عبير الورد(اقراني)

[top10]

عبير الورد(اقراني)

السلام عليكم
شباب انا جبت لكم قصه من تاليفي واتمنى انها تعجبكم وارجو انكم تقولون رايكم فيها بصراحه
بسم الله الرحمن الرحيم
اكتب هذي القصه وانا عايشتها بس بطريقه غير ادري انكم راح تقولون انها وايد خياليه بس انا والبطله نتشارك نفس الاحساس والتجربه اتمنى انها تعجبكم وتنال رضاكم
قصتي مختلفه ها المره لانها تتكلم خليجي مئه بالمئه قصه عن مجموعة بنات كل وحده فيهم عاشت ظروفها اللي خلتها تختار حياتها راح اتكلم عن الورد اللي فقد عبيره وذبل وصار مجرد منظر كل من كان يشوفه ويقطفه ويروح. بتكلم عن قصة عبير الورد
ورود القصه خمسه عبير(عبود) وشيخه ونصور وريما وخلود(خلوود) اول شئ ابي اقولكم وشلون كانت حياة كل ورده وشلون كانت ظروفها
نبدأ بالورده عبير: انولدت في بيت كل شئ في متوفر الام والاب والاخوان ماعدا الحب والحنان ابوها كانت تموت عليه وكان مثلها الاعلى لكن ومع الاسف الاب كان متزوج وحده ثانية بالسر وما اكتشفو هذا الكلام غير بعد سنين وهذا الشئ خلى البيت في حالة توتر وخلى عبير في حالة ضغط نفسي خلاها تكره الدنيا وابوها كانت شخصيته عصبية وكان دايم يهاوشها ويزقر فيها وكانت النتيجه انها صارت شخصية(تعاني من الخوف من الذات)
ثاني ورده شيخه: شيخه انولدت وفي حلجها على قولتهم ملعقه من ذهب وابوها وامها كانو دايمين السفر وكانو يعوضونها بالهدايا وكانت تملك كل شئ ومستحيل تشاركه اي احد حتى في المدرسه كانت ما تعطي احد شئ واهلها دخلوها مدرسه داخلية وكانت كل ماتتعرف على بنت ماتخليها تكلم احد غيرها وتبي تملك كل شئ وامها وابوها توفو بحادث وعاشت من دون ماتعرف اي حنان كانت النتيجه انها صارت شخصية (متسلطه وانانية وتحب التملك)
نصور: يتيمة فقدت امها وهي صغيره وهي اصغر اخوانها اللي كانو كلهم عيال وعاشت مع سته رجاجيل تخيلو بس كانو يموتون عليها وهي صارت مثلهم في كل شئ لدرجه انها كانت تعاكس البنات في المدرسه والشارع وصارت شخصية (غير مباليه )
ريما: امها وابوها على قد حالهم بس يحاولون يفورون لها اللي تبيه الن مادلت طرق الشباب وصارت تكلمهم بهدف لدرجة انها كانت تخطف اي احد تشوفه حتى لو كان رفيج رفيجتها وشخصيتها( متحايله )
اخر ورده خلود: كانت مدلله ولكنها طموحه واهلها كانو متبنينها وهي ماتدريعن هذا وابوها كان منصب وايدعالي وله مكانه وكانت مغرورهفيه وتبي كل شئ اللي لها واللي لغيرها وكان مااحد يفهمها وصارت شخصية(طموحه وغامضه وطماعه)
الحين راح ابدا احكيلكم احداث القصة
عبير كانت كالعاده في غرفتها اللي طبعا مشاركتها اختها فيها وسمعت هوشه بين امها وابوها كالعاده وطلعت لقت امها تبشى وهى عارفه السبب فلبست عباتها وطلعت من البيت وسالتها امها على وين بس ماردت وخذت تاكسي وراحت لبيت مرة ابوها ودخلت وشالت خشبه بيدها وبدت تطق وتطق المره الين طاحت وعيالها يبكون حواليها وفجاة توقفت عبير وناظرت بصدمه كنها كانت مو بوعيها وردت له وخرجت من البيت تركض وهي خايفه وكل اللي كان بتفكيرها انها ذبحتها وبدت تركض وكل اللي في الشارع ياذونها وسالت سيارة كان فيها اثنين انهم يشيولنها لمحطة الباصات ووكذبت وقالت ان ابوها ينتظرها هناك وخذوها ووصلت و سالت اي حافله رايحه البحرين وجاوبها وهي طبعا ماتقدر تسافر بدون محرم فتخبت في بوردنج الباص طول الطريج وهي في ظلمه تبكي ماتدري اش تسوي ووصلت البحرين وهناك ظلت في الشارع ماتدري وين تروح خايفه تفكر هي اش سوت وانها مينونه الين ماوقفت سياره فيها بنت هذي البنت كانت شيخه ونزلت شيخه وسالتها
- اش عندك بروحك جالسه هني
ماردت وظلت عبير تبكي قالت لها
- تعالي معاي
وناظرتها عبير بخوف ضحكت شيخه
-وقالت لاتخافين ماراح اسويلك شئ
وفكرت عبير انها لوراحت بتلقى مكان ياويها ولو ظلت بتموت من اليوع والعطش او ممكن تاخذها الشرطه وماكان عندها حل غير انها تروح وركبت في السياره ووصلو الفندق كانت بتسال ليش فندق بس ما قدرت من كثر التعب ومن يوم صعدت وشافت الفراش المريح من دون ما تسال نامت عليه وشيخه ناظرتها بحزن وظلت نايمه يوم كامل وصحت ومالقت شيخه ودخلت اخذت شاور صار لها زمان عنه ورجعت شيخه وسالتها عبير السؤال اللي ودها تسالها من اول
الموضوع الأصلى من هنا: منتديات طرطعة http://forum.6r63h.com/t108023/
-ليش قاعد ه في فندق
- انا جايه شغل وانا كويتيه وانتي اش قصتك
وقالت عبير لها كل شئ وطمنتها شيخه قالت
- ماعليك ماراح اخليك وش رايك تيين معاي
- وين الكويت بس ماعندي اوراق
- انا بدبر كل شئ
فعلا دبرت شيخه كل شئ وسافرو للكويت وسالت شيخه
-عبير اش هوايتك
-اصمم اكسسوارات
- اجل بوظفك عندي مصممتي الخاصه وبوفر لك كل شئ تبينه
ووافقت عبير لان ماعنده غير هالحل ومرت الايام وعبير كانت تفكر في اهلها وشيخه تفكر وشلون تخلي عبير لها وكانت ماتقصرويا عبير تاخذها كل مكان الين ماجاء يوم وقالت لها
:اش رايك تروحين وياي حفلة الشاليه اليوم
: ومنو راح يكون فيها
: بنات وايد فله ويونسون يعجبونك
: ان زين بروح
: بس ها هناك بناديك عبود واكلمك كانك حبيتي
: شلون يعني
:يعنى مثل الريال والمره
:بس انا موتشذي
:عبود بس تمثيل جدام البنات
: ليش هم كلهم شذي
: بصراحه ايه وانا بعد
: ما ادري اش اقولك شيخه بس انا مو تشذي
: ادري بس يلا عاد كله تمثيل
:على امرك
عبير ماكانت تبي تروح بس خافت تقول لا وراحو الشاليه وهناك قابلوريما وخلود ويوم شافت خلود عبود وشيخه ويا بعض ماتت قهر لانها كانت حبيبة شيخه بس شيخه تركتها لانها لعابه ولانها مايات على كيفها وشافتها صديقتها ريما ميته من القهر وقالت لها
: اش فيج ويهك صار احمر
: اه ياريما بموت قهر وشلون هذي تي وتطيح على هالكنز
: وانتي صادجه حظوظ
:مستحيل اخليها تتهنى فيه مستحيل
: شنو راح تسوين
: انا اعرف شلون اينن شيخه شيخه تغار وغيرتها تذبح
:وشنو خطتك
:الخطه عندك ياام الافكار
طبعا كل ها التفكيرماله نتيجه لان ماكو شئ بين عبود وشيخه وردو البيت وهم داخلين سوت شيخه روحها دايخه
- وشفيك شيخه
- دايخه شوي
- ان زين يلا اوديك غرفتك
وصعدو الغرفه وسدحت عبود شيخه على السرير ويوم جات عبي تروح غرفتها
- عبود خليكي يمي
- ليش خوخه حاسه بشئ
- لابس ابي احد ينام يمي الله يخليك انا تعبانه
- حاضر ولا يهمك
ونامت عندها ويمها لين الصبح وفي الصبح كالعاده تقابلو على الريوق وسالت شيخه
-اش رايك تيين معي السوق اليوم عبود؟
-ليش لا
وراحو السوق ودخلو محل كبيروفخم وفجاه مسكت شيخه بيد عبير وحطت بيدها مفتاح
-شنوهذا
-هذي هديتك
مافهمت
-المحل هذا كله لك
-ليش وش حقه
- انتي تستاهلين
وقبلت عبود الهديه وهي خايفه لانها تدري ان شيخه تبي شئ منها بس هي ماتدري وشهو بالضبط وردو البيت ويوم دخلت عبود غرفتها وفتحت الكبت لقته فاضي ويوم ناظرت لقت شيخه
-خوخه وين اغراضي
- تعالي ويااي
ودخلتها غرفتها وفتحت الكبت
- من اليوم بظلين عندي وتنامين عندي
- لا شكرا بعدين انا اشخر وارفس في النوم
- زي العسل علي ياقلبي يلا عاد لاترديني
كانت عبير تبي تقول لا بس ما قدرت لان حست ان مو من حقها ترفض واسدحو ع الفراش وبدت خوخه تقرب شوي شوي من عبود عبود خافت وقالت
- خوخه لا انا مو تشذي
- حبيبي من قال انك تشذي بعدين انا ماسويت لك شئ
ونامو بس عبود فهمت شنو هدف خوخه منها واصبح الصبح وراحت السوق وبطريقها صدمت سياره اللي هي سيارة نصور ونزلو من السيارات
-عسى ماشر تعورتي
- لا ماعليك وانتي
- انا بخير انا اسفه كل شئ تبنه انا حاضره
- لا عادي ماصارشئ اهم شئ سلامتك
- الله يسلمك
- ولو خذي رقمي وان بغيتي شئ كلميني
- دامك مصصمه انا نصور
- نصور
- قصدي منصوره سوري تعودت
- عادي انا عبود قصدي عبير
- تشرفنا
- ان زين كلميني ان بغيتي شئ
- ياعمري اكيد بكلمك ياحلو
وراح كل في طريقه وردت البيت وسالتها شيخه
- وينك شغلتيني عليك
- لا ابد بس دعمت بالسياره
- عسى ماتعورتي
- لا ماعليك يات خفيفه محد تعور
وصعدو فوق للنوم وهناك قربت خوخه من عبود وقالت
- عبود تحبيني؟
- اكيد احبك انتي رفيجتي
-بس رفيجتك
- واعز انسانه عندي
-ان زين ليش ماتخليتي اقرب يمك
- هذا انتي يمي
-وي عبود انتي فاهمه قصدي
- اللي تقولينه حرام
- الحب مو حرام وهذا حب واحساس
- يعني اش تبيني اسوي
- انتي تدرين اش ابي ابيك
حطت عينها بعين عبود واستسلمت لها عبود وعطتها اللي تبيه
اما نصور كانت ام رفيجتها معجبه فيها ولانها فقدت حنان الام بادلتها الاعجاب وقررت ام رفيجتها انها تقول لها وكتيت لها ورقه ودزتها بشنطتها كتبت فيها انها تشوفها مكان وفعلا راحو للمكان وهناك فتحت ام رفيجتها السالفه وقالت
- شوفي نصوربقولك من الاخر انا احبك وابيك
- بس انتي ام رفيجتي مو عشان السن بس شنو موقفي عندها
- ماراح تدري وانتي خليك عادي ماكنه بينا شئ
- بس تحبيني مره وحده توقعته اعجاب
- ليش انتي ماتحبيني
- امبلى هه
- اجل خلاص حلت الازمه
- ان زين متى اشوفك واجلس معاك
- ماعليك هذي سهله انا عندي شقه
- اوووووه يعني انا مو اول وحده
- لا بس اول وحده احبها تشذي صج
- مافرقت عندي المهم اكون الاخيره
ووافقت نصور على هالعلاقه مع انها عارفه انها غلط بغلط
نروح الحين لريما وخلود اللي كانو يخططون اشلون يبعدون عبود عن شيخه ولقو ان الحل الوحيد هو انهم يثيرون غيرة خوخه اما عبود استسلمت للامر الواقع وصارت تطيع خوخه بكل شئ واما خوخه كانت قاعده لعبود عالروحه والجيه وعبو خبت سالفة نصور ماتدري ليه يمكن خوف او عشان تحس ان في شئ خاص فيها لدرجة انها ماخزنت رقم نصور ونصور كانت رفيجت عبود صج وكانت عبود تقلها كل شئ وهي بعد وفي يوم را عبود وخوخه راحو الشاليه كالعاده عشان اليمعه وريما وخلود طبعا كانو موجودين ووصلو الحفله وهناك والكل كان ملتهي يات ريما وقعدت فوق عبير تفاجات عبو وقالت لها
- انتي اش فيك انا اعرفك
- لا بس ابي اتعرف
- ليش
-بس تشذي لقيتك بروحك قلت اسليك
-وتسليني تشذي
- ايه انا ريما
- انا عبود
- اعرفك والكل هني يعرفك
يعني مشهوره
- اكيد دامك ويا شيخه اكيد مشهوره
وشيخه شافت المنظر وينت ماعرفت شو تسوي ويت وقالت
- عبود يلا مشينا
- ليش تو الناس
- راسي يعورني خلاص بنروح
- ان شاء الله حاضر
وراحو البيت وطول الطريج كانت خوخه ساكته وفي عيونها نظرة غيره وقهر وعبود كانت خايفه ماتدري شو السالفه ووصلو البيت ومن يوم دخلو صفقت خوخه عبود على ويها عببود تفاجات وعيونها دمعت غصب
- ليش شيخه انا اش سويت
-اش سويتي ها حضرتك قاعده مبسوطه وعادي مكن وراك احد
- انا اش سويت
- البنت اللي كانت يالسه فوقك والسوالف والضحك بتموتين من الفرحه
- استحيت اقول لها قومي ماعرها والله مااعرفها
- لا حضرتك كان ختيها معانا بعد
- الحين اشفيك معصبه والله مابينها وبيني شئ وتدرين اني احبك انتي بس
- المهم لعد اشوفك مع وحده ثانيه انتي لي لي بس فهمتي
- ايه فهمت واسفه ماراح تكرر بس ليش طقيتيني
- انا اكره الخيانه واعصب لما اشوفك مع غيري
- الله يسامحك انا اخون نفسي ولا اخونك
- خلاص قلت اسفه خلاص عاد
- لا مااقبلها وماراح انام وياك اليوم
- عبود خلاص قلنا اسفين عديها
- اسفه ماراح اقدر خليني بكيفي
- روحي زين
وطلعت شيخه الغرفه وعبود ظلت تبكي مو من الطق لانها تاكدت انها ملك غيرها وانها سجينه واتصلت على نصور تشتكي لها
- طقتني يانصور تصوري طقتني
- اش فيك عبود مافهمت
- مدت ايدها علي
ان زين ليش
- تقول اني ملكها وانها ماتحب اكلم غيرها
- الله ليش هي اشترتك
- لااضحك على نفسى انا الل بعت عمري لها من البدايه
- صلي على النبي يامعوده اعتبريها وظيفه وتاخذين عليها اجر
- مدري مني مصدقه للحين اني رخيصه له الدرجه
- لاتقولين تشذي واعتبريها بنود العمل
- على قولتك اسفه ازعجتك
- ماعليك المهم انتبهي لنفسك وتاكدي ان بابي دايم مفتوح لك وقلبي بعد
- تسلمين حبيبي ان زين اكلمك بعدين
- باي
ومسحت عبود دموعها وصعدت الدار وهى مكسورة الخاطر وتدري انها صارت ورده بدون عبير ونصور راحت تقابل ام رفيجتها بس مايت اتصلت عليها
- وينك قلبي انتظرك
- انا مشغوله شوي الحين زين
وسمعت صوت ضحك ووناسه وفكرت انها مي احسن من عبود لانها هي باعت حبها لشخص مايستاهل
وريما وخلود صورو عبود وهي ماتدري ويا ريما
- صبري ريما حبه حبه خلي الصور بعدين
- الين متى
-لين يجي وقتها
عبود راحت لمحلها كالعاده ويت نصور شافتها عبود بس ماكلمتها وتخبت وقالت لمدير المحل
- روح لذيك البنت وقول لها ان كل شئ تشتريه عل حساب المحل
وراح يقولها طبعا هى تفاجات
- ليش فزت بشئ
- ايه انتي محظوظة اليوم
-صج يعني اخذ اي شئ
- نعم
- حتى ساعة غوتشي
-نعم
ماصدقت كانت بدوخ من الفرحه وطلعت محمله باكياس الدنيا وعبود كانت تنتظرها بره ويم شافتها سوت نفسها انها متاجئه
- نصور شو تسوين هنيي
- امبيه سكتي عبود
-تصوري خذت كل شئ ابيه مجانا
- صج وشلون
-يقولون اني محظوظة اليوم خذيت كل شئ
- مبروك عليك يعني اليوم الغدا عليك
- اكيد ماصرفت ولا دينار
وقعدو يتغدون وشيخه ضميرها كان ينابها واشترت هديه حق عبود وراحت لها المحل وشافتها ويا نصور
- عبود هذي من اللي معاك
- هذي نصور
- منو نصور
- رفيجتي
- لا والله صج حياك نصور
- الله يحيك اكيد انتي شيخه
- اي شيخه يلا عبود
- شيخه خلينا شوي
- الحين عبود
- خلاص عبود انا اصلا بمشي روحي ويا شيخه
- تسلمين نصور اشوفك زين
- انشاء الله
وركبو عبود وخوخه السياره
- ماشاء الله عليك منو هذي نصور
- قلتلك رفيجتي
- انا ماقلت ما تحتشين احد غيري
- والله لقيتها صدفه في المحل
- صدفه علي انا عبود سمعي اخر مره احذرك لاتكلمين وحده غيري سمعتي
- حاضر
وعرفت عبود انا صج اصبحت مملكوة شيخه ونصور كان موقفها محرج وفهمت الواقع اللي عبود عايشه فيه وقررت تساعدها وريما وخلود تجزو للخطه الثانيه
- ريما ابيك تاخذين رقم عبود وترسلين لها مسج
- اي مسج
- هني عاد يجي دورك
- فهمتك بس ماقلتيلي شنو بستفيد من كل هذا
- لاتخافين حقك بيجيك
وارسلو مسج على موبايل عبود وعبود كانت في الحمام وطبعا شيخه قرت المسج ويوم طلعت عبود من الباب لقت شيخه بوجها وصرقتها كف
- شيخه اش فيك اش صاير
- ما تدرين اش صاير منو هذي اللي كاتبلتك حبيبتي وينك ابطيتي عني وحشتيني
- مدري والله مدري اصلا انا مااعرف غيرك وانتي تدرين
- شوفي عبود والله ان كنتي تخزنيني بقلب دنيتك سودا فهمتي
- انشاء الله
وقطت جوال عبود في الزباله وعبود ماعرفت تنام من الظلم والقهر وظلت طول الليل تبكي وفي الصبح راحت عبود لنصور
- نصور انا تعبت مااقدر اتحمل اكثر خلاص لو ظليت بموت
- ياحبيتي والله مابيدي شئ
- بس لوتركتها وين اروح حتى بيت ما عندي
- انا موجوده
- شيخه قويه والله لاتاذيك انتي واهلك
طب اقولك شئ
- قولي
خليها تاخذ لك شقه
- مستحيل ترضى
- قولي انك بتاجرينها وانتي تعرفين شلون تجيبين راسها
- تتوقعين ترضى
-ايه بترضى بس انتي ضبطيها زين وروقيه وبتديك
- ان زين وبعدين
- ماعليك انا ادبرك
-الله يخليك لي
وراحت البيت وفعلا سوت لشيخه كل اللي تبيه ولما كانو يشوفون التلفزيون
- خوخه بطلبك طلب صغير
- امر حبيبي عيوني لك
- تسلم عيونك ياقمر ابي شقه باسمي
- شقه مره وحده ليش محتاجه شئ انا ساكنه معاي
- لا بس ابي اجرها يعني تجاره
- ان زين شوفي لك الل تبين بس بشرط
- وشنو شرطك
- تتزوجيني
وسكتت عبود لحظه
- ليش ماتردين
وضحكت
- شيخه انتي ينيتي ليكون صدقتي اني ريال
- عادي حبيبي ياما غيرنا تزوجو
- هذا بره مو هني
- لا هني واعرفهم بعد
- ان زين ومنو يبزوجنا الماذون
لا حبيبتي المحامي بس انا عندي شرط
- وشو شرطك
- بعطيك كل اللي تبينه بس كله الاحين
- مافهمت
- الين اذافكرتي تخونين اوتتركيني كل شئ يرجع لي لاني بكون المشتري وانتي المالك فيعني تعود لمن اشتراها
- ان زين وانتي لوخنتيني
- انا مستحيل اخونك بس لك نفس الحقوق كل شئ تاخذينه اش رايك
- اعطيني مهله افكر
وظلت طول الليل تفكر وعرفت انها ماتقدر تقول لانها لو قالت لا راح تضيع ووافقت وفعلا صار العرس ونادت نصور لما كان الكل يحتفل بره كانت هي تفكر بان شلون انتهى فيها الامرهني وانها صارت بدال ماتكون عروس وفعلا تم العرس ويتردد في اذونها هذي الكلمات
خايف وحزين خايف وحزين
يارب العالمين يارب العالمين
بحالي انت تدري اني توني بدري
وفي ليلة العرس كانو على الفراش وقالت شيخه
- مني مصدقه عبود اخيرا انتي ليه
- من اول انا لك حبيبي
- بس لا الحين غير الحين بظل وياك العمركله
-الله يطول بعمرك حبيبي
- ان زين هذي موليلة الدخله
- امبلى
- يعني
- يعني شلون
- اوووووووووه فاهم قصدي عبود
- متاكده
- ايه وانتي متاكده
- انا
- ايه هذي ليلتنا حبيبي
- كلي لك خوخه
قالتها وهي في حسره عل فقدانها اخرشئ خاص فيها ماقدرت تقول لا خافت وظلت تبكي طول الليل على روحها وبرائتها اللي ضاعو وما نامت وفي الصبح يوم صحت شيخه مالقتها وطلت من الشباك لقتها ع البحر نزلت لها
-صباح الحب
صباح الورد
- تريقتي
- لا انطرك
- ان زين تبين هني ولا داخل
- خليه هني
وكان هذا اليوم يصادف عيد ميلاد خوخه وعبود زهبت لها هديهى كبيره مو لشئ بس لانها تحبها وفي الليل كانو على البحر وجات الساعه12
- خوخه يلا ندش
- ليه البحر ينن لاني اشوف صورتك عليه
- يلا حبيبي ندش
- يلا
ودشو ولقت خوخه صندوق قلب كبير ومقفل وناظرت عبود
- انا مالي شغل بعدين ليش ايب لك هديه
- عبود عن الغشمره وين المفتاح
- مدري يمكن على الطاوله
وفعلا كان على الطاوله وفتحته وطلعت منه تفافيخ اشكال والوان وكله كان ورد ومكتوب عليه احبك
ومرت الايام والشهور وريما وخلود بيموتون بحسرتهم لانهم ماقدرو يفرقونهم
ونصور وعبود صداقتهم استمرت بالخش وفي كانت نصور رايحه ويا اخوها سلوم للشاليه وهم في طريجهم كانت نصور تحاتشي عبو وشيخه كانت بره البيت وردت وسمعت عبود وهي تحاتشي نصور
- منو تحاشين
- نصور ماغيرها
والله مابيني وبينها شئ
- مايهمني عبود كلامي مابي اعيده
- اوووووووووووووف حاضر
- متملله مني
- ايه مليت ملييت منك ومن اوامرك مليت من احساسي كاني مملوكه مليت من قرفك
- طقي مثل ماتبين ماتفرق يحق لك مو انتي تبين فراشي هذا انا اعطيك اياه كل ليله
وطلعت عبود من الغرفه وشيخه وراها ومسكت ايدها
- هديني
وطاحت عبود من الدرج
- عبود اش فيك
اما نصور وهم في الطريق تعرضت لهم سيارة
- منو هذيل ميانين
- والله مدري الظاهر
- وقف شوف اش يبون
ووقفو في الشارع ونزلو من السيارة الثانيه مجموعة شباب ونرتت نصور واخوها سلوم بعد
- نعم اش تبون
- والله ىطحت ياسلمان الحين اوريك شلون تلعب على بنات الناس
- انت منو اش تبي
- انا اللي لعبت على اخته ةالحين ياي عشان اذبحك ثمل ما ذبحت شرفي
- اقولك روح
- ايه روه ترا وانا اخوي اقوي منك واللي وياك
- بعد يايب اختك والله طحت
- نصور ركضي بسرعه
- ماراح اخليك
- اقولك ركضي
وركضت نصور الا طلعت لها سياره وصدمتها وطاحت على الارض واخر منظر شافته منظر اخوها في السكه وهم يطقونه ودمه على الارض وهي تناديه وشالوها من السكه واخذوها بالسياره للمكان الي هم متيمعين فيه طبعا يبون يغتصبونها واغتصبوها وقطوها بالسكه بليل اظلم
اما عبود راحت المستشفى بعد الطيحه وكانت شيخه بره الغرفه تبكي وتلوم نفسها وصحت عبود ونادت
- شيخه شيخه
- عيوني انا هني
- انا وين
- في المستشفى
- ليش
- الله يهديك تركضين وانتي نازله وطحتي وكسرتي ريولك
- نصور
- اش فيها نصور مو قلنا انسيها
- مدري وصلت ولا لا
- ماعليك من احد المهم نفسك وصحتك
اما نصور واخوها سلوم لقوهم عيال الحلال وودوهم المستشفى سلوم طقوه وايدوحاولو ينعشونه بس دماغه مات ومايتفس الا باجهزه ونصور دخلت غيبوبه يوم درو اهلهم يو يركضون ويوم درو بحاة سلوم
- يبه احنا لازم نريحه
- بس هوعايش
- يبه بس بدون روح يعني هو ميت واكرام الميت دفنه
- لا لاتدفنونه خلوه على تسلم عليه نصور والله لو دفنتوه منغير ماتشوفه ما تسامحكم طول عمرها
- بس نصور ممكن...
- بتصحي اختي واعرفها بتصحي
- اخوك صاج بننطرها
- ايه بس لحد يوم تصحي يقول لها عن اللي صار فيها
- صاج لازم ماتعرف
وعبود ظلت تتصل وتتصل بس كله مغلق ماتدري ليش وما تقد تطلع من البيت الطبيب قايلها ماتحرك كثير وفاقت نصور
- يبه ابوي
- بنيتي
- سلوم وينه
- موجود موجود
- مات صح تقص علي
- لا مامات
- نصور سلوم مات بس مادفناه عشان تسلمين عليه
- لا ابراهيم انت تقص علي حرام تشذب
- بنتي اخوك صاج
- ابي اشوفه
- بنوديك له
وفعلا وودوها له على كرسي لانها ماتقدر تمشي لسه ودخلت عليه وهو على فراش الموت
- سلوم قوم الله يخليك لا تسوي فيني تشذي انا ادري انك تلومني عشان ماسمعت كلامك يوم قلت مانروح ياليتني انا اللي انطقيت ليش ساكت قول شئ لا تروح وتخليني
وجلست تغني له
والله مايسوى اعيش الدنيا دونك
لا ولا يسوى حياتي بها الوجود
دام انك انتي اللي رحلت
عالبعاد وكيف بنثر هالورود
ومرت الايام وطلعت من المستشفى وكانت كل ماتتصل على عبود مغلق لان شيخه غيرت رقم عبود ومر شهر وبدت عبود تمشي شوي شوي واول مامشت راحت لنصور ووصلت البيت وفتحو لها الباب
- السلام عليكم
-وعليكم السلام
- نصور موجوده انا عبير
- موجوده بس ماعرفتك
- انا عبود
- ايه عرفتك حياك دشي شكلك مادريتي
- عن شنو نصور فيها شئ
وحكى لها علي صاروطلعت فوق لنصور ودخلت عليها وهي فوج السرير ويوم شافتها نصور فزعت ورمت نفسها على بحضن عبود بدون شعور وطاح عكاز عبود وطاحت وارتكزت على الطوفه ونصور بحضنها تبشي وهي حاطه ايده حول عبود وعبود تطبطب على راسها الين مانامت نصور ودق موبايل عبود طبعا شيخه تتصل
- وينك
خلاص بيي الحين انا اسوي تمارين في المستشفى
- ان ناطرتك
وهي تدري ان عبود تشذابه لان المستشقي دقت تسال عن عبود وصحت نصور عل صوت الموبايل وفتحت عيونها وشافت ان ريول عبود ملفوفه
- اسم الله عليك اش فيها ريولك
- ولا شئ شرخ خفيف
\- اكيد شيخه وراه
- لا انا طحت من الدري
وسكتت عبود وطالعت نصور بعيونها وتقول في قلبها
- ادري ان شيخه السبب ودي اريحك ودي اخليك لي
- اه نصو عيبك فاهمتني وعيبي انا اني ماعرفتك قبل
وتكلمت نصور
- اتركيها عبود انا بساعدك
- مااقدر
- ليش
- احبها رغم كل شئ لها فضل علي ومستحيل اجرحها
- بس هذي خذت حقها وزياده
- انا اللي عطيتها انا بمشي الحين
- ان زين كلميني
- اكيد
وردت عبود البيت وكانت شيخه تنتظرها ودخلت من الباب
- اهلين شلون المستشفى
- الحمد الله
- لانهم اتصلو علي يسالون عنك ماييتي
- ها
- وين كنتي ردي
وطقت عبود تشف حتى خدها انجرح
-الله يسامحك شيخه الله يسامحك
- يعني انا ظلمتك ليش تكذبين علي
- انا ماتشذبت بس تعبت شوي في الطريق وماقدرت اكمل الطريق من الالم ورديت
- تشان كلمتيني اييك
- ماابي ازعجك
- ان زين لعد تعدينها
ابشري
اما خلود قصتها قصة وهي لا من البيت ياها واحد
- خلود
- ايه نعم انت منو
- انا ابوك
- نعم اش تبي
- انا ابوش الصجي والله كبرتي وصرتي عروس
- وخر يعني تدري انا بنت منو
- ايه بنتي
ودخلت البيت تركض
- يبه الحقني
- اشفيش
- في واحد يقول انه ابوي الصدجي
- وين بره بيتنا
- ايه
وطلع ابوها يركض
- انت اش تبي
- ابي بنتي
- مالك شئ عندنا
- بس هذي بنتي
- مو انت اللي قلت ماتبيها اش يابك الحين
- غيرت راي
- بكيفك هو اطلع بره انت عارف انا منووالله لتخيس في الحبوس لعد اشوفك تيي صوب بنتي فهمت
- هذي بنتي وباخذها
ودخل ابو خلود البيت
- يبه هذا منو ويقول يقول تشذي
- يبنتي النتي تدرين الناس كلها طمعانه ويبي يهددني فيش
- لا تقص علي يبه ادري اني اني مااشبهكم واني غير عنكم ريحني
- والله كبرتي بس انتي بنتي الغاليه تدري ليش سميتك خلود لان حبك خالد في قلوبنا انا وامج انا بقولك الصج بس ابيك تتاكدين ان ملنا غيرك
- ياابو خلود لاتقول
- ياام خلود لازم تعرف الحقيقه
وقال لها كل شئ وتغيرت نظرتها لكل شئ وكلمت ابوها الصجي وقال له انها تبي تشوفه وششافته
- شوف انا عندي اب واحد مالي غيره مايهمني انت منو بس ابيك توخر عني وعن اهلي
- بس انا اهلك
- لا خلصني تشم تبي
- ذكيه مثلي
- عشرة الاف تكفي
-لا عيوني انت غاليه
- عشرين
- تسوين اكثر
- كم خلصني
- مليون
- انت مينون
- انتي غاليه وهذا ثمنك
- ان زين بس نكتب تعهد عند الشرطه انك ماتقرب صوبنا ولا تكتب ايصال بالمبلغ عشان لو غيرت رايك بتغيره بالحبس
- صج انك بنتي
- يعني موافق
- اكيد
- بس متي
- عطني اسبوع وبيب لك اللي تبيه
وهي تقدر تيبها وفعلا دبرتها باعت ساعات والماسات وسيارتها واسهمها وابوها درى وجا يكلمها
- خلود اش حقه بعتي اسهمك
- يبه محتاجه فلوس
- كان قلتي لي
- ادري يبه خيرك سابق
ومن خلود لنصور اللي مانستت اخوها وكانت تتذكر ايامها معاه ويوم سمعت اخوها وابوها يقولون
- يبه الين متى بنظل تشذي لازم تدري
- ليش ياولدي خلها غافله احسن
- بس يبه لو جاها خطيب ورفضناه بتسال ليش
- يحلها الف حلال حزتها
- بس يبه انا خايف عليهاانها تدري من غيرنا
- من يعني بيقول محد راح يفضح عمره ويول انه سوى فيها شئ
- اش دراك يمكن يتفاخر انه اغتصب اخت سلوم
- صلي على النبي وموصاير الا خير
وبعد ماسمعت الكلام راحت غرفتها تبشي مي عارفه اش تسوي وتتصل على عبود وماترد لان عبود كانت مشغوله مع شيخه
- عبودي اش رايك نروح الشاليه
- اروح ويهي تشذي
- انا وانتي بس
-حاضر
وراحو وهناك كانت شيخه محضره لعبود مفاجاه
- حق منو هاليخت
- مدري اش الاسم المكتوب عليه
- مكتوب عبو... حقي انا
- عيل منو غيرك يلا خلنا نروح نشوفه من داخل
ودخلو اليخت اللي كنه حق ملوك بفخامته والوانه ودخلو غرفة النوم وكان فوق السرير قلب من الياقوت والماس نفاجات عبود
- الله هذا كله حقي
- ايه حبي مو انتي عطيتيني قلبك انا بعد بعطيك قلبي
وبدون شعور دمعت عيون عبود
- ليش تبشين حبيبي
- من فرحتي فيك
عبود تحب شيخه وتعزها بس بطريقه غير انا بنفسي مني فاهمه ليش وكيف نرجع للقصه
طلبت شيخه من عبود انها تغني لها وغنت
اكثر من اول احبك بسس مابغي اقول
اخاف لو قلت تتغلين علي مره
انا ياشيخه احبك حب مو معقول
اكبر دليل لغلاتك غيرتي مره
اما نصور راحت تقابل ام رفيجتها وقالت لها
- سمعي نصور اللي بينا لازم ينتهي
- ليش
- بصراحه
- شنو كبرت تبين وحده اصغر
- لا بس بنتي بدت تشك
- لانضحك على بعض اصلا زين يات منك
- يعني منتي زعلانه
- ليش ازعل وازعل على شنو على غبائي ولا تفاهتي كثر الله خيرك
وطلعت وراحت ع البحر وهي تدور عبود بس ما لقتها وهذا زادها هم وقهر لانها دايم موجوده لعبود بس عبود مي موجود لها
اما عبود وخوخه باتو في اليخت واصبح الصبح وصحت شيخه مالقت عبود وطلعت لقتها بره وقفت يمها
- صباح الشوق
- صباح الحب
- اشتقت لك
- انا اكثر
- اوف برد
- انا مو قلت لبسي شئ ثقيل الجو بارد بنزل ايب لك
ونزلت عبود وهي نازله سمعت شيخه تصرخ وصوت شئ طاح بالماي طلعت تركض مالقت شيخه صارت نقزت ورا شيخه ورمت نفسها بالماي الا طلعت شيخه من وراء الباب تضحك وتقول صادوه وطلعت عبود من الماي
- خفتي علي
- اش رايك بعدين اخاف يقولون انا ذبحتك
- بس عشان تشذي
- وعشان احبك
- اكيد
- تطمني ماراح اخليك
اما نصور تعبت وملت من الانتظار وحست انها شايله همومها بروحها محد وياها وراحت لها عبود للبيت لانها ماترد على اتصالاتها ومسجاتها ويوم جات عبود بيت نصور
- حياك عبود
- نصور هني
- ايه تفضلي
- اهلين نصور
- هلا عبود تعالي فوق
اسغربت عبود من الطريقه اللي كلمتها نصور فيها وطلعو فوق ووقفت نصور وحطت ايدها على الطوفه وعطت عبود ظهرها
- وينك ماتردين
- تدرين موبايلي سايلنت
- نصور انتي ليش ماتردين
- زعلتي عشني مارديت
- اكيد عشان تشذي يت اطمن عليك
- فيكي الخير
- نصور ليش تحاكيني تشذي اش فيك
- يهمك اش فيني
- اكيد
- انا تعبانه من الحمل اللي على اكتافي مقدر اشيل اكثر لوزدته بطيح انتي تبيني اشيل همك وانا همي من يشيله تبين تلقين من يسمعك انا منو يسمعني انا انفصلت عن ام رفيجتي تدرين ليش لاني احبك لا تقولين شئ خليني اكمل انتي انانية تحملين غيرك همك وتبينه يشيله من دون ماينهد بس خلاص انهديت بموت قهر ويوم تلفت مالقيتك العمر مره ادري اني خبله وغبيه لاني احبك وانتي لغيري انا كنت اشوف فيك امي اللي ماعرفتها واختي وحبيتي اللي بتكمل معاي بس مع الاسف ملقيت منك غير الهم والجروح وانا لجرحك طبيب ولهمك شيال بس انتي ناجحه في دور واحد بس دور الضحيه اللي تحب تبشي الناس وياها
- نصور انتي غاليه عندي مابي افقدك
واتفتت عليها وشافت الجرح اللي بخدها
- ماراح اسال ادري انها شيخه
- نصور مقدر ابعد عنها واجرحها
- ماعليك جرحيني انا وروحي لها تستاهلين شيخه لانها تعطيك الفرصه عشان تادين دورك بتفوق بس اسفه ماقدر اكون رفيجتك اقصد ماابي اكون مستشارك من اليوم انتي فطريق وانا بطريق
- نصور لاتقولين انا...
- لاتقولينها وانتي مو قدها لاتقولينها روحي الله يوفقك بس بابي تسكر وما عاد افتحه ورقمي امسحيه ولا اصلا مومسيف عشان شيخه لاتشوفه وسلمي لي على شيخه ولا لا اخاف طقك حرام
- نصور ليش تبين تحرميني منك
- لاتزيديني قهر يكفي اللي فيني
- لا تقولين...
- بس فمان الله انا وانتي قدرنا الفراق
ونزلت عبير وخرجت وهي تبكي وناظرت على نصور من الشباك ونصور ناظرتها وقفلت الستاير
اخ منك منقهر ولا بقى عندي صبر
اخ منك منقهر
لاتبرر لي خطاك ماابي اسمع عذر
ماابي اسمع عذر
روح وانساني خلاص
وقول فرقنا القدر
وعبود كانت تسوق وهي تفكر وتبكي على خسارتها لاعز انسانه عندها وهي ماشيه صار حادث سيارتين جدامها وطار التاير وكسر قزاز السياره على ويها ودخل القزاز في ويها وايدها وجو عيال الحلال وودوها المستشفى وهناك خيطو الجرح من ويها الين رقبتها ولفو ايدها بشاش ومالقت احد تتصل عليه غير نصور
-الونصور
- نعم عبير اش تبين
- انا في المستشفي ابيك تيين
- ليه شيخه سوت لك شئ
- لا صار على حادث وابيك توصليني
- عسى ماتعورتي
- لا بس تعالي
- ان زين ياييه
وهي نازله شافها اخوها ماجد
- نصور وين
- عبود تبيني
- نصور شنو بينك وبينها
- مو ناقصتك بعدين
وراحت للمستشفى ولقت عبير وييها كله غرز وايدها شاش
- عبير سلامتك
- اسفه دقيت عليك بس جوالي انكسر مو بحافظه غير رقمك وماقدرت امسحه
الموضوع الأصلى من هنا: منتديات طرطعة http://forum.6r63h.com/showthread.php?t=108023
- موبهم المهم سلامتك الطبيب بيسرحك
- ايه مايحتاج اقعد
- ان زين اعطاك دواء
- ايه عطاني ابره مسكنه
- سيارتك وينها
-مدري شالوها
وركبو السيارة بدون محد فيهم يقول كلمه الين ماوصلو البيت ووقفت نصور بعيد عشان ماتشوفهم شيخه وقبل ماتنزل عبود حطت ايدها على ايد نصور بس نصور ماالتفتت ولا ناظرتها ونزلت عبود ايدها ونزلت من السياره ومشت شوي وردت للسياره
- انا احبك واعترف اني جبانه
- عبود خلاص روحي بس بس لو تحبيني ارحميني وروحي روحي
وراحت عبود ودخلت وطبعا كانت تنتظرها شيخه وكانت مطفيه النور وماشافت ويه عبود
- تو الناس وينك
- كنت بالمستشفى صار لي حادث
- علي انا
- شوفي ويهي وبتعرفين
وشغلت الليت وشافت ويه عبود كله غرز ويدها دم
- سلامتك حبيبي ليش ماكلمتيني
- موبايلي انكسر
- ان زين يعورك
- ايه يعورني وايد
قالتها وهي تبشي اللي يعورها مو ويها اللي يعورها قلبهاهو اللي يبتشي
اما نصور ردت البيت ودخلت الغرفه واخوها ينطرها
- نصور لازم نتكلم
- اش تبي تقول
- شنو بينك وبين عبود ولا تشذبين
- شنو يكون بيني وبينها
- مدري انتي قولي
- بقولك اللي تبي تسمعه احبها وبيني وبينها علاقه موانتو اللي ربيتوني تشذي اش تتوقع مني مو انت اللي كنت تاخذني وياك عشان نقز البنات وانت اللي كنت تقص شعري كل ماتيي من الحلاق مثل قصتك مو سلمان اللي اخذني وياه ويقول في شباب ووناسه مو ابوي اللي كان يفصلي ثوب مثلكم للعيد موغانم كان يسمعني اشعار حبيبته مو انتو سميتوني نصور اش تتوقع مني وانا مثلكم حتى الشئ اللي كان يفرق اني بنت راح وصرت مثلكم من تبيني احب صديقي في الجامعه انا ماتعلمت غير حب البنات لاني مومثلهم لاني مثلكم ادري انه غلط بس شايفته صح
- واه يانصور كل هذا في قلبك وكيف دريتي
- مومهم شلون ماتفرق
-نصور كلنا نحبك ندري انا ربيناك غلط الظاهر نسينا انك بنت
- لا مانسيتو بس تناسيتو وسرقتو انوثتي
- ان زين من اليوم ورايح راح نعاملك بنت
- لا انا ابى اكون ولد لاني مستحيل اكون مثل اي بنت مستحيل يكون لي بيت وعيال
- لاتقولين تشذي
- ماهقيت اصلا مابي شئ من الدنيا دام الشخص الوحيد اللي اقدره مو بلي
- قصدك عبود
- ادري ان حبي لها غلط بس احبها حتى لو كانت ولد اكيد بحبها انا حبيتها لقلبها
- نصور اول مره اشوفش تشذي شكلك صج تحبينها انا ماراح امنعك من شئ دام انتي عارفه انه غلط
اما عبود ظلت مع شيخه وفي يوم قالت شيخه لها
-حبيبي اش رايك يكون عندنا بيبي
- مافهمت
- يعني نييب لنا نونو صغيرونيناديني ماما ويقولك بابا
-هههههههههه من صدجك انتي مصدقه اني ريال ومن وين بنيبه بتخليني ريال
- لا مايحتاج نسوي عمليه صغيره واحمل
- وشلون
- ياقلب نسوي تلقيح صناعي
- ومن الابو
- مومهم المهم انتي الام
- انا مني فاهمه
- يعني انتي الام البيولجيه وانا الحاضن يكبر ويربي ولدنا ببطني وتشذي يصير لنا الاثنين
- لا هذا حرام واصلا هني
- االفلوس تسوي كل شئ
- ولما يكبر بيسال منو ابوه اش بنقول له
- مات
- وتهقين راح يشوف اللي بينا وش راح يقول
- ماعلينا المهم بنروح اليوم عشان ناخذ منك اللي نبيه
- قررتي عني تشذي
- ليه انتي مو موافقه
كالعاده سكتت بدون رد بس ظلت تفكر ان الموضوع زاد عن حده ولازم تشوف حل بس وين تروح ومين يتلفاها ويكون لها ظهر ظلت تفكر طول الايام والليالي وفي يوم يت شيخه لها
- حبيبي اش رايك نروح الشاليه
- وشلون اروح وويهي تشذي
- ينن شكلك قوي يخوف فديته
- من صدجك
-ايه يلا قومي
وهم يلبسون يت عبود بتسوي شعرها بس ماقدرت ايدها تعورها وايد ويوم شافتها شيخه محتاره يتها
- تبيني انا اسويلك شعرك
ويوم ناظرت عبود بالمنظره تخيلتها نصور وهي تقول لها
- ها حبيبي اش تبين فرساتشي ولا سبايكي
- ابيك انتي
وبكت واستغربت شيخه قالت
- اش فيك انا هني
- ادري
وراحو وهناك كانت شيخه مسويه لعبود حفله عشان سلامتها وريما وخلود استغلو الموقف ويت ريما لعبود
الموضوع الأصلى من هنا: منتديات طرطعة http://forum.6r63h.com/showthread.php?t=108023
- سلامتك عبودي ما تشوفين شر
- الشر ماييك
وخلود راحت لشيخه
- سلامات ع الحلو
- الله يسلمك
- والله عبود محبوبه من الكل والكل يحبها
- ادري
- انتي تشم تعطينها
- نعم اش قصدك
- ايه لان سمعت ان ليلتها غاليه
- منو قال هالكلام
- وايد كنت ابيها سالتهم قالو تاخذ الف دينار
-خلود منو قالك
- والله سمعت باذني بس تصدقين تستاهل اللي جربو قالو عطيناها الفين
- من جرب
-شخصيات مهمه
ونصور كانت بس بغرفتهاماتنزل وجاها ابوها
- نصور اش فيش يابنتي
- مافي شئ يبه
- طب وراك ماتنزلين تغلين علينا
- محشوم يبه بس تعبانه شوي
- اوديك الطبيب لك اسبوعيو تعبانه
- مايحتاج بكون احسن ان شاء الله
وشلون تكون احسن وهي بعيده عند اغلي انسان لها بالدنيا
خلصت حفلة عبود وراحو كل الناس وشيخه احترقت بنارها ويوم صعدو فوق مانتظرت مافاقت عبود الا وشيخه طقتها طراف على ويها على جرحها بعدبدون ماتحس ورمتها علي السرير وبعد ماخلصت منها رمت فلوس على ويه عبود
- والله غاليه يالحقيره انا اللي خليتك ادميه عيشتك بمستوى ما تحلمين فيه وتخونني يارخيصه وتقبضين الثمن صج انك من الشارع انا الغلطانه رفعتك يالواطيه هذا مستواك من اليوم ورايح بدفع حق ليلتك كل ليله اهم شئ تونسيني والبيت مالك طلعه منه الا لقبرك مو انا اللي انباع انا ابيع واللي مثلك ابيعه بتراب ريولي

عبود ماردت لان ىحتى لو ردت ماتفرق وركضت دخلت الحمام واسخبت ورا الباب وجرحها ينزف وهي ظلت تسحب الغرز وحده وحد الين ماطاحت من كثر الالم الين الصبح وصحت شيخه من النوم ولقت باب الحمام مقفل ودقت الباب محد رد وظلت تدق محد رد اين ماكسرت الباب ولقت عبود طايحه بدمها وودتها المستشفى وخيطو جرحها وعبود بس تفكر اشلون تهرب وان هربت بترد لها نصور ولا لا وردو البيت
وعبود فكرت تشتري لها شقه وتسحب الفلوس بس كيف تطلع شيخه يتذبحها لوطلعت وجا يوم وطلعت شيخه من البيت وطلعت عبود وقالت للحارس ان مايقول انها طلعت وراحت صرفت الفلوي وباعت الشقه واشترت شقه وكتبتها باسم نصور واللي تبييه دق الحارس على شيخه وقال لها انها طلعت سوى مثل ماتبي بالضبط ويوم ردت البيت
- عبود انا مو قلت ماتتطلعين
واعطتها طراق وطلعت عبود كيس من الجنطه وقالت
- عيد زواج سعيد صار لنا سنتين
وصعدت فوق وصعدت وراها شيخه
- اسفه عبود
- عادي
- لاتزعلين مني زين
- وشلون ازعل منك انتي عمري
وجا اليوم الموعود وباليل وشيخه نايمه طلعت بليل اظلم ونقزت من فوق الطوفه حتى مايشوفها احد وهي خايفه تناظر احد بيلقاها واحد وراها الين وصلت البيت ودخلت وحست اول مره بحريه ودخلت الغرفه لقت سرير لهل بحريتها محد يشاركها فيه وطوالي رسلت مسج لنصور كتبت فيه
- انا تركت شيخه وصرت حره بس قلبي لا لانه وياك ارحميه شوي يابخته عندك ياليتني اكون كلي عنك
نصور قرات المسج ومي مصدقه ومحتاره تتصل او لا ماقدرت تقاوم اتصلت
- صج عبود
- ايه نصور
- مدري اش اقول
- انا ادري اش بقول بقول احبك وانا لك بس
- خايفه اصدق وخايفه افقدك
- لقيتيني ماراح اضيع
- انتي وين بييك
- لا موالحين باكر
- لا الحين اخاف تضيعين
- انا ضعت بحبك انتي
- اسم الله عليك انا بدلك
وراحت لها البيت وكانها بحلم ويوم وصلت
- ليش ييتي ليش
- خفت اكون بحلم واصحي ماالقاك
وقعدو يسولفون طول الليل وكانت عبود تسمع بس تسمع احلى صوت بالدنيا بس مانست شيخه ولا خوفها منها وعليها ويا الصبح وصحت شيخه مالقت عبود تدور يمين يسار فوق وتحت البيت خالي مافيه احد غير صوت النار داخلها من قهرها انها مو هي اللي تنباع هي تبيع ودرت انها باعت الشقه وسحبت الفلوس ومرت الايام بسرعه وقررت عبود انها تشتغل عشان تعيش وكانتتبي تشتغل باشئ اللي هي تحبه التصميم وراحت كذه محل ومالقت الين لقت محل صغير دخلت
- السلام عليكم
- وعليكم السلام
- عفوا وين المدير
- انا المدير امري
- مايامر عليك عدو بس انا مصممه وجايبة لك تصاميمي اذا عجبتك بعطيك بالسعر اللي تبيه
- حلو اصلا كل اللي اشتري منهم شباب واغراضهم تنباع هني بس وزبايني خاصين بس معك كتالوج
وشاف شغلها وعجبه وايد ووافق يشتغل معها وكانت تصمم وتنفذ وظنت ان همومها راحت اما شيخه كانت تدور وين مي بعارفه اما خلود عرفت ان ريما ورا سالفة ابوها وانها دلته عليها عشان تبي فلوس بس خلود ما قالت شئ ورسلت واحد لريما يغريها بالهدايا ويعطيها اللي تبيه وصورتها معاه فيديو عشان ترد حقها ونصور كانت مستانسه مع عبود وشيخه دورت علي عبود بس مالقت شئ ويت لبيت نصور
- وين نصور
- انتي اش تبين يايه
- سمعيني زين قولي لي وين عبود ولا اخليك انتي في الشارع
وسمع ابو نصور الكلام
- نصور منو هذي وليش تهددنا
- يبه ماعليك هذي مينونه وبتطلع من هني بكرامتها
- اخر كلام عندك يانصور
- ايه مدري وين عبود
- يبتيها لنفسك
- اللي ماتواصلينه بيديك وصليه بريولك
وطلعت شيخه من البيت وعرفت انها لازم تدور ورا نصور مو عبود لان عبود مي غبيه وماراح تكتب شئ باسمها واكيد بتكتبه باسم نصور وصارت تدور وتدور وفعلا لقت شقه باسم نصور ورسلت يطاردونها عشان يعرفون العنوان ولحقوها لين البيت ونزلو وراها وخلت اللي معاها يطقون نصور ويعتدون عليها ونصور تدعي بخاطرها ان عبير ماتيي وعبير ذاك كانت وياه حمد مديرها عشان توريه الكولكشن اليديد وحمد كان دايم مستغرب ان عبود وييها عليه شاش دايم ولما وسالها
- انتي صار لك حادث
- ايه قريب
- سلامتك وييهك انحرق
- لا مجروح جرح عود
- المهم سلامتك وييهك عمليه بسيطه ويرد مثل ماكان
- الله يسلمك
- بسالك سؤال بس مستحي
- افه يبنا ميانه
- ان زين انتي مرتبطه
- تقريبا
- يعني مخطوبه
- ممكن انا بروح الحين
- تو الناس
- لازم اروح عشان ابدأ انفذ التصاميم
- دام تشذي مسموحه فمان الله
وراحت للبيت وقرها كان يحتريها هناك ومن لحظق دخلت من الباب لقت نصور على الارض مطقوقه ياتها تركض
- نصور اش فيش
ماردت نصور والتفتت وراها ولقت شيخه
- حياك عبودي
- شيخه
- ايه شيخه
- اش سويتي لنصور ترى مالها ذنب
- خايفه عليها دورك ياي
ويو اللي معاها ومسكوها من ايدها وشالو نصور بعد
- لا انا سوي فيني اللي تبين بس بحق حبك لي خليها تروح
- انتي خليتي فيها حب
- شيخه انا عادي انتي هلي بس هي حرام عندها اهلها وماراح يخلونك
- وانا بخاف منهم
- ارجوكي شيخه ارجوك
- انا بخليها تروح بس مو خوف من اهلها او عشان احبك بس عشانها ماتهمني اصلا
وتركت نصور وخذت عبود وياها وحبست عبود في غرفة تحت البيت غرفه مظلمه وبارده وقفلت عليها اما نصور يوم بدت تصحي ومالقت احد عرفت ان حلمها خلص وراحت بيتها ودخلت تسحب عشان محد يشوفها وهي ودخلت تحت اللحاف وهي تفكر بحال عبود اللي كانت بردانه وعطشانه وكانت شيخه تخلي الرياييل يغتصبونها كل ليله وهي دخلت على عبود وهي على الارض
- ها اش رايك فراشي ولا فراشهم
- شيخه ارحميني حرام عليك اللي تسوينه فيني حرام
ليش رحتي لها وخليتني(طبعا قصدها نصور)
ماردت عليها عبود وهي خارجه من الباب قالت عبود
- تفهمني وتسمعني وتعطيني بدون مقابل
وخرجت شيخه من الباب ونصور قررت تروح لشيخه عشان تنقذ عبود وتساعدها ويت لشيخه
- شيخه واللي يخليك خليني اشوفها
- اولا انا عمتك شيخه ثانيا انتي منو عشان تشوفينها
- حرام عليك اللي تسوينه فيها هي تقدرك وماتركتك الا عشان
- عشان شنو عشانك سمعي يابنت الناس اناعفيت عنك لاتخليني اتراجع بكلامي
- ان زين اشوفها بس
- طلعي بره لا اوريك شئ عمرك ماشفتيه
وراحتنصور بحسرتها وهي عاجزه تسوي شئ للي رمت نفسها بالنار عشانها واستمر الحال ويت شيخه تشوف عبير
- شيخه الله يخليك لاتخلينهم ييون والله اسوي لك اللي تبينه
- اللي ابيه انك تسمعيني كلمتين بس
- وش هم
- لا انتي عرفيهم بنفسش ولما تعرفينهم بتطلعين من هني
وطلعت من البيت وعبير اصلا ماتقدر تفكر من التعب تسال نفسها وش تبيها تقول وعرف اش تبيها تقول
ويوم ياتها مره ثانيه
- ها عرفت اش تقولين
- انا احبك (وفي قلبها قالت انا احبك نصور)
- والله ذكيه بس صج تحبيني
- ايه اصلا انا مالي غيرك
وطلعتها من العذاب اللي هي فيه وعبود كانت ماتحشي لانها سجنتها في البيت ماتكلم احد ولاتشوف احد وفي يوم بدت تحس بالم ببطنها وسكتت مااشتكت بس وهي نايمه
- آه آه شيخه لحقي علي بموت
- عبود اش فيك
- مادري بموت
وخذتها للمستشفي وهناك عرفو ان صار عندها نزيف وايد واضطرو يشيلون الرحم ودرت عبير ان اخر قطرة امل باقيه عندها ذهبت مع الريح ويتها شيخه
- عبود ماعليك اصلا انا حامل بولدك
- هاه شلون
- ايه حبيت اخليها مفاجاه بس بقولك عشان ترتاحين
سكتت عبير بدون رد ونصور كانت على امل انها تسمع صوتها اوتشوفها وراحت وقفت عند باب البيت ومن حظها ان عبود في ذه اليوم طلعت من المستشفى وشافتها وهي داخله وعيونها دمعت بدون شعور وظلت واقفه يومين تقول ممكن تطلع وتشوفها مره ثانية بس ماطلعت وردت نصور البيت وصارت ماتطلع من البيت موليه وحزينه وحال عبود مو مختلف واردي ومرت الايام والشهور وحمد مستغرب غيبة عبود بس ماعرف وينها ويا موعد ولادة شيخه واخذوها النستشفي وحالتها تعقدت وقالو لازم عمليه وعبود اول مره تشوف شيخه خايفه
- شيخه لاتخافين بتقومين بالسلامه
- عبود لاتنسيني
- ماراح انساك اصلا انتي بتطلعين من هني وبنربي بنتنا
- عبود اوعديني انك ماتنسيني
- اوعدك لاتقولين تشذي مستحيل انساك
ودخلت غرفة العمليات ويابت بنيه بس هي ماطلعت واللي كانت حاسه فيه صار وماتت عبود انصدمت ماصدقت وطلبت طلب واحد انها تبي تشوفها ودخلت عليها واول مره تشوف شيخه مستسلمه ورمت نفسها على شيخه وبكت بكت
قربك عذاب وفراقك ذبحني
خلي بينا عتاب قبل لاتبتعد عني
ايه احبك من يامعذب القلب
ايه احبك يارفيق الدرب
ويالين لوملره ظني بك خاب
ومر يوم من دون ماتجرحني
طبعا ركضت لنصور ونصور مي مصدقه وكانت عبود تبشي كل يوم ونصور مستغربه
- انا متعجبه منك ليش تبكين
- عمري ماتمنيت لها الموت
- هذا بامر الله بعدين انتي ماسميتي بنتك عليها يعني ماماتت
- حتى وهي ميته انانيه بدال ماتقول سامحني تقول لاتنسيني
- لازم تنسينها
- حتى الحلال حطت شروط العقد وانا اللي ربحتها
- خلاص عبود شوفي حياتك
- تهقين انساها
- انا بنسيك
وحمد عرف عنوان عبود وراح لها البيت
- حياك حمد
- اش فيك خرعتيني وين غطيتي
- لا بس صارت لي ظروف
- الله يعينك بصراحه انا مستحي اقولك بس انا بصراحه معجب فيش وادري انك مو بخطوبه
- واش اللي عجبك بالضبط ويهي المشوه ولا شعري المقصوص
- كلك انتي انسانه محترمه ولي الشرف لو تكونين نصيبي
- ماصلح لك
- ليش
- تبي تعرف ليش عندك وقت
-سامعك
وقالت كل اللي صار معاها وتفاجا حمد ويم خلصت قالت له
- روح الله يوفقك بغيري
- واهلك مالقوك
- ولا هقيت يبوني ارد
- وان رديتهم لك
- فيك الخير
وخرج من البيت وهو مصمم يلقى اهلها اما خلود وريما كشفوا ويهم على بعض
- ريما ابيك تقولين للريال اللي ارسلتيه انا يفكنا ولا بوريك شئ عمرك ماشفتيه
- اي ريال مافهمت
- لاتسوين نفسك غبيه شوفي اذا ماحل ومارديتي فلوسي اضيعك
- اش بتسوين
- انتي عارفه انا بنت منو ولو اشرت لابوي يوديك في داهيه
- بكيفك اهو
- ايه فاكره خالد والفندق
- من وين عرفتي
- انا اللي رسلته وخليته يصورك يعني ان ماعطيتيني اللي ابيه بتضيعين
- والله قويه ياخلود طلعتي احقرمنك
- موانا اللي اتهدد ياواطيه شوفي اعطيني اللي ابيه ولا انتي واهلك تصبحون في ديرتكم الاصليه وانتي فاهمتها
- من وين ايب صرفتها كلها
- مايهمني بعطيك يوم وبعدها بتشوفين
وخافت ريما وعرفت انها تدفع ثمن كل خطاياها واهلها معاها بعد ومالقت وكل اللي كانو تعرفهم ماعطوها ومر اليوم ومالقت وفعلا نفذت خلو تهديها وراحت لابوها وقالت ان ريما حراميه ونصابه وانها متفقه مع الريال وفعلا خذت الشرطه ريما ويوم عرفو انها بدون سفروها هي واهلها بس مابطلت عادتها السيئه وظلت مثل ماهي وخلود عقلت بعد ماحبت واحد من طبقتها وتزوجته ومرت سنه ونصور وعبود ما كانو يفترقون ومره نصور سمعت عبود تقول حق شيخه الصغيره
- ها خوخه ابيك تصيرين حلوه مثل ماما شيخه
نصور تمللت وراحت ويوم كانو ياكلون
- ها شيخه سوري
وقلبت نصور الطاوله
- لهني وبس اتحمل كل الا انك تناديني باسمها
- اسفه بدون قصد
- مايهني تقصدين ماتقصدين انا طفح كيلي منك خاتمها لسه بيديك عادي صورتها يمك عادي تشمين عطرها هم عادي لكن تناديني باسمها انا منصوره مو بشيخه وشلون مانسيتها موانتي اللي كنت تيين تشتكين منها وانا اقول معليش واخذك بحضني وامسح دمعتك وللحين تحبينها
- لا انا ماحبها
- بس للحين انتي بسجنها واذا طلعتي منه بتلقيني
الموضوع الأصلى من هنا: منتديات طرطعة http://forum.6r63h.com/showthread.php?t=108023
وراحت نصور وعبود وقفت ماسوت شئ وهذا زاد قهر نصور
كل مره تقولي اسف وانت تتعمد خطاك
اه ياويلي من العواطف اللي خلتني معاك
لما صبري زاد عن حده ومل
قلت ابعد يمكن القى البعد حل
وذه قراري باختياري
مابي اسمع رجاوي
وراحت ععبود طالع ويها بالمنظره شافت جروح شيخه بويها وعرفت ان كلام نصور صج وانها للحين بسجن شيخه وطلعت الخاتم من ايدها وكبت العطر وحرقت الصوره وهي تدري انها
مجبور انا اعيش من بعد فرقاك
والقى امل غيرك يجدد حياتي
صدقني راح اقوى ع البعد وانساك
واعيش لنفسي وذاتي
محيت من قلبي خيالك وذكراك
مثلك حرام يكون بذكرياتي
وراحت لطبيب تجميل وسوت ويها وغيرت لون شعرها وباعت البيت وراحت لنصور ودخلت على نصور وهي نايمه حطت ايدها على ايد نصور
- حلم انتي حلم ماابي افتح لاني مابلقاك انتي حلم بحياتي مو واقع
- لا انا هني واقع يمك ايدي على ايدك وانفاسي تنفخ بشعرك وابيك تسمعين
- اسمعك
- انا احبك واقصدها لانك محور حياتي وقلبي وروحي انتي اغلى لنسانه علي وابيك تسمحي لي اني امسح دمتك واحب راسك اذا زعلتي واذا عطيتيني ظهرك اسحبك من ايدك وما اخليك تروحين واسجنك بحضني مثل ماسجنتيني بقلبك
- اكيد حلم
- فتحي عيونك وناظريني
- ماابي اخاف ماالقاك
- بتلقيني ناظريني بس
وفتحت عيونها وناظرتها
- ويهك
-جروحي برت وانتي الطبيب المداوي
-وقلبك
- معاك مدري عنه
بيلك شوق تكفين ضميني
ابيك كل اللي راح تنسيني
بظل معاك ايامي وسنيني
وكل اللي قبلك مااذكره
وبييلك حب بحضنك لميني
بردانه في عز الصيف دفيني
وان تهت بحبك لا تدليني
وين مااقى عبيرك بتبعه
لسه القصه مانتهت لان حمد راح ولقى اهل عبير ويابهم لها ودق اخوها الباب
- ممكن عبير
- ناصر لا مااصدق اخوي
- ايه اخوك لقيتك
- ليش الحين تاخرتو
- قلبنا عليك الدنيا
- ابوي شلونه
- الله يرحمه
- لاتقول وهو غضبان علي
- لا سامحك وحللك
- وامي
- في السيارة خافت تنزل ماتلقاك
وطلعت بره لامها
- يمه سامحيني
- مسامحه ومعذوره بس ليش سويتي تشذي هنت عليك
- لايمه لا بس ماقدرت اكمل شوفوني عندي بيت وحياة
ودشو البيت داخل ونصور مي فاهمه
- ناصر انت و اخوها وشلون لقيتوها
- واحد الله يستر عليه دلنا عليها
وكانت عبود تحكي عن نصور لامها واخوها وظللو عندها بس لازم يردون ووصلتهم للمطار
- مصممه تظلين هني
- هني بيتي ولي ناس
- وهناك بيتك
- ادري بس ماقدر اترك نصور وراي
- ان زين ديري بالك على روحك
- لا موانا اللي بديرها نصور بدير عليها
- الله يوفقك
- انتو اذا اشتقتولي كلموني وراح ايبكم
-فمان الله
ويم صعدو السيارة سالت نصور بغرابه
- ليش مارحتي معاهم
- مقدر اخليك ادري اني حياتك
- ومن قال انك حياتي واثقه
- عيني بعينك ادري اني حياتك لانك حياتي
- وانتي صاجه انتي حياتي
ومرت الايام والسنين وكانت شيخه عندها امين نصور وعبود وظلو مع بعض الثلاثه مو للابد لين ربي اخذ امانته.
طبعا الورد له عبير وكل بنت ورده لازم تلقى عبيرها في ناس يلقونه بامهم بابوهم باخوانهم في زوجهم او رفيجتهم يعني ياورود تلفتو حوليكم عبيركم ماراح لازم تلقونه لانه لو راح يتضيعون.
اتمنى ان القصه تعجبكم وتنال رضاكم صح هي جريئه بس لازم الجراه عشان نلقى حلول لمشاكنا ادري الموضوع اللي تكلمت عنه حساس مره بس هذا خيال اتمنى انه مايصير حقيقه واتمنى ان قصتي تنعرض في يوم عشان الكل يقدر الورود وعبيرها.

[ثلج حساس]

من جد القصة روووعة وحمااااس وجرييئة
الى الامام وننتظر جديدك
ثلج حساس

[top10]

يسلمو وشكرا علي مرورك