه اكيد ابوه ضغط عليه عشان متعب
..مايقدر يغصبه الرجال ماينغصب
.. انتي يانوف ماتعرفين نواف الله يرحمه وش كثر كان يحبه واذا كان هو بعد يحبه نفس القدر صدقيني بيسوي أي شي عشان يتولى تربية ولده
.. والله مدري وش اقولك خلينا من هالكلام الحين طالبتك ياساره طلبه واذا لي خاطر عندك توافقين
وجهة نظرها لها تستفسر بنظرها عن طلبها ..خير
تمتم بكلام غير واضح قبل تفصح عن الي داخلها .. ااااا ابيك تقومين تتجهزين وانا بتصل على الكوافيره تجي تزينك
اظطربت وحست بمغص وهزت راسها وتراجعت ورى .لالالا كوافيره لا
.. عشاني هالمره تكفين ولا انا مالي خاطر عندك
ارتجفت من داجلها وبرقت عيونها .. لولا خاطرك ماكان هذا حالي ولولا خاطرك ماكان همي همين
وقفت وسحبتها معها .. متى تقتنعين اني نسيت وان الي ببالك صار ماضي
حطت يديها على وجهها .. بس انا مانسيت ولاراح انسى
.. بسألك سؤال انتي تتمنين اني اتطلق
بسرعه فكت يديها عن وجهه وبثقه .. لا طبعا
.. وتتوقعين اختك تفكر برجال ثاني وهي على ذمة رجال
.. انا عارفه بس احاسيسنا ماهي بكيفنا
.. الانسان القوي هو الي يسير قلبه مايسيره
.. يعني انتي قويتي على قلبك عشان تنسينه او تتناسيه او لانك تزوجتي ومحترمه زوجك
بدت تفقد صبرها من عناداختها بس حاولت تتماسك ..موانا الي سيرت قلبي هو الي انقاد بكيفه انتي تدرين اني قلب مال له بس الي ماتدرين عنه اني ماراح ابدل ناصر برجال العالم كلهم حتى بتفكيري
.. ماقدر اصير زوجه لانسان كرهته لانك انجرحتي بسبته ماقدر مااحتقر نفسي لاني رضيت فيه
..انتي ليش ماتبين تقتنعين اني نسيت
ملت من ترديد السالفه ولاوحده منهم قدرت تقنع الثانيه بوجهة نظرها كل وحده مصره على رايها .. طيب المطلوب مني الحين
.. قلت لك وش ابي منك ابيك تشيلين هالوساوس وتحاولين تنسين ولاتفكرين ببكره وتكلي على ربك وتقومين تصلين لك ركعتين وتجهزين نفسك
هزت راسها ونزلت دموعها ..ياليت يانوف ياليت اقدر ارتاح تعبت من التفكير تعبت من لوم نفسي مليت من الحياه لولا خوفي من الله وخوفي على هالولد ذبحت نفسي وارتحت وريحت
تالمت من الحاله الي وصلت لها .. استغفري ربك وبعدين انتي مانتي عاله على احد تبين تريحينه منك
اجهشت بشده وصارت ترفرف مثل اوراق الخريف الناشفه .. عاله عليه وعلى نفسي اكرهه وهو اكيد يكرهني
.. لاحول ولاقوة الابالله العلي العظيم قطعتي قلبي عليك ياساره وش بتسوي امي وهي تشوفك كذا
مسحت دموعها بسرعه مره بظهر يدها ومره بطرف اصابعها .. بسوي الي الي تبين " بس سامحيني مابي قلبك يشيل علي
حضنتها لقلبها وعانقت احزانها الكبيره ماقدرت توصل لها بالجمل يمكن نبض قلبها يوصل شعورها .. ماحد يحقد على نفسه
كانت راح تتكلم وتقول انا حاقده على نفسي لكن حطت نوف يدها على فمها تعفيها من هالجمله
صار النفس دخان والنار في زود
تسعر بجوفا مجمر الهم يكويه
الطرف الثاني
نــــــــــــايــــــــــف
وضعه كفيل بوصف حاله منسدح على الكنب ومرخي عيونه في رجاء منها انها ترحم حاله وتغفي لكن كانت محاولات فاشله جالس بصالة شقته
ومطفي انوارها وابوه بعد مارجع من صلاة الظهر دخل ينام لانه كان يتعب مع فهد بتغيير اثاث البيت
رجع لورى لكم شهر تذكر كلمه قالها نواف كان <<بخليه لعمه يربيه >> ظلت هالكلمه تدور براسه يحس ملابسه ضاقت فيه من هالذكرى الموجعه قعد بسرعه .. كنت حاس يانواف والله لاحرمها الراحه مثل ما حرمتك من تربية ولدك >>تنهد وهو يتذكر انه اذنب لان الموت والحياه بيد رب العالمين رغم انها كانت السبب ..استغفر الله العظيم >>ووسط هالافكار حس بأبوه يفتح النور .. ليش جالس بهالظلمه
.. سلامتك كنت احاول انام
يدري انه بمثل هاليوم ماراح ينام سبحان الله ناس يئرقها الفرح وناس يئرقها الضيق ونايف كان من النوع الثاني
صار ورى ظهره وظغط كتفه .. قم ياولدي نتوضا ونصلي ورانا شغل ودور لنا شهود
كانت بنفس البلاد ولاتبعد عنهم الا امتار ماحد قال لها عن مسافة كيلو مترات قليله ابوها ما يبيها تدري بوجوده ونايف يبعد عن كلامها الي راح يكون مثل السهم المسموم وهو مايبي احد يثنيي عزيمته
.. انا اخذت اجازه بعد اسبوع بتبدا وان شالله بنروح لجده
فرحانه لكن فرحه ناقصه .. مشكور ياعبدالله
.. العفو يالطيفه هذا حقك
سكتت ماتعودت تعتذر او تعترف بغلطها دائما تبرر لنفسها كانت ماتحبه يوصل اهله وامه خصوصا لانها كانت تلح عليه يتزوج عمرها ما حاولت تكسب وده ومحبته والى الان ماوصلت لمرحلة الاقرار بالذنب .. كلمت نايف
.. انتي لك مده تسئلين عنه تبين منه شي
.. لا مابي منه شي بس اشتقت له من ذاك اليوم ماشفته او كلمته رجع من جده ولاجا
.. طيب اتصلي عليه
هي تبي تعرف اخباره من بعيد بس هايبه لقأه .. هاه لا كلمته ولارد
.. طيب انا اليوم المغرب بشوف اذا كان فاضي يجي ويتعشى معنا
.. لالا خله اكيد مشغول بس يفضى بيجي
..غريبه تسئلين عنه ومانتي حريصه على شوفته بس ماعلي منك انا بعزمه
ماترك لها فرصه ترد احتارت بنفسها مشتاقه له وخايفه منه
مشغول عليها عندت ماتبي ترد عليه وهو ندمان من تصرفه ومستقل نفسه لان الغضب صار بوجهها ولاقدر يسوي شي الا انه يطلع حنقه عليها
وده يروح لملكة نايف لان ابوها طلب منه يكون شاهد بسس مو قبل لا يزول الزعل بينهم
حذف الجوال على السرير وقام يلبس ضايق لان اتصاله فيها صار ادمان النسبه له
شاف امه داخله عليه وبيدها البخور وتبتسم له لكن تغير وجهها وهي تشوفه مالبس .. ليه مالبست عمك اكيد ينتظرك
.. الحين بالبس ثوبي واطلع اصلي بالمسجد الي قريب من بيتهم وروح لهم على طول
.. بسرعه عشان ابخرك
.. مشكور يالغاليه
.. ان شالله ابخرك يوم عرسك
ابتسم ابتسامه صفرا .. ان شالله يمه
.. اقول فهد بكره لاتزوجت بتنساني؟؟
ترك ازارير ثوبه الي كان يسكرها وقرب لها .. ليش يمه تقولين كذا وشلون انساك ولا بدا شغل الحموات
..يعني من الحين خايف عليها مني و اني اضايقها بالبيت
.. حس امه ماهي طبيعيه ومتكدره من شي .. لا يمه امزح بس وش طرى عليك هالاسئله
.. ياخوفي انه ماهو مزح وبس
.. يمه وش فيك اليوم تعبانه تحسين بشي
.. لا تطمن عقلي معي للحين
قرب لها زياده يوم حسها تحور الكلام على كيفها .. حشاك يمه بس والله اقلقني كلامك وش طاري لك ها السالفه
.. مافيني شي بس خايفه تتغير على اذا تزوجت غيرك سواها
تاكد ان صاير شي امه ويعرفها تتاثر بقصص الي حولها وتصيطر على تفكيرها .. علميني يالغاليه وقولي وش لي خلاك تشكين ان فهد يخليك تحت أي ضغط
..انت الحين تقول كذا بس بعدين يتغير كل شي سالم كان يقول كذا
ابتسم يوم بدت تطلع الي بقلبها .. سالم من ؟؟
.. سالم جارنا
كتف يديه ووقف يستناها تكمل .. وش سوى سالم
.. من تزوج رمى امه بدار العجزه وامس سئلت جارتنا عنها قالت انها توفت بالدار ولا درى الابعد اسبوع لانهم يكلمونه ولا يرد
.. الله يرحمها بس يمكن امه ماهي بجمالك وشبابك واناقتك
تضايقت من مزحه .. يعني اذا الواحد امه شينه يرميها هذي امه جنته وناره
.. اكيد عشان ما تحرج زوجته لا زارنها صديقاتها
.. والله انا ضايقه فيني الدنيا وانت تنكت
..ههههههههههه سامحيني يالغاليه بس والله شي يضحك لان ولدها رماها تظنين اني برميك
.. والله جيل يخوف الحرمه تنسيه امه والحليب الي رضعه
قرب ورفع يدها وحب .. مو انا الي ارميك انت الاصل ياام فهد
حط عينه بعينها وقال ...
.. ايه اضحك على بهالكلام اصلا انت شاطر بس يالسوالف
...ههههههههه وش تبيني اسوي ماعرف الا اسولف
..ابيك تمم زواجك خلني افرح فيك
انفجر ضحك عليها امه احيانا تصير مثل الطفل ..هههههههههههههههههههههه والله ابتلشنا فيك خايفه اتغير عليك وتبيني اتزوج
نقدت على نفسها.. ايه ابي افرح فيك واشوف عيالك
..خلاص بس ماضمن نفسي يمكن تعجبني فكرة سالم واسوي مثله
.. فهيدان رح لعمك قبل مااكب هالبخور على راسك
.. والله تسوينها عجايز اخر زمن >
خطفت علبة العطر من التسريحه تبي ترميها عليه بسرعه اخذشماغه وراح يركض وهي تتبعه وتضحك على هباله
.................................................. ..............................
بعـــد صلاة المغرب
كان كل شي جاهز انتهت المزينه من مكياجها الناعم وبعده قدرت نوف تكمل معها لين لبست جلابيها بالوان فاتحه مع انها كانت معطيتها هيئه اكبر من عمرها لكن كان انعكاس الوانها على بشرتها زاد زهوتها
دق باب الغرفه ودق قلبها بسرعه وبعنف وقبل تبعد نوف متوجهه للباب .. نوف هو بياخذني اليوم
.. مدري بس خليني اشوف من عند الباب
..كان سلمان والدفتر بيده .. وين ساره ؟؟
.. داخل
.. طيب بعدي عني بعطيها الدفتر توقع
غصه وحزن ملى كيانها على اختها .. ماعليه سلمان عطني الدفتر واستنا هنا شوي
هز راسه بتفهم اخذت الدفتر ودخلت عليها " كانت واقفه بالغرفه وتفرك بيديها ومن شافت الدفتر تراجعت وراى تحاول تهرب وبصيغة رجاء وامنيه ان الارض تنشق وتبلعها ... نـــــــوف
مازالت تمشي لها تشوفها تلخبطت وكانها اوشكت على الوقوع نزلت الدفتر على السرير واسرعت لها ومن قربت لها نوف مسكت يدها حتى تستعيد توازنها كلمتها بنبره قريبه للزجر ماحبت هالضعف فيها ..ساره وش فيك خليك قويه
جلست على الكرسي تلهث .. منين اجيب القوه يانوف لاخر لحظه كنت اتمنى أي شي يوقف هالزواج
شدتها توقفها .. قومي وخليك قويه عشان نفسك وعشان ولدك
.. قلبي بيوقف بموت بموت
ماتدري منين جابت قوه وقفتها ومشتها لين وصلت للسرير ورفعت الدفتر لها .. وقعي خلاص ماعاد يمديك للهروب
ناظرت لها مده واخذت القلم ويديها ترتجف عجزت توقف القلم بين ايديها وهي تشوف اسمه وتوقيعه حضنت نوف الدفتر بشكل افقي بيدها اليسار ومسكت يد ساره باليمين وشدة يدها على القلم .. بسم الله
<<وقعت ساره تحت توقيع نايف وصارت زوجته شرعا >>
سكرت الدفتر وعطته سلمان ورجعت لها ولقتها على الاراض وظهرها على اطار السرير جلست عندها وقالت حروف طالما كررتها لكن ساره هي ساره صعب اقناعها بقناعتنا
.............................
.. مبروك وانا ابوك >> كان هذا ابو نايف الي انهى مهمته وارتاح
مايحس بهاللحظه باي شي الا احساس الانتقام .. الله يبارك فيك يبه
قام فهد لعيون الحاضرين ومد يده لنايف .. مبروك
وقف بوجهه وهو محرج منه لانه كشف عن شي من الي بقلبه وظغط كفه .. الله يبارك فيك
تكلم ابو نايف وهو الي معزم مايرجع للشرقيه لين يحط ساره وولدها ببيت نايف .. بعد اذنك يابوسلمان نايف بياخذ زوجته
.. براحتكم بس لو تخلون متعب الليله هنا
.. ماعندي مانع بس من يهتم فيه
.. خالته موجوده وهي بتنام هنا عشان تهتم فيه
نطق بكلمته الي استغرب الكل منها .. لا ياعمي لو سمحت خلها تجيبه معها
.. خلاص قلهم ياسلمان يجهزونه > قام سلمان ودخل البيت
.. انا ترخصون لي
.. وين يا بو نايف
.. بعد ساعه ونص طيارتي اانا راجع لجده
استغرب نايف منه متى حجز وليش ما قال له .. ليش ماقلت لي
.. هذا انا قلت لك > وقام قام نايف معه
.. وين رايح ؟؟
..بوصلك المطار
.. لا اقعد لين تاخذ زوجتك وتروح فهد بيوصلني
.. بس انت ماجهزت اغراضك
.. كل شي جاهز و شنطتي بدبة السياره مشينا يافهد >> وأشر بيده .. نشوفكم على خير
قام ابو سلمان وسلمان وودعوه وطلع نايف معه وهو يمشي .. طيب ليش ماتجلس هنا يومين بعد
.. ماقدر ياولدي انت بس لاتشيل همي فكر بنفسك وبالعيله الي صارت برقبتك >> وهو يمد يده لجيبه ..على فكره امسك مفتاح البيت
تنهد ومد يده واخذ المفتاح .. ان شالله
ودع ابوه ودخل داخل البيت وفهد طلع تعاقبت خطواتهم لكن ماحد منهم كلم الثاني
رد: رواية ليه عمري مالقى لبرده دفا الا لقاكي 
